ARYNews.tv | Urdu – Har Lamha Bakhabar

Tag: Khurrum Sher Zaman

  • اٹھارویں ترمیم کی آڑ میں لوٹ مار کرتے رہیں گے؟ خرم شیر زمان

    اٹھارویں ترمیم کی آڑ میں لوٹ مار کرتے رہیں گے؟ خرم شیر زمان

    کراچی: رکن سندھ اسمبلی خرم شیر زمان کا کہنا ہے کہ شاید کہنا پڑے 18 ویں ترمیم کی آڑ میں کب تک عوام پریشان ہوں گے، سندھ میں کرپشن کا بول بالا ہے۔ 18 ویں ترمیم کی آڑ میں اس طرح لوٹ مار کرتے رہیں گے؟

    تفصیلات کے مطابق پاکستان تحریک انصاف کے رکن سندھ اسمبلی خرم شیر زمان کا کہنا تھا کہ وادی نیلم واقعے پر افسوس ہے، وزیر اعظم کی ہدایت پر کام جاری ہے۔

    خرم شیر زمان کا کہنا تھا کہ سندھ میں حالات اتنے خراب ہیں کہ کیا بتائیں، شاید کہنا پڑے 18 ویں ترمیم کی آڑ میں کب تک عوام پریشان ہوں گے، آج صوبہ سندھ میں کرپشن کا بول بالا ہے۔ پیپلز پارٹی 11 سال میں کوئی ایک کام نہیں کر پائی۔

    انہوں نے کہا کہ نالائق اعلیٰ گھوٹکی الیکشن میں مصروف ہیں، سندھ کی عوام کو مراد علی شاہ نے فراموش کر دیا ہے۔ سندھ حکومت نے آج تک ایڈز کنٹرول پر کام نہیں کیا۔ ’18 ویں ترمیم کی آڑ میں اس طرح لوٹ مار کرتے رہیں گے‘؟

    رکن اسمبلی نے کہا کہ تحریک انصاف کی حکومت خاموش نہیں رہے گی، اس حکومت میں این آر او نہیں دیا جائے گا۔

    اس سے قبل خرم شیر زمان کا کہنا تھا کہ وزیر اعلیٰ سندھ مراد علی شاہ نے نئی دکان کھولی ہوئی ہے، وزیر اعلیٰ سندھ کو مسائل کے حل کے لیے سابق میئر کی مشاورت کی ضرورت بھی پڑگئی لیکن پیپلز پارٹی نے پھر بھی کرپشن ہی کرنی ہے۔

    انہوں نے کہا تھا کہ 11 سالوں میں ترقیاتی کاموں کے نام پر صوبے میں کھربوں روپے کی بے ضابطگیاں کی گئی ہیں۔

  • پیپلزپارٹی مکمل طورپرصوبہ سندھ میں ناکام ہوچکی ہے، خرم شیرزمان

    پیپلزپارٹی مکمل طورپرصوبہ سندھ میں ناکام ہوچکی ہے، خرم شیرزمان

    کراچی : پی ٹی آئی کے ممبر صوبائی اسمبلی خرم شیر زمان کا کہنا ہے کہ 11جولائی کو وزیراعظم عمران خان آ رہے ہیں، سندھ کو خوشخبریاں ملیں گی۔

    پاکستان تحریک انصاف کے رہنما خرم شیرزمان کا کہنا ہے پیپلزپارٹی مکمل طور پرصوبہ سندھ میں ناکام ہوچکی ہے، ہم دعاگو ہیں کراچی، سندھ اور پاکستان صحیح سمت میں چلے۔

    خرم شیر زمان نے کہا کہ ان لوگوں نے کرپشن اور لوٹ مار ہی کرنی ہے، ان لوگوں نے کراچی اورسندھ کو ٹھیک نہیں کرنا۔

    پاکستان تحریک انصاف کے رہنما نے کہا کہ بہت جلد انشااللہ سندھ میں بھی تحریک انصاف کی حکومت ہوگی، 11جولائی کو وزیراعظم آرہے ہیں، سندھ کو خوشخبریاں ملیں گی۔

    مریم نواز نے ویڈیو اس کی فراہم کی جو14 کیسز میں مطلوب ہے، حلیم عادل شیخ

    اس سے قبل تحریک انصاف کے رہنما حلیم عادل شیخ کا کہنا تھا کہ بلاول بھٹو کو لاڑکانہ، رتو ڈیرو جانا چاہیے جہاں ایڈز پھیل چکا، معصوم مررہے ہیں، صحت کی سہولیات کیوں نہیں دی جاتیں، رتوڈیرو میں 903 متاثرہ بچے ہیں، ٹریٹمنٹ سینٹر بھی بحال نہیں ہوا۔

    پاکستان تحریک انصاف کے رہنما کا کہنا تھا کہ ہمارے چیمپئن وزیراعلیٰ مراد علی شاہ نے ٹوپی ڈراما شروع کر دیا ہے، 11 سال بعد وزیراعلیٰ کوکراچی کا خیال آیا ہے کہ پانی دیا جائے۔

    حلیم عادل شیخ نے مزید کہا تھا کہ وزیر بلدیات سندھ سعید غنی بھی تھر کے معصوم بچوں سے ٹوپی ڈراما کرنے آگئے۔

  • سندھ میں جعلی ڈاکٹروں اورغیر قانونی بلڈ بینکوں کی بھرمارہے، خرم شیرزمان

    سندھ میں جعلی ڈاکٹروں اورغیر قانونی بلڈ بینکوں کی بھرمارہے، خرم شیرزمان

    کراچی: پاکستان تحریک انصاف کے ممبر سندھ اسمبلی خرم شیر زمان کا کہنا ہے کہ سندھ کےعوام ایڈزجیسی مہلک بیماری کا شکارہو رہے ہیں۔

    تفصیلات کے مطابق سماجی رابطے کی ویب سائٹ ٹویٹر پر خرم شیر زمان نے اپنے پیغام میں محکمے کی ابترصورت حال پر وزیرصحت سندھ کے استعفیٰ کا مطالبہ کردیا۔

    انہوں نے کہا کہ سندھ میں جعلی ڈاکٹروں اورغیر قانونی بلڈ بینکوں کی بھرمار ہے، سندھ کےعوام ایڈزجیسی مہلک بیماری کا شکارہو رہے ہیں۔


    خرم شیرزمان نے کہا کہ اسپتالوں کی حالت زار پرحکومت کوترس نہیں آتا، ڈاکٹراسپتال سےغائب رہتے ہیں۔

    پاکستان تحریک انصاف کے رہنما نے کہا کہ اپوزیشن کی حیثیت سے وزیرصحت کے استعفیٰ کا مطالبہ کرتے ہیں، وزیرصحت فوری طورپر اپنےعہدے سے مستعفی ہوجائیں۔

    ایڈز میں مبتلا ڈاکٹر کا انتقام، اپنا متاثرہ انجکشن لگا کر45 افراد کو ایڈز میں مبتلا کردیا

    واضح رہے کہ سندھ کے ضلع لاڑکانہ میں ایک ہی ہفتے کے دوران 90 افراد میں ایڈز کے مرض کی نشاندہی ہوئی ہے۔

    حکام کا کہنا ہے کہ اس انکشاف کے بعد ضلع بھر میں بڑے پیمانے پر عام شہریوں میں مرض کی تشخیص کے لیے اسکریننگ شروع کردی گئی ہے۔

  • اٹھارہویں ترمیم میں تبدیلی ضروری ہے، یہ آسمانی صحیفہ نہیں، خرم شیرزمان

    اٹھارہویں ترمیم میں تبدیلی ضروری ہے، یہ آسمانی صحیفہ نہیں، خرم شیرزمان

    پاکستان تحریک انصاف کے ممبر سندھ اسمبلی خرم شیر زمان نے کہا ہے کہ عوام کی بہتری کیلئے18ویں ترمیم کی شقوں میں تبدیلی ضروری ہے، یہ کوئی آسمانی صحیفہ نہیں کہ تبدیل نہ ہوسکے۔

    یہ بات انہوں نے چیئر مین پی پی بلاول بھٹو زرداری کے حالیہ بیان پر اپنا ردعمل دیتے ہوئے کہی، پی ٹی آئی کراچی کے صدر خرم شیر زمان نے کہا کہ پبلک اکاؤنٹس کمیٹی کے معاملے پر بلاول بھٹو یو ٹرن پر یو ٹرن لے رہے ہیں، وفاق میں پی اے سی مانگنے والے سندھ میں آکر اپنے مؤقف سے پیچھے ہٹ گئے۔

    انہوں نے کہا کہ سندھ میں تعلیم، صحت و صفائی کے شعبے اور انفراسٹرکچر تباہ حالی کا شکار ہیں، پی پی رہنما سندھ کے سرکاری اداروں کی حالت زار پر توجہ دیں اور کام کریں۔

    ایک سوال کے جواب میں ممبر سندھ اسمبلی کا کہنا تھا کہ18ویں ترمیم کوئی آسمانی صحیفہ نہیں ہے کہ اس میں کوئی تبدیلی نہ کی جاسکے، عوام کی بہتری کیلئے18ویں ترمیم کی شقوں میں تبدیلی ضروری ہے،18ویں ترمیم میں عوام کی بہتری کیلئے تبدیلی کی مخالفت عوام دشمنی ہے۔

    مزید پڑھیں : آئین کو تبدیل کرنے کی کوشش کی گئی تو لانگ مارچ بھی کر سکتے ہیں،  بلاول بھٹو

    واضح رہے کہ چیئرمین پی پی نے کراچی پریس کلب میں تقریب سے خطاب کرتے ہوئے کہا تھا کہ صحافیوں کے تحفظ اور آزادی اظہار رائے کے لیے قانونی سازی کرنا ہوگی۔

    ان کا مزید کہنا تھا کہ اس وقت اٹھارویں آئینی ترمیم اور جمہوریت پر حملے ہو رہے ہیں، آئین کو تبدیل کرنے کی کوشش کی گئی تو لانگ مارچ بھی کر سکتے ہیں، 18 ویں ترمیم ہم نے جدوجہد کے بعد پاس کی، اس پر حملے برداشت نہیں کر سکتے۔

  • بلاول کی تقریر معصوم بچے کی گیدڑ بھبکیوں سے زیادہ کچھ نہیں،خرم شیرزمان

    بلاول کی تقریر معصوم بچے کی گیدڑ بھبکیوں سے زیادہ کچھ نہیں،خرم شیرزمان

    کراچی : صدر پاکستان تحریک انصاف کراچی خرم شیرزمان کا کہنا ہے کہ روٹی کپڑا اور مکان کا نعرہ پرانا ہوچکا ہے ، پیپلز پارٹی 11سال سے لالی پاپ دے کر کام چلا رہی ہے، بلاول کی تقریر معصوم بچے کی گیدڑ بھبکیوں سے زیادہ کچھ نہیں۔

    تفیصلات کے مطابق صدر پی ٹی آئی کراچی خرم شیرزمان نے بلاول بھٹو کے بیان پر ردعمل دیتے ہوئے کہا بلاول کی تقریر معصوم بچےکی گیدڑ بھبکیوں سے زیادہ کچھ نہیں، پیپلز پارٹی کا روٹی، کپڑا اور مکان کا نعرہ پرانا ہوچکا ہے۔

    [bs-quote quote=”عوام کو برباد کرنے والوں کو ترمیم کی آڑ میں چھپنے نہیں دیں گے” style=”style-7″ align=”left” author_name=”پی ٹی آئی رہنما "][/bs-quote]

    خرم شیرزمان کا کہنا تھا کہ جس بات پرعمل نہیں کیا،وہ یادکیوں کرتےہیں، جتنےاسپتال دئیے گئےان کاحشردیکھیں تومزیدکی تمنانہ کریں، پیپلز پارٹی 11سال سےلالی پاپ دےکرکام چلا رہی ہے، یہ سلسلہ زیادہ دیرنہیں چلے گا۔

    اٹھارہویں ترمیم کے حوالے سے رہنماپی ٹی آئی نے کہا اٹھارہویں ترمیم کے حق میں ہیں ، عوام کو برباد کرنے والوں کو ترمیم کی آڑ میں چھپنے نہیں دیں گے، ہمارا مقصد صوبوں کو ان کا حق دینا ہے، عوامی مفادکےلیےجوترامیم ضروری ہوئیں کی جائیں گی۔

    ان کا کہنا تھا کہ وزیراعظم پورے ملک کےوزیر اعظم ہیں، بلاول کا اقرار اچھا لگا، وزیر اعظم گھوٹکی سمیت سندھ کے دیگر علاقوں کا جلد دورہ کریں گے۔

    مزید پڑھیں : پارلیمانی حق پارلیمان میں اور آئینی حق پارلیمان سے باہر استعمال کریں گے: بلاول بھٹو

    یاد رہے پاکستان پیپلز پارٹی کے چیئرمین بلاول بھٹو زرداری کا کندھ کوٹ میں جلسے سے خطاب میں کہنا تھا کہ پیپلز پارٹی اپنا آئینی حق استعمال کرے گی، پارلیمانی حق پارلیمان میں اور آئینی حق پارلیمان سے باہر استعمال کریں گے، اٹھارویں ترمیم کے خلاف سازشیں کامیاب نہیں ہونے دیں گے۔

    بلاول بھٹو کا کہنا تھا کہ پیپلز پارٹی کے اقدامات سے سندھ میں تبدیلی آئی ہے، 90 ارب روپے وفاق نے سندھ حکومت کو دینے ہیں، سندھ حکومت کے پیسے جان بوجھ کر روکے جا رہے ہیں، سندھ میں پیپلز پارٹی عوام کی خدمت پر توجہ مرکوز کیے ہوئے ہے، ’ہم نے بڑے وقت دیکھے ہیں ایسی سازشوں سے کچھ نہیں ہوگا۔

  • جاننا چاہتے ہیں کراچی کے مسائل کیوں نہیں حل کیے جا رہے؟ خرم شیر زمان

    جاننا چاہتے ہیں کراچی کے مسائل کیوں نہیں حل کیے جا رہے؟ خرم شیر زمان

    کراچی: پاکستان تحریک انصاف کے رہنما خرم شیر زمان کا کہنا ہے کہ مراد علی شاہ 11 سال سے سندھ پر براجمان ہیں، کمپلینٹ سینٹر کے ذریعے عوام کے کون سے مسائل حل ہوئے ہیں، چیف سیکریٹری سے جاننا چاہتے تھے مسائل حل کیوں نہیں کیے جا رہے؟

    تفصیلات کے مطابق پاکستان تحریک انصاف کے ارکان شہر کے مسائل لے کر چیف سیکریٹری کے دفتر پہنچ گئے۔ تحریک انصاف کے رہنما خرم شیر زمان کی سربراہی میں وفد نے چیف سیکریٹری سندھ سے ملاقات کی۔

    ملاقات میں وفد نے شہریوں کے مسائل سے متعلق شکایات کے انبار لگا دیے، وفد کا کہنا تھا کہ افسران صفائی اور دیگر بنیادی مسائل کی طرف توجہ نہیں دیتے۔

    چیف سیکریٹری سندھ نے یقین دہانی کروائی کہ شکایات سے متعلق تمام متعلقہ محکموں کو آج کی ہدایت جاری کروں گا۔

    ملاقات کے بعد خرم شیر زمان نے میڈیا سے گفتگو کرتے ہوئے کہا کہ کراچی کے مسائل سے متعلق چیف سیکریٹری سندھ کے پاس آئے تھے۔ روزانہ کی بنیاد پر ہزاروں شکایات سندھ حکومت کو جمع کروائی جاتی ہیں۔

    انہوں نے کہا کہ چیف سیکریٹری سے جاننا چاہتے تھے مسائل حل کیوں نہیں کیے جا رہے۔ وزیر اعظم پورٹل کے ذریعے عوام نے شکایات درج کروائی ہیں۔ ایپ کے ذریعے بڑی تعداد میں کراچی کے عوام نے شکایات کیں۔

    خرم شیر زمان کا کہنا تھا کہ صحت و صفائی، پانی اور زمینوں پر قبضوں کے مسائل ہیں۔ سندھ حکومت نے اس قسم کی ایپ کے بارے میں سوچا تک نہیں تھا۔ ایپ کے ذریعے دیگر صوبوں میں مسائل حل ہو رہے ہیں۔

    انہوں نے کہا کہ ہم سندھ حکومت کی مدد کرنا چاہتے ہیں، سیاسی اختلاف اپنی جگہ عوام کے مسائل مل کر حل کرنا چاہتے ہیں، چیف سیکریٹری نے ایپ پر کام سے متعلق بھی یقین دہانی کروائی ہے۔

    تحریک انصاف رہنما نے کہا کہ وزیر اعلیٰ بتائیں کون سے سیکریٹری کے خلاف ایکشن لیا گیا ہے، کمپلینٹ سینٹر کے ذریعے عوام کے کون سے مسائل حل ہوئے ہیں، وزیر اعلیٰ سندھ صاحب کام کرنا ہوگا۔

    انہوں نے کہا کہ مراد علی شاہ 11 سال سے سندھ پر براجمان ہیں، ایڈوائزر بھی رہے، آج بھی فنانس منسٹری ان کے پاس ہے۔ جے آئی ٹی نے وزیر اعلیٰ سندھ پر سہولت کاری کا الزام لگایا۔ تشویش ہے مراد علی شاہ کی موجودگی میں ریکارڈ میں ٹیمپرنگ ہوسکتی ہے۔

    انہوں نے کہا کہ آج بھی مطالبہ ہے کہ وزیر اعلیٰ سندھ مراد علی شاہ استعفیٰ دیں، ایسا نہیں ہوسکتا کہ دودھ کی رکھوالی پر بلے کو بٹھا دیا جائے۔

  • وزیر اعلیٰ سندھ کے خلاف سندھ اسمبلی میں تحریک التوا جمع

    وزیر اعلیٰ سندھ کے خلاف سندھ اسمبلی میں تحریک التوا جمع

    کراچی: پاکستان تحریک انصاف نے وزیر اعلیٰ سندھ سید مراد علی شاہ کے خلاف سندھ اسمبلی میں تحریک التوا جمع کروادی جس میں وزیر اعلیٰ سے استعفے کا مطالبہ کیا گیا ہے۔

    تفصیلات کے مطابق پاکستان تحریک انصاف نے وزیر اعلیٰ سندھ سید مراد علی شاہ کے خلاف سندھ اسمبلی میں تحریک التوا جمع کروادی۔ تحریک میں کہا گیا ہے کہ جے آئی ٹی میں نام آنے پر مراد علی شاہ صادق و امین نہیں رہے۔

    تحریک کے متن میں کہا گیا کہ وزیر اعلیٰ سندھ مجرمانہ سرگرمیوں میں ملوث رہے ہیں، وزیر اعلیٰ نے آصف زرداری کے قریبی اومنی گروپ کو فائدہ پہنچایا۔

    تحریک میں مطالبہ کیا گیا کہ وزیر اعلیٰ سندھ فوری طور پر مستعفی ہوجائیں۔ سندھ اسمبلی میں تحریک، پی ٹی آئی رہنما خرم شیر زمان نے جمع کروائی۔

    بعد ازاں خرم شیر زمان نے اسمبلی کے باہر میڈیا سے گفتگو کرتے ہوئے وزیر اعلیٰ سندھ سید مراد علی شاہ سے ایک بار پھر استعفے کا مطالبہ کیا۔

    خرم شیر زمان کا کہنا تھا کہ سندھ کے عوام کے بجائے اومنی گروپ کو فائدہ دیا گیا، چیزیں ثابت ہوگئیں جو ہم کہہ رہے تھے وہ سچ تھا۔

    انہوں نے کہا کہ عذیر بلوچ اور نثار مورائی کی جے آئی ٹی کے سامنے آنے کا انتظار ہے۔ اسمبلی میں جے آئی ٹی کی فائنڈنگ کو زیر بحث لایا جائے۔ مندر کی زمین کو بھی نہیں چھوڑا گیا، جمنازیم کی زمین بھی اپنوں کو دے دی گئی۔

    تحریک انصاف رہنما کا کہنا تھا کہ تحریک التوا کو منسوخ کیا گیا تو بھرپور احتجاج کریں گے، اپوزیشن چاہتی ہے جے آئی ٹی کو زیر بحث لایا جائے۔ وزیر اعلیٰ آئیں اور قوم کو حقیقت بتائیں۔ ان کی ذمہ داری ہے کہ عوام کو اربوں کا حساب دیں۔

    انہوں نے کہا کہ پیپلز پارٹی حقیقی سے کسی کو وزیر اعلیٰ بنایا جائے، زرداری کی پیپلز پارٹی کا وزیر اعلیٰ قابل قبول نہیں ہوگا۔ ہمارا مطالبہ ہے پیپلز پارٹی وزیر اعلیٰ کو تبدیل کرے۔

    انہوں نے کہا کہ سندھ میں کیا معاملات چل رہے ہیں سب کے سامنے ہیں، 5 سال سے ہم سندھ حکومت کی کرپشن کی کتابیں دکھاتے رہے۔ سندھ میں لوٹ مار اور تباہی چلتی رہی، پی پی کا سندھ میں 11 واں سال ہے۔

    خرم شیر زمان کا کہنا تھا کہ منی لانڈرنگ پاکستان کا سب سے اہم معاملہ ہے، جعلی اکاؤنٹس کیسے بنے۔ حکومت اگر قصور وار نہیں تو ایوان میں جواب دے۔

  • تحریک انصاف نے وزیر اعلیٰ سندھ سے استعفیٰ مانگ لیا

    تحریک انصاف نے وزیر اعلیٰ سندھ سے استعفیٰ مانگ لیا

    کراچی: جعلی اکاؤنٹس کے ذریعے میگا منی لانڈرنگ کیس کی جے آئی ٹی میں وزیر اعلیٰ سندھ مراد علی شاہ کا نام سامنے آنے کے بعد پاکستان تحریک انصاف نے وزیر اعلیٰ سے استعفیٰ مانگ لیا۔

    تفصیلات کے مطابق پاکستان تحریک انصاف کے رہنما خرم شیر زمان نے میڈیا سے گفتگو کرتے ہوئے کہا کہ وزیر اعلیٰ سندھ مراد علی شاہ کا نام ایگزٹ کنٹرول لسٹ میں شامل کیا گیا ہے، ان کا نام جعلی بینک اکاؤنٹس کیس میں بھی ہے۔ مراد علی شاہ نے بطور وزیر اعلیٰ سہولت کاری کی ہے۔

    خرم شیر زمان نے کہا کہ تحریک انصاف سندھ میں حکومت بنانے جا رہی ہے، پیپلز پارٹی کے 5 سال کا انتظار نہیں کریں گے، ہم حکومت بنائیں گے۔

    انہوں نے کہا کہ سندھ حکومت نے اربوں روپے کی کرپشن کی۔ جے آئی ٹی رپورٹ کے بعد سندھ حکومت کے پاس جواز نہیں۔ سندھ حکومت خاموش رہی ان کا کام صرف کرپشن تھا، ثابت ہو چکا ہے ان کے دور میں یہ سب ہوا ہے۔

    خرم شیر زمان کا کہنا تھا کہ تحریک انصاف نے ایک سال پہلے تحریک التوا جمع کروائی تھی، تحریک انصاف سندھ میں حکومت بنانے جا رہی ہے۔ جے آئی ٹی میں جن کے نام آئے ان کے خلاف الیکشن کمیشن جائیں گے۔

    تحریک انصاف کے رہنما حلیم عادل شیخ نے کہا کہ علیمہ خان آج تک کسی سرکاری عہدے پر نہیں رہی ہیں، تحریک انصاف کے کسی عہدیدار پر کرپشن ہو اسے بے نقاب کریں گے۔ فریال تالپور کے نام پر زمینیں بھی ہیں۔

    انہوں نے کہا کہ سندھ میں 10 سال سے غریب عوام پر تیر برسائے گئے، آصف زرداری، بلاول بھٹو اور فریال تالپور سامنے آچکے ہیں۔ جن کے نام ای سی ایل میں ہیں ان کے اکاؤنٹ سیل ہونے چاہئیں۔ وائٹ کالر چور وزیر اعلیٰ سے استعفیٰ لیں گے۔

  • نشتر پارک خالی دیکھ کر پی ٹی آئی کھمبا نوچ رہی ہے، بلاول ہاؤس

    نشتر پارک خالی دیکھ کر پی ٹی آئی کھمبا نوچ رہی ہے، بلاول ہاؤس

    کراچی: ترجمان بلاول ہاؤس نے تحریک انصاف کے رہنماء خرم شیر زمان کے الزام کو مسترد کرتے ہوئے کہا ہے کہ امن و امان کی صورتحال کے پیش نظر کنٹینر لگائے گئے ہیں اور محرم الحرام کے دوران بھی اسی طرح سیکیورٹی ہوتی ہے۔

    تفصیلات کے مطابق تحریک انصاف کے رکن صوبائی اسمبلی خرم شیر زمان نے سندھ حکومت پر الزام عائد کیا تھا کہ ’’کارکنان کو جلسے میں شرکت سے روکنے کے لیے نشتر پارک کے اطراف میں کنٹینر لگا دئیے گئے ہیں۔انہوں نے حکومت سے مطالبہ کیا کہ لگائے جانے والے کنٹینر کو فوری طور پر ہٹایا جائے کیونکہ عوام کی بڑی تعداد جلسے میں شرکت کی خواہش رکھتے ہیں۔

    پڑھیں:  تحریک انصاف کا نشتر پارک کے اطراف سے کنٹینر ہٹانے کامطالبہ

    ترجمان بلاول ہاؤس نے تحریک انصاف کے الزام کی تردید کرتے ہوئے کہا ہے کہ ’’محرم کے دوران بھی اسی طرح کی سیکیورٹی کے انتظامات کیے جاتے ہیں تاکہ امن و امان کی صورتحال خراب نہ ہو سکے، ترجمان کا کہنا ہے کہ ’’ہر چیز کلئیر ہے مگر پی ٹی آئی نے تین بار جلسے کا وقت تبدیل کیا پہلے 1 بجے دوپہر، پھر شام چار اور اب رات کو 7 بجے کا وقت دیا گیا تاہم اب وقت اُس سے بھی اوپر ہوگیا ہے‘‘۔

    مزید پڑھیں:  کراچی: عمران خان کا اے آر وائی نیوز کے دفتر کا دورہ

    ترجمان بلاول ہاؤس کا  کہنا ہے کہ ’’جلسے میں اتنی تاخیر کے باوجود نشتر پارک تاحال خالی پڑا ہے اور پچھلی تمام کرسیاں خالی ہیں، تحریک انصاف کے رہنماء سندھ حکومت پر الزام عائد کر کے کھمبا نوچنے کی کوشش کررہے ہیں‘‘۔

    خبر پڑھیں:  وزیراعظم نجم سیٹھی کو کپتان بنادیں،عمران خان کا طنز

    دوسری جانب سندھ پولیس نے تحریک انصاف کے الزام کے جواب میں کہا ہے کہ ’’جلسہ گاہ کی طرف جانے والا کوئی راستہ بند نہیں ہے، تحریک انصاف کو دئیے گئے سیکیورٹی پلان پر عملدرآمد کیا جارہا ہے‘‘۔

  • میرا ووٹ پیپلزپارٹی کے امیدوار کا ہوگا، آغا سراج درانی

    میرا ووٹ پیپلزپارٹی کے امیدوار کا ہوگا، آغا سراج درانی

    کراچی : اسپیکر صوبائی اسمبلی آغا سراج درانی نے کہا ہے کہ پارٹی قیادت پر مکمل اعتماد ہے میرا ووٹ پیپلزپارٹی کے امیدوار کا ہی ہوگا۔

    تفصیلات کے مطابق سندھ اسمبلی کے باہر میڈیا سے گفتگو کرتے ہوئے آغا سراج درانی کا کہنا تھا کہ ’’کل تین بجے سندھ اسمبلی میں قائد ایوان کا انتخابات منعقد کیا جائے گا اور نامزد امیدواران کی فہرست آویزاں کی جائے گی۔

    انہوں نے مزید کہا کہ ’’قائد ایوان کے امیدوار کے لیے نامزدگی فارم جمع کروانے کا وقت آج شام تک ہے جس کے بعد اسکروٹنی کی جائے گی اور پھر امیدوار کو الیکشن لڑنے کی اجازت دی جائے گی۔ سراج درانی نے بتایا کہ ’’وزیر اعلیٰ کے انتخابات میں تمام قانونی تقاضے پورے کیے جارہے ہیں ہم جمہوری لوگ ہیں اور جمہوریت پر یقین رکھتے ہیں۔

    پڑھیں :                     بلاول بھٹو نے مراد علی شاہ کو وزیر اعلیٰ سندھ بنانے کا اعلان کردیا

    اسپیکر اسمبلی نے بتایا کہ’’ کل قائد ایوان کے انتخابات کے حوالے سے تمام اسمبلی ممبران شرکت کریں گے تاہم رؤف صدیقی کو کل اسمبلی میں پیش کرنے کے لیے  وزارت جیل خانہ جات اور آئی جی جیل خانہ جات کو خط لکھ دیا گیا ہے‘‘۔

    یہ بھی پڑھیں :       بھولنے کی عادت برقرار،قائم علی شاہ کے استعفیٰ میں تحریری غلطی

    ایک سوال کے جواب میں آغا سراج درانی نے کہا کہ ’’قائد ایوان کا انتخاب لڑنا ہر شخص کا جمہوری حق ہے، جو بھی جماعت چاہیے اپنا امیدوار سامنے لے آئے ممبرانِ اسمبلی جسے بہتر سمجھیں گے اُسے اپنا ووٹ دے دیں گے‘‘۔

    اسے پڑھیں :       گورنر سندھ ڈاکٹر عشرت العباد نے قائم علی شاہ کا استعفیٰ منظور کرلیا

    ایم کیو ایم سے پوچھے گیے سوال کے جواب میں آغا سراج درانی نے کہا کہ ’’میرا ایم کیو ایم سے 24 گھنٹے رابطہ رہتا ہے، سندھ کی ترقی کے لیے تمام جماعتوں کو ایک ساتھ مل کر چلنا ہوگا‘‘۔

    یاد رہے وزیر اعلیٰ سندھ کے لیے پیپلزپارٹی کی جانب مراد علی شاہ کو امیدوار نامزد کیا گیا ہے جنہیں اپوزیشن جماعت مسلم لیگ فنکشنل اور حکمراں جماعت مسلم لیگ ن کی خاموش حمایت حاصل ہے جبکہ تحریک انصاف کی جانب سے خرم شیر زمان نے بھی قائد ایوان کے لیے کاغذاتِ نامزدگی جمع کروائے ہیں۔

    اپوزیشن کی سب سے بڑی جماعت ایم کیو ایم کی جانب سے تاحال کوئی فیصلہ نہیں کیا گیا جبکہ پارلیمانی کمیٹی کے اجلاس میں فیصلہ کیا گیا ہے کہ موجودہ صورتحال کے حوالے سے سندھ حکومت کے سامنے تحفظات کا اظہار کیا جائے گا۔