Tag: KPK

سوات: پاکستان میں تعینات سوئٹزر لینڈ کے سفیر تھامس کولے نے ضلع سوات کی تعریف کرتے ہوئے کہا ہے کہ سوات کو دوسرا سوئٹزرلینڈ بھی کہا جاتا ہے۔

تفصیلات کے مطابق سوئس سفیر تھامس کولے نے ایک تقریب سے خطاب کرتے ہوئے کہا کہ سوات آ کر گھر کی طرح محسوس کر رہا ہوں۔

سوئس سفیر نے بتایا کہ خیبر پختونخوا اور سوئٹزر لینڈ حکومت گزشتہ 50 سال سے مختلف پراجیکٹس پر کام کر رہے ہیں۔

انھوں نے کہا کہ سوات کو دوسرا سوئٹزر لینڈ بھی کہا جاتا ہے، مجھے بھی یہاں آ کر گھر کی طرح محسوس ہوتا ہے، خیبر پختونخوا حکومت کے ساتھ تعاون جاری رہے گا۔

تقریب سے خطاب کرتے ہوئے سینئر صوبائی وزیر برائے سیاحت عاطف خان نے کہا کہ سیاحت کے فروغ کے لیے خیبر پختون خوا ٹور ازم اتھارٹی کا قیام عمل میں لایا جا رہا ہے۔

عاطف خان کا کہنا تھا کہ اتھارٹی کی منظوری کابینہ دے چکی ہے، سیاحت کے فروغ کے لیے ویزہ پالیسی میں رعایت دے رہے ہیں۔

انھوں نے کہا کہ دنیا بھر میں پاکستان کے تشخص کو بہتر بنانے کے لیے اقدامات کیے جا رہے ہیں، اس خطے کے لوگ ترقی اور امن کا فروغ چاہتے ہیں۔

وزیرِ سیاحت و ثقافت کا کہنا تھا کہ چترال اور ہزارہ میں سکی ریزارٹ بنائے جائیں گے۔

پشاور: خیبر پختونخوا کی پولیس نے ایک گاؤں میں آئس نشہ بنانے والی فیکٹری پر چھاپا مار کر چار ملزمان گرفتار کر لیے، جب کہ کروڑوں کی مالیت کی منشیات بھی بر آمد کر لی۔

تفصیلات کے مطابق پشاور کے ایک گاؤں قاضی کلے میں پولیس نے آئس نشہ بنانے والی فیکٹری پر چھاپا مارا، جہاں سے بڑی مقدار میں آس نشہ قبضے میں لیا گیا۔

[bs-quote quote=”تیار شدہ منشیات اندرون و بیرون ممالک اسمگل کی جاتی تھی۔” style=”style-7″ align=”left” color=”#dd3333″ author_name=”پولیس”][/bs-quote]

ایس ایس پی پشاور جاوید اقبال نے پریس کانفرنس میں کہا فیکٹری میں آئس اور دیگر منشیات تیار کر کے اسمگل کی جاتی تھی۔

پولیس کے مطابق 15 کلو آئس نشہ کروڑوں کی مالیت کا ہے، 50 ہزار ایچ ٹی سی گولیاں، نشہ آور انجکشن اور چرس بھی بر آمد کی گئی۔

پشاور کے ایس ایس پی آپریشن نے بتایا فیکٹری سے منشیات بنانے والے آلات بھی بر آمد کیے گئے، تیار شدہ منشیات اندرون و بیرون ممالک اسمگل کی جاتی تھی۔

ایس ایس پی آپریشن نے بتایا کہ ملزمان نے 2 مہینے سے گھر کرائے پر لیا ہوا تھا، بر وقت کارروائی کر کے 4 ملزمان کو گرفتار کرلیا گیا ہے۔

یہ بھی پڑھیں:  اسلام آباد کے بعد کراچی میں بھی لڑکیوں کے آئس نشے کی لت میں مبتلا ہونے کا انکشاف

خیال رہے کہ 18 دسمبر 2018 کو وزیرِ مملکت برائے داخلہ شہریار آفریدی نے انکشاف کیا تھا کہ اسلام آباد کے تعلیمی اداروں میں طلبہ و طالبات بڑے پیمانے پر آئس نشے کی لت میں گرفتار ہیں۔

دو ہفتے قبل وفاقی دار الحکومت کے تعلیمی اداروں میں منشیات فروخت کرنے والوں کے خلاف کریک ڈاؤن کیا گیا، جس میں آئس سپلائی کرنے والا ایک گروہ پکڑا گیا۔

بیس دسمبر کو اے آر وائی نیوز کے پروگرام ’’ذمہ دارکون‘‘ کی ٹیم نے بھی ایک اسٹنگ آپریشن میں کراچی کے کالجز اور یونی ورسٹیوں میں آئس نشہ سپلائی کرنے والے ایک ریکٹ کو پکڑوایا۔