ARYNews.tv | Urdu – Har Lamha Bakhabar

Tag: khawaja Asif

  • اللہ کاجتنا شکر ادا کریں کم ہے، خواجہ آصف

    اللہ کاجتنا شکر ادا کریں کم ہے، خواجہ آصف

    اسلام آباد : وفاقی وزیرپانی وبجلی خواجہ آصف کا کہناہےکہ اللہ کا جتنا شکر ادا کریں کم ہے۔انہوں نےکہاکہ نوازشریف آئندہ انتخابات جیت کربھی وزیراعظم ہونگے۔

    تفصیلات کےمطابق سپریم کورٹ کےباہر میڈیا سے بات کرتے ہوئے وفاقی وزیرپانی وبجلی خواجہ آصف کاکہناتھاکہ وزیراعظم میاں محمد نوازشریف کمشین بنانےکےلیےخط لکھ چکے تھے۔ان کا کہناتھاکہ اللہ تعالیٰ کا جتنا شکراداکیاجائےکم ہے۔

    دوسری جانب وفاقی وزیراحسن اقبال کا کہناتھاکہ وزیراعظم نوازشریف کو چور دروازے سے ہٹانے کی کوشش کی گئی۔

    ادھر وفاقی وزیرخواجہ سعد رفیق کاکہناتھاکہ میاں محمد نوازشریف آج پھر سرخرو ہوئے۔ انہوں نے کہاکہ جے آئی ٹی کے ساتھ مکمل تعاون کیاجائےگا۔

    وزیراعظم میاں محمد نوازشریف کی صاحبزادی مریم نوازشریف نے سماجی رابطے کی ویب سائٹ پراپنی ٹویٹ میں وزیراعظم نوازشریف کو مبارک باد دی اور الحمد اللہ کہا۔

    پاناما کیس فیصلہ: رقم قطر کیسے گئی‘ جے آئی ٹی بنانے کا حکم

    واضح رہےکہ سپریم کورٹ نے پاناما لیکس کے معاملے پر وزیراعظم نواز شریف کے خلاف دائر درخواستوں پر مشترکہ تحقیقاتی ٹیم (جے آئی ٹی) بنانے کا حکم دے دیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • ملک کو غیر مستحکم کرنے والوں سے رعایت نہیں برتی جائے گی: وزیر دفاع

    ملک کو غیر مستحکم کرنے والوں سے رعایت نہیں برتی جائے گی: وزیر دفاع

    اسلام آباد: بھارتی جاسوس کلبھوشن یادیو کو سزائے موت سنائے جانے کے بعد وفاقی وزیر دفاع نے کہا ہے کہ ملک کو غیر مستحکم کرنے والوں سے رعایت نہیں برتی جائے گی، کلبھوشن کی سزا ہمارے دشمنوں کے لیے وارننگ ہے۔

    تفصیلات کے مطابق بھارتی جاسوس کلبھوشن یادیو کو سزائے موت سنائے جانے کے بعد وفاقی وزیر دفاع خواجہ آصف کا بیان سامنے آگیا ہے۔

    خواجہ آصف کا کہنا ہے کہ ملک کو غیر مستحکم کرنے والوں سے رعایت نہیں برتی جائے گی۔ انہوں نے کہا کہ کلبھوشن کی سزا ہمارے دشمنوں کے لیے وارننگ ہے۔

    مزید پڑھیں: بھارتی جاسوس کلبھوشن یادیو کو سزائے موت سنا دی گئی

    وزیر دفاع کا کہنا تھا کہ کلبھوشن کی سزا پاکستان کے قانون کے مطابق ہے۔ بھارتی حکومت پاکستان کے خلاف ریاستی دہشت گردی میں ملوث ہے۔

    انہوں نے اس بات کا اعتراف بھی کیا کہ بھارت سے تعلقات خوشگوار اور آئیڈیل نہیں۔

    یاد رہے کہ سزائے موت سنائے جانے والے بھارتی جاسوس کلبھوشن یادیو کو گزشتہ برس 3 مارچ کو بلوچستان سے گرفتار کیا گیا تھا۔

    بھارت نے تسلیم کیا تھا کہ بلوچستان سے پکڑا جانے والا جاسوس کلبھوشن یادیو بھارتی نیوی کا افسر تھا اور اس نے بحریہ سے قبل از وقت ریٹائرمنٹ لی تھی۔

    گرفتاری کے بعد کلبھوشن نے اعترافی بیان میں انکشاف کیا تھا کہ وہ بلوچستان میں علیحدگی پسند بلوچوں سےملاقاتیں کرتا رہا ہے اور ان ملاقاتوں میں اکثر افغانستان کی انٹیلی جنس کے اہلکار بھی موجود ہوتے تھے۔

    پاک فوج کے شعبہ تعلقات عامہ آئی ایس پی آر کے مطابق کلبھوشن کو فیلڈ جنرل کورٹ مارشل کی جانب سے پاکستان میں جاسوسی اور انتشار پھیلانے پر سزائے موت سنائی گئی ہے۔ بھارتی جاسوس کا مقدمہ آرمی ایکٹ کے تحت فیلڈ جنرل کورٹ مارشل میں چلایا گیا تھا۔

  • عسکری اتحاد یمن میں‌ مداخلت نہیں‌ کریگا، ایرانی تحفظات دور کریں‌ گے،خواجہ آصف

    عسکری اتحاد یمن میں‌ مداخلت نہیں‌ کریگا، ایرانی تحفظات دور کریں‌ گے،خواجہ آصف

    اسلام آباد: وزیر دفاع خواجہ آصف نے کہا ہے کہ حکومت نے راحیل شریف کو این او سی خوشی سے دیا، سعودی عرب نے خود راحیل شریف کی خدمات مانگی تھیں، عسکری اتحاد یمن میں مداخلت نہیں کرے گا، ایران کے تحفظات کو دور کریں گے۔

    ایک نجی ٹی وی چینل کو انٹرویو دیتے ہوئے وزیر دفاع خواجہ آصف نے کہا ہے کہ حکومت پاکستان نے سعودی عسکری اتحاد کے لیے راحیل شریف کو این او سی خوشی سے دیا، مختلف عرب ممالک کے ساتھ فوج کا پرانا رشتہ ہے۔

    سعودیہ عرب نے ہمیں خط لکھا تھا

    ان کا کہنا تھا کہ سعودی عرب نے عسکری اتحاد کے معاملے پر پاکستانی حکومت کو باقاعدہ خط لکھا جس میں اتحاد کے لیے راحیل شریف کی خدمات مانگی گئی تھیں۔

    ہماری افواج کا کردار سعودی سرحدکے اندر ہوگا

    خواجہ آصف نے کہا کہ ہم فوجی تربیت کے لیے سہولتیں فراہم کررہے ہیں، فوجی اتحاد میں ہم ایران کے تحفظات کو دور کریں گے، عسکری اتحاد میں ہماری افواج کا کردار سعودی سرحدکے اندر ہوگا، یمن میں ہماری اب بھی کوئی مداخلت نہیں ہوگی۔

    عمران خان نے آرمی چیف سے ملنے کی خواہش ظاہر کی تھی

    آرمی چیف قمر باجوہ اور پاکستان تحریک انصاف کے چیئرمین عمران خان کی ملاقات پر انہوں نے کہا کہ عمران خان نے آرمی چیف سے ملنے کی درخواست کی تھی، ملاقات کا ایجنڈا عمران خان کو ہی پتا ہوگا۔

    ڈان لیکس کا ایشو ختم ہوگیا

    ڈان لیکس کی رپورٹ منظر عام پر لانے کے معاملے پر ان کا کہنا تھا کہ ڈان لیکس کا ایشو ختم ہوگیا ہے۔

    پیپلز پارٹی اور ہماری کوئی ڈیل نہیں ہوئی

    مخالفین کی جانب سے ن لیگ اور پی پی کے درمیان ڈیل کے الزامات کو مسترد کرتے ہوئے انہوں نے کہاکہ ہماری اور پیپلز پارٹی کے درمیان کسی معاملے پر ڈیل نہیں ہوئی۔

  • پانی کی کمی کی وجہ سے لوڈ شیڈنگ ہو رہی ہے‘ خواجہ آصف

    پانی کی کمی کی وجہ سے لوڈ شیڈنگ ہو رہی ہے‘ خواجہ آصف

    سیالکوٹ: مسلم لیگ ن کے رہنما خواجہ آصف کاکہناہےکہ حکومت بجلی کی لوڈشیڈنگ پرقابو پانےکےلیے تمام ممکنہ کوششیں کررہی ہے۔

    تفصیلات کےمطابق وفاقی وزیرپانی وبجلی خواجہ آصف کا کہناہےکہ گرم موسم کے باعث بجلی کی موجودہ لوڈشیڈنگ عارضی ہے۔

    خواجہ آصف نے کہا کہ پانی کی کمی کی وجہ سے لوڈ شیڈنگ ہو رہی ہے، پانی کی کمی سے4 سےساڑھے4 ہزارمیگاواٹ بجلی کی کمی آئی ہے، رواں ماہ پانی کی مقدار میں اضافہ ہونا شروع ہو جائےگا۔

    انہوں نے کہاکہ حکومت بجلی کی ترسیل میں ضیاع کو روکنے کےلیےاقدامات کررہی ہے جس سے صورت حال میں جلد بہتری آئےگی۔

    سی پیک وزیراعظم نوازشریف کی کوششوں کانتیجہ ہے‘ وزیرپٹرولیم

    وفاقی وزیرپانی وبجلی خواجہ آصف نےلوگوں پرزوردیا کہ وہ بجلی کے غیرضروری استعمال سےگریز کریں۔انہوں نے مزید کہاکہ ان کی وزارت نے 116 ارب روپے ریکوری اور لائن لاسزکی مد میں بچایا ہے۔

    سہانےخواب دکھانےکےبجائے عملی اقدامات پر یقین رکھتاہوں‘ وزیراعلیٰ پنجاب

    یاد رہےکہ گزشتہ ہفتے وزیراعلیٰ پنجاب نے ای روزگارٹریننگ پروگرام کی افتتاحی تقریب سےخطاب کرتے ہوئےکہاتھاکہ بجلی کے ایسے منصوبے شروع کیے جا رہے ہیں جن کی ملکی تاریخ میں کوئی مثال نہیں ہے۔

    شہبازشریف کا کہناتھاکہ رواں سال کے اختتام یا اگلے سال کےشروع تک لوڈشیڈنگ کا مکمل خاتمہ کردیا جائےگا۔

  • سعودی عسکری اتحاد: حکومت نے راحیل شریف کو این او سی جاری کردیا

    سعودی عسکری اتحاد: حکومت نے راحیل شریف کو این او سی جاری کردیا

    اسلام آباد : حکومت پاکستان نے سابق آرمی چیف راحیل شریف کے سعودی عسکری اتحاد کی سربراہی پر کسی بھی قسم کا اعتراض نہ اٹھاتے ہوئے ان کی نئی ذمہ داریوں پر تحریری طور پر رضامندی کا اظہار کردیا۔

    وزیرِ دفاع خواجہ محمد آصف نے اپنے ایک بیان میں اعتراف کیا ہے کہ حکومتِ پاکستان کو سابق آرمی چیف راحیل شریف کے سعودی عسکری اتحاد کی سربراہی پر کوئی اعتراض نہیں ہے اور اس حوالے سے سعودی حکام کو بھی تحریری طور پر مطلع کردیا گیا ہے۔

    یہ پڑھیں: انتالیس اسلامی ممالک کا فوجی اتحاد، راحیل شریف سربراہ مقرر

    خواجہ آصف نے مزید کہا کہ جنرل (ر) راحیل شریف کا سعودی عرب جا کر اسلامی افواج کی قیادت سنبھالنا دونوں حکومتوں کا باہمی معاملہ ہے جسے احسن طریقے سے حل کرلیا گیا ہے۔

    یہ پڑھیں: راحیل شریف کی تعیناتی؟ چیئرمین سینیٹ نے حکومت سے جواب مانگ لیا

     خواجہ آصف نے بتایا کہ سابق آرمی چیف راحیل شریف وہاں سعودی اتحاد کا فوجی کا انتظامی اور عسکری ڈھانچہ ترتیب دیں گے اور دہشت گردی کے خلاف جنگ میں کامیابی کے لیے ضروری تربیت کا اہتمام بھی کریں گے۔

    یہ بھی پڑھیں: راحیل شریف کی تعیناتی جی ایچ کیو کی اجازت سے مشروط ہے،سابق جرنیل

     وفاقی وزیر دفاع نے کہا ہے کہ اس حوالے سے ممبر ممالک کی ایڈوائزری کونسل کا اجلاس مئی میں سعودی عرب میں متوقع ہے جس میں دیگر معاملات بھی زیر بحث لائے جائیں گے۔

    مزید پڑھیں: اسلامی اتحاد کا سربراہ بننے سے قبل راحیل شریف کو سوچنا چاہیے، پرویز مشرف

  • اسلام آباد:این اے 110 کیس، خواجہ آصف کی کامیابی کا فیصلہ بر قرار

    اسلام آباد:این اے 110 کیس، خواجہ آصف کی کامیابی کا فیصلہ بر قرار

    اسلام آباد : سپریم کورٹ نے این اے 110 کیس میں تحریک انصاف کے رہنما عثمان ڈار کی نظر ثانی کی در خواست خارج کرتے ہوئے خواجہ آصف کی کامیابی کافیصلہ بر قرار رکھا۔

    تفصیلات کے مطابق سپریم کورٹ میں چیف جسٹس کی سربراہی میں 3رکنی بینچ نے این اے 110 سے متعلق درخواست پرسماعت کی، سماعت کے دوران تحریک انصاف کے رہنما عثمان ڈار کی نظر ثانی کی در خواست خارج کردی اور خواجہ آصف کی کامیابی کا فیصلہ بر قرار رکھا۔

    چیف جسٹس کا ریمارکس میں کہنا تھا کہ کوئی گراؤنڈ موجود نہیں جس پر نظر ثانی کی جائے سپریم کورٹ نے درست فیصلہ کیا تھا، الیکشن کے بعد انتخابی ریکارڈ میں مال خانوں میں پھینک دیا جاتا ہے، پولنگ بیگ کی سیل کیسےٹوٹیں اس کا جائزہ کیسے لے سکتے ہیں۔

    چیف جسٹس نے کہا کہ عثمان ڈار جرح کیلئے ٹربیونل کے کٹہرےمیں پیش نہیں ہوئے، ٹربیونل نے جرمانہ بھی کیا پھر بھی عثمان ڈارپیش نہیں ہوئے۔

    خیال رہے کہ عثمان ڈار نے خواجہ آصف پراین اے ایک سو دس سیالکوٹ میں دھاندلی کا الزام لگایا تھا جبکہ  الیکشن ٹر بیونل اورسپریم کورٹ نے عثمان ڈار کی درخواستیں خارج کردی تھی۔

    مزید پڑھیں : حلقہ این اے110، خواجہ آصف کی کامیابی کیخلاف درخواست مسترد

    یاد رہے کہ سپریم کورٹ نے عثمان ڈار کے دھاندلی کے الزامات مسترد کردیئے تھے اور این اے ایک سو دس سے وفاقی وزیر خواجہ آصف کی کامیابی کو درست قرار دیا گیا تھا۔ عدالتی فیصلے کے خلاف عثمان ڈار نے نطر ثانی درخواست دائر کی تھی۔

    واضح رہے کہ قومی اسمبلی کے حلقہ این اے 110 سے کامیاب امیدوار مسلم لیگ ن کے رکن اسمبلی اور وفاقی وزیر پانی و بجلی خواجہ آصف کی جیت کے خلاف پاکستان تحریک انصاف کے امیدوار محمد عثمان ڈار ووٹوں کی دوبارہ گنتی اور انگھوٹوں کی تصدیق کے لیے سپریم کورٹ جا پہنچے تھے۔

  • مذاکرات نہ کرنے کیلئے بھارت سرحد کی خلاف ورزی کرتا ہے، خواجہ آصف

    مذاکرات نہ کرنے کیلئے بھارت سرحد کی خلاف ورزی کرتا ہے، خواجہ آصف

    اسلام آباد: وزیر دفاع خواجہ آصف نے کہا ہے کہ جولائی سے بھارت نے سرحدی خلاف ورزیاں شروع کررکھی ہیں،جولائی سے دسمبر تک بھارت نے 330 بار خلاف ورزی کی۔

    اے آر وائی نیوز کے نمائندے زاہد مشوانی کے مطابق خواجہ آصف نے سینیٹ میں بیان دیتے ہوئے کہا کہ بھارت نے جولائی سے اب تک 330 بار لائن آف کنٹرول اور ورکنگ بائونڈری کی خلاف ورزی کی، 290 لائن آف کنٹرول اور 40 خلاف وزریاں ورکنگ باؤنڈری پر کی گئیں، ان خلاف وزریوں کے دوران فائرنگ اور گولہ باری سے 40شہری شہید اور 138 شہری زخمی ہوئے۔


    خواجہ آصف نے کہا کہ ہندوستان نہیں چاہتا ہے کہ پاکستان سے مذاکرات کیے جائیں اسی وہ سرحد پر ٹینشن پیدا کرتا رہتا ہے، بھارت کی جانب سے سرجیکل اسٹرائیکس کی کوشش کی گئی لیکن وہ جعلی سرجیک اسٹرائیکس کی، پاکستان آرمی نے بھارت کی بزدلانہ کارروائیوں کا ہمیشہ منہ توڑ جواب دیا، اگر ایسی کوئی کوشش کی گئی تو اس کا منہ توڑ جواب دیا جائےگا۔

    تحریک آزادی کشمیر پر بیان دیتے ہوئے انہوں نے کہا کہ کشمیر کی تحریک آزادی درست سمت جارہی ہے بھارت اسے دہشت گردی سے تعبیر دینے کی کوشش میں ہے، اس وقت تحریک آزادی مقبوضہ کشمیر کے نوجوانوں کے ہاتھ میں ہے۔

  • نئے آرمی چیف کے لیے دعا گو ہوں، خواجہ آصف

    نئے آرمی چیف کے لیے دعا گو ہوں، خواجہ آصف

    اسلام آباد: وزیر دفاع خواجہ آصف نے کہا ہے نئے آرمی چیف کے لیے دعاگو ہوں، پاک فوج کے بہترین افسران کا انتخاب کیا گیا، ملک کو دہشت گردی اور سرحدی تناؤ کا سامنا ہے، تاہم قوم کو موجودہ اور نئی فوجی قیادت پر اعتماد ہے۔

    آرمی چیف کے منتخب ہونے کے بعد وفاقی وزیر دفاع خواجہ آصف نے کہا کہ نئے آرمی چیف جنرل قمر جاوید باجوہ پیشہ وارانہ امور میں مہارت رکھتے ہیں اور وہ جنرل راحیل شریف کے مشن کو جاری رکھیں گے۔

    خواجہ آصف نے کہا کہ ملک کو دہشت گردی اور سرحدی تناؤ کا سامنا ہے تاہم  قوم حکومت او رافواج دشمن کے خلاف اکھٹی ہے اور پاک فوج کے شانہ بشانہ ہے۔ انہوں نے کہا کہ تین برس کے مقابلے میں اب ملک میں امن و امان کی صورتحال بہت بہتر ہے ، پاک فوج کے بہترین افسر کا انتخاب کیا گیا، فوج کی موجودہ قیادت پر بھی اعتماد تھا اور نئی قیادت پر بھی اعتماد ہے۔

    پڑھیں: ’’ جنرل قمرباجوہ آرمی چیف اورجنرل زبیرحیات چیئرمین جوائنٹ چیفس مقرر ‘‘

    علاوہ ازیں وفاقی وزیر اطلاعات و نشریات مریم اورنگزیب نے کہا کہ دہشت گردی کے خلاف وزیراعظم کے ویژن کو آگے لے جانا بہت ضروری ہے، موجودہ پالیسیوں کا تسلسل بہت ضروری ہے۔

    تحریک انصاف کے وائس چیئرمین شاہ محمود قریشی نے نئے آرمی چیف کے لیے نیک خواہشات کا اظہار کرتے ہوئے دعا کی ہے کہ ’’اللہ تعالیٰ نئے آرمی چیف کو کامیاب کرے اور ذمہ داریاں نبھانے میں آسانیاں پیدا کرے۔ انہوں نے کہا کہ نازک صورتحال میں نئے آرمی چیف کی تعیناتی کا اعلان کیا گیا ہے تاہم یہ ملک کے لیے خوش آئند ہے۔

    شاہ محمود قریشی نے کہا کہ ’’پاکستان بہت سے مسائل میں گہرا ہوا ہے مگر امید ہے کہ نئے آرمی چیف ملک کو سیکیورٹی مسائل سے نکال لیں گے‘‘۔

    مزید پڑھیں: ’’ نئے آرمی چیف کی تقرری، نوازشریف کے لیے ایک اور اعزاز ‘‘

    دوسری جانب امریکا میں پاکستان کی سابق سفیر اور پیپلز پارٹی کی رہنما شیری رحمان نے کہا ہے نئے آرمی چیف بھارتی  اشتعال انگیزی کاموثر جواب دیں گے جبکہ عوامی مسلم لیگ کے سربراہ کا کہنا ہے کہ قمر باجوہ اچھے جنرل ہیں اور ٹین کور کا تجربہ بھی رکھتے ہیں۔

    نئے آرمی چیف کے تقرر پر سیاستدانوں نے نیک خواہشات کا اظہار کرتے ہوئے کہا ہے کہ ’’قمر باجوہ ملک وقوم کی بھلائی میں جنرل راحیل شریف جیسے ہی اقدامات اٹھائیں گے‘‘۔

  • توانائی کی پیداوار کے مختلف منصوبوں پر کام جاری ہے، خواجہ آصف

    توانائی کی پیداوار کے مختلف منصوبوں پر کام جاری ہے، خواجہ آصف

    اسلام آباد: وفاقی وزیر پانی وبجلی خواجہ آصف نے کہا ہے کہ روشن پاکستان کے ایجنڈے کو یقینی بنانے کے لیے توانائی کی پیداوار اور ترسیل کے مختلف منصوبوں پر کام ہورہا ہے۔

    سماجی رابطے کی ویب سائٹ پر ایک ٹوئٹ میں وفاقی وزیر پانی و بجلی خواجہ آصف نے کہا کہ قومی اقتصادی کونسل کی ایگزیکٹو کمیٹی نے 47 ارب روپے سے زائد مالیت کے 2 ڈسٹری بیوشن منصوبوں اور پندرہ ارب روپے سے زائد مالیت کے تین ترسیلی لائنوں کے منصوبوں کی منظوری دی ہے۔

    پڑھیں:  کراچی: 2018 میں پاکستان میں بجلی کی لوڈشیدںگ نہیں ہوگی، وزیر اعظم نواز شریف

    انہوں نے کہا کہ ڈسٹری بیوشن منصوبوں میں لیسکو اور آئیسکو کے لئے جدید آٹو میٹک میٹر کے نظام جبکہ ترسیلی منصوبوں میں میرپور خاص میں220 کے وی کا گرڈ اسٹیشن، مٹیار سے لاہور تک 500 کے وی کی ترسیلی لائن اور ڈی آئی خان سے ژوب گک220 کے وی کی ترسیلی لائن شامل ہے۔

    یاد رہے دو روز قبل وزیر اعظم میاں محمد نوازشریف نے ملک بھر میں لوڈشیڈنگ کم کرنے کے حوالے سے احکامات جاری کیے تھے، جس کے بعد وزیراعظم ہاؤس کے ترجمان کی جانب سے اعلامیہ جاری کیا گیا تھا کہ شہر اور دیہات میں بجلی کی لوڈشیڈنگ کے اوقات میں کمی کردی گئی ہے۔

    وزیر اعظم کی ہدایت کے بعد شہر میں 6 گھنٹے کی جگہ 4 جبکہ گاؤں ، دیہاتوں میں لوڈشیڈنگ کے اوقات 8 گھنٹے سے تبدیل کرکے 6 گھنٹوں تک محیط کردییے گئے ہیں۔

  • ضرورت پڑںے پر نثار کو وزیراعظم بنایا جاسکتا ہے، ظفر شاہ

    ضرورت پڑںے پر نثار کو وزیراعظم بنایا جاسکتا ہے، ظفر شاہ

    اسلام آباد: مسلم لیگ ن کے سنیئر رہنمء ظفر علی شاہ نے کہا ہے کہ موجودہ حالات کے باعث سیاسی بحران میں شدت آگئی ہے تاہم اگر اس سے نمٹنے کے لیے چوہدری نثار کو وزیر اعظم بنانا پڑا تو بنادیا جائے گا۔

    ان خیالات کا اظہار انہوں نے اے آر وائی کے پروگرام لائیو ود شاہد مسعود کے ساتھ خصوصی انٹرویو میں کیا۔ ظفر اللہ شاہ کا کہنا ہے کہ سیاسی بحران کا حل نکالنے کے لیے مسلم لیگ ن میں میری سوچ کے لوگ موجود ہیں۔

    انہوں نے کہا کہ ’’پارٹی میں میرے علاوہ بہت سارے لوگوں کی رائے ہے کہ چوہدری نثار علی خان کو وزیر اعظم بنادیا جائے کیونکہ وہ بہترین اس عہدے کے لیے بہترین انتخاب ہیں‘‘۔

    ان کا کہنا تھا کہ خواجہ آصف کا گروپ وزیر اعظم میاں محمد نوازشریف کے مستعفیٰ ہونے کا مخالف ہے جبکہ مسلم لیگ ن کے دیگر رہنماء سیاسی بحران کا حل نکالنے کے لیے کافی سنجیدہ ہیں۔

    یاد رہے گزشتہ دنوں ظفر علی شاہ نے اے آر وائی کے پروگرام میں گفتگو کرتے ہوئے کہا تھا کہ چوہدری نثار علی خان سینئر سیاستدان ہیں اگر وزیر اعظم کی جگہ مسلم لیگ کا کوئی فرد آیا تو وہ وفاقی وزیر داخلہ ہی ہوں گے۔