کراچی: شہرمیں علی الصبح فائرنگ کے واقعات کے نتیجے میں دو افراد جاں بحق ہوگئے۔
تفصیلات کے مطابق کراچی کے علاقے اورنگی ٹاؤن میں ممتاز فلاحی ادارے کی ایمبولینس پرفائرنگ کے نتیجے میں ڈرائیورجاں بحق ہوگیا۔
دوسری جانب نارتھ کراچی کے علاقے شادمان میں فائرنگ کے نتیجے میں پولیس اہلکار شہید ہوگیا ہے۔
شہر میں جرائم پیشہ عناصر کے خلاف آپریشن جاری ہے لیکن قتل و غارت اورپرتشدد واقعات کی تعداد میں مسلسل اضافہ ہورہا ہے۔
کوئٹہ: سبی میں گیارہ نومبر کو بچوں سمیت قتل ہونے والے انجنیئر کے قاتلوں کی عدم گرفتاری کے خلاف اُس کے ورثاء نے کوئٹہ میں وزیراعلیٰ ہاوس کے قریب احتجاج کیا ہے۔،
تفصیلات کے مطابق محکمہ بلدیات کے اسسٹنٹ انجنیئر معراج علی عمرانی اور اُن کے پانچوں کو اُس وقت فائرنگ کرکے قتل کیا گیا تھا جب وہ ڈیرہ مراد جمالی سے کوئٹہ آرہے تھے۔
واقعے کے خلاف اُن کے ورثاء نے بدھ کو صوبائی دارلحکومت کوئٹہ میں احتجاج کرتے ہوئے وزیراعلیٰ ہاوس جانے کی کوشش کی تاہم پولیس نے مظاہرین کو فیاض سمبل چوک پر روک لیا۔ اس دوران مظاہرین نے نعرہ بازی کی، مظاہرے میں معصوم بچوں اور بچیوں نے بھی شرکت کی۔
معراج عمرانی کے ورثاء کا کہنا تھا کہ اُن کے ساتھ بہت بڑا ظلم ہوا ہے لیکن انتظامیہ اور حکومت اس معاملے پر خاموش تماشائی بنی ہوئیں ہیں۔ معصوم مظاہرین نے مقتول بچوں کی تصاویر اٹھا رکھی تھیں۔ مظاہرین نے وزیراعلیٰ اور گورنر بلوچستان سے مطالبہ کیا ہے کہ معصوم بچوں کے قاتلوں کو گرفتار کیا جائے۔
کراچی : پولیس نے گلشن بونیر میں مقابلے کےبعد پا نچ دہشت گردوں کی ہلا کت کا دعوی کیا ہے
کراچی کے علا قے قائد آباد گلشن بونیر میں پولیس اور دہشت گردوں کے درمیان مبینہ پولیس مقابلہ ہوا، جس میں پولیس نے پا نچ دہشت گردوں کی ہلا کت کا دعوی کیا ہے، پولیس کے مطابق پولیس کے جوانوں نے دہشت گردوں کی موجودگی کی اطلاع پر چھاپہ مارا تو پولیس کے علاقے میں داخل ہوتے ہی ملزمان نے اندھا دھند فائرنگ شروع کردی۔
ملزمان کی جانب سے پولیس پر بھاری ہتھیاروں کا استعمال کیا گیا جس کے باعث علاقہ شدید فائرنگ اور دھماکوں سے گونج اٹھا جس کے بعد پولیس کے چار سو اہلکاروں کو طلب کیا گیا۔ ہلاک و زخمی ملزمان کا تعلق کالعدم تنظیم سے ہے۔
ایس ایس پی راو انوار کے مطا بق ہلا ک ہو نیوالے دو دہشت گردوں کی شناخت مصباح اور کڈے خان کے ناموں سے ہوئی ہے۔ ملزمان پو لیس ،رینجرز اور حساس اداروں پر حملہ کرنا چا ہتے تھے اور اس کی پلاننگ میں مصروف تھے دہشت گردوں کیخلاف کئے جانے آپریشن میں پولیس کمانڈوز بھی شریک ہوئے۔
کراچی کے مختلف علاقوں میں پرتشدد کارروائیوں کا سلسلہ جاری ہے،رات گئے گلستان جوہر پولیس کی کارروائی میں دو ملزم زخمی حالت میں گرفتار کر لئے گئے، گارڈن کے علاقے سے بھی مقابلے کے بعد دو ملزمان گرفتار کرکے دستی بم برآمد کر لئے گئے۔
ناظم آباد میں نامعلوم افراد کی فائرنگ سےایک شخص زخمی ہو گیا،ناظم آباد ہی کے علاقے چاولہ مارکیٹ کے قریب فائرنگ سے ایک ثخص ہلاک ہو گیا جس کی فوری ثناخت نہیں ہو سکی،دوسری جانب حسن اسکوائر کے قریب مبینہ پولیس مقابلےمیں ایک ملزم ہلاک ہو گیا،پولیس کے مطابق ملزم اسٹریٹ کرائمز کی متعدد وارداتوں میں ملوث تھا۔
اورنگی ٹاون اقبال مارکیٹ کے قریب سے ایک شخص کی لاش ملی سپر ہائی وے کے قریب سے بھی ایک شخص کی گولیاں لگی لاش ملی،گلشن اقبال ابوالحسن اصفحانی روڈ کے قریب فائرنگ کرکے ایک شخص کو موت کے گھاٹ اتار دیا گیا۔
قائدآباد مرغی خانہ کے قریب فائرنگ سے ایک شخص جاں بحق اور پولیس ہالکار عبدالرعوف زخمی ہو،اورنگی گلشن بہار کے علاقے سے خاتون کی لاش ملی جسے عباسی شہید اسپتال منتقل کردیا گیا،ادھر طارق روڈ،قصبہ موڑ اور نارتھ کراچی میں فائرنگ سے تین افراد ذخمی جبکہ اورنگی ٹاون فقیر کالونی میں فائرنگ سے ایک پولیس اہلکار اے ایس آئی عبدالرشید زخمی ہوگیا۔
کراچی: شہر میں ٹارگٹ کلنگ کے واقعات میں فائرنگ سے مزید تین افراد جاں بحق ہوگئے۔ لیاری کے علاقےمیرا ناکہ میں دستی بم حملے میں بچوں سمیت آٹھ افراد زخمی ہو گئے۔ نیوکراچی میں مبینہ پولیس مقابلے میں ٹارگٹ کلر بھی مارا گیا۔
تفصیلات کے مطابق کراچی میں فائرنگ کے مختلف واقعات میں تین افراد کو زندگی کےحق سے محروم کردیا گیا۔ کراچی کے علاقےملیر ندی کے قریب نامعلوم افراد کی فائرنگ سے ایک شخص جاں بحق ہوگیا۔ واٹرپمپ کے قریب فائرنگ سے ایک شخص زندگی کی بازی ہارگیا جبکہ ملیر ملوک ہوٹل پر بھی نامعلوم افراد کی فائرنگ سے ایک شخص جان کی بازی ہار گیا۔
دوسری جانب رات گئے نارتھ کراچی میں پولیس کارروائی کے دوران زخمی ہونے والا ٹارگٹ کلر فیصل عرف ماکھا اسپتال میں دوران علاج دم توڑ گیا۔ پولیس کا کہنا ہے کہ ہلاک ملزم پندرہ سے زائد افراد کی ٹارگٹ کلنگ میں ملوث تھا۔
جبکہ لیاری کے علا قے میرا ناکہ پر گزشتہ شب نامعلام ملزمان نے دستی بم سے حملہ کیا جس سے بچوں سمیت آٹھ افراد زخمی ہو گئے۔
پولیس کے مطابق لاشوں اور زخمیوں کو قریبی اسپتالوں پہنچایا گیا جہاں زخمیوں کو طبی امداد دی گئیں جبکہ لاشوں کا پوس مارٹم کیا جاسکے۔
کراچی کےعلاقےابراہیم حیدری میں سمندرسےتشددزدہ لاش ملی،نیوکراچی بشیرچوک قریب سے نوجوان کی لاش برآمدہوئی،بوہرہ پیرمیں فائرنگ سےزخمی شخص دوران علاج چل بسا،گلستان جوہرمیں بینک ڈکیتی کی کوشش سیکورٹی گارڈنےناکام بنادی،ڈکیتی کی سی سی ٹی وی فوٹیج اےآروائی نیوزنےحاصل کرلی،پورٹ قاسم میں رینجرزنےسیاسی جماعت سےتعلق رکھنے والے دوٹارگٹ کلرگرفتارکرلئے،ڈالمیامیں پولیس نےلوٹ مار میں مصروف خاتون سمیت دوڈکیت گرفتارکرلئے،ماڑی پورمیں پولیس نےمقابلےکےبعدگینگ وارکاملزم گرفتارکرلیا۔
گورنر ہاؤس میں نیشنل سیکیورٹی اینڈ وار کورس کے شرکاء سے گفتگو کرتے ہوئے گورنرسندھ نے کہا کہ ایک عرصے سے لیاری جرائم کی آماجگاہ بنا ہوا ہے جہاں پر مختلف گروہ بھتہ خوری،اغواء برائے تاوان اور ٹارگٹ کلنگ میں ملوث ہیں،شہر میں مذہبی،لسانی،فرقہ وارانہ سمیت دیگر جرائم میں ملوث افراد بھی سرگرم ہیں جن کے روابط ملک دشمن عناصر سے بھی ہیں۔
انہوں نے کہا کہ رینجرز اور پولیس سمیت دیگر قانون نافذ کرنے والے ادارے مجرموں کی سرکوبی کی مکمل صلاحیت رکھتے ہیں جس میں وہ دن رات مصروف بھی ہیں۔
گلشن معمار میں رینجرز کے ایم کیو ایم کے دفتر پرچھاپے کے بعد رکن صوبائی اسمبلی فیصل سبزواری نےمیڈیا کو بتایا کہ یہ ان کا اور رکن قومی اسمبلی مزمل قریشی کا دفتر ہے ان کا کہنا تھا کہ دہشت گردکسی ایم پی اےکےدفترمیں منصوبہ بندی نہیں کرتے۔
فیصل سبزواری کے مطابق جس وقت چھاپہ مارا گیا اس وقت پارٹی کا تنظیمی اجلاس ہورہاتھا اور رینجرز اہلکاروں نے انھیں بھی دفتر جانے سے روکا،ان کا کہنا کہ اگر انھوں نے جرم کیا توتنہا انھیں ذمہ دارٹھہرایاجائے کارکنان کو گرفتا نہ کیا جائے۔
رکن صوبائی اسمبلی نے مطالبہ کیاکہ گرفتار کارکنان کو فوری طور پر چھوڑا جائے۔
کراچی: متحدہ قومی موومنٹ کے قائد الطاف حسین نے صوبہ بلوچستان کے دارالحکومت کوئٹہ میں نیوز ایجنسی کے دفتر پر نامعلوم مسلح افراد کی فائرنگ کے نتیجے میں بلوچستان یونین آف جرنلسٹ کے جنرل سیکریٹری ارشاد مستوئی سمیت نیوز ایجنسی کے 3ملازموں کے جاں بحق ہونے کے واقع کی شدید الفاظ میں مذمت کی ہے ۔
الطاف حسین نے کہا کہ ملک میں صحافی برادری پر حملے اظہار رائے کی آزادی کے منافی ہیں اور دہشت گرد اس قسم کی کار روائیوں کے ذریعے صحافی برادری کو حق گوئی سے روکنا چاہتے ہیں۔
الطاف حسین نے وفاقی وزیر داخلہ چوہدری نثار علی خان ، وزیر اعلیٰ بلوچستان ڈاکٹر عبد المالک بلوچ اور دیگر متعلقہ حکام سے مطالبہ کیا ہے کہ وہ اس افسوس ناک واقعے میں ملوث سفاک دہشت گردوں کے خلاف فی الفو ر کا ر روائی عمل میں لائیں اور ملک بھر میں صحافیوں کے جان ومال کے تحفظ کے لئے اقدامات کئے جائیں ۔
کراچی:شہر قائد کےعلاقےکریم آباد اورشادمان ٹاون میں لوٹ مارکرنے والےڈاکووں پر شہریوں کا تشدد،ایک ڈاکو ہلاک،لیاری میں مقابلےمیں ایک ملزم مارا گیا۔
کراچی میں جرائم پیشہ افراد کی سرگرمیاں جاری ہیں،پولیس کےمطابق کریم آباد میں دو ڈاکودوکان میں لوٹ مار کررہے تھےکہ شہریوں نے پکڑ کرتشدد کا نشانہ بنایا جس کے نتیجے میں ایک ڈاکو ہلاک ہوگیا جبکہ دو سرے ڈاکو کو شہریوں نے تشدد کے بعد پولیس کے حوالے کردیا،شادمان ٹاؤن میں بھی شہریوں نے لوٹ مار کرنے والے ایک ڈاکو کو پکڑ کر تشدد کا نشانہ بنایا اور پولیس کے حوالے کردیا ملزم کے قبضے سے اسلحہ اورموٹر سائیکل بھی برآمد ہوئی پولیس کے مطابق دو ڈاکو ایک شہری سے لوٹ مار کر رہے تھے کہ قریب ہی موجود لوگوں نے ڈاکوؤں کو پکڑ لیا اور تشدد کا نشانہ بنایا ۔
لیاری کے علاقے دریا آباد میں رینجرز نے خفیہ اطلاع پر چھاپہ مارا، ملزم نے فائرنگ کردی،فائرنگ کے تبادلے میں ایک ملزم ہلاک ہوگیا جس کی شناخت ناد عرف ملا نادر کے نام سے ہوئی،ترجمان رینجرز کے مطابق ہلاک ملزم نو سے زائد افراد کی ٹارگٹ کلنگ میں ملوث تھا۔