ARYNews.tv | Urdu – Har Lamha Bakhabar

Tag: King Charles

  • بادشاہ چارلس کو 360 سالہ قدیمی تاج پہنا دیا گیا

    بادشاہ چارلس کو 360 سالہ قدیمی تاج پہنا دیا گیا

    لندن : ویسٹ منسٹر ایبے میں بادشاہ چارلس سوم کی تاج پوشی کی تقریب اپنے اختتام کو پہنچی، کنگ چارلس اپنی اہلیہ کے ہمراہ بکنگھم پیلس واپس روانہ ہوگئے، تقریب میں شاہ چارلس سوم اور ان کی اہلیہ کوئین کمیلا کو تاریخی تاج پہنایا گیا۔

    برطانیہ میں سات دہائیوں بعد رسم تاج پوشی کی پروقار تقریب کا انعقاد کیا گیا، جس میں برطانیہ کے بادشاہ چارلس سوئم کو سینٹ ایڈورڈ تاج پہنا دیا گیا، آرچ بشپ نے اپنے ہاتھوں سے بادشاہ چارلس کو 360سالہ قدیم کنگ ایڈٖورڈ تاج پہنایا۔

    اس موقع پر کوئین کنسورٹ کمیلا کی بھی تاج پوشی کی گئی، شاہ چارلس کی اہلیہ کمیلاکو ملکہ میری کا تاج پہنایا گیا۔

    ویسٹ منسٹر ایبے میں آج ہونے والی تاریخی تاج پوشی کی اس شاندار تقریب میں بادشاہ چارلس 360سالہ سینٹ ایڈورڈ کا تاج اپنے سر پر رکھنے والے سب سے معمر برطانوی بادشاہ بن گئے ہیں۔

    سنہ 1066 سے شروع ہونے والے اس تاریخی سلسلے میں شاہ چارلس 40ویں برطانوی شاہی حکمران ہوں گے جن کی رسم تاج پوشی ویسٹ منسٹر ایبے میں ہوئی۔

    اس سے قبل بادشاہ چارلس سوم اور ملکہ کنسورٹ کمیلا شاہی بگھی میں سوار ہوکر مکمل پروٹوکول کے ساتھ ویسٹ منسٹر ایبے کے مغربی دروازے’گریٹ ویسٹ ڈور‘ پہنچے۔

    ویسٹ منسٹرایبے کے پادری نے بادشاہ چارلس سےحلف لیا اور حلف نامے پر دستخط کردیے، جس کے بعد برطانیہ کے وزیراعظم رشی سوناک نے مختصر خطاب کیا، بعد زاں بادشاہ چارلس نے اپنے داداجارج ششم کاریگالیہ پہنی، اس موقع پر شاہ چارلس سوم کو آرملز (بریسلیٹ) پیش کیا گیا۔

    اس موقع پر خطاب کرتے ہوئے برطانوی وزیر اعظم رشی سوناک نے کہا کہ کوئی دوسرا ملک جلوس، محفل، اور گلیوں میں ہونے والی پارٹیوں سے بھرپور اس طرح کی شاندار تقریب منعقد نہیں کر سکتا۔

    انہوں نے کہا کہ یہ ہماری تاریخ، ثقافت اور روایات کا فخریہ اظہار ہے، یہ ہمارے ملک کے جدید کردار کا ایک واضح مظاہرہ اور ایک پسندیدہ رسم ہے جس کے ذریعے ایک نئے دور کا آغاز ہوتا ہے۔

    عوام کی بڑی تعداد اس تقریب کو دیکھنے کے لیے موجود ہے۔ ذرائع کے مطابق تاج پوشی کی تقریب میں 2ہزار300افراد شریک ہیں، جن میں وزیراعظم شہبازشریف سمیت کئی ممالک کے سربراہان، شاہی شخصیات اور عالمی رہنما بھی آج کی تاریخی تقریب میں موجود ہیں۔ گزشتہ70سال کے دوران ہونے والی یہ پہلی تاج پوشی کی تقریب ہے۔

    شہزادہ ہیری تقریب میں شرکت کے لیے ویسٹ منسٹر ایبے پہنچے جہاں پر شاہی خاندان کے مزید سینئر ارکان اور ان کے کزن اور خالہ اور چچا بھی موجود تھے، شہزادہ ولیم نے بادشاہ چارلس کو خراج عقیدت پیش کیا۔

    تقریب کے بعد شاہی جوڑا بکنگھم پیلس واپس روانہ ہوگیا، تاج پوشی کے بعد شاہ چارلس اور ملکہ کمیلا 4 ٹن سونے کی بنی ہوئی اس اسٹیٹ کوچ میں روانہ ہوئے جو جارج سوئم کے لیے بنائی گئی تھی، وہ 39 ممالک کے 4 ہازر فوجی اہلکاروں کے ایک میل طویل جلوس میں واپس بکنگھم پیلس پہنچے۔

    بادشاہ چارلس کی مرحومہ والدہ کی تاجپوشی کے بعد یہ برطانیہ میں اپنی نوعیت کی سب سے بڑی تقریب تھی، ہزاروں لوگوں نے سڑکوں پر کھڑے ہوکر اور دنیا بھر سے کروڑوں افراد نے اپنی ٹیوی اسکرینوں پر یہ مناظر براہ راست دیکھے۔

  • بکنگھم پیلس سج گیا، آج بادشاہ چارلس کو تاج پہنایا جائے گا

    بکنگھم پیلس سج گیا، آج بادشاہ چارلس کو تاج پہنایا جائے گا

    لندن: برطانیہ میں بکنگھم پیلس سج گیا ہے، آج بادشاہ چارلس کو تاج پہنایا جائے گا۔

    تفصیلات کے مطابق برطانیہ کے بادشاہ چارلس سوئم کی تاج پوشی کی عظیم الشان تقریب کا آج آغاز ہوگا، یہ تقریب مذہبی رسومات اور شاہی شان و شوکت کا مظہر ہے، جس میں بادشاہ چارلس اور ان کی اہلیہ ملکہ کمیلا کی تاج پوشی ہوگی۔

    برطانوی میڈیا کے مطابق شاہ چارلس چالیسویں شاہی حکمران ہیں، جن کی تاج پوشی ویسٹ منسٹر ایبے میں ہو رہی ہے، آج کے دن ایک ہزار سال پرانے رسم و رواج پر عمل ہوگا۔

    بکنگھم پیلس سے ویسٹ مِنسٹر ایبے تک ایک جلوس کے ساتھ تقریب کا باضابطہ آغاز ہوگا، بکنگھم پیلس کے خاص مہمانوں میں سابق فوجی اہلکار، نیشنل ہیلتھ سروس اور سوشل کیئر کا عملہ بھی شامل ہے، بکنگھم پیلس سے ویسٹ مِنسٹر ایبے جانے والے جلوس میں شامل مسلح افواج کے تقریباً 200 اہلکار ‘ایسکورٹ آف ہاؤس ہولڈ کیولری’ کے ہیں، راستے پر ایک ہزار دیگر اہلکار تعینات ہیں۔

    یہ جلوس 1953 میں ملکہ الزبتھ دوم کی تاج پوشی کے موقع پر نکلنے والے جلوس سے چھوٹا ہے، 10:20 پر بکنگھم پیلس سے جلوس روانہ ہوگا، جلوس دی مال اور ٹریفیلگر اسکوائر کے بعد، وائٹ ہال اور پارلیمنٹ اسٹریٹ سے گزرتا ہوا پارلیمنٹ اسکوائر اور براڈ سینکچوری کی جانب مڑ کر ویسٹ منسٹر ایبے کے مغربی دروازے ’گریٹ ویسٹ ڈور‘ پہنچے گا۔

    بادشاہ چارلس اور ملکہ کمیلا پارکر ڈائمنڈ جوبلی اسٹیٹ کوچ میں سوار ہوں گے، جسے 6 ونڈسر گرے گھوڑے کھینچیں گے، اسٹیٹ کوچ کے گرد بادشاہ کے محافظ موجود ہوں گے۔ 11:00 پر بادشاہ چارلس کا قافلہ بکھنگم پیلس سے 2 کلو میٹر کا فاصلہ طے کر کے صبح 11 بجے ویسٹ منسٹر ایبے پہنچے گا۔

    بادشاہ چارلس پہلے بادشاہوں کی طرح روایتی لباس کی بجائے فوجی وردی پہنیں گے، صبح گیارہ بجے ویسٹ منسٹر ایبے میں تقریب تاج پوشی کا آغاز ہوگا، بادشاہ چارلس کو دن 12 بجے تاج پہنایا جائے گا۔ برطانوی بادشاہ چالس کی تاجپوشی کے بعد چرچ آف انگلینڈ کے پادریوں اور کینٹربری کے آرچ بشپ جسٹن ویلبی کی قیادت میں چرچ سروس ہوگی جو ایک بجے تک جاری رہے گی۔

    تاجپوشی کے لیے شاہی خاندان کے ارکان، عالمی سربراہان، سول سوسائٹی کے اراکین سمیت 2 ہزار 300 افراد مدعو ہیں، تقریب کے بعد بادشاہ چارلس ملکہ کمیلا پارکر کے ہمراہ گولڈ اسٹیٹ کوچ میں سوار ہوکر بکھنگم پیلس لوٹ جائیں گے، بادشاہ چارلس اور ملکہ بکھنگم پیلس کے باہر ہجوم کا استقبال کرنے اور رائل ایئر فورس کا فلائی پاسٹ دیکھنے کے لیے تقریباً 2:15 پر بجے بالکونی میں نمودار ہوں گے۔

    تقریب تاجپ وشی کے بعد اتوار کو تقریبات جاری رہیں گی، برطانیہ بھر میں ’بگ کورونیشن لنچ‘ اور’اسٹریٹ پارٹیز‘ ہوں گی۔

    برطانوی بادشاہ کی تاج پوشی کے ساتھ لندن سمیت برطانیہ بھر میں تین روزہ جشن کا آغاز بھی ہو گیا ہے، کل رات آٹھ بجے ونڈسر کیسل میں ’کورونیشن کانسرٹ‘ منعقد ہوگا، جس میں ایک ہزار افراد شریک ہوں گے، جب کہ پیر 8 مئی کو برطانیہ بھر میں عام تعطیل ہوگی۔

    یاد رہے کہ 74 سالہ بادشاہ 8 ستمبر 2022 کو ملکہ الزبتھ دوم کی موت کے بعد تخت پر بیٹھے تھے۔

  • سامان اٹھا کر محل سے نکل جائیں!! بادشاہ چارلس کا بھائی کو پیغام

    لندن : برطانوی بادشاہ چارلس نے اپنے بھائی کو محل بدر کردیا، کنگ چارلس سوئم نے پرنس اینڈریو کو پیغام بھیجا ہے کہ ان کیلئے بکنگھم پیلس میں کوئی جگہ نہیں۔

    اس حوالے سے برطانوی پریس کی رپورٹس میں بتایا گیا ہے کہ کنگ چارلس سوم نے اپنے بھائی پرنس اینڈریو کو پیغام بھیجا ہے کہ وہ اپنا سامان باندھ کر بکنگھم پیلس سے نکل جائیں۔

    اخبار "دی سن” نے کہا کہ بادشاہ چارلس نے اسکینڈلز کے لیے مشہور اپنے بھائی شہزادہ اینڈریو سے کہا ہے کہ وہ رہنے کے لیے کوئی نئی جگہ تلاش کریں، بادشاہ نے واضح کردیا ہے کہ پرنس اینڈریو کے لیے بکنگھم پیلس میں کوئی جگہ نہیں ہے۔

    بادشاہ سلامت نے واضح کیا ہے کہ بکنگھم پیلس میں پرنس اینڈریو کے لیے جگہ نہیں ہے۔ بادشاہ کے فیصلوں پر عمل درآمد کے لیے ذمہ دار محل کے ایک ذریعے نے کہا یہ فیصلہ 6 مئی کو ہونے والی کنگ چارلس سوم کی سرکاری تاجپوشی سے چند ماہ قبل لیا گیا ہے۔

    اینڈریو جو کہ امریکی ارب پتی جیفری ایپسٹین کے دوست سمجھے جاتے ہیں وہ اس وقت "اشتعال انگیز” اخلاقی الزامات میں قید ہیں اور انہیں بتایا گیا ہے کہ بکنگھم پیلس میں اب ان کے لیے جگہ نہیں رہی۔

    برطانوی اخبار کے مطابق اس محل میں 400 ملین ڈالر سے زائد کی لاگت سے شاہی محل کی تزئین و آرائش اور بحالی کا منصوبہ ہے جس میں ’اینڈریو سویٹ‘ بھی شامل ہے جسے "کمرے کی کھڑکی ” کہا جاتا ہے۔

    ذرائع نے بتایا کہ اگر اینڈریو لندن میں رہنا چاہتے ہیں تو کنگ چارلس نے انہیں کہا ہے کہ وہ دوسری شاہی رہائش سینٹ جیمز پیلس میں رہ سکتے ہیں۔

    ذرائع کے مطابق بے دخلی کا حکم اینڈریو کے لیے ایک اور دھچکا ہے، جسے پچھلے سال بکنگھم پیلس میں اپنے دفتر سے بے دخل کر دیا گیا تھا۔ شہزادہ اینڈریو کو ان کی آنجہانی والدہ ملکہ الزبتھ دوم شاہی اور فوجی اعزازات سے محروم کر دیا تھا۔

  • برطانوی بادشاہ چارلس کے تاج میں تبدیلی کی وجہ سامنے آگئی

    برطانوی بادشاہ چارلس کے تاج میں تبدیلی کی وجہ سامنے آگئی

    لندن : برطانیہ کے نئے بادشاہ چارلس سوم کو مرحومہ ملکہ برطانیہ کے زیر استعمال تاج پہنایا جائے گا، تاج پوشی کی یہ شایان شان تقریب 6مئی 2023کو منعقد ہوگی۔

    غیرملکی خبر رساں ادارے کی رپورٹ کے مطابق کنگ چارلس سوم کے لیے 17ویں صدی کے تاریخی تاج میں تبدیلی کی جائے گی۔

    بکنگھم پیلس سے جاری ایک بیان میں کہا گیا ہے کہ سینٹ ایڈورڈ کراؤن کے سائز میں تبدیلی کے لیے اسے ٹاور آف لندن سے ہٹا دیا گیا ہے۔ یہ تاج 6 مئی 2023 کو شاہ چارلس کو پہنایا جائے گا۔

    خیال رہے کہ اس تاج کا وزن 2.23 کلوگرام ہے اور یہ 22 قیراط سونے سے بنایا گیا ہے۔ اس کی گولائی 66 سینٹی میٹر اور اونچائی 30 سینٹی میٹرہے جب کہ اس میں 444 قیمتی نگینے جڑے ہوئے ہیں۔

    13ویں صدی سے انگریزوں اور بادشاہوں کی تاج پوشی کے لیے استعمال ہونے والے سینٹ ایڈورڈ کراؤن کے سائز کے لیے لندن ٹاور سے نامعلوم مقام پر منتقلی کو خفیہ رکھا گیا ہے۔

    موجودہ سینٹ ایڈورڈ کراؤن 1661 میں کنگ چارلس دوم کے لیے بنایا گیا تھا کیوں کہ 13 ویں صدی سے زیر استعمال 1649 میں پگھل گیا تھا۔ یہ اس وقت کی بات ہے جب ان کے والد کی پھانسی دی گئی تھی۔

    برطانیہ کی سب سے طویل عرصے تک ملکہ رہنے والی الزبتھ دوم کی تاجپوشی 2 جون 1953 کو لندن میں ہوئی اور انھیں یہی تاج پہنایا گیا تھا تاہم موجودہ بادشاہ چارلس کے سر کا سائز قدرے مختلف ہے۔

    یہی وجہ ہے کہ سینٹ ایڈورڈ کراؤن کے سائز میں تبدیلی کے لیے منتقل کیا گیا ہے تاکہ 6 مئی 2023 کو ویسٹ منسٹر ایبی لندن میں ہونے والی تاج پوشی کی تقریب میں اسے بادشاہ چارلس کے سر پر رکھا جا سکے۔

  • کنگ چارلس کی تاج پوشی کی تاریخ کا اعلان ہو گیا

    کنگ چارلس کی تاج پوشی کی تاریخ کا اعلان ہو گیا

    لندن: برطانوی کنگ چارلس کی تاج پوشی کی تقریب آئندہ برس 6 مئی کو ہوگی۔

    تفصیلات کے مطابق بکنگھم پیلس نے منگل کو اعلان کیا ہے کہ بادشاہ چارلس III کی تاج پوشی ہفتہ 6 مئی کو ویسٹ منسٹر ایبی میں منعقد ہوگی۔

    کیملا پارکر (جو شاہی رینک کے حساب سے ملکہ کنسورٹ کہلاتی ہیں اب) بادشاہ کے ساتھ ہوں گی، اور اس تاریخی تقریب میں ان کی بھی تاج پوشی کی جائے گی۔

    اس تقریب کا دورانیہ ایک گھنٹے پر محیط ہوگا، مہمانوں کی تعداد میں غیر معمولی کمی کی گئی ہے، تقریب کو مختصر رکھا جائے گا، اور صرف 2 ہزار شخصیات کو دعوت نامے بھیجے جائیں گے۔

    واضح رہے کہ برطانیہ میں 70 برس کے بعد تاج پوشی کی تقریب ہوگی، آخری بار تاج پوشی جون 1953 میں الزبتھ دوم کی ہوئی تھی، اور گزشتہ صدی میں پہلی بار تاج پوشی 1902 میں ایڈورڈ ہفتم کی ہوئی تھی۔

    چھ مئی کو چارلس کے پوتے شہزادہ ہیری اور ان کی اہلیہ میگھن کے بیٹے آرچی کی چوتھی سال گرہ بھی ہے۔ یاد رہے کہ کنگ چارلس اس وقت بادشاہ بنے جب ان کی والدہ ملکہ الزبتھ دوم کا انتقال ہوا۔