کوئٹہ : شہری کی فائرنگ سے ڈاکو ہلاک ہوگیا جبکہ ہزارہ ٹاؤن سے خاتون کی تشدد زدہ لاش برآمد ہوئی ہے۔
پولیس کے مطابق شہر کے نواحی علاقے سریاب روڈ ڈگری کالج کے قریب ڈاکو نے گن پوائنٹ پر طالب علم سے موٹرسائیکل چھیننے کی کوشش کی تاہم شہریوں نے موٹرسائیکل چھیننے کی کوشش ناکام بنا دی اورمزاحمت پر شہریوں کی فائرنگ سے ڈاکو ہلاک ہوگیا۔
پولیس کے مطابق مذکورہ مارے جانے والے ڈاکو کا تعلق بولان کے علاقے سے ہے ، دوسری جانب ہزارہ ٹاؤن سے خاتون کی تشدد زدہ لاش پولیس نے برآمد کر لی ہے۔
پولیس کے مطابق خاتون کو تشدد کے بعد تیزاب چھڑک کر قتل کردیا، دونوں واقعات کا پولیس نے مقدمہ درج کرکے تفتیش شروع کردی۔
