اسلام آباد : روزہ اور عید ایک ہی دن کر نے کے معاملے پر وفاق اور صوبو ں میں اتفاق رائے ہوگیا ہے۔ خیبر پختونخوا کے وزیر اوقاف نے وفاقی وزیر مذہبی امور کو یقین دہانی کرادی، لیکن مفتی شہاب پوپل زئی آمادہ ہوئے یانہیں معمہ برقرار ہے۔
کیا اس سال رمضان اور عیدایک ہی دن ہوگی۔ کیا اس بار دو عیدیں نہیں منائی جائیں گی؟پھوٹ ڈلوانےوالےاپنا چاند نہیں چڑھائیں گے، رمضان قریب آنےپریہ سوال پھرسراٹھانے لگا۔
ملک بھر میں رمضان اور عید ایک ہی دن منانے کے لئےمذہبی امور کےوفاقی وزیر سرداریوسف علما کومنانےلگے۔ سردار یوسف نے خیبرپختونخوا کے وزیراوقاف حاجی حبیب سےبھی رابطہ کرلیا،۔
سرداریوسف نےحاجی حبیب الرحمان کو تجویز دی کہ اپنے صوبے کےعلما کوسمجھائیں ۔۔ کہ اپناالگ چاند نہ چڑھائیں، پشاور میں ہرسال مسجد قاسم علی خان کےمفتی شہاب پوپلزئی رویت ہلال کمیٹی سےہٹ کراپنااجلاس بلاتے اورایک روز پہلے ہی رمضان اورعید کرڈالتےہیں۔
ان کےفیصلے سےخیبرپختوں خوا ہی نہیں کراچی میں بھی بعض لوگ الگ رمضان اورعید کرتے ہیں کیااس بار تبدیلی آجائے گی۔ تبدیلی کا نعرہ لگانے والی جماعت دورمضان اورعید کی روایت تبدیل کرنےمیں کامیاب ہوپائےگی۔
