ARYNews.tv | Urdu – Har Lamha Bakhabar

Tag: Khursheed Shah

  • عدالت فوج کو شریف خاندان کی گرفتاری کا حکم دے سکتی ہے،خورشیدشاہ

    عدالت فوج کو شریف خاندان کی گرفتاری کا حکم دے سکتی ہے،خورشیدشاہ

    اسلام آباد : قائد حزب اختلاف خورشیدشاہ نے نوازشریف کو عدالتوں میں پیش ہونے کا مشورہ دیدیا اور کہا کہ عدالت فوج کوشریف خاندان کی گرفتاری کاحکم دےسکتی ہے۔

    تفصیلات کے مطابق اپوزیشن لیڈر خورشیدشاہ نے اپنے ایک بیان میں کہا کہ نوازشریف بہت خطرناک کھیل کھیل رہےہیں، نیب طلبی کے باوجود نوازشریف اور بچے پیش نہیں ہورہے، عدم پیشی کاسلسلہ جاری رہا تو نیب گرفتاری کا حکم دے سکتا ہے۔

    خورشیدشاہ نے نوازشریف کو عدالتوں میں پیش ہونے کا مشورہ دیتے یوئے کہا کہ عدالت کےپاس آرٹیکل190کے نفاذ کا بھی اختیار ہے، آرٹیکل190کا اطلاق ہوا تو وہ بہت خطرناک ہوگا، عدالت فوج کو شریف خاندان کی گرفتاری کا حکم دے سکتی ہے۔

    انکا کہنا تھا کہ پاکستان کا آئین اورقانون سب کیلئے برابرہے، پیپلزپارٹی کی لیڈرشپ عدالتوں کے سامنے پیش ہوتی رہی، سمجھ سے بالاتر ہے، حکومت اداروں کے ساتھ لڑائی لڑنا چاہتی ہے،خورشیدشاہ

    اپوزیشن لیڈر نے کہا کہ ڈان لیکس اور ماڈل ٹاؤن سانحہ کی رپورٹ سامنےآناچاہئیں۔

    خورشیدشاہ نے چوہدری نثار کو آسٹریلین طوطے کا لقب دیتے ہوئے کہا کہ پنجاب ہاؤس سےباہرچوہدری نثارکی پریس کانفرنس کی اہمیت ہوگی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • خورشید شاہ کے ہیلی کاپٹر کی کاغان میں ایمرجنسی لینڈنگ

    خورشید شاہ کے ہیلی کاپٹر کی کاغان میں ایمرجنسی لینڈنگ

    کاغان: قائد حزب اختلاف خورشید احمد شاہ اور شیری رحمان سمیت پی پی رہنماؤں کا ہیلی کاپٹر بڑے حادثے سے بچ گیا، موسم کی خرابی کے باعث ہیلی کاپٹر کی ہنگامی لینڈنگ کی گئی۔

    تفصیلات کے مطابق اپوزیشن لیڈر خورشید شاہ، سینیٹر شیری رحمان، فیصل کریم کنڈی اور نیر بخاری ہیلی کاپٹر میں مانسہرہ جلسے میں شرکت کے لیے جارہے تھے کہ اچانک موسم کی خرابی کے باعث ہیلی کاپٹر کو بالاکوٹ کے مقام پر اتار لیا گیا۔

    سینیٹر شیری رحمان نے سماجی رابطے کی ویب سائٹ پر اپنے ایک ٹوئٹ میں کہا کہ ’’کاغان کے راستے میں موسم کی خرابی کے باعث ہیلی کاپٹر کی ہنگامی لینڈنگ کی گئی مگر  ہمیں مقامی لوگوں نے بہت محبت دی‘‘۔

    پیپلزپارٹی کی سینیٹر نے ٹوئٹر پر تصاویر بھی شیئر کی جن میں اُن کے ہمراہ فیصل کریم کنڈی کو دیکھا جاسکتا ہے، پی پی قیادت نے موسم کی خرابی کے باعث بقیہ سفر  بذریعہ ٹیکسی طے کیا۔

    یاد رہے کہ پیپلزپارٹی نے آج مانسہرہ میں عوامی قوت کا مظاہرہ کیا تھا جس میں پی پی کے چیئرمین اور دیگر رہنماؤں نے خطاب کیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • جب کرسی ملتی ہےتو میاں صاحب سب کچھ بھول جاتےہیں،خورشیدشاہ

    جب کرسی ملتی ہےتو میاں صاحب سب کچھ بھول جاتےہیں،خورشیدشاہ

    اسلام آباد : قائد حزب اختلاف خورشید شاہ نے کہا ہے کہ پیپلز پارٹی آئندہ انتخابات میں سرپرائزدے گی، اپنی بقا کے لیے ریلی نکالنا ہر سیاسی جماعت کا حق ہے نااہلی پرعوام کے پاس جانےمیں انہوں نےبہت دیرکردی ، جب کرسی ملتی ہے تو میاں صاحب سب کچھ بھول جاتے ہیں۔

    تفصیلات کے مطابق اپوزیشن لیڈر خورشید شاہ کا کہنا ہے کہ  اپنی بقا کے لیے ریلی نکالنا ہر سیاسی جماعت کا حق ہے، سپریم کورٹ نوازشریف کو نااہل قرار دے چکی ہے، ایسے میں مسلم لیگ ن کے پاس خود کو بچانے کا یہی طریقہ تھا، کئی بار کہہ چکا ہوں میاں صاحب پارلیمنٹ کی طاقت پر بھروسہ کریں۔

    خورشید شاہ نے کہا کہ آج انہیں بھٹو کا فلسفہ سمجھ آگیا کہ طاقت کا سرچشمہ عوام ہیں، جب کرسی ملتی ہے تو میاں صاحب سب کچھ بھول جاتےہیں، جمہوریت نے پھر موقع دیا، وہ جس پر بیٹھے وہی شاخ کاٹ رہےہیں۔

    پی پی رہنما کا کا کہنا تھا کہ صرف پیپلز پارٹی ایسی جماعت ہے، جو ملکی مسائل حل کرسکتی ہے، نااہلی پر عوام کے پاس جانےمیں انہوں نے بہت دیر کردی، ریلی میں خطرات ہوتے ہیں مگرعوام میں جانے کیلئے رسک لینا پڑتا ہے۔

    انھوں نے مزید کہا کہ پیپلز پارٹی آئندہ انتخابات میں سرپرائزدے گی، مانسہرہ اور اٹک میں جلسہ کرنے کااعلان انتخابی مہم کاحصہ ہے، بیگم کلثوم نواز کو امیدوار بنایا گیا تو مسلم لیگ ن انتخاب جیت جائیں گی۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو سے اپنی فیس بک وال پرشیئرکریں۔

  • کوئی خاتون خودپرالزامات نہیں لگاتی، عائشہ گلالئی کےالزامات کی تحقیقات ہونی چاہئیے، خورشید شاہ

    کوئی خاتون خودپرالزامات نہیں لگاتی، عائشہ گلالئی کےالزامات کی تحقیقات ہونی چاہئیے، خورشید شاہ

    اسلام آباد : اپوزیشن لیڈر اور پیپلزپارٹی کے رہنما خورشید شاہ نے عائشہ گلالئی کے الزامات کی تحقیقات کا مطالبہ کرتے ہوئے کہا ہے کہ کوئی خاتون خودپرالزامات نہیں لگاتی۔

    تفصیلات کے مطابق اپوزیشن لیڈر خورشید شاہ کا اپنے بیان میں کہنا ہے کہ کوئی خاتون خود پر الزامات نہیں لگاتی، عائشہ گلالئی کے الزامات قابل تشویش ہیں، تحقیقات ہونی چاہئیے۔

    خورشید شاہ نے کہا کہ نوازشریف اب رکن قومی اسمبلی نہیں رہے، اسپیکر کو نوازشریف کی تصویریں لانے کا نوٹس لینا چاہیے تھا، نوازشریف کی تصویر پر اسپیکرکا نوٹس نہ لینا جانبداری ظاہرکرتا ہے، پیپلز پارٹی کبھی تصویر لیکرقومی اسمبلی نہیں آئی۔

    پیٹرولیم مصنوعات کے حوالے سے انکا کہنا تھا کہ اوگرا تجویز پر پیٹرول مصنوعات کی قیمتیں کم نہ کرنا افسوسناک ہے۔

    مزید پڑھیں :  تحریک انصاف میں خواتین کی عزت محفوظ نہیں، عائشہ گلالئی

    یاد رہے گذشتہ روزعائشہ گلالئی نے تحریک انصاف چھوڑنے کا اعلان کیا اور پریس کانفرنس میں پی ٹی آئی پر سنگین الزام عمران خان اور رہنماؤں کے کردار پرانگلی اٹھادی۔

    عائشہ گلالئی نے کہا تھا کہ پارٹی میں عزت دارخواتین کی عزت نہیں، چئیرمین خود بھی خواتین کی عزت نہیں کرتے،  پارٹی میں اخلاقیات نہیں اس لیے چھوڑنے کا فیصلہ کیا۔

    انہوں نے الزام عائد کیا کہ تحریک انصاف کے چیئرمین اور قیادت خواتین کارکنان کو نازیبا میسجز کرتی ہے، جس کی وجہ سے کئی خواتین کارکنان نالاں ہیں، میں این اے ون کا ٹکٹ نہیں مانگا، نہ ہی جلسے میں تقریر کا معاملہ تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • وزیراعظم کا انتخاب، پی پی پی کے امیدوار خورشید شاہ نے اپنے کاغذات واپس لے لئے، نوید قمر نامزد

    وزیراعظم کا انتخاب، پی پی پی کے امیدوار خورشید شاہ نے اپنے کاغذات واپس لے لئے، نوید قمر نامزد

    اسلام آباد : پیپلزپارٹی کے رہنما خورشیدشاہ نے نوید قمر کے حق میں کاغذات نامزدگی واپس لے لیے، پیپلز پارٹی نے نوید قمر کو وزارت عظمی ٰکے لئے نامزدکردیا۔

    تفصیلات کے مطابق عمران خان کا آصف زرداری کیخلاف بیان اور شیخ رشید کی نامزدگی متحدہ اپوزیشن کو پسند نہیں آئی؟خورشید شاہ کے چیمبر میں شاہ محمود قریشی، سراج الحق سمیت دیگر اپوزیشن رہنماؤں کی نشستیں بے نتیجہ رہیں اور اجلاس میں آج بھی متفقہ امیدوار لانے پر اتفاق نہ ہوسکا۔

    اجلاس کے بعد پیپلزپارٹی کے رہنما خورشید شاہ نے اپنے کاغذات نامزدگی واپس لے لئے اور نوید قمر کو وزارت عظمیٰ کیلئے نامزد کردیا گیا۔

    خیال رہے کہ پیپلز پارٹی کی قومی اسمبلی میں 47نشستیں ہیں۔

    دوسری جانب حکومت سے حمایت کےاعلان کے بعد ایم کیو ایم کی کشور زہراوزارت عظمی کی دوڑمیں حصہ نہیں لیں گے، عوامی نیشنل پارٹی نے انتخابی عمل سے لاتعلق رہنے کا اعلان کیا جبکہ پانچ نشستوں والی مسلم لیگ فنکشنل نے کسی کی حمایت کا اعلان نہیں کیا۔

    مزید پڑھیں :  وزارت عظمی کا منصب، سیاسی جماعتوں کے6 امیدوار سامنےآگئے

    یاد رہے گذشتہ روز اپوزیشن لیڈرخورشید شاہ کی زیرصدارت اجلاس میں وزارت عظمیٰ کے لیے متفقہ امیدوار لانے پراتفاق نہ ہوسکا تھا، جس کے بعد مختلف سیاسی جماعتوں نے اپنے اپنے امیدوار میدان میں اتارے تھے۔

    پی ٹی آئی اور مسلم لیگ ق نے شیخ رشید کو وزارت عظمی کا امیدوار نامزد کیا تھا، پیپلز پارٹی نے خورشید شاہ اور نوید قمر کا نام فائنل کیا جبکہ جماعت اسلامی نے صاحبزادہ طارق اللہ کو میدان میں اتارا تھا۔

    واضح رہے کہ پاناما کیس میں سپریم کورٹ نے نوازشریف کو نااہل قرار دیا تھا اور نواز شریف ، حسن، حسین، مریم نواز، کیپٹن صفدر اور اسحاق ڈار کے خلاف نیب میں ریفرنس بھیجنے اور چھ ماہ میں فیصلہ کرنے کا حکم دیا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • خورشیدشاہ کی زیرصدارت اپوزیشن کےپارلیمانی رہنماؤں کااجلاس ختم

    خورشیدشاہ کی زیرصدارت اپوزیشن کےپارلیمانی رہنماؤں کااجلاس ختم

    اسلام آباد : اپوزیشن لیڈرخورشید شاہ کی زیرصدارت اجلاس میں وزارت عظمیٰ کےلیےمتفقہ امیدوار لانے پراتفاق نہ ہوسکا۔

    تفصیلات کے مطابق اسلام آباد میں خورشید شاہ کے زیرصدارت پارلیمانی جماعتوں کا اجلاس ہوا جس میں شاہ محمود قریشی، پرویز الٰہی، طارق بشیر چیمہ، شیخ رشید ،صاحبزادہ طارق اللہ ،نوید قمراوراعجاز جاکھرانی شریک ہوئے۔

    خورشید شاہ کی زیرصدارت اجلاس میں ایم کیو ایم پاکستان اور اے این پی کا کوئی رہنما شریک نہیں ہوا۔

    تحریک انصاف کے رہنما شاہ محمود قریشی کا کہنا ہے کہ امید آخری سانس تک ہوتی ہےمتفقہ امیدوارلانےکی کوشش کریں گے۔

    مسلم لیگ ق کے رہنما چوہدری پرویز الہیٰ نے کہا کہ وزارت عظمیٰ کےلیےمتفقہ امیدوار لانے کےلیےکوشش کررہے ہیں۔

    دوسری جانب جماعت اسلامی کے رہنما صاحبزادہ طارق اللہ کا کہنا ہے کہ اپوزیشن کا اتفاق نہیں ہوتا توجماعت اسلامی انتخاب لڑےگی اور جماعت اسلامی اپنے امیدوار کو ووٹ دے گی۔

    واضح رہےکہ آج دوپہر دو بجکر پیتالیس منٹ پر اپوزیشن جماعتوں کا دوبارہ اجلاس ہوگا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • وزارت عظمی کا منصب، سیاسی جماعتوں کے6 امیدوار سامنےآگئے

    وزارت عظمی کا منصب، سیاسی جماعتوں کے6 امیدوار سامنےآگئے

    اسلام آباد : وزارت عظمی کےمنصب کیلئے متحدہ اپوزیشن متحد نہ رہ سکی، اپوزیشن کی جانب سے پانچ امیدوار سامنے آگئے جبکہ مسلم لیگ ن کی جانب سے شاہد خاقان عباسی نامزد ہیں۔

    تفصیلات کے مطابق خورشیدشاہ کی زیرصدارت اپوزیشن جماعتوں کا اجلاس ہوا، جس میں شیری رحمان ، شاہ محمود قریشی، شیخ رشید، طارق بشیر چیمہ، آفتاب شیر پاؤ، چوہدری پرویز الہیٰ اور صاحبزادہ طارق اللہ شریک ہوئے۔

    اجلاس میں متحدہ اپوزیشن وزارت عظمی کیلئے ایک نام پراتفاق نہ کرسکی اور پیپلز پارٹی،تحریک انصاف اورق لیگ، جماعت اسلامی،ایم کیوایم نے اپنے اپنےامیدوارمیدان میں اتاردیئے۔

    پیپلزپارٹی

    پیپلزپارٹی نے وزارت عظمی کیلئے قائدحزب اختلاف خورشید شاہ کا نام فائنل کردیا، اپوزیشن لیڈر نے کاغذات نامزدگی جمع کرادیئے جبکہ نوید قمرپی پی کےکوورنگ کینڈی دیٹ ہوں گے۔

    تحریک انصاف اورق لیگ

    تحریک انصاف اورق لیگ نے وزارت عظمی کے منصب کیلئے شیخ رشید کو اپنا امیدوار نامزد کیا، شیخ رشید کے تجویز کنندگان میں شاہ محمود قریشی اور طارق بشیر شامل ہیں، نامزدگی پیپرجمع کرانے کے بعد تحریک انصاف نے لیگی امیدوار کے خلاف ریفرنس لانے کا اعلان کردیا۔

    متحدہ قومی موومنٹ

    قومی ا سمبلی میں نشستوں کےاعتبارسے چوتھی بڑی جماعت متحدہ قومی موومنٹ نے وزیراعظم کی نشست کیلئے کشور زہرہ کے کاغذات سیکریٹری قومی اسمبلی کو جمع کرادیئے۔

    جماعت اسلامی

    تحریک انصاف کی حلیف جماعت اسلامی نےاپناالگ امیدوارچن لیا۔ وزارت عظمی کےمنصب کیلئے صاحبزادہ طارق اللہ کا نام فائنل کیا، صاحبزادہ طارق اللہ کا کہنا ہے کہ خورشیدشاہ امیدوارہونگے تو ہم ان کی حمایت کرینگے۔

    مسلم لیگ ن

    مسلم لیگ ن کی جانب سے شاہد خاقان عباسی کو نامزد کیا گیا ہے ۔

    اجلاس سے قبل پی ٹی آئی رہنما کا  میڈیا سے گفتگو کرتے ہوئے کہنا تھا کہ آرزو ہوگی اپوزیشن متفقہ امیدوار لانے میں کامیاب ہوجائے، شیخ رشید احمد کو بھی نہیں معلوم تھا وہ زیربحث ہیں، ہم نے شیخ رشید احمد کے نام کو فائنل کیا تو انہیں بتایا گیا، شیخ رشید کی مہربانی ہے، انہوں نے ہمارے فیصلے کا خیرمقدم کیا۔

    واضح رہے کہ پاناما کیس میں سپریم کورٹ نے نوازشریف کو نااہل قرار دیا تھا اور نواز شریف ، حسن، حسین، مریم نواز، کیپٹن صفدر اور اسحاق ڈار کے خلاف نیب میں ریفرنس بھیجنے اور چھ ماہ میں فیصلہ کرنے کا حکم دیا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • تحریک انصاف کے رہنما عمران خان کو سیاست سکھائیں، خورشید شاہ کا مشورہ

    تحریک انصاف کے رہنما عمران خان کو سیاست سکھائیں، خورشید شاہ کا مشورہ

    اسلام آباد : اپوزیشن لیڈر خورشید شاہ نے تحریک انصاف کے رہنماؤں کو مشورہ دیا ہے کہ عمران خان کو سیاست سکھائیں، عمران خان کے بیانات متحدہ اپوزیشن کیلئے خطرناک ثابت ہوسکتےہیں۔

    تفصیلات کے مطابق قائد حزب اختلاف خورشید شاہ نے چیئرمین تحریک انصاف کے آصف زرداری مخالف بیان پر سخت ردعمل دیتے ہوئے کہا کہ عمران خان کی باتوں سے اپوزیشن کا اتحاد خطرے میں پڑسکتا ہے، بیانات کے نتیجےمیں بہت سی خطرناک باتیں نکلیں گی، اپوزیشن کا اتحاد قائم کرنے کی کوشش کر رہے ہیں۔

    خورشید شاہ نے عمران خان کی سوچ کو غلط قرار دیتے ہوئے کہا کہ اگر تحریک انصاف یہ سمجھتی ہے کہ وہ نوازحکومت سے اکیلے مقابلہ کرسکتی ہے تو یہ غلط ہوگ، اپنے اپنے ظرف کی بات ہے، عمران خان جس کو کامیابی سمجھ رہے ہیں اس میں ستر فیصد کام پیپلز پارٹی نے کیا۔

    اپوزیشن لیڈر نے معاملہ عدالت لے جانے کا کریڈٹ امیر جماعت اسلامی سراج الحق کو دیا۔

    خورشیدشاہ نے پی ٹی آئی رہنماؤں کو مشورہ دیا کہ وہ عمران خان کو سیاست سکھائیں، پی ٹی آئی چیئرمین نے بطور وزیراعظم شیخ رشید کے نام میں جلدی کی، شاہ محمودقریشی کیساتھ طے ہوا تھا مل کر فیصلہ کریں گے، تحریک انصاف ملکر نہیں چلناچاہتی ہے تو اپناامیدوار کھڑا کرلیں، متحدہ اپوزیشن مشاورت کے بعدامیدوار کا نام فائنل کرے گی۔

    مزید پڑھیں : میچ ختم نہیں ہوا، اب آصف زرداری کی باری ہے، عمران خان

    یاد رہے کہ پاناما کیس میں نواز شریف کی نا اہلی کے بعد یوم تشکر کے جلسے سے خطاب کرتے ہوئے کہا تھا کہ تحریک انصاف کے سربراہ عمران خان نے کہا ہے کہ مجھے خوشی ہے کہ اپنے سامنے زندہ قوم کو دیکھ رہاہوں، پانامہ کیس کا فیصلہ تو ہو چکا ہے لیکن ابھی یہ میچ ختم نہیں ہوا، اب آصف زرداری کی باری ہے۔

    عمران خان کا کہنا تھا کہ نواز شریف کے بعد آصف زرداری اب تمہاری باری ہے، فضل الرحمان ہم تمہیں بھی نہیں چھوڑیں گے، تمہارے پیچھے بھی آؤں گا، شہباز شریف اور شاہد خاقان عباسی کا بھی احتساب کروائیں گے، خاقان عباسی ، شہبازشریف ہمارا مقابلہ کرنے کے لئے تیار ہوجاؤں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • نوازشریف آج رات تک وزارت عظمیٰ چھوڑنےکا فیصلہ کرلیں‘ خورشید شاہ

    نوازشریف آج رات تک وزارت عظمیٰ چھوڑنےکا فیصلہ کرلیں‘ خورشید شاہ

    سکھر : قومی اسمبلی میں قائد حزب اختلاف سید خورشید شاہ کا کہنا ہےکہ ہم اسمبلی تحلیل کرنے کا مطالبہ نہیں کرتے،چاہتے ہیں نیا وزیراعظم آئےاورحکومت اپنی مدت پوری کرے۔

    تفصیلات کےمطابق سکھرمیں میڈیا سے گفتگو کرتے ہوئے قومی اسمبلی میں اپوزیشن لیڈر خورشید شاہ نے کہا کہ حکومت کھل کرسامنےآگئی ہے،عوام کےسامنےبےنقاب ہوگئی۔

    خورشید شاہ نے کہا کہ وزیراعظم کو آج رات تک وزارت عظمیٰ چھوڑنے کا فیصلہ کرلینا چاہیے کیونکہ کوئی چیز چھپی نہیں رہی، سب سامنے آگیا ہے۔

    قائد حزب اختلاف کا کہنا تھا کہ نوازشریف عقل سے کام لیں اورنیا وزیراعظم لے آئیں، اگر نوازشریف خود چلے جائیں تو ان کی کچھ عزت بچ جائے گی۔

    روزنیا سیاسی تماشا لگانے والے ہوش کے ناخن لیں‘ شہباز شریف

    خورشید شاہ کا کہنا تھا کہ ملک کا وزیراعظم اقامے پرمزدوری کررہا ہے،اب پاناما کیس کھلی کتاب کی طرح نظر آرہا ہے،کیس کلیئر تھا جس میں ججوں نے ایسے ریمارکس دیے جس کی ماضی میں مثال نہیں ملتی جبکہ نواز شریف کے خلاف 2 جج پہلے ہی فیصلہ دے چکے ہیں۔

    اپوزیشن لیڈر کا کہنا تھا کہ چیلنج سے کہتا ہوں کہ جس دن فیصلہ ہوا ایک چڑیا بھی پر نہیں مارے گی۔

    انہوں نےکہا کہ ظفر حجازی نے حکومت کے کہنے پر ٹیمپرنگ کی جس کے بعد حکومت نے ان کا ساتھ چھوڑ دیا، سپریم کورٹ کواس پرنوٹس لینا چاہیے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • میاں صاحب جھوٹ بولنےوالاصادق امین نہیں رہتا،وزیراعظم مستعفی ہوں، خورشید شاہ

    میاں صاحب جھوٹ بولنےوالاصادق امین نہیں رہتا،وزیراعظم مستعفی ہوں، خورشید شاہ

    اسلام آباد : اپوزیشن لیڈر خورشیدشاہ نے کہا کہ میاں صاحب جھوٹ بولنے والاصادق امین نہیں رہتا،وزیراعظم مستعفی ہوں۔

    تفصیلات کے مطابق قائد حزب اختلاف خورشید شاہ نے اپوزیشن اجلاس کے بعد میڈیا سے گفتگو کرتے ہوئے کہا کہ جےآئی ٹی کی رپورٹ سب کے سامنے ہے، حالات انتہائی سنجیدہ ہیں، بھارت نوازشریف سے متعلق پریشان ہے، بھارت پریشان ہے کہ نوازشریف کیخلاف سب کچھ ثبوت کیساتھ آیا۔

    خورشید شاہ نے کہا کہ حکومت نے جےآئی ٹی اور پھر رپورٹ کو بھی متنازع بنانے کی کوشش کی، وزیراعظم نے خود کہا تھا کہ استعفیٰ دے دوں گا، وزیراعظم نے وعدہ خلافی کرتے ہوئے مستعفی نہ ہونے کا اعلان کررہے ہیں۔

    اپوزیشن لیڈر کا کہنا تھا کہ میاں صاحب جھوٹ بولنے والا صادق اور امین نہیں رہتا، اپوزیشن چاہتی ہےاسمبلیاں تحلیل نہ ہوں، سب کی خواہش ہے حکومت اپنی مدت پوری کرے، وزیراعظم استعفیٰ دیں اپوزیشن کا مشترکہ مطالبہ ہے۔

    انھوں نے مزید کہا کہ سپریم کورٹ کےساتھ کھڑے ہیں فیصلےکا احترام کریں گے، میاں صاحب قوم آپ سے استعفیٰ مانگ رہی ہے، لیکن پوری قوم چاہتی ہے کہ سسٹم چلتا رہنا چاہیے اور اسمبلیاں چلتی رہنی چاہئیں۔

    مزید پڑھیں : وزیراعظم کواستعفیٰ دینا ہوگا، اپوزیشن جماعتوں کا مشترکہ کا مطالبہ

    اس سے قبل اپوزیشن جماعتوں نے اجلاس میں وزیراعظم سے استعفیٰ لینے اور اسمبلیوں کی مدت پوری کرنے پراتفاق کیا اور قومی اسمبلی کا اجلاس طلب کرنے سے متعلق تمام اختیار اپوزیشن لیڈر سید خورشید شاہ کو دیدیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔