ARYNews.tv | Urdu – Har Lamha Bakhabar

Tag: khawaja saad rafique

  • کارکردگی پرشاباش کی بجائے ڈانٹا جائے تو دل ٹوٹ جاتا ہے،سعدرفیق

    کارکردگی پرشاباش کی بجائے ڈانٹا جائے تو دل ٹوٹ جاتا ہے،سعدرفیق

    لاہور : وفاقی وزیر ریلوے خواجہ سعد رفیق نے کہا ہے کہ ریلوے کی کارکردگی کے بارے میں عدالتی ریمارکس پر دلی دکھ ہوا ہے، دم توڑتی ریلوے کو دوبارہ قدموں پر کھڑا کیا، کارکردگی پرشاباش کی بجائے ڈانٹا جائے تو دل ٹوٹ جاتا ہے۔

    تفصیلات کے مطابق وفاقی وزیر ریلوے خواجہ سعد رفیق نے سماجی رابطے کی ویب سائٹ ٹوئٹر پر اپنے بیان میں کہا ریلوے کو اقربا پروری اور کرپشن سے پاک کرنے کیلئے دن رات کام کیا، دم توڑتی ریلوے کو دوبارہ قدموں پر لاکھڑا کیا ہے۔

    خواجہ سعد رفیق کا کہنا تھا کہ جلسوں میں قوم کو سچ بتاتے ہیں، کبھی نہیں کہا ریلوے منافع میں ہے، محکمہ کی مالی حالت ماضی سے بدرجہ ہا بہتر ہے، 18 ارب روپے کمانے والا محکمہ 50 ارب کماٸی تک جا پہنچا ہے۔

    ایک اور ٹوئٹ میں انھوں نے کہا کہ ٹرینوں کےوقت اوراندرونی حالت میں بہتری آئی، کارکردگی جانچنےکاپیمانہ محض ایک آڈٹ رپورٹ نہیں ہوسکتی، آڈٹ اعتراضات ہرمحکمےکےبارےمیں ہوتےہیں، آڈٹ اعتراضات کامطلب کرپشن نہیں ہے۔

    وزیر ریلوے کا کہنا تھا کہ ریلوے کارکردگی بارے عدالتی ریمارکس سے دلی دکھ ہوا ہے، وہ معزز عدالت کو پانچ سالہ کارکردگی پر بریف کرنے کے لئے ہر وقت حاضر ہیں، اچھی کارکردگی پر شاباش کی بجائے ڈانٹا جائے تو دل ٹُوٹتے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نوازشریف اور ان کے ساتھیوں کے ساتھ ناانصافی کی جارہی ہے، سعد رفیق

    نوازشریف اور ان کے ساتھیوں کے ساتھ ناانصافی کی جارہی ہے، سعد رفیق

    لاہور : وفاقی وزیر ریلوے خواجہ سعد رفیق کا کہنا ہے کہ نوازشریف اور ساتھیوں کے ساتھ ناانصافی کی جارہی ہے، عمران اورزرداری ہمارے ساتھ شوق سے لڑیں مگرجمہوریت سے نہ لڑیں۔

    تفصیلات کے مطابق وفاقی وزیر ریلوے خواجہ سعد رفیق نے سماجی رابطے کی ویب سائٹ ٹوئٹر پر اپنے بیان میں کہا کہ نوازشریف اوران کے ساتھیوں کے ساتھ مسلسل ناانصافی کی جارہی ہے، انصاف اور احتساب کا سارا کھیل غیر شفاف اور جانبدارانہ ہے۔

    خواجہ سعد رفیق کا ایک اور ٹوئٹ میں کہنا تھا کہ نیب کا اصل کام تفتیش ہے یا تشہیر؟یہ دنیا کی انوکھی تفتیش ہے، جس میں مراسلہ بعد میں ملتا ہے، خبر پہلے جاری ہوتی ہے۔

    وفاقی وزیر نے کہا کہ کچھ ثابت نہ ہوا تومیڈیا ٹرائل کا کون ذمہ دارہوگا، ہمیں رسواکروانے والوں کوکچھ حاصل نہیں ہوگا، ایک دوسرے کی تضحیک سب کولے ڈوبے گی۔

    ان کا کہنا تھا کہ عمران اور زرداری ہمارے ساتھ شوق سے لڑلیں مگر جمہوریت کو نہ لڑیں، عمران اور زرداری کے حملے جمہوری نظام کو اور کمزور بنا رہے ہیں۔

    مزید پڑھیں : ہم بدلے والے لوگ نہیں ہیں، معاف کرنے والے ہیں، سعد رفیق 

    یاد رہے کہ چند روز قبل خواجہ سعد رفیق کا ایک ٹوئٹ میں کہنا تھا کہ ہم لڑائی نہیں کریں گے، ہمیں ڈنڈے سوٹے پکڑ کے مخالفین سے لڑنا نہیں ہے، فیصلہ اوپر اللہ نے اور نیچے عوام نے کرنا ہے، ہم بدلے والے لوگ نہیں ہیں، معاف کرنے والے ہیں، ہمیں تو مار مار کے ہمارے بدن کالے کر دیئے گئے مگر ہم نے بدلہ نہیں لیا۔

    انہوں نے مزید کہا کہ اس وقت سے ڈریں کہ اللہ کا فیصلہ بہت سخت ہوتا ہے، ہمیں کوئی ڈر ور نہیں ہے ہم نے ماں باپ کی قربانی دی ہے، بہت جیلیں کاٹی ہیں، اب اور بھی کاٹ لیں گے مگر ملک کا تماشا لگ جائے گا،۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • وزیراعلیٰ پنجاب سے خواجہ سعد رفیق کی ملاقات

    وزیراعلیٰ پنجاب سے خواجہ سعد رفیق کی ملاقات

    لاہور: وزیراعلیٰ پنجاب شہبازشریف کا کہنا ہے کہ زرداری نیازی گٹھ جوڑکا مقصدعوام کی خدمت نہیں، اقتدار ہے، نیازی نے زرداری سے گٹھ جوڑ کرکے ایک بار پھریوٹرن لیا ہے۔

    تفصیلات کے مطابق لاہور میں وزیراعلیٰ پنجاب شہبازشریف سے وزیرریلوے خواجہ سعد رفیق نے ملاقات کی جس میں باہمی دلچسپی کے امور، ترقیاتی منصوبوں اور سیاسی صورت حال پر تبادلہ خیال کیا گیا۔

    اس موقع پر وزیراعلیٰ پنجاب نے کہا کہ حکومت نے اسکول، کالج اوراسپتال بنانے کے ریکارڈ قائم کیے، تعلیم اورصحت میں ترقی کے سفرکو ملک بھرمیں لے جائیں گے۔

    شہبازشریف نے کہا کہ عوام جانتے ہیں کس نے دن رات ان کی خدمت میں صرف کیے، عوام کی زندگی میں بہتری کے لیے انقلابی پروگرامز پرعملدرآمد کیا۔

    وزیراعلیٰ پنجاب نے کہا کہ کاشت کاروں کے لیے تاریخ میں پہلی باراربوں روپے کا کسان پیکج دیا گیا ہے جبکہ زرعی ٹیوب ویلوں کے بجلی کے بلوں میں کمی کی گئی ہے۔

    شہبازشریف کا کہنا تھا کہ زرداری نیازی گٹھ جوڑکا مقصدعوام کی خدمت نہیں، اقتدار ہے، نیازی نے زرداری سے گٹھ جوڑ کرکے ایک بار پھریو ٹرن لیا ہے۔

    شہبازشریف نے چوہدری نثار کو پارٹی کا قیمتی اثاثہ قراردے دیا

    خیال رہے کہ گزشتہ روز وزیراعلیٰ پنجاب اور ن لیگ کے صدرشہبازشریف نے چوہدری نثار کوپارٹی کا قیمتی اثاثہ قرار دیا تھا اور تحفظات دورکرنے کی بھی یقین دہانی کرائی تھی۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • عمران خان کسی شہر کے میئرنہیں بن سکتے اور کہتے ہیں کہ انہیں وزیراعظم بنادیاجائے،سعدرفیق

    عمران خان کسی شہر کے میئرنہیں بن سکتے اور کہتے ہیں کہ انہیں وزیراعظم بنادیاجائے،سعدرفیق

    لاہور : وفاقی وزیر ریلوے خواجہ سعد رفیق کا کہنا ہے کہ عمران خان کسی شہر کے میئرنہیں بن سکتے اور کہتے ہیں کہ انہیں وزیراعظم بنادیاجائے، کھڑے رہیں تو مارتے ہیں جواب دیں گے تو کہتے ہیں گستاخ ہو۔

    تفصیلات کے مطابق لاہور میں میڈیا سے گفتگو کرتے ہوئے وفاقی وزیر ریلوے خواجہ سعد رفیق نے کہا کہ ہم ووٹ مانگتےہیں اورلوگ دیتے ہیں، اس کا ایک مقصد تو ہوگا، ووٹ کی طاقت سے ہم اپنا ملک کا نظام چلاتے ہیں اور ووٹ سےنمائندےاورمشکلات حل کی جاتی ہیں۔

    خواجہ سعدرفیق کا کہنا تھا کہ یہ لوگ دھرنے نہ دیتے ہمیں کام کرنےدیتے اور ہم پر ہر وقت تنقید نہ کرتے تو آج لوڈشیڈنگ کا  100فیصد خاتمہ ہوتا، روز ٹی وی پرگالیاں دیتے ہیں،لوگ احتجاج اورسڑکیں بند کرتے ہیں۔

    وزیر ریلوے نے کہا کہ ہمیں بولنے کی اجازت تک نہیں دی جاتی، ساری زندگی کام کیااب یہ کام چھوڑبھی نہیں سکتےہیں، کھڑے رہیں تو مارتے ہیں جواب دیں گے تو کہتے ہیں گستاخ ہو۔

    مزید پڑھیں : مجھے پاکستان کا کرپٹ ترین شخص بناکر پیش کیا جارہا ہے: خواجہ سعد رفیق

    ان کا کہنا تھا کہ پاکستان میں ایل این جی لے کر آئے ہیں، لاہور کے حالات بدل گئے مگر کراچی کےحالات وہی ہیں، پنجاب کےاسپتالوں میں صرف پنجاب کے مریض نہیں ہوتے، کےپی،سندھ سمیت پورے پاکستان کے مریض آتے ہیں۔

    سعدرفیق نے کہا کہ عمران خان اورزرداری نے اپنے صوبوں میں اسپتال نہیں بنائے، لوگوں نے پیپلزپارٹی کوفارغ کردیا ہے، اب برادری،رشتہ داری پر نہیں کام پر ووٹ ملتا ہے، اب جھوٹے الزامات لگا کر ووٹ نہیں ملتا۔

    وفاقی وزیر  ریلوے کا مزید کہنا تھا کہ نوازشریف اور ہمیں عدالتوں میں گھسیٹاجارہاہے آپس کی لڑائی میں ہم سب ہارجائیں گے، گھرکی لڑائی کو ختم کر کے آئین کے دائرے میں رہ کرکام کریں۔

    انھوں نے کہا کہ ہمیں صرف اس لیے گھسیٹا جارہاہے تاکہ عوام ہم سےمتنفرہوجائیں۔ بھٹو کو پھانسی دی گئی تو پیپلزپارٹی مزید مضبوط ہوئی۔ زرداری کراچی کا کچرا اٹھالیں،عمران کچھ نہ کریں کم از کم پشاورکے چوہے ہی مار لیں، عمران خان کسی شہر کے میئرنہیں بن سکتے اور کہتے ہیں کہ انہیں وزیراعظم بنادیاجائے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • آج سینیٹ میں جمہوریت ہارگئی، پتلی تماشا جیت گیا، خواجہ سعد رفیق

    آج سینیٹ میں جمہوریت ہارگئی، پتلی تماشا جیت گیا، خواجہ سعد رفیق

    لاہور : وفاقی وزیر ریلوے خواجہ سعد رفیق نے کہا ہے کہ سینیٹ کے حالیہ الیکشن سے واضح ہوگیا کہ جمہوریت ہارگئی اور پتلی تماشا جیت گیا، آصف زرداری اورعمران خان نے جمہوریت کی پشت پر چھرا گھونپا۔

    یہ بات انہوں نے سماجی رابطے کی ویب سائٹ ٹوئٹر پر چیئرمین و ڈپٹی چیئرمین سینیٹ کے انتخاب کے بعد رد عمل میں اپنے پیغام میں کہی۔

    خواجہ سعدرفیق نے ٹویٹر پیغام میں کہا کہ آج سینیٹ میں جمہوریت ہارگئی اور پتلی تماشا جیت گیا، عمران خان اور آصف زرداری جمہوریت کو عدم استحکام سے دوچار کرنے کے مجرم ہیں۔

    ان کا مزید کہنا تھا کہ سیاسی جمہوری قوتیں یکجانہ ہوئیں تورہی سہی جمہوریت بھی جاتی رہے گی، ان دونوں نے جمہوریت کی پشت پر چھرا گھونپا۔

    ان کا مزید کہنا تھا کہ ماضی میں بھی اکثریت کو اقلیت میں بدلنے کی کوششوں سے ملک ٹوٹا جس سے کوئی کوئی سبق نہیں سیکھا گیا۔

    مزید پڑھیں: ایک دوسرے کو چور کہنے والے آج گلے مل گئے، سینیٹ الیکشن میں دھاندلی ہوئی: مریم اورنگزیب

    اس سے قبل سینیٹ انتخاب پر اپنے رد عمل میں وزیر مملکت برائے اطلاعات ونشریات مریم اورنگزیب کا کہنا تھا کہ چیئرمین سینیٹ کے الیکشن میں دھاندلی کی گئی، کیسے کی گئی ہم یہ بھی جانتے ہیں، ایک دوسرے کو چور کہنے والے آج گلے مل گئے۔

    ان مزید کا کہنا تھا کہ غیر جمہوری عناصر قوم کے سامنے بے نقاب ہو چکے ہیں، بلوچستان میں لوگوں کو خریدا گیا، تمام مشکلات کے باوجود نواز شریف اصولوں پر ڈٹ کر کھڑے ہیں۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • سعد رفیق کا چیئرمین سینیٹ کیلئے ہارس ٹریڈنگ کا الزام

    سعد رفیق کا چیئرمین سینیٹ کیلئے ہارس ٹریڈنگ کا الزام

    اسلام آباد : حکومتی جماعت کے رہنما خواجہ سعد رفیق نے چیئرمین سینیٹ کیلئے ہارس ٹریڈنگ کا الزام لگاتے ہوئے شکوہ کیا منتخب سینیٹرزکووفاداریاں تبدیل کرانےنامعلوم مقام لے جایا گیا۔

    تفصیلات کے مطابق وزیر ریلوے خواجہ سعد رفیق نے میڈیا سے گفتگو کرتے ہوئے کہا کہ جماعت اسلامی ن لیگ کے امیدواروں کی حمایت کررہی ہے اور اعلان بھی کردیا ہے، جماعت اسلامی کے قائدین سےملنےبھی جارہے ہیں۔

    خواجہ سعد رفیق نے چیئرمین سینیٹ کے انتخاب میں ہارس ٹریڈنگ کا الزام عائد کردیا اور کہا کمنتخب سینیٹرزکووفاداریاں تبدیل کرانے نا معلوم مقام لے جایا گیا ،کل جب ملنے گئے تو معلوم ہوا سینیٹر صاحب نامعلوم مقام گئے ہوئے ہیں۔

    وزیر ریلوے کا کہنا تھا کہ آصف زرداری، عمران خان جو کھیل کھیل رہے ہیں وہ جمہوریت کش ہے۔

    انھوں نے مزید کہا کہ راجہ ظفرالحق نے پوری زندگی آئین وقانون کیلئے جدوجہد کی، دوسری طرف صادق سنجرانی ہیں، جن کے سیاسی ماضی کا کچھ پتہ نہیں۔

    عمران خان اورآصف زرداری ایک ہی تھالی کے چٹے بٹے ہیں، رانا ثنااللہ

    دوسری جانب وزیر قانون پنجاب راناثنااللہ کا کہنا ہے کہ یہ لوگ پوری طرح سے بے نقاب ہوچکے ہیں ، ووٹوں کا واضح فرق نہیں نظر آرہا ہے ، فاروق ستار پارٹی کے سربراہ ہوتے تو صورتحال کچھ اور ہوتی۔

    راناثنااللہ کا کہنا تھا کہ عمران خان اورآصف زرداری ایک ہی تھالی کے چٹے بٹے ہیں، ملک کے 21کروڑ عوام ان کی قسمت کا فیصلہ کریں گے۔

    انھوں نے مزید کہا کہ مسلم لیگ(ن) جمہوریت کی نمائندہ جماعت ہے ، میں نے اپنے حلقے سے 60ہزار ووٹ لئے تھے ، ایک دو ووٹ کافرق ہے جو اتنا بڑا نہیں ہے، ن لیگ کا امیدوار ہی چیئرمین سینیٹ کی نشست پر بیٹھے گا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پرشیئر کریں۔

  • شیر کومقدمات میں الجھانے کا فائدہ نہیں ، شیر زنجیر یں توڑ کر واپس آئے گا، سعد رفیق

    شیر کومقدمات میں الجھانے کا فائدہ نہیں ، شیر زنجیر یں توڑ کر واپس آئے گا، سعد رفیق

    اسلام آباد : وفاقی وزیر ریلوے خواجہ سعد رفیق کا کہنا ہے کہ شیر کومقدمات میں الجھانے کا فائدہ نہیں ، شیر زنجیر یں توڑ کر واپس آئے گا، نوازشریف کو جتنا دبا یا جارہا اتنا وہ ابھرتے جارہے ہیں، ملک کےفیصلے چند لوگ نہیں عوام کریں گے۔

    تفصیلات کے مطابق وفاقی وزیر ریلوے خواجہ سعد رفیق نے میڈیا سے گفتگو کرتے ہوئے کہا کہ سیاست بہت طاقت ور چیز ہے ، نواز شریف کو پھنسا کر محبت کو ختم نہیں کیا جاسکتا ، نوازشریف کے آنے سے ترقی کا طوفان آتا ہے، اس لئے لوگ نہیں چھوڑتے، ملک کو ایٹمی طاقت بنایا، موٹروے نواز شریف نے بنوائیں ، آج میٹرو صرف لاہور نہیں پنڈی،ملتان میں بھی موجود ہے۔

    خواجہ سعد رفیق کا کہنا تھا کہ عمران خان کو بھی کام کرنا چاہئے تھا ، کراچی کا بیڑا غرق ہوگیا ہے ، سب سے زیادہ ورکنگ ویمن کراچی میں ہیں ، کراچی میں خواتین کو کوئی سہولتیں میسر نہیں۔

    وزیرریلوے نے کہا کہ پاکستانیوں کو انصاف ملتا ہے نہ روزگار اور نہ تحفظ ملتا ہے ، 70سال ہوگئے کب تک دھکے کھائیں گے ، ملک کو آگے لیکرجانا ہے، ایل این جی آنے کے بعد یہ قطاریں ختم ہوئیں ، لوگوں کی مرضی سے پاکستان چلے گا اور تبدیلی ووٹوں سے آئے گی۔

    انکا کہنا تھا کہ ہم نے لاہور اور ملتان کو بدلا ہے،کراچی ،پشاور،کوئٹہ کوبھی بدلیں گے، لوگوں کی بے عزتی سے ملک نہیں چلتے ، منہ بندکرنے کی روایت ختم ہونی چاہئے، ہم نے ملک کے بیمار اداروں کو کھڑا کیا ،یہ لوگ باولے ہوگئے ہیں، چور ملک کی تقدیر نہیں بدل سکتے۔

    مزید پڑھیں :  منصفو اورمحتسبو! اب بس بھی کردو ،خدارا پاکستان کوچلنے دو، سعد رفیق

    مسلم لیگ ن کے رہنما نے عدلیہ پر پھر تنقید کرتے ہوئے کہا کہ نوازشریف کو اس لئے نکالا گیا کہ انہوں نے ڈکیٹیشن لینے سے انکار کیا، ملک کےفیصلے چند لوگ نہیں عوام کریں گے، ڈاکو چور ڈیکلیئر کئے جانے کا سلسلہ اب بند ہونا چاہیئے۔

    سعد رفیق کا کہنا تھا کہ نواز شریف کواس لئے نکالاگیا کیوں کہ وہ کہتے ہیں ووٹ کی حرمت مانو، پاکستان آج خطر ے میں ہے ،ملک کا نام گر ے لسٹ میں ڈال دیا گیا، 2018میں ن لیگ دوتہائی اکثریت سے واپس آئے گی ، واپس آکر بھی تصادم نہیں ملک کی ترقی چاہتے ہیں۔

    انھوں نے مزید کہا کہ انشا اللہ آپ کو روشن پاکستان دیں گے ، کوئی آپ کو تنگ نہیں کرے نہ ہی ہراساں کرے گا، عوام ووٹ سنجیدہ لوگوں کو دیں ، آپس کا جھگڑا پاکستان کو پیچھے لےکر جائے گا ، ضروری ہے ادارے اپنی اپنی ذمہ داری کا احساس کریں۔

    وزیرریلوے نے کہا کہ شیر کومقدمات میں الجھانے کا فائدہ نہیں ، شیر زنجیر یں توڑ کر واپس آئے گا ، ماضی میں شیر کوہائی جیکر بنادیاکسی نے مانا؟ کوئی نہیں مانتا، تاریخ سےسبق سیکھا جائےمرضی کی سیاسی جماعتیں بنادیتے ہیں، نوازشریف کو جتنا دبا یا جارہا اتنا وہ ابھرتے جارہے ہیں۔

    خواجہ سعد رفیق کا کہنا تھا کہ سیاستدان کو قبرمیں گاڑ دوں وہ وہاں سےبھی سیاست کرتاہے، لڑیں گے تو کھائی میں سب ہی گریں گے ،کوئی پہلے تو کوئی بعد میں ، افواج پاکستان اور ان کی قربانیوں کی عزت کی جائے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • منصفو اورمحتسبو! اب بس بھی کردو ،خدارا پاکستان کوچلنے دو، سعد رفیق

    منصفو اورمحتسبو! اب بس بھی کردو ،خدارا پاکستان کوچلنے دو، سعد رفیق

    لاہور : وفاقی وزیر ریلوے خواجہ سعد رفیق نے ایک بار پھرعدلیہ پر تنقید کرتے ہوئے کہا منصفو اورمحتسبو! اب بس بھی کردو ، خدارا پاکستان کوچلنے دو، ن لیگ اور اسکی حکومتوں کی کردار کشی کی مذموم مہم زوروں سے جاری ہے۔

    تفصیلات کے مطابق ن لیگ وفاقی وزیر بھی قائدین نقش قدم پر چل رہے ہیں ، ایک لیگی رہنما کو توہین عدالت پرسزا اور دو کو نوٹسز بھی ہوئے، اس کے باوجود لیگی رہنماؤں کی عدلیہ پر تنقید بدستور جاری ہے۔

    وفاقی وزیر ریلوے خواجہ سعد رفیق نے سماجی رابطے کی ویب سائٹ ٹوئٹر پر اایک بار پھرعدلیہ پر تنقید کرتے ہوئے کہا کہ پیارےمنصفو اورمحتسبو، اب بس بھی کردو ،خدارا پاکستان کوچلنے دو ، ستر سال جمہوریت پسندوں کو چور کہہ کر ملکی سالمیت کیلئے خطرہ قرار دیا گیا۔


    سعد رفیق کا کہنا تھا ہر بارموقع ملنے پر عوام نے ووٹ انہیں ہی دیا، الیکشن ہوئے تو اس بار بھی یہی ہوگا، ن لیگ اور اسکی حکومتوں کی کردارکشی کی مذموم مہم زوروں سےجاری ہے۔

    وفاقی وزیر ریلوے نے کہا کہ سیاسی جماعتوں،اداروں میں منفی عناصرجمہوری نظام کو تباہ کرنا چاہتے ہیں، انصاف ،احتساب کےاداروں کےغیرقانونی استعمال سے انتشارپھیل رہاہے۔

    انکا مزید کہنا تھا کہ ملک کو جاہلوں سے نہیں پڑھے لکھے فاشسٹوں سے خطرہ ہے، پرہیز گاری کا زعم اچھے خاصے لوگوں کو غیر متوازن کر دیتا ہے۔

    مزید پڑھیں :  چار سال میں ہمیں سکون سے حکومت نہیں کرنی دی گئی، خواجہ سعد رفیق

    یاد رہے  چند روز قبل وفاقی وزیر ریلوے خواجہ سعد رفیق کا کہنا تھا کہ چار سال میں سکون سے حکومت نہیں کرنی دی گئی، نوازشریف نے سپریم کورٹ کے خلاف کوئی بات نہیں کی، نواز شریف آج سے نہیں 1990 سے نشانے پرہیں، یہ پاکستان ہے فرانس یا امریکا نہیں، اخلاقیات کا درس نہ دیا جائے۔ 

    انکا کہنا تھا کہ نوازشریف نے سپریم کورٹ کے خلاف کوئی بات نہیں کی، فیصلوں پر رائے دینے کا حق ہے۔ ایسے ریمارکس دیئے جائیں گے جو اخلاقی طور پر جائز نہیں، ان پر شکوہ شکایت تو کر سکتے ہیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • اعصاب اورعزائم کا مقابلہ انشا اللہ ن لیگ ہی جیتےگی‘ خواجہ سعد رفیق

    اعصاب اورعزائم کا مقابلہ انشا اللہ ن لیگ ہی جیتےگی‘ خواجہ سعد رفیق

    اسلام آباد : وفاقی وزیر ریلوے خواجہ سعد رفیق کا کہنا ہے کہ انتخابات میں ن لیگ کی دو تہائی اکثریت کا خوف مخالفین پرسوار ہے۔

    تفصیلات کے مطابق سماجی رابطے کی ویب سائٹ ٹویٹر پر وفاقی وزیرریلوے خواجہ سعد رفیق نے اپنے پیغام میں کہا کہ اعصاب اورعزائم کا مقابلہ انشا اللہ ن لیگ ہی جیتے گی۔

    انہوں نے کہا کہ انتخابات میں ن لیگ کی دو تہائی اکثریت کا خوف مخالفین پرسوار ہے، قانون شکن اور لٹیرے ہم پر الزام عائد کرتے ہیں۔

    خواجہ سعد رفیق نے کہا کہ سازشی بے نقاب ہوں گے اور مکافات عمل کا شکار بھی، اللہ کریم انہیں ہدایت عطا فرمائے۔

    شیرو، گبھرانا نہیں! یہ زیادتیاں نوازشریف کواوراوپرلےکر جائیں گی‘مریم نواز

    خیال رہے کہ اس سے قبل سابق وزیر اعظم نواز شریف کی صاحبزادی مریم نواز کا کہنا تھا کہ شیرو، گبھرانا نہیں! یہ زیادتیاں نواز شریف/مسلم لیگ ن کو اور اوپر لے کر جائیں گی انشاءالّلہ۔

    مسلم لیگ ن کی رہنما مریم نواز کا کہنا تھا کہ یاد رکھنا، ظلم جب حد سے بڑھتا ہے تو مٹ جاتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • چار سال میں ہمیں سکون سے حکومت نہیں کرنی دی گئی، خواجہ سعد رفیق

    چار سال میں ہمیں سکون سے حکومت نہیں کرنی دی گئی، خواجہ سعد رفیق

    لاہور : وفاقی وزیر ریلوے خواجہ سعد رفیق نے کہا ہے کہ چار سال میں سکون سے حکومت نہیں کرنی دی گئی، نوازشریف نے سپریم کورٹ کے خلاف کوئی بات نہیں کی، نواز شریف آج سے نہیں 1990 سے نشانے پرہیں، یہ پاکستان ہے فرانس یا امریکا نہیں، اخلاقیات کا درس نہ دیا جائے۔

    تفصیلات کے مطابق جاتی عمرہ رائیونڈ میں نواز شریف زیرصدارت اجلاس کے بعد میڈیا سے گفتگو کرتے ہوئے وزیر ریلوے خواجہ سعد رفیق کا کہنا تھا کہ ملک الیکشن کی طرف بڑھ رہا ہے، ہمارے سامنے 2018 کا الیکشن ہے، نواز شریف چند دنوں تک سنٹرل ورکنگ کمیٹی کا اجلاس بلائیں گے، جس میں آئندہ انتخابات کے لئے بورڈ اور سیل بھی تشکیل دیئے جائیں گے۔

    سعد رفیق کا کہنا تھا کہ صدر نواز شریف کے سوا کسی کے نام پر غوروخوض نہیں کیا گیا وہی سپریم لیڈر ہیں۔ قانون سازی سوچ سمجھ کر کی ہے۔ انہوں نے تاکید سے کہا کہ وہی قانون جسے 73 کے بعد بھٹو نے بنایا تھا اور مشرف نے نکالا تھا۔

    وفاقی وزیر ریلوے نے کہا کہ نوازشریف آج سے نہیں 1990 سے نشانے پرہیں، یہ پاکستان ہے فرانس یا امریکانہیں، اخلاقیات کا درس نہ دیا جائے، ہمیں اخلاقیات سکھانے والے خود بھی عمل کریں۔

    انکا کہنا تھا کہ پارلیمنٹ ،سیاسی قیادت پرغیراخلاقی جملےکسےگئےتو جواب بھی آئیگا، عدالتوں نے نظریہ ضرورت کے تحت غیرقانونی فیصلے دئیے ، امید ہے عدالتیں پارلیمنٹ کے قانون کیخلاف فیصلےنہیں دیں گی۔

    مزید پڑھیں:   نواز شریف فیصلوں سے فارغ ہونے والے نہیں،خواجہ سعد رفیق

    خواجہ سعد رفیق نے کہا کہ نوازشریف نے سپریم کورٹ کے خلاف کوئی بات نہیں کی، فیصلوں پر رائے دینے کا حق ہے۔ ایسے ریمارکس دیئے جائیں گے جو اخلاقی طور پر جائز نہیں، ان پر شکوہ شکایت تو کر سکتے ہیں۔

    ان کا کہنا تھا کہ چار سال میں سکون سے حکومت نہیں کرنی دی گئی، پہلی بار ایسا نہیں ہوا، عدلیہ اور پارلیمنٹ میں جنگ نہیں ہوگی، پارلیمنٹ کا احترام کرنا ہو گا، باقی اداروں کا احترام تو کریں لیکن ایک کا نہیں۔

    وفاقی وزیر ریلوے نے کہا کہ پاکستان فرانس یا برطانیہ نہیں۔ بار بار مارشل لاء لگایا گیا۔ نظریہ ضرورت کے تحت فیصلے کئے گئے۔ پھانسی دی گئی، اس پر آج تک کوئی بات نہیں کی گئی، ون وے پروپیگنڈہ کرنے والوں کا بھی احتساب کریں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔