راولپنڈی: نیشنل ٹی 20 کپ کے دوسرے سیمی فائنل میچ میں خیبرپختونخوا نے سندھ کو 8 وکٹوں سے شکست دے کر فائنل میں رسائی حاصل کرلی، محمد رضوان کو شاندار نصف سنچری اسکور کرنے پر میچ کا بہترین کھلاڑی قرار دیا گیا۔
تفصیلات کے مطابق نیشنل ٹی 20 کپ کے دوسرے سیمی فائنل میں سندھ نے ٹاس جیت کر پہلے بیٹنگ کا فیصلہ کیا اور مقررہ اوورز میں 142 رنز اسکور کیے، خیبرپختونخوا کی ٹیم ہدف باآسانی 2 وکٹوں کے نقصان پر حاصل کرلیا۔
خیبرپختونخوا کے اوپنر فخر زمان اور محمد رضوان نے آتے ہی جارحانہ انداز اپنایا اور 113 رنز کی شراکت قائم کرکے جیت کی بنیاد رکھی، فخر زمان نے 57 اور کپتان محمد رضوان نے67 رنز کی اننگز کھیلی۔
Sindh batting highlights!
Scorecard: https://t.co/Rw4P7jBd0D
Highlights https://t.co/7H6AE6lXT4#NationalT20Cup | #HarHaalMainCricket | #KPvSIN pic.twitter.com/c084DLE6VQ— Pakistan Cricket (@TheRealPCB) October 17, 2020
محمد حفیظ 12 اور شعیب ملک 6 رنز بنا کر ناٹ آؤٹ رہے، سندھ کی جانب سے دانش عزیز نے دو وکٹیں حاصل کیں۔
اس سے قبل سندھ کی ٹیم نے مقررہ اوورز میں 142 رنز بنائے تھے، سندھ کی ابتدائی 5 وکٹیں 47 رنز پر گرنے کے بعد دانش عزیز اور خرم منظور کے درمیان پارٹنر شپ قائم ہوئی، خرم منظور 74 اور دانش عزیز 39 رنز بناکر آؤٹ ہوئے۔
سندھ کے صرف دو کھلاڑی ہی ڈبل فگر میں داخل ہوسکے، کپتان سرفراز احمد 4، اعظم خان صفر، شرجیل خان بغیر کوئی رن بنائے چلتے بنے۔
Sindh fall of wickets!
Scorecard: https://t.co/Rw4P7jBd0D
Highlights https://t.co/7H6AE6lXT4#NationalT20Cup | #HarHaalMainCricket | #KPvSIN pic.twitter.com/49EJf94Fvr— Pakistan Cricket (@TheRealPCB) October 17, 2020
اسد شفیق بھی ایک رن بنا کر عمران خان سینئر کا نشانہ بنے، سہیل خان 9 اور انور علی 3 رنز بناسکے۔
خیبرپختونخوا کی جانب سے عمران خان سینئر اور عثمان شنواری نے 2، 2 وکٹیں حاصل کیں، وہاب ریاض اور شاہین شاہ آفریدی ایک، ایک وکٹ حاصل کرسکے۔
واضح رہے کہ راولپنڈی میں کل شام ساڑھے سات بجے سدرن پنجاب اور خیبرپختونخوا کی ٹیمیں فائنل میں ٹکرائیں گی، سدرن پنجاب نے دفاعی چیمپئن ناردرن کو پہلے سیمی فائنل میں شکست دی تھی۔
