Tag: khurshid shah

اسلام آباد: قومی اسمبلی میں اپوزیشن لیڈر خورشید شاہ کا کہنا ہے کہ عمران خان اپنا راز خود بتا گئے، انہوں نے اشارہ دے دیا آزاد گروپ کی مدد سے حکومت بنائیں گے۔

تفصیلات کے مطابق قومی اسمبلی میں اپوزیشن لیڈر اور پیپلز پارٹی کے سینئر رہنما خورشید شاہ نے میڈیا سے گفتگو کرتے ہوئے کہا کہ عمران خان بادشاہ آدمی ہیں خود اپنا راز بتا گئے، عمران خان پورس کے ہاتھی کی طرح خود کو لتاڑ گئے۔

خورشید شاہ نے کہا کہ عمران خان خود عندیہ دے رہے ہیں کوئی آزاد گروپ آئے گا۔ وہ اشارہ دے گئے کہ آزاد گروپ کی مدد سے حکومت بنائیں گے۔ ’اسی لیے کہتے ہیں بے وقوف دوست سے دانا دشمن بہتر ہے‘۔

انہوں نے کہا کہ نواز شریف کے بقول 2018 کے الیکشن خلائی مخلوق کروا رہی ہے۔ 2013 میں خلائی مخلوق نے آر اوز کی شکل میں الیکشن کروائے۔

خورشید شاہ کا کہنا تھا کہ لیکشن میں دھاندلی ملک اور اداروں کے لیے ٹھیک نہیں ہوگی۔ دھاندلی سے ملک کو بہت نقصان پہنچے گا، کوئی چاہتا ہے دھاندلی سے کسی کو جتوا دے تو بہت خطرناک ہوگا۔

انہوں نے مزید کہا کہ سابق صدر پرویز مشرف نے انٹرویو میں کہا کہ عمران خان نے 100 سیٹیں مانگیں، ’سیٹیں مانگنا ہیں تو عوام سے مانگو‘۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اسلام آباد: قومی اسمبلی میں اپوزیشن لیڈر خورشید شاہ کا کہنا ہے کہ سیاستدانوں کو سیاست کے لیے ایک جیسا میدان ملنا چاہیئے۔ نواز شریف یہ سمجھتے تو 2013 کے الیکشن کے نتائج پر تحفظات پیش کرتے۔

تفصیلات کے مطابق پیپلز پارٹی کے سینئر رہنما اور قومی اسمبلی میں اپوزیشن لیڈر خورشید شاہ کا کہنا ہے کہ نواز شریف لوڈ شیڈنگ ختم کرنے کا وعدہ پورا کرنے میں ناکام رہے۔ آئندہ الیکشن میں نہیں لگنا چاہیئے عوام کی توقعات کے مطابق نہیں ہوئے۔

ان کا کہنا تھا کہ سیاستدانوں کو سیاست کے لیے ایک جیسا میدان ملنا چاہیئے۔ نواز شریف یہ سمجھتے تو 2013 کے الیکشن کے نتائج پر تحفظات پیش کرتے۔ ’اپنے لیے سب اچھا، دوسروں کے لیے غلط پر بھی بولنا چاہیئے‘۔

انہوں نے کہا کہ نواز شریف کو اقتدار بات چیت سے ملا تھا۔ ترقی میں رکاوٹ الیکشن کا طریقہ ہے۔ حکومت شفاف انتخابات سے نہیں بنتی، دھونس دھاندلی ہوتی ہے۔

خورشید شاہ کا کہنا تھا کہ ماضی کے الیکشن پر بھی سوالیہ نشان رہے ہیں۔ اداروں کو خود مختاری ہم نے دی، اداروں نے پرانے کھیل میں حصہ ڈالا تو ملک سے وفا نہیں ہوگی۔

انہوں نے مزید کہا کہ الیکشن کمیشن آزاد اور شفاف انتخابات کروانے کا پابند ہے۔ الیکشن کمیشن ایسا ماحول بنائے جس پر کوئی انگلی نہ اٹھا سکے۔ ’صاف شفاف الیکشن ریاست، آئین اور عوام سے وفاداری ہے‘۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اسلام آباد: پیپلز پارٹی کے رہنما خورشید شاہ کا کہنا ہے کہ اداروں پر تنقید کا ایم کیو ایم اور نواز شریف کا طریقہ کار ایک ہے۔ ایم کیو ایم فاروق ستار کے ہاتھ سے نکل گئی ہے۔

تفصیلات کے مطابق قومی اسمبلی میں اپوزیشن لیڈر اور پیپلز پارٹی کے سینئر رہنما خورشید شاہ کا کہنا ہے کہ ایم کیو ایم فاروق ستار کے ہاتھ سے نکل گئی ہے۔ ایم کیو ایم نے شہری اور دیہی عوام میں دوریاں پیدا کیں۔

خورشید شاہ کا کہنا تھا کہ فاروق ستار نے کہا تھا وہ الیکشن کمیشن کا فیصلہ تسلیم کریں گے۔ ان کا فیصلے کو صدی کا بلیک لا قرار دینا مایوس کن ہے۔

سینئر رہنما نے مخالف پارٹیوں کو تنقید کا نشانہ بناتے ہوئے کہا کہ اداروں کو تنقید کا نشانہ بنانا ملک کے لیے اچھا نہیں ہوگا۔ اداروں پر تنقید کا ایم کیو ایم اور نواز شریف کا طریقہ کار ایک ہے۔

خورشید شاہ کا مزید کہنا تھا کہ ایم کیو ایم نے کراچی، حیدر آباد اور سکھر کی عوام کو مایوس کیا۔ عوام مایوسی کی حالت میں ایم کیو ایم کو ووٹ نہیں دیں گے۔

انہوں نے کہا کہ عوام کو احساس ہوگیا یہ لوگ اقتدار کے لیے لڑ رہے ہیں۔ ’ثابت ہوگیا ایم کیو ایم عوام کے حقوق اور تحفظ کے لیے نہیں لڑ رہی‘۔

خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

اسلام آباد: پیپلز پارٹی کے سینئر رہنما اور قومی اسمبلی میں اپوزیشن لیڈر خورشید شاہ نے وزیر اعلیٰ پنجاب شہباز شریف پر تنقید کرتے ہوئے کہا کہ بچی سے زیادتی ہوئی، آپ قاتل پکڑ کر تالیاں بجاتے ہیں، شرم آنی چاہیئے۔

تفصیلات کے مطابق اپوزیشن لیڈر خورشید شاہ نے وزیر اعلیٰ پنجاب شہباز شریف کو ایک بار پھر آڑے ہاتھوں لے لیا۔

خورشید شاہ کا کہنا تھا کہ 2016 سے2017 تک زیادتی کے کیس میں کوئی گرفتاری نہیں ہوئی۔ 2016 میں بچوں سے زیادتی کے سب سے زیادہ واقعات لاہور میں ہوئے۔

انہوں نے وزیر اعلیٰ پنجاب کی گزشتہ روز کی پریس کانفرنس پر تنقید کرتے ہوئے کہا کہ بچوں سے زیادتی ہوئی، تالیاں بجا کر ان کے اہل خانہ کا غم بڑھایا۔ ’آپ قاتل پکڑ کر تالیاں بجاتے ہیں، شرم آنی چاہیئے‘۔

انہوں نے کہا کہ سندھ، پنجاب اورخیبر پختونخواہ واقعات کا موازنہ نہیں کرنا چاہتا۔ وزیر اعلیٰ نے تالیاں بجا کر 20 کروڑ عوام کی دل آزادی کی انہیں معافی مانگنی چاہیئے۔ ’وزیر اعلیٰ نے خدا کا شکر ادا کرنے کے بجائے تالیاں بجوائیں‘۔

یاد رہے کہ گزشتہ روز بھی خورشید شاہ نے پریس کانفرنس میں‌ وزیر اعلیٰ کی جانب سے سرکاری اہلکاروں، انتظامیہ اور اداروں‌ کی غیر ضروری تعریف اور تالیاں بجانے کو ہدف تنقید بناتے ہوئے کہا تھا کہ قصور کے 250 بچے اور 12 بچیاں پنجاب حکومت کے منہ پر طمانچہ ہیں۔

انہوں نے سوال کیا تھا کہ دنیا کی دوسری بڑی لیب لاہور میں ہے تو باقی ملزمان گرفتار کیوں نہیں کیے جا سکے۔ 250 بچوں اور 12 بچیوں کے ملزمان کی گرفتاری کی مبارکباد شہباز شریف کب لیں‌ گے۔