Tag: Khursheed Shah

اسلام آباد : پیپلزپارٹی کے سینئر رہنما خورشیدشاہ نے کہا وزیراعظم نےاسدعمرکونالائق وزیرخزانہ سمجھ کرنکالاہے،اسدعمرکی ناراضی ہم پرنہیں تھی حفیظ شیخ کے آنے پر تھی، ہماری حکومت توخراب تھی ہم نااہل تھےلیکن عوام خوش تھے۔

تفصیلات کے مطابق پیپلزپارٹی کے سینئر رہنما خورشیدشاہ نے قومی اسمبلی میں اظہار خیال کرتے ہوئے کہا وزیرخزانہ آتےبھی ہیں اورجاتےبھی ہیں، ایسانہیں دیکھااہم معاملات چل رہےہیں اوروزیرخزانہ چل پڑے۔

،خورشیدشاہ کا کہنا تھا وزیراعظم نےاسدعمرکونالائق وزیرخزانہ سمجھ کرنکالاہے، کسی حکومت نےایسانہیں کہاہوگاکہ عوام کی چیخیں نکال دیں گے، ادویات کی قیمتیں بڑھ گئیں،مہنگائی میں اضافہ ہوا۔

پی پی رہنما نے کہا اسپیکرصاحب آپ سےمطالبہ ہےانہیں کہیں یہاں بیٹھیں، اسدعمرکی ناراضی ہم پرنہیں تھی حفیظ شیخ کےآنےپرتھی ، آپ کےپاس حفیظ شیخ آئےآپ کوپیپلزپارٹی کی ضرورت پڑی۔

آپ کےپاس حفیظ شیخ آئےآپ کوپیپلزپارٹی کی ضرورت پڑی

ان کا کہنا تھا  دشمن ہمارے14جوانوں کوشہید کرکےچلےگئے، جب دشمن نےحملہ کیاتواپوزیشن حکومت کےساتھ کھڑی رہی ، تم خود کہتے ہو نریندر مودی کو 6 بار فون کیاگیا۔

خورشیدشاہ نے کہا  جعلی اکاؤنٹس یاسلائی مشینوں کامسئلہ ہے، فالودےوالے،دودھ بیچنےوالاکامسئلہ توبعدمیں پتہ چلےگا، جوحکومت میں ہوتا ہے وہ  فائدےمیں ہوتاہے۔

ہماری حکومت توخراب تھی ہم نااہل تھےلیکن عوام خوش تھے

پیپلزپارٹی کے سینئر نے کہا یہ کہتےہیں ہمیں تباہ حال پاکستان ملاہے ، ہماری تاریخی حکومت ہےجس نےکہاتھاقرضہ نہیں لیں گے، 2011 میں سیلاب  آیاہم اس سےبھی باہرنکل گئے، موجودہ حکومت میں توکوئی ایسےمسائل ہی نہیں ہیں، ہماری حکومت توخراب تھی ہم نااہل تھےلیکن عوام خوش تھے۔

اسلام آباد : پیپلز پارٹی کے سینیئر رہنما خورشیدشاہ نے الیکشن کمیشن ارکان پر خطوط سے معاملہ بڑھانے سے انکار کرتے ہوئے کہا عمران خان مودی کےساتھ بیٹھ سکتےہیں ،اپوزیشن کےساتھ کیوں نہیں؟ وزیراعظم ارکان کی تقرری پر آئین کی خلاف ورزی کر رہے ہیں۔

تفصیلات کے مطابق پیپلز پارٹی کے سینیئر رہنما خورشیدشاہ نے الیکشن کمیشن ارکان پر خطوط سے معاملہ بڑھانے سے انکار کردیا اور کہا ہم نے واضح طور پر اس طرح آگے بڑھنے سے انکار کردیا ہے، عمران خان مودی کےساتھ بیٹھ سکتےہیں ،اپوزیشن کےساتھ کیوں نہیں؟ وزیراعظم اختلافات کودور رکھ کر براہ راست رابطہ کریں۔

عمران خان مودی کےساتھ بیٹھ سکتےہیں ،اپوزیشن کےساتھ کیوں نہیں

خورشید شاہ کا کہنا تھا وزیراعظم کو براہ راست اپوزیشن لیڈر سے رابطہ کرنا چاہیے، وہ ارکان کی تقرری پر آئین کی خلاف ورزی کر رہے ہیں، وزیراعظم نے خود کہا مودی کو 6مرتبہ فون کیا۔

پی پی رہنما نے کہا سیاست میں اختلافات ہوتے رہتے ہیں، کبھی بھی سیاست ذاتی اناکےاوپرنہیں ہوتی، مناسب نہیں ناموں کے لیےکسی وزیرکی ڈیوٹی لگائی جائے۔

یاد رہے چند روز قبل الیکشن کمیشن کے ارکان کی تقرری کے لیے وزیر اعظم عمران خان نے اپوزیشن لیڈر شہباز شریف کو خط لکھا تھا، جس میں شہباز شریف کے قانونی نکات کو مسترد کرتے ہوئے کہا تھا وزیر خارجہ کے خط میں قانونی قباحت نہیں تھی تاہم ان کا خط واپس لیا جا چکا ہے، سیکریٹری کی جانب سے لکھا گیا خط میری ہدایات کا متن تھا۔

مزید پڑھیں : الیکشن کمیشن کے ارکان کی تقرری کے لیے وزیر اعظم کا شہباز شریف کو خط

وزیر اعظم کے خط میں کئی عدالتی فیصلوں کا حوالہ بھی دیا گیا جبکہ مشاورت سے متعلق سورۃ بقرہ کی آیات کا ترجمہ بھی درج تھا۔

خط میں وزیر اعظم عمران خان کا کہنا تھا کہ بحیثیت وزیر اعظم تمام خالی آسامیاں بر وقت پوری کرنی ہے۔ خالی آسامیاں آئینی انداز میں پر کرنے کے لیے پر عزم ہوں، 26 مارچ کا خط تمام آئینی تقاضوں کو پورا کرتا ہے، خط با مقصد، نتیجہ خیز مشاورت کی نیت سے لکھا گیا۔ ’خط میں زور دیتا ہوں مشاورتی عمل کا حصہ بنیں‘۔

سکھر: پیپلزپارٹی کے رہنما خورشید شاہ کا کہنا ہے کہ پیپلز پارٹی کے کارکنوں کو جیلوں میں ڈالنا ہے تو ڈال دیں۔

تفصیلات کے مطابق پیپلزپارٹی کے سینئر رہنما خورشید شاہ کا کہنا ہے کہ ہمیں کوشش کرنی چاہیے کہ ملک میں حقیقی جمہوریت آئے، ہم نے کوشش کی کہ پارلیمانی نظام کو بہترکریں۔

انہوں نے کہا کہ آج مہنگائی کی سونامی ہے، پیٹرول اورتیل کی قیمت بڑھ گئی ہے، عالمی مارکیٹ میں ڈیزل کی قیمت 58 روپے ہے۔

خورشید شاہ نے کہا کہ ہمارے دورمیں ٹیکس لگتے تو کہتے تھے عوام پرظلم ہورہا ہے، مہنگائی کے سونامی کا ان کے پاس کوئی جواب نہیں۔

پیپلزپارٹی کے رہنما نے کہا کہ پیپلز پارٹی کے کارکنوں کو جیلوں میں ڈالنا ہے تو ڈال دیں، پیپلزپارٹی نے قربانیاں دی ہیں نظام بچایا ہے۔

خورشید شاہ نے کہا کہ عمران خان جو تبدیلی لائے ہیں وہ سب کے سامنے ہیں، نئی حکومت کے پاس وژن نہیں،مستقبل کا پلان نہیں۔

ہم بھی ملک سے کرپشن کو ختم کرنا چاہتے ہیں،خورشید شاہ

یاد رہے کہ تین روز قبل پیپلز پارٹی کے مرکزی رہنما سید خورشید شاہ کا کہنا تھا کہ شہباز شریف ہوں یا قائم علی شاہ سب 70سال کا حساب دینے کو تیار ہیں، ہم بھی کرپشن کو ختم کرنا چاہتے ہیں۔

سکھر: پیپلز پارٹی کے سینئر رہنما خورشید شاہ کا کہنا ہے کہ ٹرین مارچ روہڑی سےشروع ہوگا اورراولپنڈی تک جائےگا، حکومت کومہنگائی کے خاتمے اور ایک کروڑ افراد کونوکریاں دینےکا وعدہ پورا کرنے پر مجبورکریں گے، آج کا ہربچہ ایک لاکھ 80ہزار کا مقروض ہے۔

تفصیلات کے مطابق پیپلز پارٹی کے سینئر رہنما خورشید شاہ نے میڈیا سے گفتگو کرتے ہوئے کہا فواد چوہدری ایسےشخص کانام ہے جس کا ذکر کتابوں میں ہے،ہماری حکومت تھی تو گھٹنوں پر ہاتھ رکھ کرملتےتھے، میں ہر شخص کی عزت کرتاہوں ، میں اس ریاست کےچپے چپے کا ذمےدارہوں، قبضہ مافیا سے بھی لڑتاہوں۔

صحافی نے سوال کیا شیخ رشید نے کہا ملک میں چور یا چوکیدار بچے گا؟ جس کے جواب میں خورشید شاہ کا کہنا تھا یہ وہ ہیں جو دوسروں کی زبان بولتے ہیں، سیاست دان عوام سےوعدہ کرتے ہیں پھر اس سے پھر جائے۔

رہنما پیپلز پارٹی نے کہا آج کا ہربچہ ایک لاکھ 80ہزار کا مقروض ہے، دعوے کیوں کرتے تھے کہ نواز شریف نے مہنگائی کردی، دعویٰ کیا تھا ایک کروڑ نوکریاں دیں گے، ہم نے 60 لاکھ بیوہ خواتین کو بی آئی ایس پی سے سپورٹ کیا۔

مزید پڑھیں : بلاول بھٹوکی قیادت میں حکومت مخالف ٹرین مارچ 26 مارچ کو کراچی سے شروع ہوگا

ان کا کہنا تھا ٹرین مارچ روہڑی سےشروع ہوگا اورراولپنڈی تک جائےگا، حکومت کومہنگائی کے خاتمےاورایک کروڑافراد کونوکریاں دینےکا وعدہ پورا کرنے پر مجبور کریں گے۔

خورشید شاہ نے کہا 2010میں سارا ملک پانی پانی ہوگیا ہم نے مکانات دیے، کے پی کو ہم نے صوبہ بنایا، ہم نے 18ویں ترمیم کی ، ہم کسی صورت خوردبرد کو سپورٹ نہیں کرتے، کوئی بتائے اگر میں نے کرپشن کی ہو۔

پی پی رہنما کا کہنا تھا لوڈ شیڈنگ ختم نہیں ہورہی، بل بڑھ گئے، نوجوانوں کو روزگار کا دھوکہ دیا گیا، ایم ایس سی کا بچہ میرے پاس آیا بے بس تھا، حکومت کا تعاون عوام کے ساتھ ہونا چاہیے، 60 فیصد لوگ مشرف کے ساتھی حکومت کے ساتھ ہیں۔

سکھر : پیپلزپارٹی کے سینیئر رہنما خورشید شاہ کا کہنا ہے کہ حکومت نے آج بس چھوٹا سا ٹریلر دیکھا ہے، پکچر ابھی باقی ہے، پیپلز پارٹی تشدد کے ڈر سے خاموش بیٹھ کر تماشہ نہیں دیکھے گی۔

تفصیلات کے مطابق سکھر میں پیپلزپارٹی کے سینیئر رہنما خورشیدشاہ نے میڈیا سے گفتگو کرتے ہوئے کہا سیلکٹڈحکومت میں آنے والوں کو جمہوریت کا پتہ نہیں، پیپلزپارٹی تشددکے ڈر سے خاموش بیٹھ کر تماشہ نہیں دیکھے گی، حکومت نےآج بس چھوٹا سا ٹریلر دیکھا ہے، پکچر ابھی باقی ہے۔

خورشید شاہ کا کہنا تھا کہ جان بوجھ کر حالات خراب کئے جا رہے ہیں، حربے استعمال کرکے پیپلزپارٹی کو جھکایا نہیں جاسکتا، پیپلز پارٹی کارکنان ہر حالات کا مقابلہ کریں گے۔

پی پی رہنما نے کہا احتساب آئین اور قانون کے مطابق ہونا چاہئے، حکومت کی کوشش ہے نیب کی آڑ میں ملک میں انتشار پھیلے، حکومت کو سندھ کے اداروں اور عدالتوں پر اعتبار نہیں۔

راولپنڈی نے ہمیشہ پیپلزپارٹی کو لاشیں دیں

ان کا کہنا تھا کارکنوں کو گرفتار کرنا اچھی بات نہیں، راولپنڈی نے ہمیشہ پیپلزپارٹی کو لاشیں دیں، فواد چوہدری کو بیان دینے کے علاوہ کچھ نہیں آتا، ہماری ہمیشہ کوشش رہی ملک آئین اور قانون کے مطابق چلے۔

خورشیدشاہ نے کہا کیاسندھ کی عدالتوں پر اعتماد نہیں جو پنڈی لےگئے، شاید پنڈی کی عدالتیں پیپلز پارٹی کیلئے بنی ہیں، پنڈی کورٹ سے بینظیر صاحبہ کو سزا دلائی تھی۔

پیپلزپارٹی کے سینیئر رہنما کا کہنا تھا ہم انہیں دعوت دیتے ہیں پارلیمنٹ کے اندر آئیں بات کریں، شیخ رشید کی بات ہم ریکارڈ پر لانا چاہتے ہیں، اللہ نہ کرے کچھ ہو جائے تو بات ریکارڈ پر ہونا ضروری ہے۔

یاد رہے جعلی بینک اکاؤنٹس کیس میں آصف زرداری اور بلاول بھٹو سے نیب نے ابتدائی تفتیش مکمل کر لی ہے ، دونوں باپ بیٹا تحقیقات کے لئے اسلام آباد میں نیب کے دفتر میں پیش ہوئے۔ یہ بلاول بھٹو کی کسی بھی تفتیشی ادارے کے روبرو اپنی زندگی کی پہلی پیشی تھی۔

مزید پڑھیں : پارک لین کمپنی کیس : آصف زرداری اور بلاول بھٹو نے بیان ریکارڈ کرادیا

تفتیشی حکام نے دونوں سے الگ الگ کمرے میں پوچھ گچھ کی اور تحریری سوالنامہ بھی دیا۔