ARYNews.tv | Urdu – Har Lamha Bakhabar

Tag: khawaja Asif

  • ہرجانہ کیس، خواجہ آصف کو وزیراعظم عمران خان کے بیان پر جرح کا حق مل گیا

    ہرجانہ کیس، خواجہ آصف کو وزیراعظم عمران خان کے بیان پر جرح کا حق مل گیا

    اسلام آباد : اسلام آباد ہائی کورٹ نے ہرجانہ کیس میں خواجہ آصف کو وزیراعظم عمران خان کے بیان پر جرح کا حق دے دیا، سیشن عدالت نے عمران خان کے بیان پر خواجہ آصف کا حق جرح ختم کردیا تھا۔

    تفصیلات کے مطابق اسلام آباد ہائی کورٹ میں وزیراعظم عمران خان کی جانب سے خواجہ آصف کے خلاف ہرجانے کیس میں سیشن عدالت کے آرڈر کے خلاف درخواست پر سماعت ہوئی۔

    دوران سماعت چیف جسٹس اطہر من اللہ نے خواجہ آصف کی درخواست منظور کرتے ہوئے خواجہ آصف کو عمران خان کے بیان پر جرح کا حق دے دیا

    خیال رہے سیشن عدالت نے عمران خان کے بیان پر خواجہ آصف کا حق جرح ختم کر دیا تھا ، جس کے بعد خواجہ آصف نے سیشن عدالت کا فیصلہ اسلام آباد ہائی کورٹ میں چیلنج کیا تھا۔

    یاد رہے 17 دسمبر کو خواجہ آصف کے شوکت خانم اسپتال پر الزامات کے خلاف ہرجانے کے کیس میں وزیراعظم عمران خان نے ای کورٹ کےذریعے عدالتی کارروائی میں شرکت کی تھی۔

    سماعت میں وزیراعظم نے بیان حلفی جمع کروایا تھا ، جس میں الزامات کوجھوٹا اور من گھڑت قرار دیتے ہوئے کہا تھا کہ 1991سے 2009تک عمران خان شوکت خانم کے بڑے ڈونر رہے۔

    بیان حلفی میں کہا گیا تھا کہ شوکت خانم ٹرسٹ کی سرمایہ کاری سے متعلق فیصلہ سازی ایکسپرٹ کمیٹی کرتی تھی، وزیر اعظم عمران خان کی کسی قسم کی کوئی مداخلت نہیں تھی اور جن اسکیموں پر الزامات لگائےگئےوہ بغیرنقصان ٹرسٹ نےواپس وصول کیں۔

    بیان حلفی کے مطابق خواجہ آصف نے ٹی وی پروگرام اور پریس کانفرس میں جھوٹےالزامات لگائے اور عوام کے شوکت خانم ٹرسٹ پر اعتماد کو ٹھیس پہنچانےکی کوشش کی گئی۔

  • آمدن سے زائد اثاثہ جات کیس میں خواجہ آصف کو بڑا ریلیف مل گیا

    آمدن سے زائد اثاثہ جات کیس میں خواجہ آصف کو بڑا ریلیف مل گیا

    لاہور: لاہور ہائی کورٹ نے آمدن سے زائد اثاثہ جات کیس میں لیگی رہنما خواجہ آصف کو بڑا ریلیف دے دیا ہے۔

    تفصیلات کے مطابق لاہور ہائیکورٹ میں خواجہ آصف کی درخواست ضمانت پر سماعت ہوئی، عدالت نے فریقین کے دلائل مکمل ہونے کے بعد لیگی رہنما خواجہ آصف کی درخواست ضمانت منظور کرلی۔

    واضح رہے کہ نیب نے گذشتہ سال دسمبر میں آمدن سے زائد اثاثوں کے کیس میں خواجہ آصف کو گرفتار کیا تھا، ان کی گرفتاری احسن اقبال کے گھر سے عمل میں لائی گئی تھی۔

    ترجمان نیب نے لیگی رہنما کی گرفتاری سے متعلق جاری اعلامیہ میں کہا تھا کہ خواجہ آصف 26 کروڑ مالیت کے اثاثوں کا تسلی بخش جواب نہ دے سکے تھے، جس کے باعث آمدن سے زائد اثاثہ جات کیس میں ان کی گرفتاری عمل میں لائی گئی۔

    نیب کی جانب سے جاری کردہ خواجہ آصف کی تفصیلی چارج شیٹ کے مطابق وہ نیب آرڈیننس 1999 کی شق 4 اور اینٹی منی لانڈرنگ ایکٹ 2010 کی دفعہ 3 کے تحت رہنما مسلم لیگ (ن) کے خلاف تفتیش کررہے تھے۔

    اعلامیے میں کہا گیا تھا کہ عوامی عہدہ رکھنے سے قبل 1991 میں خواجہ آصف کے مجموعی اثاثہ جات 51 لاکھ روپے پر مشتمل تھے تاہم 2018 تک مختلف عہدوں پر رہنے کے بعد ان کے اثاثہ جات 22 کروڑ 10 لاکھ روپے تک پہنچ گئے جو ان کی ظاہری آمدن سے مطابقت نہیں رکھتے۔

    نیب کے مطابق خواجہ آصف نے یو اے ای کی ایک فرم بنام ایم ایس آئی ایم ای سی او میں ملازمت سے 13 کروڑ روپے حاصل کرنے کا دعوی کیا تاہم دوران تفتیش وہ بطور تنخواہ اس رقم کے حصول کا کوئی بھی ٹھوس ثبوت پیش نہ کر سکے، اس سے صاف ظاہر ہوتا ہے کہ ملزم نے جعلی ذرائع آمدن سے اپنی حاصل شدہ رقم کو ثابت کرنا چاہا۔

    احتساب کے ادارے کے مطابق ملزم خواجہ آصف اپنے ملازم طارق میر کے نام پر ایک بے نامی کمپنی بنام ’طارق میر اینڈ کمپنی‘ بھی چلا رہے ہیں جس کے بینک اکاؤنٹ میں 40 کروڑ کی خطیر رقم جمع کروائی گئی، اگرچہ اس رقم کے کوئی خاطر خواہ ذرائع بھی ثابت نہیں کیے گئے۔

    یہ بھی پڑھیں: خواجہ آصف سے کیا مطالبہ کیا گیا؟ لیگی رہنما کا بڑا انکشاف

    نیب نے کہا کہ نیب انکوائری کا مقصد یہ معلوم کرنا تھا کہ کیا خواجہ آصف کی ظاہر کردہ بیرونی آمدن آیا درست ہے یا نہیں اور انکوائری میں ظاہر ہوا کہ مبینہ بیرون ملک ملازمت کے دورانیہ میں ملزم خواجہ آصف پاکستان میں ہی تھے جبکہ بیرون ملک ملازمت کے کاغذات محض جعلی ذرائع آمدن بتانے کے لیے ہی ظاہر کیے گئے۔

    خیال رہے کہ خواجہ آصف قومی اسمبلی میں مسلم لیگ (ن) کے پارلیمانی لیڈر ہیں اور وہ سابق وزیر خارجہ بھی رہے ہیں، خواجہ آصف قومی اسمبلی کے حلقہ این اے 73 سیالکوٹ 2 سے مسلم لیگ (ن) کے ٹکٹ پر رکن قومی اسمبلی منتخب ہوئے ۔

  • شہباز شریف اور خواجہ آصف کو سینیٹ انتخابات میں شامل ہونے کی اجازت مل گئی

    شہباز شریف اور خواجہ آصف کو سینیٹ انتخابات میں شامل ہونے کی اجازت مل گئی

    لاہور: احتساب عدالت نے اپوزیشن لیڈر شہباز شریف اور مسلم لیگ ن کے رہنما خواجہ آصف کو  سینیٹ انتخابات  میں شامل ہونےکی اجازت دے دی ، سینیٹ انتخابات کیلئے پولنگ کل ہوگی۔

    تفصیلات کے مطابق سینیٹ انتخابات میں ایک دن باقی رہ گیا اور پولنگ کی تیاریاں مکمل کرلی گئیں، اس سلسلے میں جیل حکام کی جانب سے سینیٹ  الیکشن کیلیے اپوزیشن لیڈر شہباز شریف اور مسلم لیگ ن کے رہنما خواجہ آصف کو اسلام آباد لے جانے کی اجازت طلب کی گئی۔

    جیل حکام نے اپنی درخواستوں میں موقف اپنایا کہ سینیٹ الیکشن تین مارچ کو ہو رہے ہیں اور سینیٹ کے الیکشن کے لیے شہباز شریف اور خواجہ آصف کو  اسلام آباد لیکر جانا ہے لہذا عدالت دونوں زیر حراست ملزمان کو جیل سے اسلام آباد لیجانے کی دے۔

    احتساب عدالت نے جیل سپرنڈنٹ کی شہباز شریف اور خواجہ آصف کے لیے دائر کی گئی دو الگ الگ درخواستوں کو منظور کرلیا اور سینیٹ الیکشن کے لیے  شہباز شریف اور خواجہ آصف کو اسلام آباد لیجانے کی اجازت دے دی۔

    واضح رہے کہ شہباز شریف اور خواجہ آصف آمدن سے زائد اثاثوں کے کیس میں جوڈیشل ریمانڈ پر جیل میں ہیں۔

  • خواجہ آصف کیخلاف آمدن سے زاٸد اثاثے کیس: نیب کو جلد تحقیقات مکمل کرنے کا حکم

    خواجہ آصف کیخلاف آمدن سے زاٸد اثاثے کیس: نیب کو جلد تحقیقات مکمل کرنے کا حکم

    لاہور: احتساب عدالت نے آمدن سے زاٸد اثاثے کیس میں مسلم لیگ نون کے رہنما خواجہ آصف کے جوڈیشل ریمانڈ میں دس روز کی توسیع کرتے ہوئے نیب کو جلد تحقیقات مکمل کرنے کا حکم دے دیا۔

    تفصیلات کے مطابق لاہور کی احتساب عدالت میں مسلم لیگ نون کے رہنما خواجہ آصف کیخلاف آمدن سے زاٸد اثاثے کیس کی سماعت ہوئی ، جیل حکام نے خواجہ آصف کو جوڈیشل ریمانڈ مکمل ہونے کے بعد عدالت میں پیش کیا۔

    احتساب عدالت کے ڈیوٹی جج اکمل خان نے آمدن سے زیادہ اثاثوں کی سماعت کی دوران سماعت خواجہ آصف نے عدالت کے روبرو پیش ہوکر حاضری مکمل کروائی، عدالت میں خواجہ آصف کے وکیل نے استدعا کی کہ عدالت نیب حکام کو جلد تفتش مکمل کرکے ریفرنس دائر کرنے کا حکم دے۔

    جس پر عدالت نے وکیل کی استدعا منظور کرتے ہوئے نیب حکام کو جلد تحقیقات مکمل کرنے کا حکم دے دیا اور خواجہ آصف کے جوڈیشل ریمانڈ میں 12 مارچ تک توسیع کردی ۔

    پیشی کے بعد پولیس اور ن لیگی کارکنوں کے درمیان تلخ کلامی ہوئی اور بات ہاتھا پائی تک جا پہنچی ۔ ن لیگی کارکنوں نے پولیس اہلکاروں کے ساتھ شدید گالم گلوچ کی۔

    واضح رہے نیب نے ن لیگی رہنما خواجہ آصف کو آمدن سے زائد اثاثوں کے کیس میں گرفتار کیا تھا، ان کی گرفتاری احسن اقبال کے گھر سے عمل میں لائی گئی تھی۔

    خیال رہے کہ خواجہ آصف قومی اسمبلی میں مسلم لیگ (ن) کے پارلیمانی لیڈر ہیں اور وہ سابق وزیر خارجہ بھی رہے ہیں، خواجہ آصف قومی اسمبلی کے حلقہ این اے 73 سیالکوٹ 2 سے مسلم لیگ (ن) کے ٹکٹ پر رکن قومی اسمبلی منتخب ہوئے۔

  • ایک اور گرفتار لیگی رہنما جیل سے اسپتال منتقل

    ایک اور گرفتار لیگی رہنما جیل سے اسپتال منتقل

    لاہور: لیگی رہنما خواجہ آصف کو آنکھ میں انفیکشن کے باعث لاہور کے اسپتال منتقل کردیا گیا ہے۔

    تفصیلات کے مطابق مسلم لیگ نون کے ایک اور رہنما گرفتاری کے بعد جیل سے اسپتال پہنچ گئے ہیں، خواجہ آصف کو کوٹ لکھپت جیل کے حکام نے آج آنکھوں میں انفیکشن کے باعث میئو اسپتال منتقل کیا۔

    اسپتال منتقل کرنے کے بعد لیگی رہنما کو اسپتال کے وی آئی پی روم اےوی ایچ وارڈ میں منتقل کیا گیا،جہاں ان کا کرونا ٹیسٹ بھی کیا گیا۔

    اس حوالے سے سی ای او میو اسپتال پروفیسر اسد اسلم کا کہنا تھا کہ خواجہ آصف کی آنکھوں میں سفید موتیا ہے ، خواجہ آصف کے ضروری ٹیسٹ ہو رہے ہیں، وہ صحت مند ہے، رپورٹس کل تک آجائیں گی ،جس کے بعد آپریشن کا فیصلہ کیا جائے گا۔

    سابق اسپیکر قومی اسمبلی ایاز صادق کے بیٹے خواجہ آصف کا علاج کرینگے۔

    یہ بھی پڑھیں: خواجہ آصف نے جیل میں سہولتیں مانگ لیں

    واضح رہے نیب نے لیگی رہنما خواجہ آصف کو آمدن سے زائد اثاثوں کے کیس میں گذشتہ سال انتیس دسمبر گرفتار کیا تھا، ان کی گرفتاری احسن اقبال کے گھر سے عمل میں لائی گئی تھی۔

    خواجہ آصف قومی اسمبلی میں مسلم لیگ (ن) کے پارلیمانی لیڈر ہیں اور وہ سابق وزیر خارجہ بھی رہے ہیں، خواجہ آصف قومی اسمبلی کے حلقہ این اے 73 سیالکوٹ 2 سے مسلم لیگ (ن) کے ٹکٹ پر رکن قومی اسمبلی منتخب ہوئے۔

  • خواجہ آصف نے جیل میں سہولتیں مانگ لیں

    خواجہ آصف نے جیل میں سہولتیں مانگ لیں

    لاہور : مسلم لیگ ن کے رہنما خواجہ آصف نے جیل میں سہولتیں مانگ لیں اور کہا جیل میں گھر کا کھانا،ہیٹر اور طبی سہولتیں فراہم کی جائیں۔

    تفصیلات کے مطابق مسلم لیگ ن کے رہنما خواجہ آصف نے جیل میں بی کلاس لینے کے لیے احتساب عدالت سے رجوع کرلیا، ،درخواست میں مؤقف اختیار کیا گیا ہے کہ خواجہ آصف سینئررکن پارلیمنٹ ہیں ، ان کوجیل میں گھر کا کھانا،ہیٹر اور طبی سہولتیں فراہم کی جائیں۔

    درخواست میں استدعا کی گئی ہے کہ خواجہ آصف بزرگ شہری ہیں اس لیےجیل میں دوسرے قیدیوں سے الگ رکھا جائے۔

    یاد رہے 4 روز قبل احتساب عدالت نے نیب کی جانب سے مسلم لیگ (ن) کے سینئر رہنما خواجہ آصف کے جسمانی ریمانڈ کی استدعا مسترد کرتے ہوئے جوڈیشل ریمانڈ پر جیل بھیج دیا تھا۔

    واضح رہے نیب نے ن لیگی رہنما خواجہ آصف کو آمدن سے زائد اثاثوں کے کیس میں گرفتار کیا تھا، ان کی گرفتاری احسن اقبال کے گھر سے عمل میں لائی گئی تھی۔

    خیال رہے کہ خواجہ آصف قومی اسمبلی میں مسلم لیگ (ن) کے پارلیمانی لیڈر ہیں اور وہ سابق وزیر خارجہ بھی رہے ہیں، خواجہ آصف قومی اسمبلی کے حلقہ این اے 73 سیالکوٹ 2 سے مسلم لیگ (ن) کے ٹکٹ پر رکن قومی اسمبلی منتخب ہوئے۔

  • نجی بینک کے چپڑاسی نے خواجہ آصف کے اکاونٹ میں 28 ملین سے زاٸد کی رقم جمع کروائی،تحقیقات میں انکشاف

    نجی بینک کے چپڑاسی نے خواجہ آصف کے اکاونٹ میں 28 ملین سے زاٸد کی رقم جمع کروائی،تحقیقات میں انکشاف

    لاہور : آمدن سے زائد اثاثے اور منی لانڈرنگ کیس کی تحقیقات میں انکشاف ہوا ہے کہ نجی بینک کے چپڑاسی نے خواجہ آصف کے اکاونٹ میں 28 ملین سے زاٸد کی رقم جمع کروائی۔

    تفصیلات کے مطابق مسلم لیگ ن کے رہنما خواجہ آصف کے خلاف آمدن سے زائد اثاثے تحقیقات میں اہم پیش رفت سامنے آئی، نیب دستاویزات میں بتایا گیا ہے کہ خواجہ آصف کے کیس میں 4افراد نےنیب کوبیانات ریکارڈ کرا دیے ، لاہورمیں بینک چپڑاسی نےخواجہ آصف کےاکاؤنٹ میں 28 ملین سےزائدجمع کرائے، بینک چپڑاسی کے مطابق سینئر افسران کے کہنے پر رقم جمع کرائی۔

    دستاویزات میں کہا گیا ہے کہ خواجہ آصف کے بھتیجے نے چچا کے اکاؤنٹ میں 20 ملین جمع کرائے، خواجہ سلطان کے مطابق خواجہ آصف کی ہی رقم ان کے اکاؤنٹ میں جمع کرائی گئی ۔

    نیب دستاویزات کے مطابق 30 سالہ پرانے سیاسی ورکر رانا عبدالوحید نے30 ملین جمع کرائے، رانا عبدالوحید کے مطابق جمع کرائی گئی رقم خواجہ آصف کی ہی دی ہوئی تھی۔

    دستاویزات میں کہا ہے کہ سرمد اعجاز نامی سیاسی ورکر نے خواجہ آصف کے اکاؤنٹ سے5 ملین نکلواکر ان کے ہی حوالے کیے، خواجہ آصف کے پاس رقم کہاں سےآئی خواجہ آصف نیب کو تاحال جواب نہیں دے سکے۔

  • نیب کے زیرِ حراست خواجہ آصف کی مشکلات میں اضافہ

    نیب کے زیرِ حراست خواجہ آصف کی مشکلات میں اضافہ

    لاہور : نیب کو مسلم لیگ ن کے رہنما خواجہ آصف کی دبئی کے معروف ریسٹورنٹ میں پارٹنرشپ کے بھی شواہد مل گئے ، خواجہ آصف کی طارق میر اینڈ کمپنی میں پارٹنرشپ ہے۔

    تفصیلات کے مطابق قومی احتساب بیورو (نیب) نے مسلم لیگ ن کے رہنما خواجہ آصف کی تفتیش سے متعلق رپورٹ احتساب عدالت میں جمع کرادی ، تفتیشی رپورٹ میں بتایا گیا کہ خواجہ آصف کی دبئی کے معروف ریسٹورنٹ میں پارٹنرشپ رہی جبکہ انھوں نے دبئی کی کمپنی میں ملازمت بھی اختیار کر رکھی ہے۔

    رپورٹ میں کہا گیا ہے کہ خواجہ آصف کےمطابق 2012 میں انہوں نےریسٹورنٹ سےشراکت داری ختم کی اور 2017 میں انہوں نےملازمت بھی ترک کر دی تھی۔

    نیب رپورٹ کے مطابق خواجہ آصف کی طارق میر اینڈ کمپنی میں پارٹنرشپ ہے ، طارق میراینڈکمپنی کےاکاؤنٹ میں2009میں 100ملین کی ٹی ٹیزبھیجی گئیں تاہم خواجہ آصف شراکت داری اور ملازمت سےمتعلق تاحال ریکارڈ فراہم نہیں کر سکے۔

    یاد رہے نیب نےخواجہ آصف کی 10 بڑی کمپنیوں میں انویسٹمنٹ،شئیرزکاپتا لگایا تھا ، رپورٹ میں کہا گیا تھا کہ نیب نے پرائیویٹ بروکرسے خواجہ آصف کے شئیرز کی تفصیلات حاصل کیں، جس کے مطابق خواجہ آصف کےآئی ٹی کی ایک کمپنی میں ایک کروڑ سے زائد کے شئیرز، 3 بینکوں میں ایک کروڑ16لاکھ سے زائد کے شئیرز اور سوئی سدرن گیس پائپ لائنزمیں 77لاکھ سے زائد کے شیئرہیں۔

    نیب نے بتایا تھا کہ خواجہ آصف اینگروکارپوریشن اورنیشنل ریفائنری لمیٹڈ میں 9 لاکھ 34 ہزارکے شیئر ، نجی فارماسیوٹیکل کمپنی میں 4 لاکھ 42 ہزاراورنجی کمپنی میں 7 لاکھ سے زائد شیئر کے مالک ہیں، خواجہ آصف نے2010 سے 2020 تک سرمایہ کاری کی اور شیئرخریدے۔

  • نیب نے خواجہ آصف کی 10بڑی کمپنیوں میں انویسٹمنٹ اور شئیرز کا پتا لگالیا

    نیب نے خواجہ آصف کی 10بڑی کمپنیوں میں انویسٹمنٹ اور شئیرز کا پتا لگالیا

    لاہور: نیب نے خواجہ آصف کی 10بڑی کمپنیوں میں انویسٹمنٹ اور شئیرز کا پتا لگالیا ، جس میں بتایا گیا کہ خواجہ آصف نے 2010 سے 2020 تک سرمایہ کاری کی اور شیئرخریدے۔

    تفصیلات کے مطابق قومی احتساب بیورو نے مسلم لیگ ن کے رہنما خواجہ آصف کےخلاف تحقیقاتی رپورٹ احتساب عدالت میں جمع کرادی ، جس میں بتایا گیا ہے کہ نیب نےخواجہ آصف کی 10 بڑی کمپنیوں میں انویسٹمنٹ،شئیرزکاپتا لگالیا ہے۔

    رپورٹ میں کہا گیا کہ نیب نے پرائیویٹ بروکرسے خواجہ آصف کے شئیرز کی تفصیلات حاصل کیں، جس کے مطابق خواجہ آصف کےآئی ٹی کی ایک کمپنی میں ایک کروڑ سے زائد کے شئیرز، 3 بینکوں میں ایک کروڑ16لاکھ سے زائد کے شئیرز اور سوئی سدرن گیس پائپ لائنزمیں 77لاکھ سے زائد کے شیئرہیں۔

    نیب نے بتایا  کہ خواجہ  آصف اینگروکارپوریشن اورنیشنل ریفائنری لمیٹڈ میں 9 لاکھ 34 ہزارکے شیئر ، نجی فارماسیوٹیکل کمپنی میں 4 لاکھ 42 ہزاراورنجی کمپنی میں   7 لاکھ سے زائد شیئر کے مالک ہیں، خواجہ آصف نے2010 سے 2020 تک سرمایہ کاری کی اور شیئرخریدے۔

    مزید پڑھیں : کشمالہ طارق کو کروڑوں کی ادائیگی، خواجہ آصف مہربان؟

    یاد رہے اس سے قبل نیب نے خواجہ آصف کی جانب سے کشمالہ طارق کو ادائیگیوں کے شواہد حاصل کئے تھے ، خواجہ آصف نےکشمالہ طارق کے اکاؤنٹ میں 12کروڑ روپے منتقل کیے، کشمالہ طارق کو ادائیگیاں خواجہ آصف کے فرنٹ مین نے کیں۔

    نیب کے مطابق خواجہ آصف کےفرنٹ مین نےجنوری 2015 میں7کروڑ جمع کرائے، جب کہ کشمالہ طارق نے مئی 2015 میں 5 بار ایک ایک کروڑ روپے نکلوائے، کشمالہ طارق کے اکاؤنٹ میں ستمبر2015میں 5کروڑ آن لائن جمع ہوئے جس کے بعد انہوں نے مارچ2016 میں 3کروڑ روپے نکلوائے، کشمالہ طارق نے اگست 2016 میں 4 کروڑ روپےنکلوائے۔

  • غیر ملکی اقامہ کیس: نیب نے خواجہ آصف کو کل دوبارہ طلب کرلیا

    غیر ملکی اقامہ کیس: نیب نے خواجہ آصف کو کل دوبارہ طلب کرلیا

    لاہور: قومی احتساب بیورو (نیب) نے مسلم لیگ ن کے رہنما خواجہ آصف کو غیر ملکی اقامہ کیس میں  کل دوبارہ طلب کرتے ہوئے اقامہ کی کاپیاں اور ملازمت کی درخواست ساتھ لانے کی ہدایت کی ہے۔

    تفصیلات کے مطابق قومی احتساب بیورو لاہور نے مسلم لیگ ن کے رہنما اور قومی اسمبلی میں پارلیمانی لیڈر خواجہ آصف کو غیر ملکی اقامہ کیس میں دوبارہ طلب کرلیا ، خواجہ آصف کودستاویزات سمیت 22 اکتوبر دن 2 بجے طلب کیا گیا ہے۔

    نیب ذرائع کے مطابق 2004ء سے 2017ء کے دوران اقامہ کی کاپیاں، ملازمت کے لئے دی گئی درخواست کی کاپی جبکہ ملازمت کی نوعیت، تنخواہ کے چیکس، ایمپلائیز فائل کی تصدیق شدہ کاپی اور اختتامی تفصیلات بھی ہمراہ لانے کی ہدایت کی ہے۔

    نیب کا کہنا ہے کہ بطور کنسلٹنٹ کتنی تنخواہ وصول کی اور رقم کس بنک اکاونٹ میں جمع ہوئی بتایا جائے، رقوم کی منتقلی اور کمپنی کی طرف سے سہولیات کی تفصیلات بھی طلب کی گئی ہیں ۔

    نیب کی جانب سے نوکری کی درخواست اور اقامہ ایگریمنٹ ہمراہ لانے کاکہاگیاہے جبکہ نوٹس میں یہ بھی پوچھا گیاہےکہ اقامہ کی مدت میعاد کب ختم ہوئی،

    خیال رہے خواجہ آصف متحدہ عرب امارات میں 2004ء سے 2018ء تک ایک الیکٹرک کمپنی کےکنسلٹنٹ رہے ہیں۔

    یاد رہے 8 اکتوبر کو اقامہ کیس میں نیب کی جانب سے طلبی پر مسلم لیگ ن کے رہنما خواجہ آصف کی جگہ ان کے وکیل نجم الحسن پیش ہوئے تھے، وکیل نجم الحسن نے کہا تھا کہ سپریم کورٹ خواجہ آصف نااہلی کیس میں اقامے سے متعلق تفصیلی فیصلہ جاری کرچکی ہے، سپریم کورٹ رولنگ 2018 کے بعد نیب خواجہ آصف کو طلب نہیں کر سکتی۔