Tag: Kiara Advani

ممبئی: بھارتی میڈیا نے اداکار سدھارتھ ملہوترا اور اداکارہ کیارا ایڈوانی کی شادی کی تاریخ سے متعلق ایک دعویٰ کردیا۔

بھارتی میڈیا رپورٹس میں بتایا کہ سدھارتھ ملہورا اور کیارا ایڈوانی کی فروری 2023 میں شادی کے بندھن میں بندھ جائیں گے جس کی تیاریاں بھی شروع کردی گئی ہیں۔

شوبز جوڑی کی شادی کی تقریبات وکی کوشل اور کترینا کیف کی شادی کی تقریبات کی طرح ہی ہوں گی اور اس کا وینیو راجستھان جیسلمیر پیلس ہوٹل ہوگا۔

کیارا اور سدھارتھ کی شادی کی تقریب میں سیکیورٹی کے بھی سخت انتظامات کیے جائیں گے۔

میڈیا رپورٹس میں بتایا گیا ہے کہ 4 اور 5 فروری کو شادی کی رسمیں ہلدی، سنگیت اور مہندی بھی ہوں گی جبکہ شادی کی مرکزی تقریب 6 فروری کو ہوگی۔

مزید پڑھیں: ’اب اس راز کو مزید نہیں چھُپا سکتے‘

اس سے قبل بھی شوبز فنکاروں کی شادی سے متعلق افواہیں سوشل میڈیا پر وائرل ہوئی تھیں لیکن تاحال سدھارتھ اور کیارا کی جانب سے اس کی تصدیق یا تردید نہیں کی گئی ہے۔

گزشتہ دنوں اداکارہ نے انسٹاگرام اکاؤنٹ سے ویڈیو شیئر کرتے ہوئے کیپشن میں لکھا تھا کہ ’اب اس راز کو مزید نہیں چھپایا جا سکتا دیکھتے رہیں، دسمبر میں جلد آرہا ہے۔‘

 

View this post on Instagram

 

A post shared by KIARA (@kiaraaliaadvani)

کیارا کی اس پوسٹ پر سوشل میڈیا صارفین کی جانب سے ان کی شادی سے متعلق مختلف تبصرے اور قیاس آرائیاں کی گئیں۔ سوشل میڈیا صارفین کا بھی یہی کہنا تھا کہ کیارا اور دسمبر میں شادی کے بندھن میں بندھ جائیں گے۔

واضح رہے کہ سدھارتھ ملہوترا، کرن جوہر کی فلم ’اسٹوڈنٹ آف دی ایئر، دی ولن، مرجاواں، برادرز ودیگر فلموں میں اداکاری کے جوہر دکھا چکے ہیں۔

کیارا ایڈوانی نے سابق بھارتی کپتان مہندر سنگھ دھونی کی زندگی پر بنائی جانے والی فلم ’ایم ایس دھونی ان ٹولڈ اسٹوری‘ میں آنجہانی اداکار سشانت سنگھ راجپوت کے ساتھ اداکاری کے جوہر دکھائے تھے، ان کی مشہور فلموں میں کبیر سنگھ ودیگر شامل ہیں۔