ARYNews.tv | Urdu – Har Lamha Bakhabar

Tag: Kite

  • پتنگ ڈور سے آصف کی موت کے ذمہ داروں کی نشان دہی، پولیس نے حیران کن طریقے سے ملزمان پکڑ لیے

    پتنگ ڈور سے آصف کی موت کے ذمہ داروں کی نشان دہی، پولیس نے حیران کن طریقے سے ملزمان پکڑ لیے

    فیصل آباد: محکمہ پولیس کا کہنا ہے کہ پتنگ ڈور سے نوجوان آصف اشفاق کی موت کے ذمہ داروں کی نشان دہی کر لی گئی ہے۔

    سی پی او محمد علی ضیا نے آج پیر کو پولیس لائن میں پریس کانفرنس کرتے ہوئے بتایا کہ وزیراعلیٰ مریم نواز نے واقعے کے ذمہ داروں کو ٹریس کرنے کے لیے 48 گھنٹے دیے تھے، ہمارے پاس صرف ایک ڈور اور سی سی ٹی وی فوٹیج تھی، جس پر ہم نے 12 ٹیمیں بنا کر تکنیکی طریقے سے تفتیش کی۔

    سی پی او کے مطابق جائے وقوعہ پر بینک کے قریب عمارت پر پتنگ بازی ہو رہی تھی، تفتیش کے دوران ٹیم کو عمارت پر ڈور اور پتنگیں جلائے جانے کا سراغ ملا، جس پر عابد نامی مشکوک شخص کو حراست میں لیا گیا، عابد نے اعتراف کیا کہ اس کی غلطی سے آصف کی موت ہوئی۔

    مریم نواز والد نواز شریف کے ساتھ تعزیت کے لیے آصف کے گھر پہنچ گئیں

    سی پی او کا کہنا تھا کہ عابد وقوعہ کے روز سے متوفی آصف کے نام پر خیرات کر رہا تھا، ملزم نے بینک کی سی سی ٹی وی فوٹیج بھی ڈیلیٹ کرا دی تھی، عابد کی نشان دہی پر بلال نامی دکان دار کو بھی پکڑ لیا گیا ہے، اور بلال کی نشان دہی پر ڈور سپلائر مراد خان کو گرفتار کیا گیا، مراد خان خیبر پختونخوا سے پانڈا نام کی ڈور لا کر فروخت کرتا ہے۔

    سی پی او نے پریس کانفرنس میں اپیل بھی کہ پتنگ بازی روکنے کے لیے والدین اور میڈیا کردار ادا کرے۔

  • مریم نواز والد نواز شریف کے ساتھ تعزیت کے لیے آصف کے گھر پہنچ گئیں

    مریم نواز والد نواز شریف کے ساتھ تعزیت کے لیے آصف کے گھر پہنچ گئیں

    فیصل آباد: سابق وزیر اعظم میاں نواز شریف اور وزیر اعلیٰ مریم نواز فیصل آباد میں دھاتی تار سے جاں بحق نوجوان آصف کے گھر تعزیت کے لیے پہنچ گئے۔

    تفصیلات کے مطابق فیصل آباد میں پتنگ بازوں کے دھاتی تار سے سڑک پر نوجوان آصف اشفاق کا گلا کٹنے سے موت واقع ہو گئی تھی، واقعے کے خلاف پنجاب حکومت نے وسیع پیمانے پر اقدامات شروع کر دیے ہیں، وزیر اعلیٰ پنجاب مریم نواز اپنے والد نواز شریف کے ہمراہ تعزیت کے لیے آصف کے گھر گئے، مریم اورنگزیب اور پرویز رشید بھی ان کے ساتھ موجود تھے۔

    مریم نواز نے متوفی آصف اشفاق کی والدہ کو گلے لگا کر تسلی دی، اس دوران صدمے سے نڈھال والدہ روتی رہی اور کہتی رہی کہ آصف کی شادی کرنا تھی۔ مریم نواز نےمرحوم کی والدہ کا ہاتھ تھام کر انھیں تسلی دی۔ قائد مسلم لیگ نون نواز شریف نے بھی سوگوار خاندان کو دلاسہ دیا، اور کہا سب مل کر پتنگ بازی کا جرم روکیں، خوف ناک وڈیو دیکھی نہیں جاتی۔

    مرحوم کے بھائی اور والد کا کہنا تھا کہ ان کا آصف تو چلا گیا، اب کسی اور کا آصف نہ جائے، وزیر اعلیٰ مریم نواز نے کہا کہ میں بھی ماں ہوں اور ماں کے دکھ کو سمجھتی ہوں، آصف کی دردناک موت پورے معاشرے کے لیے لمحہ فکریہ ہے۔

    انھوں نے کہا پتنگ بازی تفریح نہیں بلکہ خونی کھیل بن چکا ہے، والدین بچوں کو پتنگ بازی سے روکنے کی ذمہ داری نبھائیں، دھاتی تار بنانے، بیچنے اور خریدنے پر سخت قانونی کارروائی ہوگی۔

  • "پتنگ کی ڈور سے جاں بحق ہونے والے نوجوان کی ویڈیو دیکھ کر دل کانپ گیا”

    "پتنگ کی ڈور سے جاں بحق ہونے والے نوجوان کی ویڈیو دیکھ کر دل کانپ گیا”

    لاہور: مریم نواز نے ایک نوجوان کی موت پر افسوس کا اظہار کرتے ہوئے کہا ہے کہ پتنگ کی ڈور سے جاں بحق ہونے والے نوجوان کی ویڈیو دیکھ کر ان کا دل کانپ گیا۔

    وزیر اعلیٰ پنجاب مریم نواز نے صوبے میں دھاتی ڈور بنانے، بیچنے اور خریدنے والوں کے خلاف کریک ڈاؤن کی ہدایت کی ہے، انھوں نے کہا پتنگ کی ڈور سے جاں بحق ہونے والے نوجوان کی ویڈیو دیکھ کر میرا دل کانپ گیا۔

    مریم نواز نے کہا نوجوان کی جان جانے سے والدین کی دنیا تباہ ہو گئی، کیس کرنا کافی نہیں ملزم کو سزا ہونی چاہیے۔

    آصف کی موت کے بعد پتنگ بازوں کے خلاف کریک ڈاؤن

    امن او امان سے متعلق اجلاس میں وزیر اعلیٰ نے کہا کہ صوبے میں زیادتی کے واقعات میں کمی آنی چاہیے، ریپ کے کیس میں ملزم کو سزا دے کر نشان عبرت بنایا جائے۔

  • بسنت کے دوران قاتل ڈور نے درجنوں پرندوں کی بھی جان لے لی

    بسنت کے دوران قاتل ڈور نے درجنوں پرندوں کی بھی جان لے لی

    لاہور: صوبہ پنجاب میں بسنت کے تہوار کے دوران پتنگ کی تیز دھار ڈور انسانوں کے ساتھ ساتھ پرندوں کے لیے بھی ہلاکت خیز بن گئی، درجنوں جانور اور پرندے ڈور پھرنے سے شدید زخمی اور ہلاک ہوئے ہیں۔

    تفصیلات کے مطابق صوبہ پنجاب میں بسنت کے تہوار کے دوران پتنگ بازی سے انسانوں کے ساتھ ساتھ بے زبان پرندے بھی محفوظ نہیں، ٹیپو روڈ پر پتنگ کی قاتل ڈور پھرنے سے ننھی چڑیا بے حس و حرکت نیچے آن گری۔

    بسنت کے تہوار کے دوران پتنگ کی تیز دھار ڈور سے متعدد جانور اور پرندے بھی ہلاک ہوتے ہیں۔

    اکثر پرندے ڈور میں پھنسنے سے شدید زخمی بھی ہوجاتے ہیں۔

    راولپنڈی میں 24 فروری کو بسنت کے دوران ہوائی فائرنگ سے 3 افراد بھی جاں بحق ہوگئے تھے۔

  • ڈرون کیمرے نے پتنگ بازوں کے لیے آج کا دن درد ناک بنا دیا

    ڈرون کیمرے نے پتنگ بازوں کے لیے آج کا دن درد ناک بنا دیا

    راولپنڈی: ڈرون کیمرے نے پتنگ بازوں کے لیے آج کا دن دردناک بنا دیا، ایک ہی دن ڈیڑھ سو کے قریب پتنگ باز سلاخوں کے پیچھے پہنچا دیے۔

    اے آر وائی نیوز کے مطابق راولپنڈی میں جب ڈرون کیمرہ پتنگ بازوں اور ہوائی فائرنگ کرنے والوں کو ڈھونڈھنے نکلا تو ایک دن میں 145 ملزمان کو گرفتار کرا دیا، گزشتہ روز تھانہ ایئر پورٹ کے علاقے رحیم آباد پل کے قریب ایک بد قسمت موٹر سائیکل سوار پتنگ کی ڈور پھرنے سے زخمی ہو گیا تھا، جس پر مقامی پولیس اور ریسکیو ٹیمیں موقع پر پہنچ گئی تھیں۔

    سی پی او عمر سعید ملک کی ہدایات کے مطابق راولپنڈی پولیس نے پتنگ بازی اور ہوائی فائرنگ کے خلاف بھرپور کریک ڈاؤن کیا، ڈرون کیمرے کی مدد سے پتنگ بازی اور ہوائی فائرنگ میں ملوث افراد کی نشان دہی کر کے گرفتار کیا گیا، ملزمان کی نشان دہی کے لیے بلند عمارتوں پر خصوصی اہل کار تعینات کیے گئے، اور گزشتہ رات سے اب تک کریک ڈاؤن کے دوران 145 ملزمان کو گرفتار کیا جا چکا ہے۔

    ایس ایس پی آپریشنز وسیم ریاض کی سربراہی میں ڈویژنل ایس پیز اور ڈی ایس پیز کریک ڈاؤن کی خود نگرانی کر رہے ہیں، مساجد سے اعلانات کے ساتھ سوشل میڈیا کے ذریعے بھی پتنگ بازی اور ہوائ فائرنگ کی روک تھام کے لیے آگاہی دی جا رہی ہے، جب کہ مجموعی طور پر 1600 سے زائد افسران و اہل کار کریک ڈاؤن میں مصروف ہیں۔

    حکام کے مطابق پتنگ بازی کے خلاف کریک ڈاؤن کے دوران اب تک 746 افراد کو گرفتار کر کے ایک لاکھ سے زائد پتنگیں اور ڈور برآمد کی جا چکی ہیں، ایس ایس پی آپریشنز نے واضح کر دیا ہے کہ شہر میں پتنگ بازی اور ہوائی فائرنگ کو کسی صورت برداشت نہیں کیا جائے گا۔

    سی پی او عمر سعید ملک نے پتنگ بازی اور ہوائی فائرنگ کے خلاف کریک ڈاؤن کے جائز ے کے لیے دورہ بھی کیا، انھوں نے خود ڈرون اور دوربین کی مدد سے بلند عمارتوں کی چھتوں سے مانیٹرنگ کی، انھوں نے کہا اب ملزمان کو قانون کے کٹہرے میں کھڑا کریں گے، شہری بھی پتنگ بازی اور ہوائی فائرنگ جیسے خطرناک کاموں سے اجتناب اور حوصلہ شکنی کریں۔

  • لاہور میں پتنگ بازی کا خونی کھیل، ڈولفن اہل کار شکار ہو گیا

    لاہور میں پتنگ بازی کا خونی کھیل، ڈولفن اہل کار شکار ہو گیا

    لاہور: پنجاب کے شہر لاہور میں پتنگ کی ڈور گلے میں پھرنے سے ڈولفن اہل کار جاں بحق ہو گیا۔

    تفصیلات کے مطابق لاہور میں پتنگ بازی کا خونی کھیل جاری ہے، قاتل ڈور نے ایک اور قیمتی جان نگل لی، نشتر کالونی میں پتنگ کی ڈور گلے میں پھرنے سے ڈولفن فورسز کا اہل کار جاں بحق ہو گیا۔

    اہل کار کی شناخت کانسٹیبل محمد صفدر کے نام سے ہوئی ہے، پولیس حکام کے مطابق اہل کار اپنی ڈیوٹی ختم کر کے نشتر کالونی رنگ روڈ پر گھر جا رہا تھا کہ قاتل ڈور کی زد میں آ گیا، پولیس اہل کار کی لاش ضابطے کارروائی کے لیے اسپتال منتقل کر دی گئی، جاں بحق اہل کار کے بھائی کی مدعیت میں نامعلوم افراد کے خلاف مقدمہ درج کر لیا گیا۔

    خواتین کا کٹی پتنگ کے لیے ناقابل یقین جیمز بانڈ ایکشن، ویڈیو وائرل

    یاد رہے کہ 17 نومبر 2019 کو بھی لاہور میں ایک قیمتی جان پتنگ بازی کی بھینٹ چڑھ گئی تھی، مغل پورہ میں پتنگ کی ڈور گلے پر پھرنے سے ایک شخص جاں بحق ہو گیا تھا، ریسکیو کا کہنا تھا کہ 40 سالہ عامر موٹر سائیکل پر صدر بازار جا رہا تھا کہ افسوس ناک واقعہ پیش آیا۔

    پنجاب میں ایک اور قیمتی جان پتنگ بازی کے شوق کی بھینٹ چڑھ گئی

    واقعے کا نوٹس لیتے ہوئے وزیر اعلیٰ پنجاب عثمان بزدار نے کہا تھا کہ جس علاقے میں پتنگ بازی ہوئی وہاں کے متعلقہ پولیس افسران ذمے دارہوں گے۔ دریں اثنا، وزیر اعلیٰ کی ہدایت پر ایس ایچ او مغل پورہ کو معطل کر کے لائن حاضر بھی کیا گیا۔ اس سے قبل 20 اکتوبر کو بھی لاہور کے علاقے ساندہ میں گلے پر ڈور پھرنے سے موٹر سائیکل سوار جاں بحق ہو گیا تھا۔

  • کراچی: گلے پر پتنگ کی ڈور پھرنے سے بچہ جاں بحق

    کراچی: گلے پر پتنگ کی ڈور پھرنے سے بچہ جاں بحق

    کراچی: شہرقائد میں پتنگ کی ڈور نے ایک اور زندگی نگل لی، گلے پر ڈور پھرنے سے پانچ سالہ بچہ جاں بحق ہوگیا۔

    تفصیلات کے مطابق کراچی میں پتنگ کی ڈور نے پانچ سالہ بچے کی جان لے لی، اہلخانہ غم سے نڈھال ہیں جبکہ علاقہ مکین بھی اس افسوس ناک واقعے کے بعد افسردہ ہیں۔

    پانچ سال کا ایان والد کے ساتھ گھر سے کیا نکلا اور دنیا سے ہی چلا گیا، ڈور پھرنے سے جاں بحق ہونے والے بچے کی والدہ نے روتے ہوئے التجا کی یہ سب چیزیں بند ہونی چاہیئیں۔

    ان کا کہنا تھا کہ میرے بیٹے جیسا حال کسی اور کا نہ ہو۔

    لاہور: پولیس دھاتی ڈور کا استعمال نہ روک سکی، نوجوان گلے پر ڈور پھرنے سے جاں بحق

    دوسری جانب والد نے بتایا کہ موٹرسائیکل پر جاتے ہوئے ڈور سے بیٹا زخمی ہوا، جبکہ لوگوں سے مدد مانگی لیکن کوئی اسپتال لے جانے کو تیار نہ ہوا۔

    انہوں نے وزیراعظم عمران خان سے اپیل کرتے ہوئے کہا کہ ذمے داروں کو پھانسی دی جائے۔

    خیال رہے کہ دو روز قبل لاہور کے علاقے شرقپور روڈ پر نوجوان گلے پر ڈور پھرنے سے زندگی کی بازی ہار گیا تھا، اور مالو بازار میں نوجوان ہاتھ کٹنے سے زخمی ہوگیا تھا۔

  • لاہور: پولیس دھاتی ڈور کا استعمال نہ روک سکی، نوجوان گلے پر ڈور پھرنے سے جاں بحق

    لاہور: پولیس دھاتی ڈور کا استعمال نہ روک سکی، نوجوان گلے پر ڈور پھرنے سے جاں بحق

    لاہور: پنجاب میں پولیس دھاتی ڈور کا استعمال نہ روک سکی، نوجوان شہری گلے پر ڈور پھرنے سے جاں بحق ہوگیا۔

    تفصیلات کے مطابق لاہور کے علاقے شرقپور روڈ پر نوجوان گلے پر ڈور پھرنے سے زندگی کی بازی ہار گیا، اور مالو بازار میں نوجوان ہاتھ کٹنے سے زخمی ہوگیا۔

    لاہور کی پولیس پتنگ بازی روکنے میں ناکام ہوگئی، قاتل ڈور نے ایک اور نوجوان کی جان لے لی، پچیس سال کا موٹر سائیکل سوار نوجوان رضوان ولد حمید کے گلے پر میلاد چوک پر گلے پر ڈور پھر نے سے جان سے ہاتھ دھو بیٹھا۔

    دوسری جانب لاہور کے علاقے مالو بازار میں شفقت، ہاتھ پر ڈور پھرنے سے زخمی ہوگیا۔

    ریکسیو ون ون ٹو ٹو نے موقع پر پہنچ کر لاش پولیس کے حوالے کردی، جبکہ زخمی شفقت کو طبی امداد کے لیے ڈی ایچ کیو اسپتال شیخو پورہ منتقل کر دیا گیا۔

    خیال رہے کہ اس سے قبل درجنوں شہری پتنگ کی ڈور گلے میں پھرنے سے جاں بحق ہوچکے ہیں۔

    واضح رہے کہ ماضی میں لاہور میں دھاتی ڈور کی روک تھام کے لیے سخت کارروائیاں دیکھنے میں آئی تھیں، تاہم اس کے باوجود اس کا استعمال کیا جارہا ہے۔

  • لاہور: دھاتی ڈور سے کرنٹ لگتے ہی نوجوان چل بسا

    لاہور: دھاتی ڈور سے کرنٹ لگتے ہی نوجوان چل بسا

    لاہور : پتنگ بازی نے ایک اور نوجوان کی جان لے لی، باغبان پورہ کا نوجوان دھاتی ڈور سے کرنٹ لگنے سے جاں بحق ہوگیا۔

    تفصیلات کے مطابق لاہور میں پتنگ بازی کے شوق نے ایک اورگھر میں صف ماتم بچھا دی۔ لاہور کے علاقے باغبان پورہ میں دھاتی ڈور ساجد کے لیے موت کا پھندا بن گئی۔

    ساجد کے گھرکی چھت پرپتنگ کٹ کر آگئی، نوجوان نے ڈور پکڑی تو کرنٹ سے تڑپنے لگا اوردیکھتے ہی دیکھتے دم توڑ گیا، گھر والوں کا کہنا ہے کہ ڈور دھاتی تھی جس کا دوسرا حصہ بجلی کے تار میں اٹکا ہوا تھا۔

    ساجد کےگھروالوں اور پڑوسیوں کے احتجاج کے بعد پولیس کو ہوش آیا، پولیس نے علاقے میں کریک ڈاؤن کرتے ہوئے درجنوں پتنگ بازوں کو گرفتار کرلیا۔

    واضح رہے کہ پتنگ بازی میں سدی مانجھے کی جگہ کیمیکل ڈور کے استعمال نے گزشتہ کئی سال میں لا تعداد گھروں میں صف ماتم بچھا دی ہے، اس حوالے سے بسنت میلوں میں بھی اکثر ایسے واقعات پیش آچکے ہیں، کہ جس میں کئی گھروں کے چراغ بجھ گئے۔