کراچی: پاکستان تحریک انصاف نے این اے 249 کے ضمنی الکیشن کے نتائج کو مسترد کردیا ہے، خرم شیر زمان کا کہنا ہے کہ دو نمبر سے الیکشن کرانے ہیں تو سیاسی جماعتوں کو لڑنےکی ضرورت ہی نہیں ہے۔
تفصیلات کے مطابق کراچی میں پریس کانفرنس کرتے ہوئے پی ٹی آئی کے رکن سندھ اسمبلی خرم شیر زمان نے این اے 249 کے ضمنی الیکشن میں پیپلز پارٹی کی جیت پر سوالات اٹھائے اور کہا کہ پورا بلدیہ حیران اورپریشان ہےکہ پیپلزپارٹی کیسےجیت گئی؟، پی پی کی جیت ایسے ہے جیسے بلدیہ میں دودھ کی نہریں بہہ رہی ہوں، تین دن پہلے ہونیوالے سروے میں بھی پیپلزپارٹی کہیں نہیں تھی، کسی سروے کمپنی نے بھی پیپلزپارٹی کو پانچواں نمبرسےاوپر نہیں دیاتھا۔
خرم شیر زمان نے این اے 249 کے ضمنی الیکشن کو پری پلانٹڈ قرار دیتے ہوئے کہا کہ پہلے سے طے شدہ تھا کہ کسے اوپر لانا ہے اورکسے نیچے؟پیپلزپارٹی کی کامیابی نےثابت کردیا کہ یہ دھاندلی تھی، ثابت ہوا کہ دونمبر سے الیکشن کرانے ہیں تو سیاسی جماعتوں کو لڑنےکی ضرورت ہی نہیں ہے۔
پی ٹی آئی رکن سندھ اسمبلی نے الیکشن کمیشن پر بھی کڑی تنقید کرتے ہوئے کہا کہ الیکشن کمیشن نااہل ہےجو شفاف الیکشن کرانےمیں ناکام رہا، ہماری ڈیمانڈ تھی یہ الیکشن رمضان میں نہیں ہوناچاہئےتھا، ہم جانتےتھے کہ رمضان میں اتنےلوگ نہیں نکل پائیں گے، کوروناکیسز بڑھتےجارہےہیں جس کی وجہ سے بھی لوگ نہیں نکلے، الیکشن کمیشن اس وبائی مرض کے پھیلانے کاذمہ دار ہے۔
یہ بھی پڑھیں: این اے 249: ضمنی الیکشن کا میدان پیپلز پارٹی نے مار لیا
خرم شیر زمان نے کہا کہ انتیس اپریل کی صبح سب سےزیادہ رش پی ٹی آئی کیمپس میں تھا، ہمارےکیمپس میں تقریباً ساڑھے17ہزار لوگ آئےاور ووٹ کی پرچیاں لیں، جب نتیجہ آیا تو ساڑھے17ہزار تو دور اس کا آدھا فیگربھی سامنےنہیں آیا، یہ الیکشن پورا پری پلان تھا، فیصلہ کیا گیاا لیکشن کون اورکس نےجیتناہے؟۔
خرم شیرزمان کا کہنا تھا کہ الیکشن کو ہم چیلنج کرینگےاسکےخلاف عدالت جائیں گے،یہ الیکشن ہمیں کسی بھی طورپر قابل قبول نہیں ہے، الیکشن کمیشن نے2023الیکشن کی تیاری اسی طرح کی تو پھر فائدہ نہیں ہے، الیکشن کمیشن ایک کاغذ پر پہلا دوسرا اور تیسرا نمبرلکھ کردےدے۔
