Tag: Kidnapped

خلائی مخلوق دنیا میں ہوتے ہیں یا نہیں ، اس کو لے کر طویل عرصہ سے بحث چلی آرہی ہے ، کئی مرتبہ لوگوں نے ایلین یو ایف او دیکھنے کا دعوی کیا ہے ، لیکن ابھی تک اس کا کوئی ثبوت نہیں مل پایا ، اگر کوئی ثبوت ہاتھ لگتا بھی ہے تو اس کو ایڈیٹڈ یا جھوٹا بتادیا جاتا ہے۔

اب برطانیہ کے شہر بریڈ فورڈ کی رہائشی پچاس سالہ پالا اسمتھ نے دعوی کیا ہے کہ انہیں ایلین (خلائی مخلوق ) پچاس سے زائد بار اغوا کرچکے ہیں، اغوا کرنے کے بعد ایلین یو ایف او (ان آئڈینٹیفائیڈ فلائنگ آبجیکٹس) میں لے جاتے ہیں، جہاں انہیں دوسری دنیا کی سیر کرائی جاتی ہے۔

پالا نے سنسنی خیز انکشاف کرتے ہوئے کہا کہ خلائی مخلوق انہیں اس وقت سے اغوا کررہے ہیں جب وہ بچی تھی، اب تک ایسا پچاس سے زائد بار ہوچکا ہے، خاتون نے اس کے ثبوت بھی دئیے اور اپنے جسم پر کئی نشان بھی دکھائے، خاتون کا موقف ہے کہ جب ایلین انہیں اغوا کرتے ہیں تو ایک خاص قسم کا نشان ان کے جسم پر بناتے ہیں، یہ انوکھا نشان ہے، جس کا خلائی مخلوق کی دنیا میں خاص مطلب ہوتا ہے۔

پالا استمھ کے مطابق خلائی مخلوق انہیں اغوا کرنے سے قبل کوئی وارننگ نہیں دیتے، گھر والوں نے بھی خاتون کے گھر سے غائب ہونے کی تصدیق کرتے ہوئے بتایا کہ پالا اچانک چار سے پانچ گھنٹوں کے لئے غائب ہوجاتی ہے اور اچانک ہی واپس آجاتی ہے، پالا کا کہنا ہے کہ وہ اس دوران یو ایف او میں ایلینز کے ساتھ رہتی ہیں ، جو انہیں طرح طرح کی تکنیک دکھاتے ہیں، یہ تکنیک ابھی زمین پر موجود نہیں ہے۔پالا نے دعویٰ کیا کہ اغوا کرنے کے بعد اسے عجیب سی دوا دی جاتی ہے ، اس سے وہ بھاگنا چاہتی ہیں ، لیکن بھاگ نہیں پاتی ہیں، دوا کے بعد کافی کمزوری ہوجاتی ہے، اس دوران ایلین اسے سمندر اور آسمان کا رنگ بدلتے ہوئے دکھاتے ہیں، پالا نے ایک پینٹنگ بھی بنائی ہے ، جس میں اس نے دکھایا ہے کہ اصل میں جو ایلین اس کو لے جاتے ہیں وہ کیسے نظر آتے ہیں ؟۔

پالا نے اپنا تجربہ لوگوں کے ساتھ شیئر کیا تو کئی لوگوں نے اسے پاگل قرار دیا، لیکن پالا کو ان لوگوں کے رویئے سے فرق نہیں پڑتا، اس کا کہنا ہے کہ میری طرح ایسے کئی دیگر لوگ بھی ہیں ، جو ایلینز سے مل چکے ہوں گے، انہیں بھی سامنے آنا چاہئے۔