Tag: kpk vs punjab

  • نیشنل ٹی 20 کا فاتح کون ہوگا؟ حتمی فیصلہ آج ہوگا

    نیشنل ٹی 20 کا فاتح کون ہوگا؟ حتمی فیصلہ آج ہوگا

    لاہور: نیشنل ٹی 20 کپ کون سی ٹیم لے کر جائے گی اس بات کا فیصلہ آج ہوجائے گا، دفاعی چیمپئن خیبرپختونخوا اور سینٹرل پنجاب نے فائنل کیلیے کوالیفائی کرلیا۔

    تفصیلات کے مطابق نیشنل ٹی ٹوئنٹی کپ 2021 کا فائنل دفاعی چیمپئن خیبرپختونخوا اور سینٹرل پنجاب کے درمیان آج شام ساڑھے سات بجے قذافی اسٹیڈیم لاہور میں کھیلا جائے گا۔

    گزشتہ روز سینٹرل پنجاب نے سندھ کو شکست دیکر ایونٹ کے فائنل کے لیے کوالیفائی کیا جبکہ خیبر پختونخوا نے ناردرن کو 5 وکٹ سے شکست دے کر فائنل میں جگہ بنائی۔

    واضح رہے کہ قومی ٹی 20 کپ کے سیمی فائنل میں پہنچنے والی چاروں ٹیموں نے 10،دس میچز کھیلے تھے،  جن میں سے 6، 6 میں کامیابی حاصل کی جبکہ 4،4 میچز میں انہیں شکست ہوئی تھی۔

    سندھ کی ٹیم نے پہلے بیٹنگ کرتے ہوئے 141 رنز بنائے تھے۔سندھ کی جانب سے خرم منطور 34 اور شرجیل خان 32 رنز بناکر نمایاں بلے باز رہے۔

    سینٹرل پنجاب کی جانب سے قاسم اکرام نے تین جبکہ وہاب ریاض اور ظفر گوہر نے دو ،دو کھلاڑیوں کو آؤٹ کیا۔سینٹرل پنجاب نے ٹاس جیت کر پہلے فیلڈنگ کا فیصلہ کیا تھا۔

  • خیبرپختونخوا نے پاکستان کپ ون ڈے ٹورنامنٹ اپنے نام کرلیا

    خیبرپختونخوا نے پاکستان کپ ون ڈے ٹورنامنٹ اپنے نام کرلیا

    فیصل آباد : خیبر پختونخوا کی ٹیم نے پنجاب کو شکست دیکر پاکستان کپ ون ڈے ٹورنامنٹ کی ٹرافی جیت لی۔

    تفصیلات کے مطابق اتوار کے روز ہونے والے میچ میں خیبر پختونخواہ نے پاکستان میں بنجاب کی ٹیم کو 151 رنز سے شکست دے دی.

    خیبر پختونخواہ کی ٹیم نے ٹاس جیت کر بیٹنگ کرنے کا فیصلہ کیا، خیبر پختونخواہ کی جانب سے فخرزمان کی سینچری اور احمد شہزاد کی شاندار اننگ نے ٹیم کا اسکور 50 اوورز میں 311 کردیا.

    فخر زمان نے 111 گیندوں پر 115 رنز اسکور کی شاندار اننگ کھیلی، جبکہ احمد شہزاد نے 45 گیندوں پر 62 رنز کی جارحانہ اننگ کھیل کر عمدہ کھیل کا مظاہرہ کیا.

    یونس خان کی جانب سے 49 رنز کی اننگ کھیلی گئی، اور وہ رن آؤٹ ہوئے.

    پنجاب کی جانب سے عماد بٹ نے تین احسان عادل نے دو وکٹیں جبکہ کپتان شعیب ملک، کاشف بھٹی اور عامر یامین نے ایک ایک وکٹ حاصل کی.

    پنجاب کی ٹیم رنز کے تعاقب میں شروع سے ہی مشکلات کا شکار رہی اور 36.1 اووزر  میں ہی پوری ٹیم 160 رنز بنا کر پویلین لوٹ گئی.

    پنجاب کی جانب سے شان مسعود ٹاپ اسکورر رہے انہوں نے 40 گیندوں پر 36 رنز کی اننگ کھیلی، جبکہ ذوالفقار بابر بے 32 گیندوں پر 29 رنز بنائے.

    پنجاب ٹیم کے کپتان شعیب ملک نے 24 رنر اور محمد رضوان نے 22 رنز کی اننگ کھیلی کر ٹیم کے اسکور میں رنز کا اضافہ کیا.

    خیبرپختونخواہ کی جانب سے زوہیب خان اور یاسر شاہ نے تین، تین وکٹیں حاصل کیں، جبکہ ضیاءالحق نے2 محمد اصغر نے 1 اور فہیم اشرف نے1 وکٹ حاصل کی.

    فخرزمان کو مین آف ڈی میچ قرار دیا گیا۔

     

  • پاکستان کپ : کے پی کے نے پنجاب کو دو رنزسے ہرا دیا

    پاکستان کپ : کے پی کے نے پنجاب کو دو رنزسے ہرا دیا

    فیصل آباد : پاکستان کپ کے چوتھے میچ میں خیبرپختونخواہ نے سنسنی خیزمقابلے کےبعد پنجاب کو دو رنزسےشکست دےدی۔ پاکستان کپ میں یونس خان کی خیبرپختونخواہ نےپہلی فتح کامزہ چکھ لیا۔

    شعیب ملک کی پنجاب کوایونٹ میں مسلسل دوسری شکست کا سامنا کرنا پڑا، یونس خان نےٹاس جیت کربیٹنگ کافیصلہ کیا۔ احمدشہزاد اور فخرزمان نےاٹھاسی رنزکاآغازفراہم کرکے کپتان کے فیصلے کی لاج رکھی۔

    یونس خان صرف دو رنزبناکررن آؤٹ ہوئے۔ کے پی کے نےفخرزمان، احمد شہزاد اورزوہیب خان کی نصف سنچریوں کی بدولت چھ وکٹ پردوسوباسٹھ رنزبنائے۔

    جواب میں سلمان بٹ اوراسد شفیق کے درمیان ایک سو سات رنزکی شراکت نے ہدف آسان بنادیا۔ سلمان بٹ ستتر اوراسدشفیق سینتالیس رنزبناکرآؤٹ ہوئے۔

    شعیب ملک اورمحمدرضوان کےآؤٹ ہوتے ہی میچ کانقشہ بدل گیا۔ راحت علی اورزویب خان کی شانداربولنگ نےمیچ پنجاب کے منہ سے چھین لیا۔ پنجاب کی ٹیم سات وکٹ پر دو سو ساٹھ رنزبناسکی۔ راحت علی نے چاروکٹیں حاصل کیں۔