لودھراں : ٹرین حادثے میں جاں بحق افراد کے لواحقین کو 22 دن بعد بھی اب تک انصاف نہ ملا، واقعے کی رپورٹ تو ایک طرف ایف آئی آر بھی تا حال درج نہ ہو سکی۔
تفصیلات کے مطابق لودھراں میں ٹرین اور دو چنگ چی رکشا کے درمیان حادثے کے نتیجے میں ایک ہی خاندان کے 5 بچوں سمیت 9 افراد جان سے گئے تھے، یہ وہ اندوہناک حادثہ ہے جسے گزرے آج 22 دن ہوگئے۔
لودھراں میں ٹرین اور دو چنگ چی میں تصادم نے 9 افراد کی جان لی تھیجس میں ایک ہی گھر کے 5 بچے شامل ہیں بچوں کی نانی انصاف کا انتظار کرتے کرتے نواسوں کا صدمہ لیے دنیا سے چلی گئی۔
جاں بحق افراد کے ورثا احتجاج کرتے رہے اورقاتل ریلوے مقدمے میں خود ہی مدعی بن گئی حد تو یہ کہ اہل خانہ کی مدعیت میں ایف آئی آر تو کیا تاحال درخواست بھی درج نہ ہوسکی۔
ذرائع کے مطابق ٹرین کی آمد پر لوکل اور کمپیوٹرائزڈ پھاٹک بند نہ ہوسکے اور دھند کے باعث رکشا ڈرائیور کو بھی ٹرین کی آمد کا احساس کا نہ ہوا۔ پولیس کے مطابق رکشا پٹریوں میں پھنس گیا تھا۔
حادثے میں رکشا ڈرائیورسمیت 10 افراد زخمی بھی ہوئے۔ اہل علاقہ نے اپنی مدد آپ کے تحت امدادی کارروائیاں شروع کیں اور زخمیوں کو اسپتال منتقل کیا۔
