Tag: Khuwaja izhar ul hassan\

کراچی: خواجہ اظہارالحسن کہتے ہیں کہ حکومت سندھ کی تھر سے متعلق کارکردگی کُھل کرسامنے آگئی ہے اس سے آنکھ نہیں چرائی جاسکتی۔

ایم کیوایم کے ڈپٹی پارلیمانی لیڈرخواجہ اظہارالحسن کہتے ہیں کہ ایم کیو ایم نے تھرکی صورتحال پرتحریکِ التواء جمع کرادی ہے،ان کا کہنا تھاکہ پوری دنیا کے سامنے حکومت سندھ کی کاکردگی کُھل گئی ہے۔

انہوں نے اعلان کیا کہ ایم کیوایم تھرکی صورتحال کے پیش نظر اتوار کواپنا امدادی وفدروانہ کررہی ہے، خواجہ اظہارالحسن نے حکومت سندھ سے ملازمتوں میں شفاف تقرری کا مطالبہ بھی کیاجبکہ میرٹ کی خلاف ورزی کرنے پرعدالتوں میں جانے کا عندیہ دیا۔

کراچی: ایم کیم ایم کے رہنما خواجہ اظہارالحسن نے کہا ہے کہ اب کراچی کی ہی نہیں پورے سندھ کی بات کریں گے، سندھ بھر کے تمام غریب لوگوں کا مینڈیٹ ہمارے پاس ہے۔

میڈیا سے گفتگو کرتے ہوئے خواجہ اظہارالحسن کاکہنا تھا کہ ایم کیو ایم تمام شہداء کو سلام اور خراج تحسین پیش کرتی ہے۔سندھ حکومت پرسخت تنقید کرتے ہوئے ان کا کہنا تھا کہ کہ ایم کیوایم جیسے ہی اپوزیشن میں جاتی ہے حکومت کو بلزیاد آجاتے ہیں۔

ان کامزید کہنا تھا کہ حکومت اپنے وزراء کوکنٹرول کرےورنہ ہم بھی بہت کچھ کہہ سکتے ہیں،ٹی وی چینلزپرحکومت کی جانب سے عائد پابندی کے خلاف ان کا کہنا تھا کہ حکومت تمام بند چینلزکوفوری کھول دے ۔ہم نے ہمیشہ آزاد میڈیا کی بات کی ہے۔

جیوسمیت اےآروائی کی بندش پر ہم نےآواز اٹھائی، میڈیاکی تنقید سےتواصلاح کاموقع ملتاہے۔ ایک سوال کا جواب دیتے ہوئے خواجہ اظہارالحسن نے کہا کہ ہم بات چیت پر یقین رکھتے ہیں ۔

ان کا کہنا تھا کہ  پی پی پی حکومت نے نہ ماضی میں کچھ سیکھا اورنہ اب سیکھنا چاہتی ہے ۔حکومت کے پاس اربوں روپے کے فنڈز موجود ہیں جو وہ شہری علاقوں سے وصول کرتی ہے۔