ARYNews.tv | Urdu – Har Lamha Bakhabar

Tag: KILLED

  • صومالیہ: امریکی افواج پر الشباب کا حملہ، ایک فوجی ہلاک، 4 زخمی

    صومالیہ: امریکی افواج پر الشباب کا حملہ، ایک فوجی ہلاک، 4 زخمی

    صومالیہ : افریقی ملک صومالیہ میں دہشت گردوں کے خلاف صومالی افواج کے ساتھ آپریشن میں حصّہ لینے والے امریکی فوجیوں پر دہشت گرد تنظیم الشباب کا حملہ، 1 فوجی ہلاک جبکہ  4 زخمی ہوگئے۔

    تفصیلات کے مطابق براعظم افریقہ کے ملک صومالیہ میں دہشت گرد تنظیم الشباب نے صومالی اور امریکی فوجیوں پر حملہ کردیا، حملے کے نتیجے میں ایک فوجی ہلاک جبکہ 4 زخمی ہوگئے۔

    امریکی دفاع کے ترجمان کا کہنا تھا کہ صومالی دہشت گرد تنظیم نے صومالیہ کے شمالی حصّے میں موجود فوجیوں پر گھاٹ لگاکر حملہ کیا تھا، حملے میں 4 امریکی اور صومالی افواج کے جوان بھی زخمی ہوگئے۔

    غیر ملکی خبر رساں اداروں کا کہنا تھا کہ امریکا کی مسلح افواج مذکورہ علاقے میں صومالی افواج کے ہمراہ امن و امان کے قیام کے لیے کام رہی تھی۔

    امریکی خبر رساں ادارے کی رپورٹ کے مطابق گذشتہ سال اکتوبر میں نائیجر میں امریکی فورسز پر حملے کے بعد افریقہ میں گھاٹ لگا کر امریکی فوجیوں پر ہونے والا پہلا حملہ ہے جس میں امریکی فوجی ہلاک ہوا ہے۔

    امریکی صدر ڈونلڈ ٹرمپ نے امریکی فوجی کی دہشت گردوں کے ہاتھوں موت پر اظہار افسوس کرتے ہوئے سماجی رابطے کی ویب سایٹ ٹویٹر پر پیغام دیا ہے کہ ’ہماری دعائیں اور تعاون دہشت گردوں کے حملے میں ہلاک اور زخمی ہونے والے امریکی فوجیوں کے اہل خانہ کے ساتھ ہیں۔ یہ ہمارے اصل ہیروں ہیں‘۔

    امریکی دفاع کے ترجمان کا کہنا تھا کہ دہشت گردوں نے امریکی افواج پر چھوٹے ہتھیاروں اور مارٹر گولوں سے حملہ کیا گیا تھا۔

    امریکی افواج کے ترجمان کا کہنا تھا کہ امریکی افواج صومالی فوجوں کے ساتھ صومالیہ میں امن مشن پر کام رہی تھی۔

    غیر ملکی خبر رساں ادارے کا کہنا تھا کہ امریکی صدر ڈونلڈ ٹرمپ نے عالمی دہشت گرد تنظیم القاعدہ سے ملحقہ  الشباب کے خلاف ہونے والی فوجی کارروائی میں توسیع کردی گئی ہے۔

    خیال رہے کہ افریقین یونین کی آرمی نے سنہ 2011 میں الشباب کو صومالیہ کے دارالحکومت سے زبردستی نکالا تھا، لیکن دارالحکومت کے اطراف میں الشباب کا مضبوط نیٹ ورک موجود ہے۔

    یاد رہے کہ صومالیہ میں پہلی مرتبہ سنہ 2017 میں الشباب اور امریکی افواج کے درمیان جھڑپوں کے دوران ایک امریکی سپاہی کے ہلاک اور دو کے زخمی ہونے کی اطلاعات موصول ہوئی تھیں۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • لندن: نوجوان کو قتل کرنے کے جرم میں 16 سالہ نوجوان سمیت دو افراد گرفتار

    لندن: نوجوان کو قتل کرنے کے جرم میں 16 سالہ نوجوان سمیت دو افراد گرفتار

    لندن : برطانیہ کے علاقے پیکڈ ایونیو میں نوجوان کو تشدد کے بعد چاقو کے وار سے قتل کرنے کے جرم میں سیکیورٹی اداروں نے کارروائی کرتے ہوئے 8 ملزمان کو گرفتار کرلیا ہے۔

    تفصیلات کے مطابق برطانیہ کے دارالحکومت لندن میں چند روز قبل چاقو زنی کا شکار ہونے والے نوجوان کے قتل کے جرم میٹروپولیٹن پولیس نے 16 سالہ نوجوان سمیت دو افراد کو گرفتار کیا ہے۔

    میٹروپولیٹن پولیس کا کہنا تھا کہ 17 سالہ ٹیویس اسپینسر ایٹکن کو لندن کے علاقے پیکڈ ایونیو میں چاقو اور شیشے کی بوتلوں سے تشدد کا نشانہ بنایا گیا تھا جو اسپتال پہنچنے تک ہلاک ہوگیا تھا۔

    پولیس ترجمان بتایا کہ سیکیورٹی ادارے ٹیوس کو قتل کرنے کے جرم میں 16 سالہ نوجوان سمیت آٹھ افرادکو حراست میں لے چکے ہیں۔

    پولیس ترجمان کا کہنا تھا کہ سیکیورٹی اداروں کا خیال ہے کہ مقتول کو گینگ تشدد کا نشانہ بنایا گیا ہے، پولیس اہلکاروں نے گرفتار ملزمان میں ایرسٹوٹ نامی 22 سالہ نوجوان کو قتل کے الزام میں میجسٹریٹ کی عدالت میں بھی ہیش کردیا ہے۔

    ان کا کہنا ہے کہ مذکورہ نوجوان ان پانچوں افراد کے گروپ کا حصّہ تھا جو متاثرہ لڑکے کو تشدد کا نشانہ بنارہے تھے۔

    میٹروپولیٹن پولیس کے افسر نے بتایا کہ پوسٹ مارٹم رپورٹ کے تحت متاثرہ نوجوان کی موت بہیمانہ تشدد کے باعث لگنے والے زخموں کی وجہ سے ہوئی تھی۔

    لندن پولیس کا کہنا تھا اہلکاروں نے گذشتہ روز چھاپہ مار کارروائی کرتے ہوئے 17 سالہ نوجوان کو اسٹومارکیٹ اور 23 سالہ شخص کو آئیپش سے گرفتار کیا گیا ہے۔ جبکہ 18 ،20 اور 41 سالہ ملزمان کو بھی زیر تفتیش ہیں۔

    پولیس ترجمان بتایا کہ پولیس افسران نے ایک 36 سالہ خاتون کو بھی حراست میں لیا ہے جس نے گرفتار ملزمان کی دوران تفتیش بیل کروائی تھی۔

    خیال رہے کہ برطانیہ میں چاقو زنی کی وارداتوں میں رواں سال اضافہ دیکھنے میں آیا ہے اور متعدد افراد اپنی جان سےجا چکے ہیں جبکہ کئی زخمی بھی ہوئے ہیں۔ا س حوالے سے امریکی صدر ڈونلڈ ٹرمپ نے برطانیہ پر تنقید کرتے ہوئے کہا تھا کہ لندن کو بندوقوں کے حملوں نے نہیں بلکہ چاقوحملوں نے وارزون میں تبدیل کردیا ہے۔

    خیال رہے کہ رواں برس کے آغاز سے اب تک لندن میں 62 افراد چاقو بردار حملہ آوروں کے حملے میں ہلاک جبکہ 37 افراد شدید زخمی ہو چکے ہیں۔

    ایک رپورٹ کے مطابق برطانیہ کے دارالحکومت لندن نے جرائم کی شرح میں امریکی شہر نیویارک کو بھی پیچھے چھوڑ دیا ہے، برطانوی میڈیا کے مطابق نوجوان گینگ کلچر کا شکار ہورہے ہیں جس کے باعث لندن میں رواں سال چاقو زنی کی وارداتوں میں اب تک 50 افراد قتل ہوچکے ہیں۔

    غیر ملکی خبر رساں ادارے کا کہنا تھا کہ سنہ 2011 سے 2017 تک برطانیہ میں 37 ہزار 443 چاقو زنی کے واقعات پیش آئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریںْ۔

  • عرب اتحادی فوج کی یمن میں کارروائی، متعدد حوثی باغی ہلاک

    عرب اتحادی فوج کی یمن میں کارروائی، متعدد حوثی باغی ہلاک

    ریاض: سعودی عرب کے اتحادی فورسز کی جانب سے یمن میں حوثی باغیوں کے ٹھکانوں پر فضائی کارروائی کی گئی جس کے نتیجے میں متعدد حوثی باغی ہلاک ہوگئے۔

    تفصیلات کے مطابق عرب اتحادی فوج نے یمن کے صوبے ’اِب‘ پر لڑاکا طیاروں کے ذریعے فضائی کارروائی کی جس کے نتیجے میں یمن میں برسر پیکار حوثی باغیوں کو جانی اور مالی طور پر شدید نقصان ہوا جبکہ حوثی باغیوں کے ٹھکانوں پر موجود جنگی ساز وسامان بھی تباہ ہوگئے۔

    عرب میڈیا کا کہنا ہے کہ حوثی باغیوں کی جانب سے سعودی عرب پر مسلسل بیلسٹک میزائل داغے جارہے ہیں تو دوسری جانب عرب اتحاد نے بھی اپنی کارروائیوں میں افضافہ کردیا ہے، گذشتہ دنوں بھی عرب اتحاد نے حوثی باغیوں کے ٹھکانوں پر حملہ کیا تھا۔

    عرب اتحادی فوج کی یمن میں فضائی کارروائی، حوثی باغیوں کا میزائل حملہ

    علاوہ ازیں سعودی فورسز نے آج ہی کے دن یمن کے دار الحکومت صنعا میں بھی فضائی کارروائی کی جس کے باعث حوثی باغیوں کے متعدد ٹھکانے تباہ ہوگئے جس کی وجہ سے باغیوں کو شدید نقصان پہنچا ہے۔

    یاد رہے کہ گذشتہ دنوں ترجمان عرب اتحاد ترکی المالکی نے اپنے جاری کردہ بیان میں کہا تھا کہ حوثی باغی ایک سوچے سمجھے منصوبے کے تحت سعودی عرب کی شہری آبادی کو بیلسٹک میزائلوں سے نشانہ بنا رہے ہیں، لیکن ہم ان کے ناپاک عزائم کبھی کامیاب نہیں ہونے دیں گے۔

    حوثی باغیوں کے دو بیلسٹک میزائل حملے سعودی فورسز نے ناکام بنا دیئے

    خیال رہے کہ رواں سال 13 مئی کو حوثی باغیوں نے سعودی شہر جازان کو نشانہ بنانے کی کوشش کی تھی تاہم بروقت کارروائی کرتے ہوئے سعودی فورسز نے اس حملے کو بھی ناکام بنا دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اسرائیلی فوج کا حملہ، ایک فلسطینی شہید، دوسرا زخمی

    اسرائیلی فوج کا حملہ، ایک فلسطینی شہید، دوسرا زخمی

    یروشلم: فلسطین میں قابض اسرائیلی فورسز نے ایک بار پھر نہتے فلسطینیوں پر حملہ کردیا جس کے نتیجے میں ایک فلسطینی شہید اور دوسرا شدید زخمی ہوگیا۔

    تفصیلات کے مطابق فلسطین میں جارحیت کی انتہا کرنے والی اسرائیلی فوج نے نہتے اور معصوم فلسطینیوں کا قتل عام جاری رکھا ہوا ہے غزہ میں اپنے تازہ حملے میں ایک فلسطینی کو شہید کردیا جبکہ دوسرا شدید زخمی ہے جسے اسپتال میں طبی امداد فراہم کی جارہی ہے۔

    غزہ کی وزارت صحت کی جانب سے جاری کردہ بیان میں کہا گیا ہے کہ غزہ کے شمالی حصے میں ایک اسرائیلی حملے کے نتیجے میں ایک 25 سالہ فلسطینی ہلاک ہو گیا ہے جس کا نام محمد الرودائی تھا، جبکہ ایک فلسطینی شدید زخمی بھی ہے۔

    اسرائیلی فوج کی فائرنگ سے زخمی فلسطینی نوجوان دم توڑ گیا

    دوسری جانب اسرائیلی فوج نے اپنے جاری کردہ بیان میں ہرزہ سرائی کرتے ہوئے کہا ہے کہ دونوں فلسطینی ٖغزہ کے سرحدی علاقے کو پار کے اسرائیلی فوج پر حملہ کرنا چاہتے تھے، خطرات کے پیش نظر کارروائی کی جس کے باعث ہلاکت ہوئی۔

    بیان میں مزید کہا گیا تھا کہ دونوں فلسطینی حملے کی نیت سے بارڈر پر آئے تھے جبکہ ان کے پاس تیز دھار آلے بھی تھے جس کے ذریعے وہ بارڈر کو کاٹنا چاہتے تھے علاوہ ازیں ان کے پاس حملے کرنے کے لیے دیگر جنگی سامان بھی موجود تھا۔

    فلسطین: اسرائیلی فوج نے حملہ کرکے امدادی کشتی تباہ کردی

    خیال رہے کہ گذشتہ دنوں امریکی سفارت خانہ القدس منتقل کیا گیا جس کے خلاف بھرپور مظاہرہ ہوا تھا اسی دوران اسرائیلی فوج نے فائرنگ کر کے درجنوں فلسطینیوں کو شہید اور سینکڑوں کو زخمی کردیا تھا، جبکہ دو زور قبل ان زخمیوں میں سے ایک نوجوان اپنی زندگی کی بازی ہار گیا ہے۔

    واضح رہے کہ سرحد پر اسرائیلی فورسز کی وحشیانہ فائرنگ سے زخمی متعدد فلسطینی اردن کے اسپتالوں میں زیرعلاج ہیں، دوسری جانب فلسطینی وزیر خارجہ ریاد المالکی نے عالمی عدالت انصاف سے اسرائیلی فوج کے ہاتھوں نہتے فلسطینیوں کے قتل عام کی مکمل تحقیقات کا مطالبہ کیا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کرنل سہیل نے آرمی چیف کا ہزارہ برادری سے کیا ہوا وعدہ نبھایا

    کرنل سہیل نے آرمی چیف کا ہزارہ برادری سے کیا ہوا وعدہ نبھایا

    وہاڑی: کرنل سہیل عابد شہید اپنی جان کا نظرانہ یپش کرکے آرمی چیف کا ہزارہ برادری سے کیا ہوا وعدہ پورا کیا۔

    تفصیلات کے مطابق بلوچستان میں دہشت گردوں سے مقابلہ کرتے ہوئے جام شہادت نوش کرنیوالے وہاڑی کے عظیم سپوت کرنل سہیل عابد شہید نے سپہ سالار کا ہزارہ برادی سے کیا ہوا وعدہ نبھایا۔

    آرمی چیف جنرل قمر جاوید باجوہ نے ہزارہ برادری سے وعدہ کیا تھا کہ ہزارہ کمیونٹی کی ٹارگٹ کلنگ میں ملوث دہشت گردوں کو کیفرکردار تک پہنچایا جائے گا۔

    کرنل سیہل عابد شہید نے ہزارہ برادری کے خلاف مستقبل میں ہونے والے دہشتگردی کے بڑے منصوبے کو اپنی جان کی قربانی دے کر ناکام بنایا ہے،

    آپریشن رد الفساد کے دوران سیکیورٹی اہلکاروں کے ہاتھوں مارے گئے دہشت گردوں میں دو افغان خودکش حملہ آور بھی شامل تھے۔

    میڈیا رپورٹس کے مطابق ہلاک ہونے والے دہشت گردوں نے عید کے روز ہزارہ برادری کے خلاف شدت پسنددانہ کارروائی کرنی تھی۔

    یاد رہے کہ رواں ماہ کے آغاز میں ہزارہ برادری نے کوئٹہ میں مسلسل ٹارگٹ کلنگ کے خلاف دھرنا دیا ہوا تھا، جس کے بعد آرمی چیف جنرل قمر جاوید باجوہ نے کوئٹہ میں ہزارہ برادری کے عمائدین سے ملاقات کی، آرمی چیف کی جانب سے دہشت گردوں کے خلاف کارروائی کرنے کی یقین دہانی پر ہزارہ برادری نے دھرنا ختم کیا تھا۔

    خیال رہے کہ ہزارہ برادری کے عمائدین سے کامیاب مذاکرات کے بعد آرمی چیف جنرل قمر جاوید باجوہ کا کہنا تھا کہ کوئٹہ میں جنہوں نے اپنے پیارے کھوئے کوئی چیز اس کا نعم البدل نہیں ہوسکتی، ہزارہ برادری کو نشانہ بنانے والوں کو عبرت ناک سزائیں دیں گے، تمام ریاستی ادارے شہریوں کی سیکیورٹی کے ذمہ دار ہیں۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • فرانس: چاقو بردار شخص کا راہ گیروں پر حملہ، ایک شہری ہلاک، 7 زخمی

    فرانس: چاقو بردار شخص کا راہ گیروں پر حملہ، ایک شہری ہلاک، 7 زخمی

    پیرس: فرانس کے دار الحکومت پیرس میں چاقو بردار شخص نے راہ گیروں پر حملہ کر دیا جس کے نتیجے میں ایک شہری ہلاک اور سات افراد زخمی ہوگئے۔

    تفصیلات کے مطابق پیرس میں چاقو برادر شخص نے راہ چلتے شہریوں پر اچانک حملہ کر دیا جس کے باعث ایک شہری ہلاک ہوگیا، بعد ازاں پولیس نے فوری کارروائی کرتے ہوئے حملہ آور کو ہلاک کر دیا۔

    واقعے سے متعلق پولیس کا کہنا تھا کہ اطلاع ملتے ہی پولیس کی جانب سے فوری کارروائی کی گئی اور ملزم کو موقع پر ہی ہلاک کردیا گیا، تاہم اس حملے میں متعدد شہری زخمی ہوئے ہیں جنہیں مقامی اسپتال میں طبی امداد فراہم کی جاری ہے۔

    فرانس:پولیس نے سپرمارکیٹ پر حملہ کرنے والے شخص کوہلاک کردیا

    خیال رہے کہ پیرس میں اس قسم کے واقعات معمول بن چکے ہیں، 2016 سے 2018 کے آغاز تک فرانس میں درجنوں افراد چھرے اور چاقو کے حملوں میں اپنی زندگی سے ہاتھ دھو بیٹھے ہیں، البتہ ایسے حملوں سے بچنے کے لیے فرانس کے مختلف علاقوں میں سیکیورٹی ہائی الرٹ ہے۔

    یاد رہے کہ گذشتہ برس پیرس میں دو ملسح افراد نے مقامی سپر مارکیٹ میں موجود شہریوں کو یرغمال بنایا تھا بعد ازاں پولیس نے کارروائی کی جس کے نتیجے میں پولیس اور ملزمان کے درمیان فائرنگ کا تبادلہ ہوا اور دونوں ملزمان موقع پر ہی ہلاک ہوگئے تھے۔

    فرانس: مسلح شخص کا سپر مارکیٹ پر حملہ، دو افراد ہلاک، متعدد زخمی

    واضح رہے کہ گذشتہ سال 12 نومبر کو  فرانس کے شہر کلیشی میں سڑک کنارے نماز پڑھتے مسلمان شہریوں پر مشتعل افراد کی جانب سے حملہ کیا گیا تھا جس کے نتیجے میں سینکڑوں افراد شدید زخمی ہوگئے تھے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • سوڈان: نائجیرین سفارت کار کی سربریدہ لاش برآمد

    سوڈان: نائجیرین سفارت کار کی سربریدہ لاش برآمد

    سوڈان : خرطوم میں واقع نائجیریا کے سفارت خانے میں کام کرنے والا سفارت اپنے گھر میں مردہ حالت میں پایا گیا، پولیس تاحال واقعے کی وجوہات جاننے میں ناکام رہی ہے۔

    تفصیلات کے مطابق سوڈان کے دارالحکومت خرطوم میں نائجیریا کے سفارت خانے میں تعینات نائجیرین سفیر کو ان کے گھر میں گلا کاٹ کر موت کے گھات اتار دیا۔

    سوڈانی پولیس اور نائجیریا کی وزارت خارجہ نے گھر سے سربریدہ حالت میں ملنے والی لاش کی تصدیق سفارت کار کی حثیثت سے کی ہے۔ سوڈانی پولیس کا جمعرات کے روز جاری بیان میں کہنا تھا کہ ابتدائی تفتیش سے پتہ چلا ہے کہ واقعہ کسی سیاسی کارروائی کا نتیجہ نہیں ہے۔

    نائجیرین حکومت نے ہلاک ہونے والے سفارت کار کی شناخت حبیبو الموں کے نام سے کی ہے، جو خرطوم میں واقع سفارت خانے میں امیگریشن سیکشن میں خدمات انجام دے رہا تھا.

    سوڈانی پولیس کے ترجمان عمر المختار کا کہنا ہے کہ سفارت کار کا قتل ممکنہ طور پر دہشت گردی ہوسکتا ہے، البتہ ایسا کوئی ثبوت نہیں ملا ہے.

    عمر المختار کا کہنا تھا کہ سوڈانی پولیس نے سفارت کار کے بہیمانہ قتل کے سلسلے میں متعدد افراد کو حراست میں لیا ہے لیکن قتل کی تحقیقات میں مزید کوئی پیش رفت نہیں ہوسکی ہے.

    غیر ملکی خبر رساں اداروں کا کہنا تھا کہ سفارت کار کو دوران واردات نامعلوم افراد نے تیز دھار خنجر سے قتل کیا گیا ہے، جبکہ سوڈانی پولیس اور نائجیرین حکومت نے اس رپورٹ کی تاحال تصدیق نہیں کی ہے۔

    یاد رہے کہ ایک برس کے اندر سوڈانی دارالحکومت خرطوم میں مرنے والا یہ دوسرا سفارت کار ہے، اس سے قبل سنہ 2017 روسی کے سفیر کی لاش ان کے گھر کے سوئمنگ پول سے برآمد ہوئی تھی۔

    خیال رہے کہ روسی حکومت نے سوڈان میں تعینات سفارت کار میرگیاس شیرنکی کے مرنے کی وجہ دل کے دورے کو قرار دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شام:ایرانی فوجی اڈے پر اسرائیل کا فضائی حملہ، 9 غیرملکی فوجی جاں بحق

    شام:ایرانی فوجی اڈے پر اسرائیل کا فضائی حملہ، 9 غیرملکی فوجی جاں بحق

    دمشق : اسرائیلی افواج کی جانب سے شام کے شہر قصویٰ میں قائم ایرانی فوجی اڈے پر میزائل حملے کیے گئے ہیں، فضائی حملوں میں 9 غیر ملکی جنگوؤں کے جاں بحق ہونے کی اطلاعات موصول ہوئی ہیں۔

    تفصیلات کے مطابق مشرق وسطیٰ کے اہم خطے شام کے سرکاری نشریاتی اداروں نے دعویٰ کیا ہے کہ گذشتہ روز دارالحکومت دمشق میں صیہونی ریاست اسرائیل کی دفاعی افواج کی جانب سے فوجی مرکز پرمیزائل حملے کیے گئے ہیں۔

    غیر ملکی خبر رساں ادارے کا کہنا تھا کہ شام کے فضائی دفاعی سسٹم نے منگل کے روز شامی شہر قصویٰ کے میں اسرائیل کی جانب سے داغے گئے دو میزائلوں کو تباہ کردیا ہے۔

    غیر ملکی میڈیا کا کہنا تھا کہ میزائل حملوں میں کسی کے زخمی یا جاں بحق ہونے کی اطلاعات موصول نہیں ہوئی ہیں، البتہ مانیٹرنگ گروپ کا کہنا ہے کہ شامی صدر بشار الااسد کی حامی جنگجؤ گروپس کے 9 حملے میں جاں بحق ہوئے ہیں جس میں ایرانی حمایت یافتہ جنگجو بھی شامل ہیں۔

    شامی خبر رساں اداروں کا کہنا تھا کہ اس سے قبل بھی منگل کے روز ہی افواج کے بیس کیمپ پر میزائل حملوں کی اطلاعات موصول ہوئیں تھی۔

    برطانوی خبر رساں ادارے کے مطابق شامی صدر بشار الااسد کی حمایت میں لڑنے والے گروپ کے ایک کمانڈر نے میڈیا سے گفتگو کرتے ہوئے بتایا تھا کہ گذشتہ روز داغے گئے میزائلوں کا مقصد شام کے فوجی مرکز کو نشانہ بنانا تھا۔

    غیر ملکی خبر رساں ادارے کے مطابق برطانیہ کی انسانی حقوق کی تنظیم سیرئین آبزرویٹری کا کہنا ہے کہ حالیہ حملوں میں شامی افواج کے اسلح ڈپو کو ہدف بنایا گیا تھا۔

    برطانوی انسانی حقوق کی تنظیم سیرین آبزرویٹری کا کہنا تھا کہ حالیہ حملوں میں ایران کی سپاہ پاسداران اور شیعہ جنگجو گروپ کے اہلکار بھی شامل ہیں۔

    غیر ملکی میڈیا کا کہنا تھا کہ شامی حکومت کی جانب سے اسرائیلی افواج پر لگائے گئے الزامات کا صیہونی حکام نے کوئی جواب نہیں دیا ہے، البتہ اسرائیل نے شام میں ایرانی افواج کی موجوگی کو اسرائیل کے خلاف مورچہ بندی کہا تھا۔

    واضح رہے کہ ایرانی حکومت گذشتہ سات برس سے جاری شام کی خانہ جنگی میں بشار الااسد کی حکومت کا ساتھ دے رہی ہے، اور شامی حکومت کی حمایت کے لیے ہزاروں فوجی اہکار اور مشیر تاحال شام میں ہی موجود ہیں۔

    غیر ملکی خبر رساں اداروں کا خیال ہے کہ اسرائیل نے منگل کے روز جس جگہ میزائل حملے کیے ہیں ان مقامات پر ایران نے فوجی چھاونیاں قائم کررکھی تھی۔

    یاد رہے کہ سنہ 2017 میں برطانوی خفیہ اداروں نے غیر ملکی خبر رساں اداروں کو بتایا تھا کہ قصویٰ میں ایرانی افواج نے فوجی اڈا بنارکھا ہے جسے شامی افواج استعمال کررہی ہے۔

    شامی شہر قصویٰ میں گذشتہ روز ہونے والے حملے کے رد عمل میں ایران نے کہا ہے کہ اسرائیل کے لیے شام میں قائم کیے گئے فوجی اڈوں پر حملے کا انتقام ضرور لے گا۔

    خیال رہے کہ ایران اور صیہونی ریاست اسرائیل کے درمیان کشیدگی اس وقت اضافہ ہوا جب اسرائیلی حکام نے الزام عائد کیا کہ شام کے پہاڑی سلسلے گولان میں ایران کی جانب سے غیر معمولی آمد و رفت کا مشاہدہ کیا گیا ہے۔

    واضح رہے کہ گولان کی پہاڑیوں پر عرب اسرائیل جنگ کے بعد سے اسرائیل کا قبضہ ہے، جس کے باعث صیہونی افواج نے مذکورہ علاقے کو ریڈزون بنایا ہوا ہے اور وہاں بارودی سرنگیں بھی بچائی ہوئی ہیں۔

    اسرائیلی افواج کے ترجمان جوناتھن کونریکس نے سماجی رابطے کی ویب سائٹ ٹویٹر پر ٹویٹ کیا تھا کہ ’اسرائیلی ریاست کے خلاف کی گئی ہر کارروائی کا سخت رد عمل دیا جائے گا‘۔

    اسرائیلی خبر رساں اداروں کا کہنا تھا کہ سنہ 1948 کے بعد سے پہلی مرتبہ حکومت نے گولان میں بسنے والے اسرائیلی شہریوں کو متنبے کیا تھا کہ محفوظ پناہ گاہیں تیار رکھیں اور حملے کی صورت میں فوری اس میں منتقل ہوجائیں۔

    خیال رہے کہ شامی حکومت کی جانب سے فوجی چھاونیوں پر میزائل حملوں کا انکشاف ایسے وقت میں کیا گیا ہے، جب عالمی سطح پر امریکی صدر ڈونلڈ ٹرمپ کی جانب سے سنہ 2015 میں ایران کے ساتھ کیے گئے جوہری معاہدے کو منسوخ کرنے کی وجہ پہلے ہی انتشار پھیلا ہوا ہے۔

    یاد رہے کہ گذشتہ کئی دنوں سے امریکا کے یورپی اتحادی بالخصوص فرانس، برطانیہ اور جرنی مسلسل ڈونلڈ ٹرمپ کو جوہری معاہدے کی منسوخی سے روکنے کے لیے کوششیں کررہے تھے، لیکن ٹرمپ نے کہا تھاکہ ’میں ایران پر دوبارہ معاشی پابندیاں عائد کروں گا اور جو ملک ایران کی مدد کرے گا اس پر بھی پابندیاں عائد کی جائیں گی‘۔

    اسرائیل کے وزیر اعظم بنیامن نیتن یاہو نے امریکی صدر ڈونلڈ ٹرمپ کی حمایت کرتے ہوئے کہا ہے کہ ’عالمی طاقتوں اور ایران کے درمیان ہونے والے ایٹمی معاہدوں کے باعظ خطے میں ایران کی اشتعال انگیزیوں میں مزید اضافہ ہوجاتا جارہا تھا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لندن: نامعلوم افراد کی فائرنگ سے ایک شہری ہلاک، ایک زخمی

    لندن: نامعلوم افراد کی فائرنگ سے ایک شہری ہلاک، ایک زخمی

    لندن : لندن کے شمال مغربی علاقے واقع کوئینز بری ریلوے اسٹیشن کے باہر نامعلوم افراد کی فائرنگ سے ایک شہری ہلاک جبکہ ایک نوجوان زخمی ہوگیا، پولیس تاحال حملہ آوروں کا سراغ لگانےمیں ناکام رہی ہے.

    تفصیلات کے مطابق برطانیہ کے دارالحکومت لندن کے شمال مغربی علاقے میں واقع کوئینز بری ریلوے اسٹیشن کے باہر فائرنگ کے نتیجے میں ایک شہری ہلاک جبکہ ایک شخص شدید زخمی ہوگیا۔

    میٹروپولیٹن پولیس کے ترجمان کا کہنا تھا کہ پولیس فائرنگ کے اطلاع ملتے ہی جائے وقوعہ پر پہنچی تو ریلوے اسٹیشن کے باہر ایک شخص مردہ جبکہ دوسرے شہری کو شدید زخمی حالت میں پڑے تھے، پولیس نے فوری طبی امداد دیتے ہوئے زخمی کو اسپتال منتقل کردیا۔

    عینی شاہدین کے مطابق ہلاک ہونے والا 30 سالہ شخص گولی لگنے سے شدید زخمی ہوگیا تھا جو کچھ ہی دیر بعد زخموں کی تاب نہ لاتے ہوئے ہلاک ہوگیا۔ جبکہ دوسرے 20 سالہ نوجوان اسپتال میں زیر علاج ہے۔

    پولیس ترجمان کا کہنا تھا کہ سیکیورٹی ادارے ریلوے اسٹیشن پر ہونے والی ہلاکت کی قتل کے طور پر تحقیقات کررہے ہیں۔

    پولیس کا کہنا تھا کہ تاحال ریلوے اسٹیشن پر فائرنگ کرنے کے جرم میں کسی کو گرفتار نہیں کیا جاسکا ہے البتہ فائرنگ میں ملوث افراد کی تلاش جاری ہے۔

    لندن پولیس کے ترجمان کا کہنا ہے کہ میٹروپولیٹن پولیس رواں برس فائرنگ کے نتیجے میں قتل ہونے والے 60 ویں کیس کی تحقیقات کررہی ہے۔

    لندن:فائرنگ اور چاقو زنی کے پیش نظر اضافی نفری تعینات

    یاد رہے کہ گذشتہ ماہ برطانوی حکام نے کہا تھا کہ لندن میں فائرنگ اور چاقو زنی کے واقعات پولیس افسران کی کم نفری کی وجہ سے پیش آرہے ہیں۔ جس کے بعد حکام نے مشرقی لندن میں حالیہ دنوں ہونے والے فائرنگ اور چاقو زنی کے واقعات کے پیش نظرمیٹروپولیٹن پولیس کے مزید 300 افسران کو مذکورہ علاقے میں تعینات کیا تھا تاکہ جرائم پر قابو پایا جاسکے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ملائیشیا میں فلسطینی پروفیسر کا قتل، اسرائیل نے الزامات کی تردید کر دی

    ملائیشیا میں فلسطینی پروفیسر کا قتل، اسرائیل نے الزامات کی تردید کر دی

    کوالالمپور: اسرئیلی وزیر دفاع اویگدور لیبر مان نے کہا ہے کہ ملائیشیا کے دار الحکموت کوالا لمپور میں قتل کیے جائے والے فسطینی پروفیسر کے پیچھے اسرائیل کا کوئی ہاتھ نہیں، مخص الزامات سے کام لیا جارہا ہے۔

    ان خیالات کا اظہار انہوں نے مقامی میڈیا کو انٹرویو دیتے ہوئے کیا، وزیر دفاع اویگدور لیبر مان کا کہنا تھا کہ اسرائیل ایسی خبروں کی تردید کرتا ہے جس میں ملائیشیا میں فلسطینی پرفیسر ’فادی محمد ابطش ‘کے قتل میں اسرائیلی خفیہ ایجنسی کو ملوث ٹھہرایا جارہا ہے۔

    خیال رہے کہ گذشتہ دنوں فلسطینی پروفیسر اور حماس کے رہنما ’فادی محمد ابطش‘ کو ملائیشیائی دارالحکومت کوالا لمپور میں دن دیہاڑے ایک موٹر سائیکل پر سوار دو نامعلوم مسلح افراد نے گولیاں مار کر قتل کر دیا تھا۔

    فلسطینی پروفیسر کا قتل، اہل خانہ کا اسرائیلی خفیہ ایجنسی پر الزام

    بعد ازاں قتل سے متعلق ملائیشیا کی پولیس کا کہنا تھا کہ 35 سالہ پروفیسر فادی محمد بطش پر ہفتے کو علی الصباح موٹر سائیکل پر سوار دو حملہ آوروں نے فائرنگ کی تھی جس کے نتیجے میں وہ موقع پر ہی جاں بحق ہوگئے تھے۔

    واقعے سے متعلق پولیس حکام کا مزید کہنا تھا کہ جس وقت فادی محمد ابطش کو گولی سے نشانہ بنایا گیا اس وقت وہ نماز فجر کی ادائیگی کے لیے پیدل مسجد جا رہے تھے بعد ازاں دونوں حملہ آور فائرنگ کر کے موٹر سائیکل پر فرار ہونے میں کامیاب ہوگئے۔

    غزہ میں کوئی بھی شہری معصوم نہیں ہے: اسرائیلی وزیر دفاع کی ڈھٹائی

    دوسری جانب فلسطینی تنظیم حماس نے پروفیسر کے قتل کا الزام اسرائیل کی خفیہ تنظیم موساد پر عائد کیا ہے جبکہ محمد ابطش کی نعش جمعرات کو مصر کے ذریعے غزہ پہنچا دی گئی ہے، جہاں ان کی تدفین آج غزہ کے مقامی قبرستان میں کی جائے گی۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔