Tag: king of swing

کولکتہ: پاکستان کرکٹ ٹیم سابق کپتان اور لیجنڈ کرکٹر وسیم اکرم نے ایڈن گارڈنز کی وکٹ کوغیرموزوں قراردے دیا۔

وسیم اکرم نے کہا ہے کہ ایڈن گارڈنزکی پچ ٹی 20فارمیٹ کیلئے ٹھیک نہیں انہوں نے کہا ایسی پچ کیوں بنائی گئی ،سمجھ سے باہر ہے، لگتا ہے کیوریٹربھی دباؤ میں ہوگا۔

واضح رہے کہ بھارتی اسپنرزنے پاکستانی بلے بازوں کو اسپین جال میں پھانس لیا ایشون اورجد یجہ نے سات اوورز میں صرف بتیس رنزدئیے۔

ایڈن گارڈنزکی بیٹنگ وکٹ پرپاکستانی بلےبازوں نے قدم رکھےتو وکٹ پرگیند سوئنگ اور اسپین ہونے لگا، شرجیل خان اور احمد شہزاد کیلئے چوکے،چھکےلگاناتودور رنز بنانابھی مشن امپاسیبل بن گیا۔

کراچی: لیجنڈ کرکٹر وسیم اکرم نے سسٹم کو کرکٹ کی تباہی کا ذمہ دار ٹھرادیا، کہتے ہیں سسٹم چلالنے والے ٹھیک نہیں ہوں گے تب تک کرکٹ بہتر نہیں ہوسکتی۔

میڈیا سے گفتگو کرتے ہوئے وسیم اکرم نے کہا کہ ایشیا کپ میں ٹیم کی پرفارمنس پر افسوس ہوا، اب تنقید سے کچھ نہیں ہوگا، ورلڈ ٹی ٹوئنٹی آگیا ہے،کھلاڑیوں کو اعتماد دینے کی ضرورت ہے۔

وسیم اکرم نے کہا کہ پی سی بی نے شکست پر کمیٹی بنادی ہے لیکن اس کا کوئی فائدہ نہیں، سسٹم ٹھیک ہوگا تو کرکٹ خود ہی ٹھیک ہوجائے گی۔

لیجنڈ کرکٹر شاہد آفریدی کی حمایت میں بھی خوب بولے، کہتے ہیں آفریدی کو بیس سال سے ایسا ہی دیکھ رہے ہیں، وہ ہٹر ہے روکنے والا کھلاڑی نہیں۔

ایک سوال پر وسیم اکرم نے کہا کہ بورڈ نے کوچنگ کیلئے پیشکش کی تو وہ ضرور غور کریں گے۔

لاہور: پاکستان سپر لیگ میں اسلام آباد ٹیم کے ایڈوائزر وسیم اکرم نے کہا ہے کہ وہ پی ایس ایل میں نئے ٹیلنٹ کو دیکھنے کے لیے پرجوش ہیں شائقین کرکٹ کو سخت مقابلہ دیکھنے کو ملے گا۔

لاہور میں میڈیا سے گفتگو کرتے ہوئے وسیم اکرم کا کہنا تھا کہ سعید اجمل دنیا کے بہترین کھلاڑی ہیں اور اسلام آباد ٹیم کی جانب سے آفر قبول کرنے پر وہ ان کے شکر گزار ہیں۔

انھوں نے کہا کہ شین واٹسن اور انڈریو رسل دنیا کے بہترین آل راؤنڈر ہیں اس لیے ان کا انتخاب کیا۔ٹی ٹونٹی کرکٹ میں ہر کھلاڑی اہم ہوتا ہےاور پی ایس ایل میں بہت سخت مقابلہ ہوگا۔

اس موقع پر اسلام آباد ٹیم کے ہیڈ کوچ ڈین جونز کا کہنا تھا کہ پی ایس ایل سے پاکستان کو ٹی ٹونٹی ورلڈ کپ اور ایشیا کپ کے لیے بہترین ٹیم ملے گی۔

کراچی: لیجنڈ کرکٹر وسیم اکرم نے بھارتی وزیر اعظم نریندر مودی سے پاک بھارت کرکٹ سیریز کے انعقاد کا مطالبہ کردیا۔

وسیم اکرم نے ایک انٹرویو میں کہا کہ پوری دنیا کے شائقین پاک بھارت کرکٹ دیکھنا چاہتے ہیں، سیریز نہ ہونے کا نقصان دونوں ممالک کو ہی نہیں کرکٹ کو بھی ہورہا ہے۔

سابق کپتان نے کہا کہ نریندر مودی کیبنٹ میٹنگ میں کہہ چکے ہیں پاکستان کے ساتھ کھیلنے میں کوئی اعتراض نہیں ہے پھر بی سی سی آئی کو پاک بھارت کرکٹ سیریز کی اجازت کیوں نہیں دیتے؟؟ ان کا کہنا تھا کہ بھارت خود کو کرکٹ کا سپر پاور مانتا ہے تو اس کی ذمہ داری ہے کہ وہ سب کے ساتھ تعاون کرے۔

 انہوں نے بتایا کہ ماضی میں خطرات کے باوجود قومی ٹیم نے بھارت کا دورہ کیا اور وہاں جو کچھ ہوا وہ ایک تاریخ ہے، بھارت میں جب بھی لوگوں سے ملاقات ہوئی۔

انہوں نے سب سے پہلے پاک بھارت سیریز کے بارے میں ہی پوچھا۔ بھارت نے ممبئی حملوں کے بعد سے پاکستان کرکٹ روابط کا بائیکاٹ کررکھا ہے، دسمبر دو ہزار بارہ کے بعد سے دونوں ٹیموں کے درمیان کوئی باہمی سیریز نہیں ہوئی۔