Tag: Kim Jong-Un

پیانگ یانگ: شمالی کوریا کے رہنما کم جونگ اُن نے امریکا کو اپنے ملک کا سب سے بڑا دشمن قرار دے دیا۔

غیر ملکی میڈیا کے مطابق شمالی کوریا کے سربراہ کم جونگ اُن نے اپنے ایک بیان میں امریکا کو سب سے بڑا دشمن قرار دیتے ہوئے کہا ہے کہ ہم جوہری اور میزائل پروگرام کو آگے بڑھائیں گے۔

انھوں نے منگل کو کانگریس میں اپنی تقریر میں جوہری پروگرام کو آگے بڑھانے کا عزم ظاہر کرتے ہوئے کہا ملک کی خارجہ پالیسی، سیاسی سرگرمیاں امریکا کو دبانے اور اس پر غلبہ پانے پر مرکوز ہونی چاہیئں۔

واضح رہے کہ کم جونگ اُن کا یہ بیان نو منتخب امریکی صدر جو بائیڈن کے رواں ماہ منصب سنبھالنے سے چند ہی روز قبل سامنے آیا ہے۔ انھوں نے کہا قطع نظر اس سے کہ وائٹ ہاؤس میں کون منصب سنبھالتا ہے، شمالی کوریا سے متعلق امریکی پالیسیوں میں کوئی تبدیلی نہیں آئے گی۔

کم جونگ اُن نے مزید کہا کہ دونوں ممالک میں مستقبل کے تعلقات کے لیے ضروری ہے کہ امریکا اپنا مخاصمانہ رویہ بدلے۔

انھوں نے اعلان کیا کہ شمالی کوریا جوہری ہتھیاروں کو مزید چھوٹا اور کم وزن کرے گا، ٹیکٹیکل جوہری اسلحہ بنائے گا، اور انتہائی بڑے جوہری ہتھیاروں کی پائیدار بنیادوں پر پیداوار کو عملی جامہ پہنائے گا۔

کم جونگ کا کہنا تھا کہ ان کا ملک بیلسٹک میزائلز پر کثیر تعداد میں وار ہیڈز نصب کرنے اور ٹھوس ایندھن والے بین البراعظمی بیلسٹک میزائلز کی تیاری کی جانب پیش رفت کر رہا ہے۔

پیانگ یانگ: کیا شمالی کوریا کے سربراہ کم جونگ اُن انتقال کر گئے؟ یا وہ کوما میں چلے گئے ہیں؟ اس حوالے سے غیر ملکی میڈیا میں مختلف افواہیں زیر گردش ہیں۔

تفصیلات کے مطابق چین اور جاپانی میڈیا کے رپورٹرز شمالی کوریا کے ڈکٹیٹر کم جونگ اُن کی زندگی سے متعلق مختلف دعوے کر رہے ہیں، چینی جرنلسٹ نے دعویٰ کیا ہے کہ کم جونگ مر چکے ہیں جب کہ ایک جاپانی رپورٹ کہتی ہے کہ وہ کوما میں ہیں۔

دوسری طرف ان کی نجی ریل گاڑی کی سیٹلائٹ تصاویر بتاتی ہیں کہ کم جونگ اُن نے رواں ہفتے اپنے ہولیڈے ہوم کا دورہ کیا، ادھر ایشیا کے میڈیا اداروں میں یہ مضبوط افواہ پھیلی ہوئی ہے کہ وہ اب نہیں رہے۔

شمالی کوریا کے رہنما کم جونگ ان کی صحت سے متعلق امریکی میڈیا کا بڑا دعویٰ

ہانگ کانگ سیٹلائٹ ٹیلی وژن کے نائب ڈائریکٹر شیجیان شنگزو نے دعویٰ کیا ہے کہ انھیں ایک ‘نہایت مضبوط ذریعے’ نے بتایا ہے کہ 36 سالہ نارتھ کورین ڈکٹیٹر مر چکے ہیں۔ واضح رہے کہ شیجیان شنگزو ایک چینی وزیر خارجہ کی بھتیجی ہیں، اور چینی سوشل میڈیا پر ان کے فالوورز کی تعداد 15 ملین ہے۔

اس کے برعکس جاپانی میڈیا ادارہ دعویٰ کر رہا ہے کہ کِم رواں مہینے کے آغاز میں دل کا آپریشن کرنے کے بعد کوما میں جا چکے ہیں، ایک اور نیوز ویب سائٹ کی سیٹلائٹ تصاویر کے مطابق جمعرات کو کم جونگ کے وانسن ہولیڈے کمپاؤنڈ کے قریب ایک ڈھائی سو میٹر لمبے ٹرین کو دیکھا گیا ہے، تاہم شمالی کوریا کے سربراہ اس وقت کہاں ہیں، اس کی کوئی مصدقہ اطلاع نہیں ہے۔

شمالی کوریا کی سرکاری میڈیا کے مطابق کِم دو ہفتے قبل آخری مرتبہ دیکھنے میں آئے تھے، جب انھوں نے صاحب اقتدار ورکرز پارٹی کمیٹی کے پالیسی سازوں کی میٹنگ کی صدارت کی تھی، جاپانی میڈیا کے مطابق چین نے کم جونگ کی صحت سے متعلق مشاورت کے لیے ایک طبی ٹیم بھی بھیجی ہوئی ہے، چینی ڈاکٹروں اور عہدیداروں کا یہ سفر کم جونگ کی صحت سے متعلق متضاد اطلاعات کے درمیان آیا ہے۔

جاپانی میڈیا نے ایک چینی ڈاکٹر کے حوالے سے دعویٰ ہے کہ کم جونگ اُن کے دل کی سرجری بہت معمولی تھی لیکن اس پروسیجر کے دوران ان کی حالت بگڑ گئی، اور وہ اس وقت کوما میں ہیں۔ میڈیا کا دعویٰ ہے کہ شمالی کوریا کے سربراہ اپنے ہالیڈے ہوم پہنچے تو انھیں اچانک سینے میں درد اٹھا، اور وہ سینہ پکڑ کر گر گئے، جس پر انھیں فوری طور پر اسپتال پہنچایا گیا۔