ARYNews.tv | Urdu – Har Lamha Bakhabar

Tag: kuala lumpur

  • کوالالمپور سے اسرائیلی خفیہ ایجنسی کا ممکنہ ایجنٹ گرفتار

    کوالالمپور سے اسرائیلی خفیہ ایجنسی کا ممکنہ ایجنٹ گرفتار

    ملائیشا کے دارالحکومت کوالالمپور کے جلان امپانگ روڈ پر واقع ہوٹل سے اسرائیلی خفیہ ایجنسی کے ممکنہ ایجنٹ کو گرفتار کرلیا گیا۔

    تفصیلات کے مطابق ملائیشین پولیس نے اسرائیلی جاسوس کو اسلحہ فراہم کرنے والے تین مشتبہ افراد کو بھی حراست میں لے لیا۔

    رپورٹ کے مطابق ملائیشین اسرائیلی شہری کی گرفتاری کے بعد پولیس نے ملک میں سیکیورٹی کی سطح بڑھا دی، انسپکٹر جنرل آف پولیس نے کہا کہ پولیس کو شبہ ہے کہ ملزم اسرائیل کے خفیہ ادارے کا ایجنٹ ہے۔

    انسپکٹر جنرل آف پولیس سری رضاالدین حسین نے کہا کہ فلسطین اسرائیل صورت حال کے پیش نظر ہمیں سلامتی کے معاملے میں محتاط رہنے کی ضرورت ہے، ملزم کو ریمانڈ پر 31 مارچ تک قانون نافذ کرنے والے ادارے کی تحویل میں دے دیا گیا۔

    رپورٹ کے مطابق انسپکٹر جنرل آف پولیس سری رضا الدین حسین نے بتایا کہ 36 سالہ ملزم فرانسیسی پاسپورٹ پر متحدہ عرب امارات سے 12 مارچ کو ملائیشیا میں داخل ہوا۔

    رپورٹ کے مطابق ابتدائی تحقیقات میں یہ بات سامنے آئی ہے کہ ملزم کے پاس اسرائیلی پاسپورٹ بھی ہے، ملزم نے دعویٰ کیا کہ وہ خاندانی جھگڑے کی بنیاد پر ایک اسرائیلی شہری کو تلاش کر کے قتل کرنے کی نیت سے ملائیشیا پہنچا ہے۔

  • کوالالمپور : دو پاکستانی باڈی بلڈر بھائیوں نے مسل مینیا ملائیشیا میں گولڈ میڈل حاصل کرلیا

    کوالالمپور : دو پاکستانی باڈی بلڈر بھائیوں نے مسل مینیا ملائیشیا میں گولڈ میڈل حاصل کرلیا

    کوالالمپور : پاکستانی باڈی بلڈر بھائیوں نے بین الاقوامی مقابلے میں کامیابی حاصل کرلی، مسل مینیا ملائیشیا میں دانش علی اور رضاباقری اپنی کیٹیگری میں گولڈ میڈل لےاڑے۔

    تفصیلات کے مطابق پاکستانی تن ساز بھائیوں دانش علی اور رضا باقری نے بین الاقوامی مقابلوں میں پاکستان کا نام روشن کردیا، دانش علی نے70کلوگرام کیٹیگری میں بھارت کے انیش توشار کو پیچھے چھوڑ دیا۔

    کراچی سے تعلق رکھنے والےدانش علی نے گولڈ میڈل جیتنے کی ہیٹ ٹرک کرلی، دانش علی دبئی اور سنگاپورمیں ہونے والے مقابلے بھی جیت چکے ہیں۔

    اس کے علاوہ دانش کے چھوٹے بھائی رضا باقری نے74کلوگرام کیٹیگری میں گولڈ میڈل جیتا، اس کامیابی کے بعد دونوں پاکستانی باڈی بلڈر بھائی اب مسل مینیا پرو میں شرکت کے اہل ہوگئے ہیں۔

    اے آر وائی نیوز سے گفتگو کرتے ہوئے باڈی بلڈردانش علی کا کہنا تھا کہ میں اپنی فتح کو افواج پاکستان کے نام کرتا ہوں، رضا باقری نے کہا کہ ہم دونوں شکاگو میں ہونے والی پرو چیمپئن شپ جیتنا چاہتے ہیں۔

    دونوں باڈی بلڈر بھائیوں نے ہمیں عالمی سطح پر مزید مقابلوں کیلئے مالی تعاون کی شدید ضروت ہے، اپنے شوق کی تکمیل اور پاکستان کی سربلندی کیلیے ہم اپنی جمع پونجی اور قرضہ لے کر جاتے ہیں، انہوں نے حکومت سے اپیل کی ہے کہ پاکستان میں باڈی بلڈنگ کے فروغ اور عالمی سطح پر پاکستان کا نام روشن کرنے کیلئے مالی تعاون کیا جائے۔

  • دوران پرواز سعودی بچی کی طبیعت خراب، ڈاکٹرز نے مردہ قرار دے دیا

    دوران پرواز سعودی بچی کی طبیعت خراب، ڈاکٹرز نے مردہ قرار دے دیا

    کوالامپور/ریاض : نیپال سے آسٹریلیا کا سفیر اختیار کرنے والی سعودی جوڑے کی کمسن بچی دوران پرواز اچانک انتقال کرگئی۔

    تفصیلات کے مطابق سعودی عرب سے تعلق رکھنے والا جوڑا اپنی دو ماہ کی بچی کے ہمراہ ایئر ایشیاء کے طیارے ڈی 7236 کے ذریعے نیپالی دارالحکومت کوالالمپور سے آسٹریلیا جارہے تھے کہ اچانک بچی کی طبیعت بگڑ گئی۔

    غیر ملکی خبر رساں ادارے کا کہنا تھا کہ آسڑیلیا کے شہر پرتھ پہنچے کے بعد ایئرپورٹ پر ہی ڈاکٹر نے بچی کے طبی معائنے کے بعد فرح کو مردہ قرار دے دیا تھا۔

    غیر ملکی میڈیا کہنا تھا کہ دوران پرواز بھی عملے نے بچی کو بچانے کی بہت کوشش کی تاہم وہ جانبر نہ ہوسکی، پولیس نے والدین سمیت اسٹاف کے بیانات بھی قلمبند کرلیے جبکہ سول ایوی ایشن اتھارٹی نے دوران پرواز بچی کی ہلاکت کی تحقیقات کےلیے کمیٹی تشکیل دے دی۔

    غیر ملکی خبر رساں ادارے کے مطابق والدین نے مؤقف اختیار کیا ہے کہ طیارے میں سوار ہونے پہلے بچی کی طبیعت بلکل ٹھیک تھی۔ دوسری جانب مذکورہ ہوائی کمپنی نے تحقیقات کے لیے کمیٹی تشکیل دیتے ہوئے تحقیقات میں مکمل تعاون کی یقین دہانی کروائی ہے۔

    غیر ملکی خبر رساں ادارے کا کہنا تھا کہ ایسا ہی واقعہ تین سال قبل بھارتی جورے کے ساتھ پیش آیا تھا کہ دوران بحرین جاتے ہوئے دوران پرواز ایک سالہ بچی اچانک طبیعت خراب ہونے کے باعث ہلاک ہوگئی تھی۔

    واضح رہے کہ عالمی ہوائی اڈوں کی ایسوسی ایشن کے قوانین کے مطابق جہاز میں کسی کی ہلاکت کی صورت میں اسے خالی سیٹ یا چند مسافروں کے ساتھ والی سیٹ پر منتقل کر دیا جاتا ہے۔

    خیال رہے کہ اس سے پہلے بھی دوران پرواز متعدد ہلاکتیں ہو چکی ہیں۔

  • فضائی حدود کی بندش : کوالالمپور میں پھنسے پاکستانی وطن واپس پہنچ گئے

    فضائی حدود کی بندش : کوالالمپور میں پھنسے پاکستانی وطن واپس پہنچ گئے

    کراچی : بھارت کی فضائی حدود سے پاکستان آنے والی پروازوں کی بندش کے باعث کوالالمپور میں پھنسے پاکستانی وطن واپس پہنچ گئے دیگرمسافروں کو بھی جلد لایا جائے گا۔

    تفصیلات کے مطابق بھارتی جنگی جنون کے باعث بھارت کی فضائی حدود سے پاکستان آنے والی پروازوں کی بندش کے معاملے پر اے آر وائی نیوز کوالالمپور میں پھنسے پاکستانیوں کی آواز بن گیا۔

    اے آر وائی نیوز پر خبر نشر ہونے کے بعد کوالالمپور سے پاکستانی مسافروں کی وطن واپسی کا سلسلہ شروع کردیا گیا ہے، اس حوالے سے کنٹری منیجر پی آئی اے کولالمپور کا کہنا ہے کہ پی آئی اے نے150سے زائد مسافروں کو غیر ملکی ایئرلائنز کے ذریعے وطن واپس پہنچا دیا ہے، مزید پاکستانیوں کی وطن واپسی کا سلسلہ جاری ہے۔

    انہوں نے کہا کہ پی آئی اے کے ایک کپتان اور فرسٹ آفیسر سمیت 9 فضائی میزبان کو بھی کل غیر ملکی ایئرلائن کے ذریعے وطن واپس پہنچایا جارہا ہے۔

    پی آئی اے کے ذریعے پاکستان سے آنے والے وہ مسافر  جو وطن واپس جانا چاہتے ہیں وہ پاکستانی سفارت خانے اور پی آئی اے کے کوالالمپور میں دفاتر سے رابطہ کریں۔

    کنٹری منیجر کا کہنا تھا کہ رہ جانے والے مسافروں کو جلد از جلد وطن واپس پہنچایا جائے گا،350سے زائد مسافر27فروری سے پاکستانی فضائی حدود کی بندش سے پاکستان جانے سے رہ گئے تھے۔

    بھارت کی فضائی حدود سے آنے والے پروازوں کا آپریشن بند ہے، پی آئی اے کوالالمپور نے15اپریل تک ٹکٹوں کی فروخت مکمل طور پر بند کی ہوئی ہے۔

  • آئی ایم ایف سے چھٹکارے کے لیے معاشی سفارت کاری کا سہارا لینا ہوگا، وزیرِ خارجہ

    آئی ایم ایف سے چھٹکارے کے لیے معاشی سفارت کاری کا سہارا لینا ہوگا، وزیرِ خارجہ

    کوالالمپور: وزیرِ خارجہ شاہ محمود قریشی نے ملائیشیا میں پاکستانی کمیونٹی سے خطاب کرتے ہوئے کہا کہ آئی ایم ایف سے چھٹکارے کے لیے معاشی سفارت کاری کا سہارا لینا ہوگا۔

    شاہ محمود نے کہا کہ حلال کمائی بھیجنے والوں اور لوٹی دولت باہر بھیجنے والوں میں تفریق کا وقت آ گیا ہے، ملائیشیا میں مقیم پاکستانی ہر سال 1 ارب ڈالر سے زائد رقم بھیجتے ہیں۔

    [bs-quote quote=”کابل میں دہشت گردی کی مذمت کرتے ہیں، دہشت گردی پر گہرا دکھ اور افسوس ہوا۔” style=”style-7″ align=”left” color=”#dd3333″ author_name=”شاہ محمود قریشی” author_job=”وفاقی وزیر خارجہ”][/bs-quote]

    وزیرِ خارجہ کا کہنا تھا کہ دفترِ خارجہ اوورسیز کو پاکستان میں سرمایہ کاری و روزگار کے لیے تعاون کرے گا، ان کی قدر کرنی چاہیے جو خون پسینے کی حلال کمائی پاکستان بھیجتے ہیں۔

    دریں اثنا ملائیشیا میں میڈیا سے گفتگو کرتے ہوئے انھوں نے کہا کہ پاکستان اور ملائیشیا کے روابط بہتری کی جانب گام زن ہیں، وزیرِ اعظم عمران خان کےدورے کی بہت پذیرائی ہوئی، ملائیشیا سے وفود کی سطح پر مذاکرات بہت سود مند رہے، پاکستان اور ملائیشیا کے مفادات یکساں ہیں۔

    یہ بھی پڑھیں:  جو سب سے زیادہ شور مچا رہا ہے اسے معلوم ہے کچھ دن میں جیل جائے گا، وزیر اعظم

    وزیرِ خارجہ نے کہا کہ ہم نے دونوں ممالک میں تعاون میں اضافے کے نئے مواقع کی نشان دہی کی، معاشی شعبوں میں ایک دوسرے کے تجربات سے سیکھنے پر اتفاق ہوا۔

    دریں اثنا وزیرِ خارجہ شاہ محمود نے کابل میں دہشت گردی کی مذمت کرتے ہوئے کہا کہ کابل میں دہشت گردی پر گہرا دکھ اور افسوس ہوا، میلاد کی تقریب میں شریک 55 افغان بھائی شہید ہوئے، غیر انسانی حرکت اور دہشت گردی کی شدید مذمت کرتے ہیں۔

  • ملائیشیا: سفاک ملزمان نے معمولی جھگڑے پر دو پاکستانیوں کے ہاتھ کاٹ دیئے

    ملائیشیا: سفاک ملزمان نے معمولی جھگڑے پر دو پاکستانیوں کے ہاتھ کاٹ دیئے

    کوالالمپور : ملائیشیا میں مقیم دو پاکستانیوں پر معمولی جھگڑ ے کے بعد میانمار کے شہریوں نے حملہ کرکے ان کے ہاتھ کاٹ دئیے، متاثرین نے پاکستانی حکومت سے مدد کی اپیل کردی۔

    تفصیلات کے مطابق ملائشیا میں مقیم دو پاکستانیوں محمد شہزاد اور سید منظور شاہ کا میانمار کے باشندوں سے گاڑی کے لین دین پر جھگڑا ہوا، دونوں نوجوانوں نے بیانہ نہ ملنے پر میانمار کے شہریوں کو گاڑی نہیں دی تھی۔

    اس حوالے سے متاثرہ شخص کے بھائی قاضی زبر نے میڈیا کو بتایا کہ میرا بھائی ملائیشیا میں گاڑیوں کی خرید وفروخت کا کام کرتا ہے، ایک شخص جس کا تعلق برما سے ہے اپنے ساتھیوں کے ساتھ ان سے گاڑی خریدنے آیا اور پیسوں کے لین دین پر کوئی معمولی جھگڑا ہوا جس پر اس شخص نے تلوار کے وار سے اس کا ہاتھ کاٹ دیا اور اس موقع پر میرے بھائی کا پارٹنر بھی اس کے ساتھ موجود تھا اور اس نے اس کے بھی ہاتھ کاٹ دیئے اور فرار ہو گیا۔

    دونوں متاثرہ افراد اسپتال میں زیرعلاج ہیں، قاضی زبر کا کہنا ہے کہ دونوں زخمیوں کوعلاج معالجے میں بہت مشکلات کا سامنا ہے، پاکستانی سفارت خانہ ان کی قانونی مدد کرے، بھائی کا مؤقف ہے کہ پولیس اور مقامی انتظامیہ سے شکایت کے باوجود ملزمان کیخلاف اب تک کوئی کارروائی نہیں کی گئی۔

    واضح رہے کہ زخمی ہونے والے شخص کا نام محمد شہزاد ہے جبکہ اس کا تعلق میانوالی سے ہے اور عمر45سال ہے ،اس کے ساتھ کا نام سید منظور شاہ ہے جس کا تعلق ثوابی سے ہے اور عمر 25سال ہے ۔

  • بنگلادیش نے پہلی بار ویمنز ایشیا کپ ٹی ٹوئنٹی کا فائنل جیت لیا، بھارت کو شکست

    بنگلادیش نے پہلی بار ویمنز ایشیا کپ ٹی ٹوئنٹی کا فائنل جیت لیا، بھارت کو شکست

    کوالالمپور : ویمنز ایشیا کپ ٹی ٹوئنٹی کا ٹائٹل بنگلادیش نے جیت لیا، بھارت کو سنسنی خیز مقابلے کے بعد تین وکٹ سے شکست کا سامنا کرنا پڑا۔

    تفصیلات کے مطابق کوالالمپور میں بھارت اور بنگلہ دیش کے درمیان کھیلے جارہے ویمنز ایشیا کپ ٹی ٹوئنٹی کے فائنل میچ میں بنگلہ دیش نے سنسنی خیز مقابلے کے بعد بھارت کو3وکٹوں سےہرادیا۔

    فائنل میچ میں بنگلادیش نے ٹاس جیت کر فیلڈنگ کا فیصلہ کیاجو اس کیلئے بہتر ثابت ہوا، بھارت نے مقررہ اوورز میں نو وکٹ پر ایک سو بارہ رنز بنائے۔

    بنگلہ دیش کی رومانہ احمد کامیاب باﺅلر قرار پائیں جنہوں نے چار اوورز میں 22 رنز دے کر دو کھلاڑیوں کو آﺅٹ کیا اور خدیجة الکبریٰ نے بھی دو وکٹیں حاصل کیں جبکہ سلمیٰ خاتون اور جہاں آراء عالم نے ایک ایک کھلاڑی کو پویلین کی راہ دکھائی۔

    بھارت کے 112رنز کے جواب میں بنگلہ دیش ویمن کرکٹ ٹیم کی بیٹنگ لائن بھی شروع میں لڑکھڑا گئی اور میچ انتہائی سنسنی خیز مرحلے میں داخل ہو گیا۔

    کھیل کے آخری اوور میں بنگلہ دیش کو نو رنز درکار تھے، 110اور111کے اسکور پر دو وکٹیں گرنے سے میچ سنسنی خیز ہوگیا، بنگلہ دیش کو آخری گیند پر دو رنز درکار تھے۔

    مزید پڑھیں: ویمن ٹی ٹوئنٹی ایشیا کپ، پاکستان کو شکست، بھارت کی ٹیم فائنل میں پہنچ گئی

    جہاں آراء نے اپنے اعصاب پر قابو رکھتے ہوئے  دو رنز بنا لیے اس طرح بنگلادیش نے پہلی بار ویمنز ایشیا کپ کا ٹائٹل اپنے نام کرلیا ہے,یاد رہے کہ  ویمنز ایشیا کپ ٹی ٹوئنٹی کے سیمی فائنل میں بھارت نے پاکستان کو7وکٹوں سے شکست دی تھی۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • ویمن ٹی ٹوئنٹی ایشیا کپ: پاکستان کو شکست، بھارت کی ٹیم فائنل میں پہنچ گئی

    ویمن ٹی ٹوئنٹی ایشیا کپ: پاکستان کو شکست، بھارت کی ٹیم فائنل میں پہنچ گئی

    کوالالمپور : ویمن ٹی ٹوئنٹی ایشیا کپ کے سیمی فائنل میں بھارت نے پاکستان کو7وکٹوں سے شکست دے کر فائنل کے لیے کوالیفائی کرلیا۔

    تفصیلات کے مطابق کوالالمپور میں کھیلے جانے والے ویمن ٹی ٹوئنٹی ایشیا کپ کے سیمی فائنل میں پاکستان اور بھارت کی ویمن ٹیموں کے درمیان کھیلے جانے والے میچ میں بھارتی ٹیم نے پاکستان کو باآسانی سات وکٹوں سے ہرا دیا۔

    ویمن ٹی ٹوئنٹی ایشیا کپ میں بھارت نے پاکستان کے خلاف میچ جیت لیا۔ ویمن ایشیا کپ میں پاکستانی ٹیم ناکام ہوگئی۔ پاکستان نے پہلے بیٹنگ کرتے ہوئے مقررہ اوورز میں سات وکٹوں کے نقصان پر صرف72رنز بنائے۔

    کوئی کھلاڑی بہتر کارکردگی نہ دکھا سکی، ثناء میر20 اور ڈیانا بیگ 6 رنز کے ساتھ ناٹ آؤٹ رہیں جبکہ ناہیدہ خان سب سے زیادہ 18رنز کے ساتھ نمایاں رہیں۔ بھارت کی جاندار بولنگ کے سامنے پاکستان کی سات کھلاڑی ڈبل فیگرز میں بھی نہ پہنچ سکیں۔

    جواب میں بھارتی ٹیم نے مذکورہ ہدف تین وکٹوں کے نقصان پر باآسانی حاصل کرلیا،  سمرتی مندھانا اور ہرمن پریت کور نے ذمہ دارانہ بیٹنگ کر کے اپنی ٹیم کی فتح میں اہم کردار ادا کیا, اس کامیابی کےبعد بھارتی ٹیم نے ایشیا کپ کے فائنل کے لئے کوالیفائی کرلیا ہے۔

    خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

  • ملائشین پولیس نے فلسطینی پروفیسر کے قاتلوں کی تصاویر جاری کردیں

    ملائشین پولیس نے فلسطینی پروفیسر کے قاتلوں کی تصاویر جاری کردیں

    کوالالمپور: ملائشین پولیس نے فلسطینی پروفیسر فادی البطش کے دو مشتبہ قاتلوں کی تصاویر جاری کردی ہیں، شبہ ہے کہ اس قتل کے پیچھے اسرائیلی خفیہ ایجنسی کا ہاتھ ہے۔

    تفصیلات کے مطابق پولیس کا کہنا ہے کہ الیکٹریکل انجینئر فادی البطش ملائشیا میں گزشتہ سات سال سے مقیم تھے اور مقامی یونی ورسٹی میں پڑھاتے تھے، وہ فلسطینی مسئلے پر مقامی اور غیر ملکی سطح پر کانفرسوں اور سیمینارز میں شرکت کے لیے سفر کرتے رہتے تھے۔

    معلوم ہوا ہے کہ قتل کے روز مقتول فلسطینی پروفیسر ترکی میں ایک کانفرنس کے سلسلے میں تیاریاں کر رہے تھے۔ گزشتہ روز موٹر سائیکل سوار دو افراد نے فجر کی نماز کے وقت ان پر چودہ گولیاں برسائیں جس کی وجہ سے وہ موقع پر ہی جاں بحق ہوگئے تھے۔

    فلسطینی پروفیسر کا قتل، اہل خانہ کا اسرائیلی خفیہ ایجنسی پر الزام

    پولیس کے مطابق کلوز سرکٹ ٹی وی کی فوٹیج سے معلوم ہوا کہ مشتبہ قاتلوں نے جائے واردات پر بیس منٹ انتظار کیا۔ دونوں شکل و شباہت سے یورپی یا مشرق وسطیٰ کے باشندے لگتے ہیں جس سے ان پر موساد کے ایجنٹ ہونے کے شبہے کو تقویت ملی ہے۔ پولیس نے ان کے خاکے عینی شاہدین کی مدد سے بنائے ہیں۔

    خیال رہے کہ حماس نے بھی پروفیسر کے قتل کا الزام اسرائیل پر لگایا ہے، وہ حماس کے رکن تھے، تاہم اسرائیل نے اس واقعے میں ملوث ہونے کی تصدیق کی ہے نہ تردید۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • زیرِ تعمیرعمارت سے چھبیس فٹ اور ڈھائی سو کلو وزنی اژدہا برآمد

    زیرِ تعمیرعمارت سے چھبیس فٹ اور ڈھائی سو کلو وزنی اژدہا برآمد

    کوالا لمپور : ملائیشیا میں اژدہا برآمد ہوا ہے جسے اب تک برآمد ہونے والا سب سے بڑا اژدہا قرار دیا جا رہا ہے۔

    ملائیشین حکام کے مطابق اژدھا پیانگ جزیرے کی ایک زیرِ تعمیرعمارت سے برآمد ہوا۔ اس اژدھے کی لمبائی چھبیس فٹ اور وزن ڈھائی سو کلو گرام ہے۔

    پناگ کے محکمہ شہری دفاع کے سربراہ کا کہنا ہے کہ اس سے پہلے برآمد ہونے والے سب سے بڑے اژدہے کی لمبائی 25 فٹ اوراس کا وزن 158 کلوگرام تھا۔

    انہوں نے بتایا کہ اژدھے کو محکمہ جنگلات کے حوالے کیا جانا تھا تاہم اس سے پہلے ہی اس کی موت واقع ہو گئی۔