Tag: khurram agency

  • افغانستان سے کرم ایجنسی پر4مارٹرگولےفائر

    افغانستان سے کرم ایجنسی پر4مارٹرگولےفائر

    کرم ایجنسی: پاکستان کےقبائلی علاقے کرم ایجنسی میں افغانستان سے چار مارٹرگولے داغےگئے تاہم کوئی جانی نقصان نہیں ہوا۔

    تفصیلات کےمطابق پاک افغان سرحد کے قریب کرم ایجنسی میں سرحد پارسے 4 میزائل فائر کیے گئے تاہم کوئی جانی نقصان نہیں ہوا۔

    کرم ایجنسی کے پولیٹکل انتظامیہ کےمطابق افغانستان سے فائر کیے گئے 2 میزائل شنگک کے علاقے میں آگرے جس سے ایک دکان مکمل طور پر تباہ ہوگئی۔

    پولیٹیکل انتظامیہ کاکہناہےکہ 2 میزائل کچکینہ کےعلاقے خرپلان میں قبرستان پرگرے اور ایک میزائل مسجد کے قریب گرا تاہم کسی نقصان کی اطلاع نہیں ہے۔

    پولیٹیکل انتظامیہ کے ترجمان کےمطابق میزائل افغانستان کے صوبے پکتیا سےفائر کیےگئے۔


    خیبرایجنسی میں دہشتگردوں کا حملہ ‘ جوابی کارروائی میں 3دہشت گرد ہلاک


    خیال رہےکہ رواں ماہ 19 مارچ کو پاکستان کےقبائلی علاقے خیبر ایجنسی میں پاکستانی چیک پوسٹوں پر دہشت گردوں کےحملے کو ناکام بناتے ہوئےسیکورٹی فورسزنے جوابی کارروائی میں 3دہشت گردوں کو ہلاک کردیاتھا۔


    پاک فوج کی افغان سرحد پر کارروائی، جماعت الاحرار کے کئی ٹھکانے تباہ


    یاد رہےکہ رواں سال 17فروری کو پاک فوج نے افغان بارڈر پر قائم دہشت گردوں کے متعدد ٹھکانوں کو تباہ کردیاتھا، کارروائی میں دہشت گردوں کو بھاری جانی نقصان بھی اٹھانا پڑاتھا۔


    پاک فوج کی سرحد پار کارروائی، اہم کمانڈر سمیت 20 دہشتگرد ہلاک


    واضح رہےکہ 19 فروری کو پاک فو ج نے پاک افغان سرحد کے پار کارروائی کرتے ہوئے جماعت الااحرار کےمزیدکیمپ تباہ کردیے تھے۔کارروائی کے دوران خودکش حملہ آور کو تربیت فراہم کرنے والےاہم کمانڈر رحمان بابا سمیت 20دہشت گرد ہلاک ہوگئےتھے۔

  • کرم ایجنسی: اسکول گراؤنڈ میں فٹبال میچ کےدوران 2دھماکے

    کرم ایجنسی: اسکول گراؤنڈ میں فٹبال میچ کےدوران 2دھماکے

    کرم ایجنسی : علی زئی ہائی اسکول گراؤنڈ میں ہونے والےدو دھماکوں میں ایک شخص جاں بحق اور تین زخمی ہوگئے، سیکیورٹی فورسز نے ایک مبینہ حملہ آور کو گولی مارکر ہلاک کردیا۔

    دہشت گردی کا ایک اور واقعہ رونما ہوا اور اس بار نشانہ بنا کرم ایجنسی کا علاقہ علی زئی، جہاں اسکول گراؤنڈ میں فٹبال میچ جاری تھا کہ یکے بعد دیگرے دو دھماکے ہوئے،جس کے بعد گراؤنڈ میں بھگدڑ مچ گئی۔

     دھماکے اور بھگدڑسےمتعددافراد زخمی ہوگئے، واقعے کی اطلاع ملتے ہی پولیٹیکل انتظامیہ اور سیکیورٹی اہلکار جائے وقوعہ پر پہنچ گئے اور سیکیورٹی فورسز نے علاقے کو گھیرے میں لے لیا۔

    پولیٹکل انتظامیہ کا کہنا ہے کہ حملہ خودکش ہے، ابتدائی اطلاعات کے مطابق سیکیورٹی فورسز سے فائرنگ کے تبادلے میں ایک مبینہ حملہ آور مارا گیا۔

  • کرم ایجنسی: سیکیورٹی فورسز کے قافلہ پر بارودی مواد کا دھماکہ،4 شہید

    کرم ایجنسی: سیکیورٹی فورسز کے قافلہ پر بارودی مواد کا دھماکہ،4 شہید

    کرم ایجنسی: سیکیورٹی فورسز کے قافلے پر بارودی مواد کے دھماکے کے نتیجے میں چار سیکورٹی اہلکار شہید ہوگئے۔

    سیکیورٹی ذرائع کے مطابق لوئرکرم ایجنسی کے علاقے ورما گئی میں سیکیورٹی فورسز کا قافلہ گذر رہا تھا کہ سڑک کنارے نصب دھماکا خیز مواد پھٹ گیا، جس کے نتیجے میں چار سیکیورٹی اہلکار موقع پر ہی شہید ہوگئے جبکہ دو جوان زخمی ہوگئے۔

    دھماکے کے بعد فوری طور پر امدادی ٹیمیں موقع پر پہنچ گئیں جبکہ دونوں زخمیوں کو سی ایم ایچ اسپتال پشاور منتقل کر دیا گیا۔

    دھماکے کے بعد سیکورٹی فورسز نے علاقے میں سرچ آپریشن شروع کر دیا ہے۔

    یاد رہے کہ پاک فوج 14 جون کو شمالی وزیرستان میں دہشت گردوں کے خلاف آپریشن ‘ضرب عضب’ کا آغاز کیا تھا، جس کا دائرہ کار پھر خیبر ایجنسی تک بڑھا دیا گیا تھا، آپریشن ‘ضرب عضب میں متعدد دہشت گرد مارے جا چکے ہیں۔