ARYNews.tv | Urdu – Har Lamha Bakhabar

Tag: khawaja Asif

  • اجلاس چلانا حکومت کی ذمہ داری ہے، مگر حکومت ہی احتجاج کر رہی ہے: خواجہ آصف

    اجلاس چلانا حکومت کی ذمہ داری ہے، مگر حکومت ہی احتجاج کر رہی ہے: خواجہ آصف

    اسلام آباد: سابق وفاقی وزیر خواجہ آصف نے کہا ہے کہ اجلاس چلانا حکومت کی ذمہ داری ہوتی ہے، مگر حکومتی ارکان ہی احتجاج کر رہے ہیں۔

    ان خیالات کا اظہار انھوں نے قومی اسمبلی کا اجلاس ختم ہونے کے بعد صحافیوں سے گفتگو کرتے ہوئے کیا۔

    [bs-quote quote=”وزرا کی فرسٹریشن اتنی بڑھ گئی کہ وہ مارنے کی باتیں کررہے ہیں” style=”style-8″ align=”left” author_name=”خواجہ آصف”][/bs-quote]

    مسلم لیگ ن کے سینئر رہنما کا کہنا تھا کہ اسمبلی میں حکومت ارکان احتجاج کرتے رہے، وزیر اعظم کہتے ہیں کہ اسمبلی کو نہیں چلنے دو۔

    خواجہ آصف نے کہا کہ یہ نواز شریف اور شاہدخاقان دورکے افراد کو حکومت میں لے آئے، مگر پورٹ فولیو سے غلطیاں ختم نہیں ہوتیں۔

    مسلم لیگ ن کے رہنما خواجہ آصف نے کہا کہ آج اجلاس دوبارہ سے ہنگامے کی وجہ سےمتزلزل ہوا، وزرا کی فرسٹریشن اتنی بڑھ گئی کہ وہ مارنے کی باتیں کررہے ہیں۔

    مزید پڑھیں: قومی اسمبلی:‌ شہباز شریف کی تقریر کے دوران شدید نعرے بازی، اجلاس ملتوی

    خیال رہے کہ آج قومی اسمبلی کے اجلاس میں اپوزیشن لیڈر شہباز شریف کی تقریر کے دوران شدید نعرے بازی ہوئی، ارکان کے نعروں کے باعث ایوان مچھلی بازار بن گیا.

    اسپیکر ، اسد قیصر ارکان اسمبلی کو خاموش رہنے کی ہدایت کرتے رہے، البتہ اپوزیشن کی جانب سے شور شرابے کا سلسلہ جاری رہا.

    اسپیکر ،اسد قیصر نے واضح کیا کہ ارکان خاموش نہیں ہوئے، تو اجلاس ملتوی کردیا جائے گا، بعد ازاں قومی اسمبلی کا اجلاس ملتوی کردیا گیا.

  • سونامی والوں نے پہلے ایک صوبے کو ڈبویا، اب پورے ملک کو ڈبو رہے ہیں: خواجہ آصف

    سونامی والوں نے پہلے ایک صوبے کو ڈبویا، اب پورے ملک کو ڈبو رہے ہیں: خواجہ آصف

    پشاور: مسلم لیگ ن کے رہنما خواجہ آصف نے کہا ہے کہ سونامی والوں نے پہلے ایک صوبے کو ڈبویا، اب پورے ملک کو ڈبو رہے ہیں.

    ان خیالات کا اظہار انھوں نے پشاور میں میڈیا سے گفتگو کرتے ہوئے کیا. ان کا کہنا تھا کہ یہاں آتے ہوئے راستے میں بی آرٹی اور 5 ارب درختوں کا سوچ رہے تھے، یہاں آ کر دیکھا تو نہ بی آرٹی مکمل تھا اور نہ 5 ارب درخت موجود تھے۔

    انھوں نے کہا کہ 21 سال پہلے پاکستان کو نوازشریف نے ایٹمی قوت بنایا، عالمی دباؤ کے باوجود اربوں ڈالر ٹھکرا کر ملکی دفاع ناقابل تسخیر بنایا.

    انھوں نے حکومت کو آڑے ہاتھ لیتے ہوئے کہا کہ یہ لوگ آئی ایم ایف چلے گئے، لیکن خودکشی نہیں کی، نواز شریف پر کرپشن کے بے بنیاد الزامات لگائے جا رہے ہیں، مسلم لیگ ن کے قائد کو سزاووٹ کوعزت دینے پر دی جارہی ہے.

    مزید پڑھیں: پاکستان کو ایٹمی طاقت بنانے والا جیل میں بیٹھا ہے، مریم نواز

    خواجہ آصف نے کہا کہ نواز شریف کو جیل میں بند کیا، لیکن عوام کے دلوں سے نہیں نکال سکتے، نواز شریف نے فاٹا کےعوام کو شناخت دی.

    سابق وفاقی وزیر نے کہا کہ دہشت گردی کے خلاف افواج پاکستان نے لازوال قربانیاں دیں، کے پی اور سابق فاٹا نے بھی دہشت گردی کی جنگ میں قربانیاں دیں، شہیدوں کے خون کو رائیگاں نہیں جانے دیں گے.

  • نائن الیون کے بعد ذاتی خواہشات کیلئے ملک کو دہشت گردی میں دھکیلا گیا، خواجہ آصف

    نائن الیون کے بعد ذاتی خواہشات کیلئے ملک کو دہشت گردی میں دھکیلا گیا، خواجہ آصف

    اسلام آباد : مسلم لیگ ن کے رہنما خواجہ آصف نے کہا دہشت گردی تاریخ کاایک دکھ بھراسبق ہے، نائن الیون کے بعد ذاتی خواہشات کیلئے ملک کو دہشت گردی میں دھکیلاگیا اور کراچی، سابق فاٹا، سوات اور دیگر علاقے نشانہ بنے۔

    تفصیلات کے مطابق مسلم لیگ ن کے رہنما خواجہ آصف نے قومی اسمبلی میں اظہار خیال کرتے ہوئے کہا چار دہائیوں سےایک خطہ ظلم کاشکار تھا، اس خطےمیں رہنے والوں کا کوئی قصور نہیں تھا، ہم نے اپنے ملک میں خانہ جنگی کا سامان خود پیدا کیا۔

    دہشت گردی تاریخ کاایک دکھ بھراسبق ہے

    ،خواجہ آصف کا کہنا تھا پاکستان نائن الیون کےبعدجنگ کی لپیٹ میں آگیاتھا، نائن الیون کے بعد ذاتی خواہشات کیلئے ملک کو دہشت گردی میں دھکیلاگیا اور کراچی، سابق فاٹا، سوات اور دیگرعلاقے دہشت گردی کا نشانہ بنے۔

    مسلم لیگ ن کے رہنما نے کہا دہشت گردی تاریخ کاایک دکھ بھراسبق ہے، صرف اقتدارکوطول دینےکاشوق تھاملک پرتوجہ نہیں دی گئی، امریکا اور اس کیساتھ جو ممالک ہیں ان کی ابھی تک فتح دور دور تک نہیں۔

    ان کا کہنا تھا ہماری سویت یونین کے ساتھ کوئی جنگ نہیں تھی، امریکہ افغانستان میں شکست کھا چکا، بھاگنے کا راستہ ڈھونڈ رہا ہے،فاٹا میں امن کی واپسی تک خاص توجہ کی ضرورت ہے، ان علاقوں میں بارات اور جنازوں پر ڈرون حملے ہوئے، ہم اپنے مفادات کیلئے آزادی کا سودا کر لیتے ہیں، ریاست ماں ہوتی ہے جو زخموں پر مرہم رکھتی ہے۔

    سارے پاکستان پر فاٹا کی عوام کا قرض ہے

    خواجہ آصف نے کہا ایوان ہماری فوج اور فاٹا کے عوام کی قربانیوں کو یاد کرے ، ہمیں وسائل سابق فاٹاکی بحالی کیلئےاستعمال کرنے چاہئیں، سابق فاٹا نے پاکستان کی فرنٹ لائن کا کردار ادا کیا، دہشت گردی کیخلاف سابق فاٹا کو سہولتیں دیناہوں گی، سارے پاکستان پر فاٹا کی عوام کا قرض ہے۔

  • آمدن سے زائد اثاثہ کیس : خواجہ آصف نیب کے سامنے پیش، بیان ریکارڈ کرادیا

    آمدن سے زائد اثاثہ کیس : خواجہ آصف نیب کے سامنے پیش، بیان ریکارڈ کرادیا

    راولپنڈی: آمدن سے زائد اثاثہ کیس میں سابق وزیردفاع اور پاکستان مسلم لیگ(ن) کے سینئر رہنما خواجہ آصف نے نیب کے سامنے پیش ہوکر بیان ریکارڈ کرادیا، خواجہ آصف نے کہا نیب میں آج کادن اچھارہا،سوال نامہ دیا گیا، سوال نامے دیکھا نہیں، تحریری جواب دوں گا۔

    تفصیلات کے مطابق آمدن سے زائد اثاثہ کیس میں سابق وفاقی وزیرخواجہ آصف نیب راولپنڈی میں پیش ہوئے، جہاں نیب کی مشترکہ تحقیقاتی ٹیم نے خواجہ آصف سے ایک گھنٹےتفتیش کی اور سوال نامہ دیا گیا۔

    نیب میں پیشی کے بعد میڈیا سے بات چیت کرتے ہوئے خواجہ آصف نے کہا نیب میں آج کادن اچھارہا،سوال پوچھےگئے،سوال نامہ دیا گیا ، میں نے اچھی چائے پی ہے، سوال نامے کا تحریری جواب دوں گا ، سوال نامہ نہیں دیکھا،معلوم نہیں سوال کیاہے۔

    قومی احتساب بیورو(نیب) نے سابق وزیردفاع اور پاکستان مسلم لیگ(ن) کے رہنما خواجہ آصف کو آمدن سے زائد اثاثوں کے کیس دوسری بار طلب کیا تھا۔

    مزید پڑھیں : نیب راولپنڈی نے خواجہ آصف کو9اپریل کو اہم ریکارڈ سمیت طلب کرلیا

    اس سے قبل نیب نے رواں ماہ یکم اپریل کو طلب کیا تھا تاہم خواجہ آصف بیرون ملک ہونے کی وجہ سے قومی احتساب بیورو میں پیش نہیں ہوئے تھے، جس پر نیب نے انہیں دوسری بار نوٹس جاری کرتے ہوئے 9 اپریل کو طلب کیا تھا۔

    نیب نے خواجہ آصف سے ان کے اثاثوں سے متعلق تفصیلات طلب کرتے ہوئے متعلقہ دستاویزات بھی ہمراہ لانے کی ہدایت کی تھی۔

    واضح رہےقومی احتساب بیورو گزشتہ برس اکتوبر میں خواجہ آصف کیخلاف منی لانڈرنگ کے الزام میں تحقیقات کا آغاز کیا تھا، نیب نے خواجہ آصف اور ان کی فیملی سے تمام بینک اکاونٹس، قرض اور رقوم کی اندرون و بیرون ملک منتقلی کا ریکارڈ بھی طلب کیا تھا۔

    خیال رہے گزشتہ برس 6 دسمبر کو وزیراعظم کے معاون خصوصی برائے یوتھ افیئرز عثمان ڈار نے خواجہ آصف کے خلاف منی لانڈرنگ کے ثبوت نیب کو فراہم کیے تھے۔

    تحریک انصاف کے رہنما کی جانب سے خواجہ آصف کی غیرملکی سرمایہ کاری کا ریکارڈ بھی نیب حکام کے حوالے کیا تھا جس میں سابق وزیرخارجہ اور ان کی اہلیہ کے غیرملکی اکاؤنٹس میں بے نامی ٹرانزیکشنز کی تفصیلات بھی شامل تھیں۔

  • نیب طلبی کے باوجود غیرحاضری، خواجہ آصف نے احکامات ہوا میں اڑا دیے

    نیب طلبی کے باوجود غیرحاضری، خواجہ آصف نے احکامات ہوا میں اڑا دیے

    راولپنڈی: سابق وزیرخارجہ خواجہ آصف نے قومی احتساب بیورو کے احکامات ہوا میں اڑا دیے، طلبی کے باجود نیب کے سامنے پیش نہ ہوئے۔

    تفصیلات کے مطابق نیب کی جانب سے اثاثہ جات کیس میں میں خواجہ آصف کو آج طلبی کا سمن جاری کیا گیا تھا جسے انہوں نے ہوا میں اڑا دیا۔

    سابق وزیرخارجہ خواجہ آصف کو طلبی کے ساتھ تمام ریکارڈ ساتھ لانے کی ہدایت کی گئی تھی۔

    ذرائع کے مطابق خواجہ آصف نے پیش نہ ہونے سے متعلق خط لکھ کرنیب کوآگاہ کردیا۔ انہوں نے کہا کہ بیرون ملک ہونے کے باعث پیش نہیں ہوسکتا۔

    مسلم لیگ ن کے رہنما کے قریبی ذرائع کا کہنا ہے کہ خواجہ آصف کا 3اپریل کو ملک واپس آنے کا امکان ہے۔

    نیب راولپنڈی نے 29 مارچ کو اثاثہ جات کیس میں مسلم لیگ ن کے رہنما سابق وزیر خارجہ خواجہ آصف کوسمن جاری کیا تھا ۔

    عثمان ڈار نے خواجہ آصف کی غیرملکی سرمایہ کاری کے ثبوت نیب کے حوالے کردیے

    یاد رہے کہ گزشتہ برس 6 دسمبر کو وزیراعظم کے معاون خصوصی برائے یوتھ افیئرز عثمان ڈار نے خواجہ آصف کے خلاف منی لانڈرنگ کے ثبوت نیب کو فراہم کیے تھے۔

    تحریک انصاف کے رہنما کی جانب سے خواجہ آصف کی غیرملکی سرمایہ کاری کا ریکارڈ بھی نیب حکام کے حوالے کیا تھا جس میں سابق وزیرخارجہ اور ان کی اہلیہ کے غیرملکی اکاؤنٹس میں بے نامی ٹرانزیکشنز کی تفصیلات بھی شامل تھیں۔

  • نیب نے سابق وفاقی وزیرخواجہ آصف کو طلب کرلیا

    نیب نے سابق وفاقی وزیرخواجہ آصف کو طلب کرلیا

    اسلام آباد: نیب راولپنڈی نے اثاثہ جات کیس میں مسلم لیگ ن کے رہنما سابق وزیرخارجہ خواجہ آصف کو طلب کرلیا۔

    تفصیلات کے مطابق قومی احتساب بیورو نیب نے اثاثہ جات کیس میں رکن قومی اسمبلی خواجہ آصف کو یکم اپریل کو طلب کرلیا۔

    ذرائع کے مطابق خواجہ آصف کوتمام ریکارڈ ساتھ لانے کی ہدایت کردی، نیب خواجہ آصف کے اکاؤنٹس کی تفصیلات بھی لے چکا ہے۔

    ذرائع کا کہنا ہے کہ مسلم لیگ ن کے رہنما خواجہ آصف سے بیرون ملک جائیدادوں کے حوالے سے بھی پوچھ گچھ ہوگی۔

    قومی احتساب بیورو نے گزشتہ سال اکتوبر میں خواجہ آصف کے خلاف منی لانڈرنگ کے الزام میں تحقیقات کا آغاز کیا تھا۔

    نیب نے خواجہ آصف اور ان کی فیملی سے تمام بینک اکاؤنٹس، قرض اور رقوم کی اندرون وبیرون ملک منتقلی کا ریکارڈ بھی طلب کیا تھا۔

    عثمان ڈار نے خواجہ آصف کی غیرملکی سرمایہ کاری کے ثبوت نیب کے حوالے کردیے

    یاد رہے کہ گزشتہ برس 6 دسمبر کو وزیراعظم کے معاون خصوصی برائے یوتھ افیئرز عثمان ڈار نے خواجہ آصف کے خلاف منی لانڈرنگ کے ثبوت نیب کو فراہم کیے تھے۔

    تحریک انصاف کے رہنما کی جانب سے خواجہ آصف کی غیرملکی سرمایہ کاری کا ریکارڈ بھی نیب حکام کے حوالے کیا تھا جس میں سابق وزیرخارجہ اور ان کی اہلیہ کے غیرملکی اکاؤنٹس میں بے نامی ٹرانزیکشنز کی تفصیلات بھی شامل تھیں۔

  • نوازشریف اپنی بیماری پر حکومت کو سیاست نہیں کرنے دیں گے ، خواجہ آصف

    نوازشریف اپنی بیماری پر حکومت کو سیاست نہیں کرنے دیں گے ، خواجہ آصف

    سیالکوٹ: مسلم لیگ نون کے مرکزی رہنماء خواجہ آصف نے کہا ہے کہ نواز شریف نے اپنی بیماری پر کبھی باہر جانے کیلئے اصرار نہیں کیااور نہ وہ اپنی بیماری پر حکومت کو سیاست کرنے دیں گے۔

    تفصیلات کے مطابق سیالکوٹ میں پریس کانفرنس سے خطاب کرتے ہوئے نون لیگ کے رہنماء خواجہ آصف کا کہنا تھا کہ میری کل کوٹ لکھپت جیل میں نواز شریف سے ملاقات ہوئی،شہباز شریف ،حمزہ شہباز ، مریم نواز اور ذاتی معالج بھی ہمراہ تھے ہماری کوشش کے باوجود میاں نواز شریف نے ہسپتال جانے سے انکار کیا۔

    خواجہ آصف کا کہنا تھا کلہ نوازنوازشریف 16سال سےدل کےعارضےمیں مبتلاہیں ،کئی باراسٹنٹ بھی ڈالے جاچکے ہیں، سروسز اور جناح ہسپتال میں ان کا خاطر خواہ علاج نہیں کیا گیا، نواز شریف کا مؤقف ہے کہ حکومت ان کی بیماری سے سیاسی مقاصد حاصل کر رہی ہے۔

    اگر نواز شریف کی صحت بگڑی تو پاکستانی سیاست متشدد ہو جائے گی

    ن لیگ کے رہنما نے کہا حکومت ایک سوچے سمجھے منصوبے کے تحت میاں نواز شریف کی جان لینے پر تلی ہوئی ہے، حکومتی عہدے داروں کے بیانات بنیادی انسانی اقدار کے منافی ہیں، بیگم کلثوم نواز کی بیماری پر بھی مخالفین پروپیگنڈا کرتے رہے۔

    انھوں نے واضح کیا میاں نواز شریف اپنی بیماری پر حکومت کو سیاست نہیں کرنے دیں گے، اس ماحول میں ان کا اسپتال نہ جانے کا فیصلہ درست ہے، انہیں مخلتف اسپتالوں میں پھرایا جا رہا ہے۔

    خواجہ آصف کا کہنا تھا کہ نوازشریف نے جیل سے اسپتال منتقل ہونے سے صاف انکار کر دیا ہے، اگر ان کی صحت بگڑی تو پاکستانی سیاست متشدد ہو جائے گی۔

    نواز شریف نے اپنی بیماری پر کبھی باہر جانے کیلئے اصرار نہیں کیا

    مسلم لیگ ن کے رہنما نے کہا نواز شریف نے اپنی بیماری پر کبھی باہر جانے کیلئے اصرار نہیں کیا، جن ڈاکٹروں نے اوپن ہارٹ سرجری اور اسٹنٹ ڈالے، ان سے مشورہ کرنا چاہیئے، ضمانت ملنے کے بعد بیرون ملک علاج کے لئے جانے کا سوچ سکتے ہیں لیکن حکومت میاں نواز شریف کی بیماری کے معاملے پر بد نیت لگ رہی ہے۔

  • بھارت کی موجودگی میں اوآئی سی میں نہ جانے کا فیصلہ درست ہے، خواجہ آصف

    بھارت کی موجودگی میں اوآئی سی میں نہ جانے کا فیصلہ درست ہے، خواجہ آصف

    اسلام آباد : مسلم لیگ ن کے رہنما خواجہ آصف کا کہنا ہے کہ بھارت کی موجودگی میں اوآئی سی میں نہ جانےکادرست فیصلہ کیاہے، عمران خان مودی کوفون کرسکتے ہیں شہبازشریف سے ہاتھ نہیں ملاسکتے۔

    تفصیلات کے مطابق مسلم لیگ ن کے رہنما خواجہ آصف نے پارلیمنٹ کے مشترکہ اجلاس سے خطاب کرتے ہوئے کہا خوشی کی بات ہے اختلافات کے باوجود ہماری صفوں میں اتحادہے، وزیرخارجہ نےاوآئی سی سے متعلق جو تجویز دی ہے، ہمیں اس پرخوشی ہے۔

    [bs-quote quote=”کشمیریوں کوکبھی نہیں بھولیں گے کیونکہ وہ شہیدوں کوپاکستانی پرچم میں دفناتےہیں” style=”style-7″ align=”left” author_name=”خواجہ آصف "][/bs-quote]

    خواجہ آصف کا کہنا تھا کہ خدشہ ظاہر کیا تھا بھارت اوآئی سی کا ممبر بننے کی دیرینہ خواہش کی تکمیل چاہتا ہے، بتایا تھا یو اے ای کے جس طرح بھارت سے تعلقات بڑھ رہےاس کاہمیں نقصان ہے۔

    مسلم لیگ ن کے رہنما نے کہا وزیرخارجہ شاہ محمودقریشی نے جو تجویز دی اس کی حمایت کرتاہوں، ہم نےبھارت کی موجودگی میں اوآئی سی میں نہ جانے کا درست فیصلہ  کیا ہے، پاکستان او آئی سی کا بانی ممبر ہے، بھارت کے ہاتھ کشمیریوں کے خون سے  رنگے ہیں۔

    ان کا کہنا تھا یہ اتحاد کاجو لمحہ ہے اسے طویل کیاجائے، مخالفت ضرور کریں لیکن سیاسی ظرف کا دامن ہاتھ سے نہ جانے دیں، برصغیر میں امن قائم ہوناچاہیے، اس امن کی خواہش پر کشمیریوں کو قربان نہیں ہونا چاہیے۔

    خواجہ آصف نے کہا کہ آزادی کشمیریوں کا پیدائشی حق ہے، عمران خان مودی کوفون کرسکتے ہیں شہباز شریف سے ہاتھ نہیں ملاسکتے، برصغیر میں امن کی کوششیں عارضی نہ ہوں تاہم کشمیریوں کو کبھی نہیں بھولیں گے کیونکہ وہ شہیدوں کو پاکستانی پرچم میں دفناتے ہیں۔

  • پائلٹ کوواپس کرنے پر کشیدگی کم ہوتی ہے تو یہ ہماری جیت ہوگی: خواجہ آصف

    پائلٹ کوواپس کرنے پر کشیدگی کم ہوتی ہے تو یہ ہماری جیت ہوگی: خواجہ آصف

    اسلام آباد: سابق وزیر خارجہ خواجہ آصف نے کہا ہے کہ پائلٹ کوواپس کرنے پر کشیدگی کم ہوتی ہے تو یہ ہماری جیت ہوگی.

    ان خیالات کا اظہار انھوں نے اے آر وائی نیوز کے پروگرام آف دی ریکارڈ میں گفتگو کرتے ہوئے کیا. ان کہنا تھا کہ کل رات بہت زیادہ خدشہ تھا کہ بھارت کوئی کارروائی کرے گا، امریکی صدر کے بیان سے لگ رہا تھا کہ امریکا کشیدگی کم کرانا چاہتا ہے.

    انھوں نے کہا کہ وزیراعظم عمران خان کا بھارتی پائلٹ کی واپسی کا اعلان بڑا اچھا قدم ہے، امید ہے کہ صورت حال بہتر ہوگی، ہمارے سفارتی سطح پر تعلقات اتنے مضبوط نہیں ہیں، روایتی حلیفوں نے بھی ہمارے ساتھ کھڑے ہونے میں وقت لگایا۔

    ان کا کہنا تھا کہ اوآئی سی میں سشماسوراج کی بطور مہمان شرکت ہمارے لئے حاضری باعث شرمندگی ہوگی، بھارت کے ہاتھ کشمیریوں کے خون سے رنگے ہوئے ہیں، اوآئی سی اہم پلیٹ فارم پر بھارت آتا ہے، تو یہ بڑا سیٹ بیک ہوگا، بھارتی وفد کی موجودگی پر پاکستان کو اوآئی سی کانفرنس کا بائیکاٹ کرنا چاہیے، اوآئی سی میں بھارتی وفد کےآنے پرپارلیمنٹ سے قرارداد پاس ہونی چاہیے .

    مزید پڑھیں: پاک بھارت کشیدگی، ایٹمی جنگ کے خطرناک اثرات کرہ ارض پر پڑیں گے، بین الاقوامی رپورٹ

    انھوں نے کہا کہ یمن میں امن چاہتے ہیں، مشترکہ اجلاس کی قرارداد کی مکمل حمایت کرتا ہوں، ایسا محسوس کررہاہوں کہ ہم سفارتی محاذ پر مضبوط نہیں ہیں، اس پر کام کرنا ہوگا، سفارتی محاذ پر ہمیں چند دنوں میں کچھ خامیاں نظرآئی ہیں.

  • اوآئی سی اجلاس: بھارتی وزیر خارجہ کو مدعو کرنے پر پاکستان بائیکاٹ کرے، خواجہ آصف

    اوآئی سی اجلاس: بھارتی وزیر خارجہ کو مدعو کرنے پر پاکستان بائیکاٹ کرے، خواجہ آصف

    اسلام آباد : سابق وزیردفاع خواجہ آصف کا کہنا ہے کہ قومی سلامتی کامعاملہ ہےپارلیمنٹ کامشترکہ اجلاس آج ہی بلایاجائے، بھارتی وزیر خارجہ کو او آئی سی رابطہ گروپ میں بطور مہمان اعزازی مدعو کرنا پاکستان کی سفارتی ناکامی ہے، ہمیں اجلاس کابائیکاٹ کرنا چاہئے۔

    تفصیلات کے مطابق مسلم لیگ ن کے رہنما خواجہ آصف نے قومی اسمبلی کے اجلاس میں اظہار خیال کرتے ہوئے کہا اوآئی سی کےاجلاس میں سشماسوراج کو بلایاگیا ہے، او آئی سی میں بہت عجیب بات ہے جو بھارتی وزیرخارجہ کو بلایاگیاہے، سفارتی سطح پر ہماری ناکامی ہے، جو سشماسوراج کو او آئی سی میں بلایاگیا۔

    خواجہ آصف کا کہنا تھا کہ ہم پاک فوج کے شانہ بشانہ کھڑے ہیں اس ملک کا چپے چپے کی حفاظت کریں گے، ہمیں اپنے اختلافات کو پس پشت ڈال کرقوم کو اعتماد میں لے کر بھارت کو پیغام دیناچاہیے، حکومت کہتی تھی دوتین دن میں خوشخبری آئےگی یہ خوشخبری آگئی، اس طرح خارجہ پالیسی نہیں چلتی جس طرح حکومت چلارہی ہے۔

    ہمارے اختلافات حکومت چلانے کے انداز پر ہیں، پاکستان کیلئے سب ایک ہیں

    سابق وزیر خارجہ نے کہا مسئلہ کشمیر کے معاملے پر ہم سب ایک ہیں، کشمیریوں کے مسائل پر ہمیں ہچکچانا نہیں چاہیے، ہمارے اختلافات حکومت چلانے کے انداز  پر  ہیں، پاکستان کیلئے سب ایک ہیں۔

    مسلم لیگ ن کے رہنما نے مطالبہ کیا قومی سلامتی کاایشوہےپارلیمنٹ کامشترکہ اجلاس آج ہی بلائیں، یہ اتحادکاوقت ہے اس معاملے پر  سیاست نہ کریں، آج ہاؤس کا تقدس رکھیں، قومی ضرورت کےتحت پارلیمنٹ کا مشترکہ اجلاس بلائیں۔

    ان کا کہنا تھا کہ بھارت کشمیریوں کا خون بہارہاہے اوراوآئی سی میں سشماسوراج کو بلایاگیا، سشماسوراج کواوآئی سی اجلاس میں بلاناہماری توہین ہے، ہمیں اجلاس کابائیکاٹ کرنا چاہئے۔