پاکستان شوبز انڈسٹری کی معروف اداکارہ و ماڈل کرن اشفاق اور سیاسی رہنما حمزہ علی چوہدری کے ہاں بیٹی کی پیدائش ہوئی ہے۔
کرن اشفاق نے فوٹو اینڈ شیئرنگ ایپ انسٹاگرام پر بیٹی کی پیدائش کی خوشخبری سنائی، اداکارہ نے اس پوسٹ میں بتایا کہ ان کے ہاں بیٹی کی پیدائش ہوئی ہے۔
View this post on Instagram
کرن اشفاق نے بتایا کہ انہوں نے اپنی نومولود بیٹی کا نام خدیجہ علی رکھا ہے اور بیٹی کی پیدائش رواں ماہ کی 5 تاریخ کو ہوئی ہے۔
اداکاہ کرن اشفاق نے انسٹاگرام پر اپنی بہن کی اسٹوری کو بھی شیئر کیا ہے جس میں بچی کو دیکھا جاسکتا ہے۔
دوسری جانب سیاسی رہنما حمزہ علی چوہدری نے بھی اپنی بیٹی کی پیدائش کی خبر انسٹاگرام اسٹوری کے ذریعے دی جس میں انہوں نے اپنی والدہ کے ساتھ اپنی بیٹی اور اپنے بچپن کی تصویر کو شیئر کیا۔
حمزہ علی چوہدری نے اپنی اسٹوری پر لکھا کہ ماں سے دادی بننے تک کا سفر، جس کے بعد جوڑے کو ان کے دوست احباب کی جانب سے مبارکباد دینے کا سلسلہ جاری ہے۔
یاد رہے کہ عمران اشرف اور کرن اشفاق 2018 میں شادی کے بندھن میں بندھے تھے، اس جوڑی کے ہاں 2020 میں بیٹے روہم کی پیدائش ہوئی تھی۔
بعدازاں دونوں کے درمیان درمیان نومبر 2022 میں طلاق ہوگئی تھی، طلاق کے تقریباً ایک سال بعد دسمبر 2023 میں کرن اشفاق نے دوسری شادی کرلی تھی۔
