Tag: khawaja saad rafique

لاہور: پاکستان مسلم لیگ ن کے رہنما خواجہ سعد رفیق نے کہا ہے کہ پی ٹی آئی حکومت کے 50 ارب درختوں، ایک کروڑ نوکریوں اور 50 لاکھ گھروں کے منصوبوں کا انتظار کر رہے ہیں۔

خواجہ سعد رفیق لاہور میں والٹن روڈ پر خطاب کر رہے تھے، انھوں نے کہا کہ 14 اکتوبر کو این اے 131 میں شیر جیتے گا اور لوٹا بھاگے گا، لوٹوں کو ٹکٹ ملے تو عوام لوٹوں کو مسترد کر دیتے ہیں۔

[bs-quote quote=”این اے 131 میں عمران خان نے خواجہ سعد رفیق کو شکست دی تھی” style=”style-7″ align=”left” color=”#dd3333″][/bs-quote]

ن لیگی رہنما سعد رفیق نے کہا کہ ووٹ کی حرمت پر پہرہ دیا جائے گا اور اگر ضمنی انتخابات میں کسی نے دھاندلی کی تو اس پر مست قلندر بھی ہوگا، خیال رہے کہ این اے 131 سے عمران خان نے عام انتخابات میں 84313 ووٹ حاصل کیے تھے جب کہ خواجہ سعد رفیق نے 83633 ووٹ حاصل کیے تھے۔

ان کا کہنا تھا کہ پیپلز پارٹی، مسلم لیگ ق، پرویز مشرف کے بھگوڑے نیا پاکستان نہیں بنا سکتے، اگر تحریکِ انصاف کے پاس ملک آگے لے جانے کا کوئی منصوبہ نہیں تھا تو قوم سے جھوٹ کیوں بولا۔

یہ بھی پڑھیں:  نئی ٹرینیں 20 روز میں تیار نہیں ہوئیں، غلط بیانی نہ کی جائے، خواجہ سعد رفیق

خواجہ سعد رفیق نے اضافی خرچے ختم کرنے کے سلسلے میں حکومتی اقدامات پر تنقید کرتے ہوئے کہا ’بھینسیں، گاڑیاں تو کبھی چندہ مانگ کر ملک چلانے کی بات کرتے ہیں، جب اور کچھ نہ ملا تو موٹر سائیکل کا چالان 10 گنا کر دیا۔‘

ان کا کہنا تھا کہ ہم دن گن رہے ہیں اور مہلت دے رہے ہیں، 50 ارب درختوں، ایک کروڑ نوکریوں اور 50 لاکھ گھروں کاا نتظار کر رہے ہیں۔

خواجہ سعد رفیق نے کہا کہ عمران خان کی حکومت ملک کو شرمندہ کروا رہی ہے، سعودی عرب میں انھوں نے ایسا بیان دیا کہ پاک ایران تعلقات متاثر ہو سکتے ہیں۔

لاہور: مسلم لیگ ن کے رہنما خواجہ سعد رفیق کا کہنا ہے کہ نئے پاکستان میں بجلی گیس ہرچیزمہنگی کر دی گئی۔

تفصیلات کے مطابق لاہور میں کارکنوں سے خطاب کرتے ہوئے مسلم لیگ ن کے رہنما خواجہ سعد رفیق نے کہا کہ گنتی کی اجازت مل جاتی تو دوبارہ ضمنی الیکشن نہ ہوتا، قالین کے نیچے رزلٹ نہ چھپایا جاتا توحالات اورہوتے۔

مسلم لیگ ن کے رہنما نے کہا کہ ہمارے ارد گرد گھیرا تنگ کرنے کی کوشش کی جا رہی ہے، یہ وقت کبھی ان پر بھی آسکتا ہے۔

سابق وزیرریلوے خواجہ سعد رفیق نے کہا کہ مری ہوئی ریلوے کواللہ کے حکم سے ہم نے زندہ کیا۔

انہوں نے کہا کہ نئے پاکستان میں بجلی گیس ہرچیزمہنگی کر دی گئی، پی ٹی آئی سے حکومت نہیں سنبھالی جا رہی۔

خواجہ سعد رفیق نے کہا کہ سعودی عرب کے دورے کے بعد بیان نے مصیبت کھڑی کر دی، نا تجربہ کاری سے پریشانی ہو رہی ہے۔

مسلم لیگ ن کے رہنما نے کہا کہ سی پیک ان سے نہیں چل رہا جو پالیسی لارہے ہیں وہ چین کوقبول نہ ہوگی، جومعاہدہ حکومتیں کرتی ہیں آئندہ حکومت نہیں بدلتی۔

انہوں نے کہا کہ پاکستان کو ریورس گیئرلگا دیا گیا ہے، چند ممالک کے ساتھ تعلقات بہتر رکھنا بے حد ضروری ہیں، افغانستان کےحالات بہترہونے پرپاکستان میں بہتری آئے گی۔

لاہور: سابق وزیرِ ریلوے خواجہ سعد رفیق نے موجودہ وزیرِ ریلوے شیخ رشید پر تنقید کرتے ہوئے کہا ہے کہ وہ مسلسل غلط بیانی سے کام لے رہے ہیں، نئی ٹرینیں بیس روز میں تیار نہیں ہوئیں۔

خواجہ سعد رفیق نے میڈیا سے گفتگو کرتے ہوئے کہا کہ 2 نئی مسافر ٹرینیں 20 روز میں تیار نہیں ہوئیں، نئی ٹرینیں بغیر منصوبہ بندی صرف کارروائی ڈالنے کے لیے چلائی گئیں۔

سابق وزیرِ ریلوے نے دعویٰ کیا کہ دونوں ٹرینیں ریلوے کے خسارے میں کم از کم 20 کروڑ سالانہ اضافہ کریں گی، ریلوے خسارہ ایک 2 یا 3 برس میں ختم نہیں ہو سکتا۔

خواجہ سعد رفیق نے کہا کہ 65 سال سے زائدعمر کے افراد کو آدھے ٹکٹ کی سہولت میرے دور سے ہے، احمقانہ باتوں کی بجائے محکمے کی مالی حالت بہتر بنانے کی کوشش کی جائے۔

مسلم لیگ ن کے رہنما کا کہنا تھا کہ میانوالی پنڈی کے بیچ کام یاب ٹرین چلانے سے پہلے ٹریک ٹھیک کرنا چاہیے، شیخ رشید جس ٹریکس پر ٹرین چلانے والے ہیں وہ بولان میل کے لیے پہلے سے اپ گریڈ کیے گئے تھے۔

مزید پڑھیں:  وعدہ کرتا ہوں بھیس بدل کربھی ریل گاڑیوں کوچیک کروں گا‘ شیخ رشید

واضح رہے کہ دو روز قبل وفاقی وزیرِ ریلوے شیخ رشید نے دعویٰ کیا تھا کہ 20 دن میں 2 ٹرینیں تیارکی گئی ہیں، جن مزدوروں نے دن رات کام کیا انہیں 5،5 ہزارانعام دیں گے۔

انھوں نے کہا کہ میانوالی سے راولپنڈی اور راولپنڈی سے لاہور نئی ٹرین چلیں گی، ریلوے کو ایک سال کے اندر خسارے سے نکالیں گے، سب سے بڑا ٹاسک ہی ریلوے کے خسارے کو کم کرنا ہے۔