Tag: Kiran Rao

عامر خان کی سابقہ ​​اہلیہ کرن راؤ نے انکشاف کیا کہ اداکار اپنے بیٹے آزاد کے اسکول کے بارے میں کچھ نہیں جانتے تھے۔

50 سالہ کرن رائو نے حال ہی میں کرینہ کپور کے شو واٹ ویمن وانٹ میں شرکت کی جہاں انہوں نے بالی ووڈ کے سپر اسٹار اداکار عامر خان اور ان کی بُری عادت سے متعلق گفتگو کی۔

شو کے دوران جب کرینہ نے کرن راؤ سے عامر خان اور ان کے بیٹے آزاد کے بارے میں پوچھا تو انہوں نے کہا عامر خان بہت مصروف والد ہیں لیکن آزاد اپنے والد کے ساتھ بہت انجوائے کرتا ہے۔

بالی ووڈ ہدایتکار کرن راؤ نے کہا کہ اب آزاد اپنے والد کے ساتھ بہت زیادہ لطف اندوز ہو رہا ہے کیونکہ عامر خان اب اپنی عمر کو پہنچ گئے ہیں اور اب مجھے لگتا ہے کہ میں بھی آرام کر سکتی ہوں اور آزاد کو عامر کے ساتھ چھوڑ سکتی ہوں۔

عامر خان کی سابق اہلیہ کرن راؤ نے عامر خان کی بری عادت سے متعلق کہا کہ عامر خان فیصلے کرنے میں بہت وقت لگاتے ہیں اور مجھے ان کی یہ عادت بہت بری لگتی تھی۔

کرن راؤ کا کہنا تھا کہ وہ کسی چیز کے ایک مخصوص جگہ پر آنے کا انتظار کرتے ہیں تاکہ وہ درست فیصلے کرسکیں اور یہ سب کچھ بڑا تھکا دینے والا اور مایوس کن ہوتا ہے، اس کی وجہ یہ ہے کہ ان کی دیگر بیس چیزیں بھی ہوتی ہیں۔

کرن کے مطابق عامر خان حقیقی طور پر ان بہترین لوگوں میں سے ایک ہیں، جن کے ساتھ آپ تخلیقی کام کر سکتے ہیں، جو چیز ان کے حوالے سے بمشکل برداشت کرتی تھی وہ ان کے طویل لیکچرز ہیں، جو میں سمجھتی ہوں کہ اگر وہ نہ دیں تو بہتر ہے۔

واضح رہے کہ کرن راؤ اور عامر خان کی 2021 میں طلاق ہوئی اور 16 سالہ ازدواجی رفاقت کے خاتمے کے بعد بھی دونوں کے درمیان پیشہ وارانہ معاملات اور اپنے بیٹے آزاد کی پرورش کے حوالے سے اشتراک عمل جاری ہے۔

بالی ووڈ کے مسٹر پرفیکشنسٹ اداکار عامر خان کی اپنی سابقہ اہلیہ کرن راؤ کے ساتھ سالگرہ منانے کی ویڈیو سوشل میڈیا پر وائرل ہوگئی۔

مسٹر پرفیکشنسٹ کے نام سے جانے جانے والے بالی ووڈ کے سپر اسٹار عامر خان 14 مارچ کو اپنی 59ویں سالگرہ منائی جس میں ان کی سابقہ اہلیہ و ہدایت کار کرن راؤ نے شرکت کی۔

اس موقع پر اداکار عامر خان نے میڈیا کی موجودگی میں کرن اور فلم کی کاسٹ کے ساتھ کیک کاٹ کر اپنی سالگرہ منائی، سوشل میڈیا پر وائرل ویڈیو میں دیکھا جاسکتا ہے کہ عامر نے کیک کاٹ کر پہلے کرن راؤ کو کھلایا۔

 

View this post on Instagram

 

A post shared by Viral Bhayani (@viralbhayani)

بعدازاں عامر خان نے میڈیا سے گفتگو کی اور جذباتی ہوتے ہوئے کہا کہ ’ہر سال میری سالگرہ پر نیک تمناؤں کا اظہار کرنے پر وہ سب کے مشکور ہیں‘۔

عامر خان نے کہا کہ اگر میرے پرستار مجھے کچھ تحفہ دینا چاہتے ہیں تو انہیں سابقہ اہلیہ کرن راؤ کی ہدایت کاری میں بننے والی فلم لاپتا لیڈیز کا ٹکٹ خریدنا ہوگا۔

انہوں نے کہا کہ  میری پروڈکشن کمپنی کی ابتداء فلم لگان سے ہوئی اور لاپتہ لیڈیز اس پروڈکشن کے بینر تلے بننے والی ایک ایسی فلم ہے جس پر ہم فخر کرسکتے ہیں۔

خیال رہے کہ فلم ‘لاپتا لیڈیز’ بھارت کے دیہی علاقوں میں بنائی گئی اس فلم کی کہانی دو نوجوان دلہنوں کے گرد گھومتی ہے جو ٹرین میں گم ہو جاتی ہیں اور اس کے نتیجے میں حیران کن واقعات کا سلسلہ شروع ہوتا ہے، لاپتا لیڈیز’ کی ہدایت کاری کرن راؤ نے دی جبکہ اسے عامر خان اور جیوتی دیشپانڈے نے پروڈیوس کیا۔