Tag: Khursheed Shah

اسلام آباد : پیپلز پارٹی کے رہنما خورشید شاہ کا کہنا ہے کہ پاکستان کی جیلیں سیاستدانوں کے لئے بنی ہیں، آغاسراج کی گرفتاری پر اپوزیشن احتجاج کرتی ہے، آج احتجاج نہیں کیا تو آنے والی نسلوں کیلئے کوئی احتجاج کرنے والا نہیں ہوگا۔

تفصیلات کے مطابق پیپلز پارٹی کے رہنما خورشید شاہ نے قومی اسمبلی میں اظہار خیال کرتے ہوئے کہا پارلیمنٹ کوکمزور بنانے کی کوشش ہوتی رہی، تمام اراکین ووٹ لیکر آئے ہیں ہمیں احترام ہے، انہیں گھسیٹ کرگاڑی میں ڈالنا ہمارے لیے تکلیف دہ ہے۔

خورشیدشاہ کا کہنا تھا کہ پاکستان کےتمام ادارے پارلیمنٹ سے نیچے ہیں ، جمہوریت کے لئے پیپلزپارٹی نے جدوجہد کی ہے، ہم پاکستان کو مضبوط ملک دیکھنا چاہتے ہیں، ہماری لڑائی کتنی بھی ہو، کرسی پر کوئی بھی ہو قابل احترام ہے۔

ملک بناہی سیاستدانوں کوگولی مارنےکیلئے ہے، بھٹوکوپھانسی دیدی، بینظیر کو گولیاں ماریں

پی پی رہنما نے کہا ملک بناہی سیاستدانوں کوگولی مارنے کیلئے ہے، بھٹو کو پھانسی دیدی، بینظیر کو گولیاں ماریں، پاکستان کی جیلیں سیاستدانوں کے لئے بنی ہیں۔

ان کا کہنا تھا کہ کوشش رہی ایوان چلتا رہے، ادارے مضبوط ہوں، کیاوجہ ہے کہ مضبوط ہونے کے بجائے کمزور ہو رہے ہیں، کیس بنائے جاتے ہیں ، جس کو پکڑنا ہے کیس بنا دو ، کیس ہے تو موقع ملنا چاہئے، ایسے کیسے کسی کو پکڑ کر جیل میں ڈال دیا۔

خورشیدشاہ  نے کہا اختلافات ایک طرف رکھ کر دنیا کو دکھائیں ہم ایک قوم ہیں، سندھ کےلوگ کیا سوچیں گے، آپ ملک کو کس طرف لے جارہے ہیں۔

پیپلز پارٹی کے رہنما کا کہنا تھا کہ اسپیکرسندھ اسمبلی کےگھرمیں گھنٹوں سرچنگ کی گئی، ہم اس کی اجازت نہیں دیں گے ہر سطح پر احتجاج کریں گے، پارلیمنٹ اور جمہوریت کیلئے اور عوام نے جدوجہدکی، یہ جدوجہداس لیے کی کہ ہم پاکستان کو مضبوط ملک دیکھنا چاہتے ہیں، ہمیں اس ادارے کے ایک ایک ممبر کے لئے احترام ہے۔

آغاسراج کی گرفتاری پراپوزیشن احتجاج کرتی ہے ، آج احتجاج نہیں کیا تو آنے والی نسلوں کیلئے کوئی احتجاج کرنے والا نہیں ہوگا

انھوں نے مزید کہا اسپیکرکی گرفتاری قابل مذمت، قابل شرم، پارلیمنٹ کی توہین ہے ، آغاسراج کی گرفتاری پراپوزیشن احتجاج کرتی ہے ، ایوان احتجاج کرے، آج کسی کو پکڑا تو کل کسی اور کو پکڑیں گے، ملکی اداروں کا احترام کریں گے اور احتجاج بھی کریں گے۔

خورشیدشاہ  کا کہنا تھا کہ  یہ ملک ہماراہے،ہم نےبنایاہے، جھوٹےکیس بناکرپکڑوکہ سندھ کےلوگوں کوجینے نہیں دیں گے ، آج احتجاج نہیں کیا تو آنے والی نسلوں کیلئے کوئی احتجاج کرنے والا نہیں ہوگا۔

سکھر: پیپلزپارٹی کے رہنما خورشید شاہ کا کہنا ہے کہ حکومت کا فرض ہے کہ لوگوں کوچھت فراہم کرے جن کے پاس نہیں ہے۔

تفصیلات کے مطابق سکھرمیں میڈیا سے گفتگو کرتے ہوئے خورشید شاہ نے کہا کہ حالیہ بجٹ تو صنعت کاروں سے کیے گئے وعدےکے لیے تھا، صنعت کاروں کوریلیف دینا چاہیے لیکن کیا زراعت کوریلیف دیا۔

انہوں نے کہا کہ حکومت کا فرض ہے کہ لوگوں کوچھت فراہم کرے جن کے پاس نہیں ہے، اگر قبضے ہیں توپھرگھرگرائے جاسکتے ہیں۔

خورشید شاہ نے کہا کہ اگربنی گالہ کوریگولرائزکیا جاسکتا ہے تو دیگرکوبھی کرنا چاہیے، امیر کو چھت چاہیے توغریبوں کو بھی سرپرچھت چاہیے۔

پیپلزپارٹی کے رہنما خورشید شاہ نے کہا کہ ہم چاہتے ہیں حکومت اپنی مدت پوری کرے لیکن حکومتی وزرا کے رویے کی وجہ سے یہ مشکل لگ رہا ہے۔

خورشید شاہ نے کہا کہ اگراپوزیشن لیڈر نہیں ہوگا توپارلیمنٹ کیسے چلے گی، ہم نہیں چاہتے کہ کوئی سول نافرمانی کی تحریک چلے۔

یاد رہے کہ رواں ماہ 5 جنوری کو وفاقی وزیردفاع پرویز خٹک کا کہنا تھا کہ حکومت کے خلاف کوئی سازش کامیاب نہیں ہوگی، حکومت اپنی مدت پوری کرے گی، عمران خان اگلی بار بھی اس ملک کے وزیراعظم ہوں گے۔

سکھر: پیپلزپارٹی کے رہنما خورشید شاہ کا کہنا ہے کہ ساہیوال واقعہ ریاستی دہشت گردی ہے، کوئی معافی نہیں ملنی چاہیے۔

تفصیلات کے مطابق سکھر میں میڈیا سے گفتگو کرتے ہوئے خورشید شاہ نے کہا کہ ساہیوال واقعے کے ذمہ داران کے خلاف کارروائی ہو تاکہ پھر ایسا واقعہ نہ ہوسکے۔

خورشید شاہ نے کہا کہ ساہیوال واقعہ ریاستی دہشت گردی ہے، کوئی معافی نہیں ملنی چاہیے، وزیراعظم عمران خان مقتولین کودہشتگرد کہنے والے وزرا سے استعفیٰ لیں۔

پیپلزپارٹی کے رہنما نے کہا کہ پی اے سی کا کام احتساب کرنا نہیں، شوشا چھوڑ کرلوگوں کا ٹائم ضائع کیا جاتا ہے۔

خورشید شاہ نے کہا کہ جوڈیشل نظام بہت مضبوط ہے، بڑے فیصلے ہو رہے ہیں، وزرائے اعظم کو سزاہوئی وہ جیل بھی جاتے ہیں۔

ساہیوال: مبینہ جعلی مقابلے میں دوخواتین سمیت 4 افراد ہلاک، بچہ زخمی

یاد رہے کہ گزشتہ روز جی ٹی روڈ پر ساہیوال کے قریب سی ٹی ڈی کے مبینہ جعلی مقابلے میں ایک بچی اور خاتون سمیت 4 افراد مارے گئے تھے۔

عینی شاہدین کے مطابق کار سواروں نے نہ گولیاں چلائیں، نہ مزاحمت کی، گاڑی سے اسلحہ نہیں بلکہ کپڑوں کے بیگ ملے۔