Tag: Khursheed Shah

اسلام آباد: پیپلزپارٹی کے رہنما خورشید شاہ کا کہنا ہے کہ ہم نے ہمیشہ پارلیمنٹ کی بالادستی کی بات کی ہے۔

تفصیلات کے مطابق پیپلزپارٹی کے سینئر رہنما خورشید شاہ کا کہنا ہے کہ بلاول بھٹو نے قومی اسمبلی کا اجلاس طلب کرنے کی درخواست کی حمایت کی ہے۔

خورشید شاہ نے کہا کہ اسلام آباد میں نہیں تھے جس کے باعث اجلاس طلبی کی درخواست پردستخط نہ کرسکے۔

انہوں نے کہا کہ قائد حزب اختلاف پارلیمنٹ کا اہم ترین حصہ ہیں، شہبازشریف کی گرفتاری پرپارلیمنٹ کو آگاہ کرنا ذمے داری ہے۔

خورشید شاہ نے کہا کہ ہم نے ہمیشہ پارلیمنٹ کی بالادستی کی بات کی ہے، حکومت کو چاہیے تھا شہبازشریف کی گرفتاری پرایوان کو آگاہ کرتی۔

شہبازشریف کا 10 روز کا جسمانی ریمانڈ منظور

خیال رہے کہ آشیانہ ہاؤسنگ اسکینڈل میں گرفتار سابق وزیراعلیٰ پنجاب اور مسلم لیگ ن کے صدر شہبازشریف کو احتساب عدالت نے 10 روزہ جسمانی ریمانڈ پر نیب کے حوالے کردیا۔

احتساب عدالت نے آشیانہ ہاؤسنگ اسکینڈل سے متعلق کیس کی سماعت 16 اکتوبر تک ملتوی کردی۔

شہبازشریف کو سماعت کے بعد انتہائی سخت سیکیورٹی میں بکتربند گاڑی میں احتساب عدالت سے روانہ کردیا گیا۔

کرپشن کیس: نیب نے شہبازشریف کو گرفتار کرلیا

یاد رہے کہ گزشتہ روز قومی احتساب بیورو( نیب) نے آشیانہ کمپنی کیس میں مسلم لیگ ن کے صدر اور اپوزیشن لیڈر میاں شہباز شریف کو کرپشن کے الزامات میں گرفتار کیا تھا۔

سکھر: پیپلزپارٹی کے رہنما خورشید شاہ کا کہنا ہے کہ گھربنانےکا اعلان اچھا ہے، سپورٹ کرتے ہیں مگراعلان سے کچھ نہ ہوگا۔

تفصیلات کے مطابق سکھرمیں میڈیا سے گفتگو کرتے ہوئے خورشید شاہ نے کہا کہ اپوزیشن حکومت کو مکمل تعاون کا یقین دلارہی ہے۔

انہوں نے کہا کہ تعاون کی یقین دہانی کے باوجود غیرسنجیدگی کا مظاہرہ کیا جارہا ہے، جس وزیر کے جو منہ میں آرہا ہے کہے جا رہا ہے۔

خورشید شاہ نے کہا کہ ابھی تک تو کوئی تبدیلی نہیں آئی، تبدیلی آئی ہے کہ ہیلی کاپٹر کا کرایہ 50 روپے ہوگیا ہے۔

پیپلزپارٹی کے رہنما نے کہا کہ کشمیر کا مسئلہ سوائے پیپلز پارٹی کے کسی نے نہیں اٹھایا۔انہوں نے کہا کہ جودعوے کیے اس کے لیے حکومت کو ہم وقت دے رہے ہیں۔

خورشید شاہ نے کہا کہ قرض سے پیٹرول لیا جاتا ہے، حکومت گھرکہاں سے بنا کے دے گی، مشورہ دیتے ہیں گھر کی بجائےمستحقین کو حکومت 15 لاکھ امداد فراہم کرے۔

800 کیا ایک لاکھ لوگوں کوروزگاردوں گا‘چاہے پھانسی چڑھا دو‘ خورشیدشاہ

یاد رہے کہ دو روزقبل قومی اسمبلی میں پیپلزپارٹی کے رہنما خورشید شاہ کا کہنا تھا کہ 800 کیا ایک لاکھ لوگوں کوروزگاردوں گا‘چاہے پھانسی چڑھا دو۔

خورشید شاہ کا کہنا تھا کہ نوجوانوں کوروزگاردینا حکومت کی آئینی ذمے داری ہے، اگرحکومت یہ کرتی ہے تو سب کوخوشی ہوگی۔

اسلام آباد: پاکستان پیپلز پارٹی کے صدارتی امیدوار اعتزاز احسن کے حوالے سے نیا تنازعہ اٹھ گیا ہے، خورشید نے دعویٰ کیا ہے کہ ان کا نام پی ٹی آئی نے دیا، فواد چوہدری نے اس کی تردید کر دی ہے۔

تفصیلات کے مطابق صدارتی امیدوار اعتزاز احسن کی نامزدگی پر پیپلز پارٹی اور تحریکِ انصاف میں نیا تنازعہ اٹھ گیا، خورشید شاہ نے دعویٰ کر دیا ہے کہ ان کے امیدوار کا نام پی ٹی آئی نے دیا۔

وفاقی وزیرِ اطلاعات فواد چوہدری نے اس کی تردید کرتے ہوئے کہا ہے ’خورشید شاہ کے بیان پر تعجب ہے، پی ٹی آئی امیدوار عارف علوی کی کام یابی واضح ہے۔‘

پی پی کے سینئر رہنما خورشید شاہ کے بیان کے ردِ عمل میں فواد چوہدری نے صدارتی امیدوار کو مقابلے سے دور رہنے کا مشورہ دے دیا، کہا ’اعتزاز احسن سے گزارش ہے کہ وہ صدارتی امیدوار کی دوڑ میں شامل نہ ہوں۔‘

کاغذات نامزدگی منظور، عارف علوی، اعتزاز احسن اور مولانا فضل الرحمٰن مدمقابل

وزیرِ اطلاعات نے مخالفین پر واضح کرتے ہوئے کہا کہ کسی امیدوار کے ہونے سے عارف علوی کی کام یابی پر کوئی فرق نہیں پڑے گا، ان کی کام یابی واضح ہے۔

واضح رہے کہ خورشید شاہ نے دعویٰ کیا ہے کہ فواد چوہدری اسمبلی میں ان سے راجہ پرویز اشرف کی موجودگی میں ملے اور کہا کہ مشترکہ امیدوار لاتے ہیں، اس کے بعد اعتزاز احسن کا نام خود فواد چوہدری نے دیا اور اس پر راجہ پرویز کو گواہ بنایا گیا، لیکن پھر انھوں نے اس سے یوٹرن لے لیا۔