Tag: KP LG polls

پشاور : خیبرپختونخوا بلدیاتی الیکشن میں تحریک انصاف نے پوری اپوزیشن کو پچھاڑدیا، تحصیل چیئرمین کی 15 نشستوں اور اٹھارہ تحصیل کونسلزکی نشستوں کے ساتھ پی ٹی آئی آگے ہے۔

تفصیلات کے مطابق خیبرپختونخوامیں دوسرے مرحلے کےبلدیاتی انتخابات کےغیر حتمی وغیرسرکاری نتائج آنےکاسلسلہ جاری ہے۔

تحصیل چیئرمین کی 63 نشستوں میں سے 32 کے غیر حتمی غیرسرکاری نتائج آگئے ، جس میں تحریک انصاف چیئرمین کی 15 نشستوں پر کامیاب قرار پائی۔

غیرحتمی نتائج کے تحت جے یوآئی چیئرمین کی 5 نشستوں ، ن لیگ،اے این پی تحصیل چیئرمین کی 2،2 نشستوں جبکہ قومی وطن پارٹی اور جماعت اسلامی ایک ایک نشست پر کامیاب ہوئی۔

غیرحتمی غیرسرکاری نتائج کے مطابق خیبرپختونخوامیں بلدیاتی انتخابات میں 6 آزاد امیدوار بھی کامیاب ہوئے۔

غیرسرکاری غیرحتمی نتائج میں 39 کونسل میں سے اٹھارہ کونسل کی نشستوں پر تحریکِ انصاف نے میدان مار لیا، توڑ جوڑ اور سیٹ ایڈجسٹمنٹ اپوزیشن کے کچھ کام نہ آئی۔

سوات کی میئر شپ بھی تحریک انصاف کے نام رہی تاہم جے یو آئی (ف) 7تحصیل کونسلز میں کامیاب ہو گئی۔

مسلم لیگ ن اور جماعت اسلامی 2، 2 تحصیل کونسلز جبکہ پیپلز پارٹی ایک تحصیل کونسل میں کامیابی حاصل کرسکی۔

غیرحتمی نتائج کے مطابق تحریکِ انصاف نے ایبٹ آباد کی تحصیل لوئرتناول، ضلع بٹگرام کی تحصیل بٹگرام، ضلع شانگلہ کی تحصیل بشام، تحصیل پورن اور ضلع اپرچترال کی تحصیل ملخوتورخو میں مخالفین کو مکمل طور پر آؤٹ کردیا ہے۔

اسلام آباد : پاکستان تحریک انصاف خیبر پختونخواہ میں بلدیاتی انتخابات کے دوسرے مرحلے کے لیے پارٹی امیدواروں کے ناموں کا اعلان آج کرے گی۔

تفصیلات کے مطابق وزیراعظم عمران خان کی زیر صدارت بنی گالہ میں پی ٹی آئی کا مشاورتی اجلاس جاری ہے، جس میں صوبائی صدر وزیردفاع پرویز خٹک اور ضلعی کوارڈینیٹرزشریک ہیں، اجلاس میں65 تحصیل چیئرمین کے امیدواروں پر مشاورت جاری ہے۔

یاد رہے وزیراعظم عمران خان نے خیبر پختونخوا بلدیاتی انتخابات فیز2 کیلئے خود ٹکٹ دینے کا فیصلہ کیا تھا۔

وزیراعلیٰ کے پی نے پی ایز کو ہدایت دی تھی کہ پہلےفیزکی غلطیوں سےسیکھ کردوسرے فیز میں نہ دہرائی جائیں، عوام کے ان مسائل کا سدباب ہونا چاہے۔

یاد رہے پہلے مرحلے میں خیبرپختون خواہ کے 17 اضلاع میں بلدیاتی انتخابات کا انعقاد کیا ‏گیا تھا، جس میں وفاقی اور صوبائی حکومتی جماعت تحریک انصاف کو بدترین شکست کا سامنا ‏کرنا پڑا جبکہ جمعیت علما اسلام پاکستان (فضل الرحمان گروپ) نے حیران کن نتائج دئیے۔

الیکشن میں ہونے والی شکست کے بعد وزیراعظم عمران خان نے گورنر خیبرپختون خواہ سے ‏رپورٹ بھی طلب کی تھی جبکہ پنجاب کے بلدیاتی انتخابات کی نگرانی خود کرنے اور امیدوار کے ‏معاملے میں کارکنان کے تحفظ دور کرنے کا اعلان بھی کیا تھا۔