تیراہ: خیبر ایجنسی کے علاقے وادی تیراہ میں فضائی کارروائی میں تین دہشتگرد ہلاک اور پانچ زخمی ہوگئے۔
دہشتگردوں کیخلاف ہر گزرتے روز کیساتھ گھیرا تنگ ہورہا ہے، خیبر ایجنسی میں پاک فوج کے جوانوں کا ہر قدم کامیابی کی نئی داستانیں رقم کررہاہے،وادی تیراہ میں پاک فوج کے جیٹ طیاروں نے بمباری کی۔
فضائی کارروائی میں تین دہشت گرد ہلاک پانچ زخمی ہوگئے، کارروائی میں دہشتگردوں کے تین ٹھکانوں کو بھی تباہ کردیا گیا،اس سے پہلے پاک فوج نے دہشتگردوں کی محفوظ گزرگاہ مستول سرنگ پر بھی کنٹرول حاصل کرلیا تھا ۔
دہشتگرد اس راستے کو افغانستان سے آمدورفت کے لئے استعمال کرتے تھے، آپریشن خیبر ٹو میں اب تک نوے سے زائد دہشتگردوں کو ہلاک کیا جاچکا ہے۔
