کراچی : ایم کیو ایم کی رابطہ کمیٹی نے الطا ف حسین کے بارے میں وفاقی وزیردفاع خواجہ آصف کے بیان کی مذمت کرتے ہوئے کہا ہے کہ خواجہ آصف کوقائدتحریک الطاف حسین پر تنقید کرنے سے پہلے اپنے گریبان میں جھانکناچاہیے ۔
اپنے بیان میں رابطہ کمیٹی نے کہاکہ خواجہ آصف نے قومی اسمبلی کے ایوان میںمسلح افواج کے خلاف جس قسم زہریلی اورشرانگیز تقاریرکی ہیں وہ آج بھی قومی اسمبلی کے ریکارڈاورمیڈیاکی لائبریری میں موجود ہیں.
جن کو سن کرہرفرد بخوبی اندازہ لگاسکتاہے کہ خواجہ آصف مسلح افواج کے بارے میں کس قسم کے خیالات رکھتے ہیں۔
رابطہ کمیٹی نے کہا کہ خواجہ آصف کوقائد تحریک الطاف حسین کے بارے میں لب کشائی کرنے سے پہلے مسلح افواج کے خلاف اپنی زہریلی اورشرانگیزتقاریرپرمسلح افواج اورقوم سے معافی مانگنی چاہئیے پھرانہیں اس حوالے سے دوسروںپر تنقیدکرنے کاحق ہے۔
رابطہ کمیٹی نے کہاکہ قائد تحریک الطاف حسین کواپنی حب الوطنی ثابت کرنے کیلئے کسی کے سرٹیفکیٹ کی کوئی ضرورت نہیں ہے۔
رابطہ کمیٹی نے کہاکہ قائد تحریک الطاف حسین اورایم کیوایم کے کارکنان بانیان پاکستان کی اولادیں ہیں اوران پر ملک دشمنی کے بیہودہ الزامات بانیان پاکستان کی قربانیوں کی توہین کرنا ہے۔
