ARYNews.tv | Urdu – Har Lamha Bakhabar

Tag: Kim Jong-Un

  • کم جونگ اُن بذریعہ ٹرین چین روانہ ہوگئے

    کم جونگ اُن بذریعہ ٹرین چین روانہ ہوگئے

    شمالی کوریا کے سربراہ کم جونگ اُن ٹرین کے ذریعے چین کے دورے پر روانہ ہوگئے۔

    بین الاقوامی خبر رساں ادارے کی رپورٹ کے مطابق شمالی کوریا کے سربراہ کم جونگ اُن چین میں اس وکٹری پریڈ میں شریک ہوں گے جو دوسری جنگِ عظیم کے خاتمے پر جاپان کے سرنڈر کی یاد میں، 80 سال مکمل ہونے پر خصوصی طور پر منعقد کی جا رہی ہے۔

    رپورٹس کے مطابق شمالی کوریا کے سربراہ کے علاوہ 25 دوسرے سربراہان مملکت بھی اس پریڈ میں شرکت کے لئے پہنچ رہے ہیں۔

    ایسا پہلی بار ہوگا کہ چینی صدر شی جن پینگ، شمالی کورین سربراہ کم جونگ ان اور روسی صدر ولادیمیر پیوٹن کسی ایک مقام پر ایک ساتھ موجود ہونگے۔

    واضح رہے کہ شمالی کوریا کے سربراہ ستمبر 2023ء کے دورہ روس کے لیے بھی خصوصی ٹرین کا استعمال کرچکے ہیں، یہ ٹرین بکتربند خصوصیات کی حامل ہے۔

    دوسری جانب شمالی کوریا کے رہنما کم جونگ اُن نے ایٹمی ہتھیاروں کے پروگرام کو تیز تر کرنے کا اعلان کر دیا ہے۔

    شمالی کوریا کے رہنما کم جونگ اُن کا ایٹمی ہتھیاروں کے حوالے سے اہم اعلان

    کم جونگ نے کہا ہے کہ اُن کے ملک کو ایٹمی طاقت میں تیزی سے اضافہ کرنے کی ضرورت ہے۔

    انھوں نے امریکا اور جنوبی کوریا کی مشترکہ فوجی مشقوں کو ”جنگ بھڑکانے کے ارادے کا واضح اظہار“ قرار دیا۔ جنوبی کوریا اور اس کا اتحادی امریکا رواں ہفتے مشترکہ فوجی مشقیں کر رہے ہیں، ان مشقوں میں شمالی کوریا کی جوہری دھمکیوں کے پیش نظر ایک بہتر دفاعی ردعمل کی مشقیں بھی شامل ہیں۔

  • نئے میزائلوں سے جنگی تیاری میں مدد ملے گی، کِم جونگ اُن

    نئے میزائلوں سے جنگی تیاری میں مدد ملے گی، کِم جونگ اُن

    شمالی کوریا کے سربراہ کِم جونگ اُن کا کہنا ہے کہ نئے میزائلوں سے جنگی تیاری میں مدد ملے گی۔

    بین الاقوامی خبر رساں ادارے کی رپورٹ کے مطابق شمالی کورین سپریم لیڈرکِم جونگ اُن نے میزائلوں کی نئی پروڈکشن لائن کا دورہ کیا۔

    اُن کا کہنا تھا کہ میزائلوں کی تیاری کے لیے کئے گئے جدید انتظامات سے جنگی تیاری میں مدد ملے گی۔

    شمالی کوریا کے سربراہ کِم جونگ چین میں چینی اور روسی صدر کے ہمراہ یوم فتح پر منائی جانے والی ملٹری پریڈ کے مہمان خصوصی ہونگے۔

    دوسری جانب شمالی کوریا کے رہنما کم جونگ اُن نے ایٹمی ہتھیاروں کے پروگرام کو تیز تر کرنے کا اعلان کر دیا ہے۔

    کم جونگ اُن نے کہا ہے کہ اُن کے ملک کو ایٹمی طاقت میں تیزی سے اضافہ کرنے کی ضرورت ہے۔

    انھوں نے امریکا اور جنوبی کوریا کی مشترکہ فوجی مشقوں کو ”جنگ بھڑکانے کے ارادے کا واضح اظہار“ قرار دیا۔ جنوبی کوریا اور اس کا اتحادی امریکا رواں ہفتے مشترکہ فوجی مشقیں کر رہے ہیں، ان مشقوں میں شمالی کوریا کی جوہری دھمکیوں کے پیش نظر ایک بہتر دفاعی ردعمل کی مشقیں بھی شامل ہیں۔

    روس، چین، شمالی کوریا پھر سے امریکا کی عزت کرنے لگے ہیں، ڈونلڈ ٹرمپ

    اگرچہ سیؤل اور واشنگٹن کا کہنا ہے کہ یہ مشقیں مکمل طور پر دفاعی نوعیت کی ہیں، تاہم پیانگ یانگ باقاعدگی سے ایسی مشقوں پر تنقید کرتا رہا ہے اور انھیں حملے کی تیاری کی مشقیں قرار دیتا ہے، اور بعض اوقات اس کے جواب میں ہتھیاروں کے تجربات بھی کرتا ہے۔

  • شمالی کوریا: کم جونگ اُن نے 30 افسران کو پھانسی پر لٹکا دیا

    شمالی کوریا: کم جونگ اُن نے 30 افسران کو پھانسی پر لٹکا دیا

    شمالی کوریا کے حکمراں کم جونگ اُن نے سیلاب سے قبل حفاظتی انتظامات نہ کرنے پر 30 افسران کو پھانسی پر لٹکادیا۔

    بین الاقوامی خبر رساں ادارے کی رپورٹ کے مطابق شمالی کوریا میں چند ماہ قبل آنے والے خوفناک سیلاب کے باعث 4 ہزار لوگوں کی جان چلی گئی تھی اور بڑی تعداد میں گھر تباہ ہو ئے تھے۔

    واضح رہے کہ بعض ممالک میں پھانسی کی سزا دینے کی روایت ہے ہی نہیں، جبکہ شمالی کوریا میں سیلاب کے نام پر 30 افسروں کو پھانسی پر لٹکائے جانے سے پوری دنیا حیرانی میں مبتلا ہوگئی ہے۔

    مقامی میڈیا کے مطابق مذکورہ افسران سیلاب روکنے کے لیے مزید بہتر قدم اٹھا سکتے تھے، لیکن انھوں نے ایسا نہیں کیا۔ اس کے ذمہ دار افسران کے خلاف سخت کارروائی کا حکم جاری کیا گیا۔

    کم جونگ نے ایسے افسران کو سخت سزا دینے کا حکم دیا جو جولائی میں ملک میں آئے سیلاب کو نہیں روک پائے۔ جولائی کے ماہ کے دوران ملک میں آئی قدرتی آفت میں 7410 ایکڑ اراضی برباد ہوگئی تھی جبکہ ریلوے و سڑک کو بھی نقصان ہوا تھا۔

    سوئٹزر لینڈ نے حماس پر پابندی کی منظوری دیدی

    یاد رہے کہ شمالی کوریا میں آنے والے سیلاب نے چاگانگ کے علاقے میں زبردست تباہی مچائی تھی، اس کے نتیجے میں 4ہزار افراد جاں بحق ہوئے تھے اور بڑی تعداد میں لوگ اپنا گھر بار چھوڑنے پر مجبور ہوگئے تھے۔

  • روسی صدر پیوٹن کی جانب سے شمالی کوریا کے رہنما کا خیر مقدم

    روسی صدر پیوٹن کی جانب سے شمالی کوریا کے رہنما کا خیر مقدم

    ماسکو: روسی صدر ولادیمیر پیوٹن نے شمالی کوریا کے رہنما کم جونگ اُن کا خیر مقدم کیا ہے۔

    غیر ملکی میڈیا رپورٹس کے مطابق شمالی کوریا کے سربراہ کم جونگ اُن دورہ روس پر ہیں، روسی صدر پیوٹن نے شمالی کوریا کے رہنما کا خیر مقدم کیا، اور کہا کہ روس شمالی کوریا کو سیٹلائٹ بنانے میں مدد فراہم کر سکتا ہے۔

    الجزیرہ کے مطابق کریملن نے شمالی کوریا کے رہنما کم جونگ ان کے اعزاز میں سرکاری عشائیہ اور استقبالیہ کا اہتمام کیا، اس سے قبل کِم اور پیوٹن کے درمیان تقریباً 9 منٹ تک بات چیت ہوئی۔ اس سے قبل دونوں رہنماؤں نے انگارا راکٹ کمپلیکس کی تنصیب اور جانچ کی جگہ کا مشاہدہ کیا۔

    شمالی کوریا کے رہنما کم جونگ اُن نے یوکرین جنگ کو روس کی ’مقدس لڑائی‘ قرار دیا، اور کہا یوکرین اس کے لیے اپنی ’’مکمل اور غیر مشروط حمایت‘‘ پیش کرتا ہے۔ انھوں نے کہا کہ پیانگ یانگ ’سامراج مخالف‘ محاذ پر ہمیشہ ماسکو کے ساتھ کھڑا رہے گا۔ کِم نے روس کے ساتھ شمالی کوریا کے تعلقات کو ’پہلی ترجیح‘ بھی قرار دیا۔

    تجزیہ کاروں کا کہنا ہے کہ روس یوکرین میں استعمال کے لیے شمالی کوریا کے توپ خانے کے گولے حاصل کرنے کے لیے بے چین ہے، جب کہ پیانگ یانگ کو خوراک کی فراہمی، ایندھن اور جدید فوجی ٹیکنالوجی کی ضرورت ہے۔

    دوسری طرف امریکا نے خبردار کیا ہے کہ شمالی کوریا اور روس کے درمیان ہتھیاروں سے متعلق کسی بھی معاہدے سے اقوام متحدہ کی سلامتی کونسل کی قراردادوں کی خلاف ورزی ہوگی اور دونوں ممالک پر مزید پابندیاں عائد کی جائیں گی۔

  • شمالی کوریا کے سربراہ پرائیوٹ ٹرین میں ماسکو پہنچ گئے

    شمالی کوریا کے سربراہ پرائیوٹ ٹرین میں ماسکو پہنچ گئے

    ماسکو: شمالی کوریا کے سربراہ کم جونگ اُن پرائیوٹ ٹرین میں ماسکو پہنچ گئے۔

    تفصیلات کے مطابق روس کی سرکاری خبر رساں ایجنسی آر آئی اے نے کہا ہے کہ شمالی کوریا کے رہنما کم جونگ اُن کو لے جانے والی نجی ٹرین سرحد عبور کر کے روس میں داخل ہو گئی ہے، کِم اتوار کی رات دیر گئے پیانگ یانگ سے روانہ ہوئے تھے۔

    الجزیرہ کے مطابق کِم اپنے ایک وفد کے ساتھ روس آئے ہیں جن میں ان کے وزیر دفاع، دو اعلیٰ جرنیلوں اور جنگی ساز و سامان کی صنعت کے شعبے کے ڈائریکٹر شامل ہیں۔ جب کہ روسی صدر ولادیمیر پیوٹن ’مشرقی اقتصادی فورم‘ کے لیے ولادی ووستوک میں ہیں اور توقع ہے کہ وہ منگل کو اجلاس سے خطاب کریں گے۔

    کم جونگ اُن ایسٹرن اکنامک کانفرنس میں شرکت کرنے آئے ہیں، روسی وزارت خارجہ کا کہنا ہے کہ صدر پیوٹن کی شمالی کوریا سربراہ سے ملاقات ہو سکتی ہے، ضرورت ہوئی تو دونوں رہنما ون آن ون ملاقات کریں گے۔ کریملن کے مطابق یہ ملاقات آئندہ دنوں میں ہوگی لیکن یہ نہیں بتایا گیا کہ ملاقات کہاں ہو سکتی ہے۔

    ادھر امریکی محکمہ خارجہ نے رد عمل میں کہا ہے کہ روسی صدر ولادیمیر پیوٹن کی شمالی کوریا کے سربراہ سے ملاقات پر نظر رکھیں گے۔

  • شمالی کوریا کے صدر کھیتوں میں سیلابی پانی دیکھ کر وزیر اعظم سمیت حکام پر برس پڑے

    شمالی کوریا کے صدر کھیتوں میں سیلابی پانی دیکھ کر وزیر اعظم سمیت حکام پر برس پڑے

    سیئول: شمالی کوریا کے صدر کِم جونگ اُن کھیتوں میں سیلابی پانی دیکھ کر وزیر اعظم سمیت حکام پر برس پڑے۔

    روئٹرز کے مطابق شمالی کوریا کے صدر کم جونگ اُن کابینہ پر اس وقت برہم ہو گئے جب انھوں نے دیکھا کہ کھیتوں سے سیلاب کا پانی نہیں نکالا گیا، غیر ذمہ داری کا مظاہرہ کرنے پر وزیرِ اعظم کِم ٹوک ہُن کی بھی سخت سرزنش کر دی۔

    شمالی کوریا میں سیلابی پانی نہ نکالے جانے کی وجہ سے 560 ہیکٹر سے زیادہ اراضی زیر آب آ گئی ہے، جس میں چاول کی فصلوں کے 270 ہیکٹر بھی شامل ہیں، فصلوں کی تباہی سے کم جونگ اعلیٰ حکام پر برہم ہوئے اور کہا کے انھوں نے قومی معیشت کو خراب کر دیا گیا ہے۔

    منگل کو سرکاری میڈیا نے رپورٹ کیا کہ کم جونگ نے وزیر اعظم کو اس بات پر ڈانٹا کہ انھوں نے تباہ شدہ علاقے کا دورہ ایک یا دور بار اس طرح کیا جیسے کوئی تماشائی کرتا ہے۔

    انھوں نے کہا کہ حالیہ برسوں میں کم ٹوک ہن کی کابینہ کا انتظامی اور معاشی نظم و ضبط سنگین حد تک ختم ہو چکا ہے، جس کے نتیجے میں غیر ذمہ دار لوگ غیر ذمہ دارانہ رویے کے ساتھ تمام ریاستی اقتصادی کوششوں کو تباہ کر رہے ہیں۔

    واضح رہے کہ شمالی کوریا کے رہنما نے سیلاب زدہ کھیتوں کا بہ ذات خود دورہ کیا اور ہونے والے نقصانات کا جائزہ لیا، شمالی کوریا میں خوراک کے بحران کے خدشات بڑھتے جا رہے ہیں۔ کم جونگ کے رد عمل کو دیکھتے ہوئے جنوبی کوریائی ماہرین نے خیال ظاہر کیا ہے کہ کابینہ میں رد و بدل ہو سکتی ہے۔

  • ڈونلڈ ٹرمپ کو کِم جونگ اُن کو مبارک باد دینا مہنگا پڑ گیا

    ڈونلڈ ٹرمپ کو کِم جونگ اُن کو مبارک باد دینا مہنگا پڑ گیا

    واشنگٹن: سابق امریکی صدر ڈونلڈ ٹرمپ کو کِم جونگ اُن کو مبارک باد دینا مہنگا پڑ گیا، ٹرمپ ریپبلکنز کی کڑی تنقید کی زد پر ہیں۔

    امریکی میڈیا رپورٹس کے مطابق ڈونلڈ ٹرمپ نے شمالی کورین سربراہ کو ورلڈ ہیلتھ آرگنائزیشن (ڈبلیو ایچ او) میں شمولیت پر مبارک باد دی تھی، جس پر ان کے خلاف تنقید کا سلسلہ شروع ہو گیا ہے۔

    سابق نائب صدر مائیک پنس نے کہا کہ ٹرمپ کو کسی صورت آمر کو سراہنا نہیں چاہیے، سابق گورنر جنوبی کیرولائنا نکی ہیلی نے کہا کہ ایسے بیانات کا ٹرمپ کو جواب دینا ہوگا۔

    رون ڈی سانٹس کا کہنا تھا کہ انھیں ٹرمپ کی قاتل آمر کو مبارک باد دینے پر حیرانی ہوئی۔ واضح رہے کہ رون ڈی سانٹس اور نکی ہیلی ریپبلکنز صدارتی امیدوار بننے کی دوڑ میں شامل ہیں۔

  • شمالی کوریا 20 سے 60 ایٹمی ہتھیار بنا سکتا ہے، رپورٹ

    جنوبی کوریا کی میڈیا نے ایک رپورٹ میں کہا کہ شمالی کوریا 20 سے 60 جوہری ہتھیار بنا سکتا ہے۔

    جنوبی کوریا کی میڈیا رپورٹس کے مطابق کوریا میں حالات کشیدہ ہو گئے ہیں کیونکہ شمالی کوریا کے رہنما کم جونگ اُن نے پچھلے ہفتے ایک فوری جوہری جوابی حملے کے لیے ایک نیا بین البراعظمی بیلسٹک میزائل سسٹم تیار کرنے کا حکم دیا تھا۔

    جنوبی کوریا کی میڈیا رپورٹ میں بتایا گیا ہے کہ انہوں نے ملک کے تصفیہ میں جوہری ہتھیاروں کی تعداد بڑھانے کی ضرورت پر بھی زور دیا تھا۔

    رپورٹ کے مطابق مغربی ممالک کے ماہرین اس بات پر متفق ہیں کہ شمالی کوریا کے پاس ستمبر تک تقریباً 20-30 جوہری ہتھیار تھے، لیکن آئی این ایس ایس نے دعویٰ کیا کہ نومبر میں یہ تعداد بڑھ کر 60 ہو سکتی ہے۔

    میڈیا رپورٹ کے مطابق شمالی کوریا کے پاس 45-55 جوہری ہتھیار بنانے کے لیے یورینیم-235 اور پلوٹونیم-239 نامی کافی مواد موجود ہے۔

  • شمالی کوریا کو دنیا کی سب سے بڑی ایٹمی قوت بنائیں گے، کم جونگ اُن

    شمالی کوریا کو دنیا کی سب سے بڑی ایٹمی قوت بنائیں گے، کم جونگ اُن

    سئیول : شمالی کوریا کے سربراہ کم جونگ اُن نے کہا ہے کہ ہمارا مقصد اپنے ملک کو دنیا کی سب سے بڑی ایٹمی قوت بنانا ہے، انہوں نے درجنوں فوجی افسروں کو ترقی دینے کا اعلان بھی کیا۔

    یہ بات انہوں نے بین الابراعظمی بیلسٹک میزائل ہواسانک-17 کی آزمائش میں شامل سائنسدانوں، انجینئرز، فوجی حکام اور دیگر سے بات کرتے ہوئے کہی۔

    غیر ملکی خبر رساں ادارے کی رپورٹ کے مطابق کم جونگ اُن نے ملک کے سب سے بڑے میزائل سسٹم کی تیاری میں شامل فوجی افسروں کو ترقی دینے کااعلان کیا ہے۔

    کم جونگ اُن نے فوجی افسروں کی دی جانے والی ترقی کے حکم نامے میں لکھا کہ ریاست اور عوام کے وقار اور ان کی خودمختاری کو ناقابل تسخیر بنانے کے لئے ایٹمی طاقت کا حصول ناگزیر ہے۔

    North Korean leader Kim Jong Un and his daughter pose for a photo scientists, engineers and military officials.

    انہوں نے کہا کہ ہمارے سائنس دانوں نے ایٹمی ہتھیاروں سے لیس بیلسٹک میزائل بنانے کی ٹیکنالوجی میں بھی اہم کامیابیاں حاصل کی ہیں، ہواسانک-17 میزائل دنیا کا سب سے طاقتور اسٹریٹیجک ہتھیار’ہے جو شمالی کوریا کی فوج کو دنیا کی بہترین فوج بننے میں مدد دے گا۔

    تقریب سے خطاب کرتے ہوئے ان کا کہنا تھا کہ ہمارے سائنسدان شمالی کوریا کے جوہری ہتھیاروں کو غیرمعمولی طور پر تیز رفتاری سے بڑھاتے اور مضبوط کرتے رہیں گے۔

    انہوں نے مزید کہا کہ شمالی کوریا کے سائنس دانوں نے بھی بیلسٹک میزائلوں پر جوہری وار ہیڈز کو نصب کرنے کی ٹیکنالوجی کی ترقی میں ایک شاندار کامیابی حاصل کی ہے۔

  • تصاویر: کم جونگ اُن کی بیٹی پہلی بار منظر عام پر آ گئیں

    تصاویر: کم جونگ اُن کی بیٹی پہلی بار منظر عام پر آ گئیں

    پیانگ یانگ: کم جونگ اُن کی بیٹی نئے میزائل لانچ کے موقع پر پہلی بار منظر عام پر آ گئیں، جس سے آخر کار ان کے ہونے کے افواہوں کی تصدیق ہو گئی۔

    غیر ملکی میڈیا رپورٹس کے مطابق شمالی کوریا کے رہنما کم جونگ اُن اپنی نوجوان بیٹی کے ساتھ پہلی بار عوامی سطح پر نمودار ہوئے ہیں، اس سے قبل اُن کی بیٹی کے ہونے کی تصدیق نہیں کی گئی تھی۔

    جمعے کو کم جونگ نے اپنی بیٹی کے ہمراہ بین البراعظمی بیلسٹک میزائل کی ’نئی قسم‘ کے لانچ کی نگرانی کی، یہ تصاویر بھی اسی موقع کی ہیں۔

    کم جونگ کی بیٹی کے بارے میں خیال کیا جاتا ہے کہ ان کا نام Kim Chu-ae ہے، جمعہ کو وہ ملک کے سب سے بڑے بین البراعظمی بیلسٹک میزائل لانچ کے معائنے میں اپنے والد کے ہمراہ تھیں۔

    میزائل ٹیسٹ کے دوران کم جونگ نے اپنی بیٹی کا ہاتھ تھاما ہوا تھا۔

    واضح رہے کہ کم جونگ دنیا کی سب سے خفیہ ریاستوں میں سے ایک کی قیادت کر رہے ہیں، اور ان کی ذاتی زندگی کے بارے میں بہت کم معلومات دستیاب ہیں۔

    جاپان نے جمعہ کو میزائل لانچنگ کے بعد خبردار کیا تھا کہ ایسا لگتا ہے کہ نیا میزائل امریکا کی سرزمین تک پہنچنے کی صلاحیت رکھتا ہے۔