اسلام آباد: وزیراعظم میاں نواز شریف نے ہدایت کی ہے کہ جوڈیشل کمیشن کی رپورٹ کے نتائج کو عوام کے سامنے اجاگر کیا جائے۔
اسلام آباد میں وزیراعظم کی زیرصدارت مسلم لیگ ن کے ارکان کا اہم اجلاس ہوا، اجلاس میں وزیراعظم کا کہنا تھا کہ جوڈیشل کمیشن کی رپورٹ کے بعد (ن) لیگ کے مینڈیٹ کو مزید تقویت ملی ہے۔
وزیراعظم نے کہا کہ آئندہ انتخابات کو شفاف بنانے کے لئے انتخابی اصلاحات کے عمل کو تیز کیا جائے اور جوڈیشل کمیشن کی رپورٹ کے نتائج کوعوام کے سامنے اجاگر کیا جائے۔
اسلام آباد: وزیر اعظم نے کہا کہ مبینہ دھاندلی کی تحقیات کرنےوالےانکوائری کمیشن نےفیصلہ دے دیا ہےجس میں اللہ تعالیٰ نے ہمیں سر خرو کیا ہے۔
جوڈیشل کمیشن کی دھاندلی پر پیش کی جانے والی رپورٹ کے بعد قوم سے خطاب کرتے ہوئے وزیراعظم میاں محمد نواز شریف کا کہنا تھا کہ انکوائری کمیشن کو تحقیق کرنے اور اپنی رائے دینے کےلیے کہا گیا تھا،مبینہ دھاندلی کی تحقیات کرنےوالےانکوائری کمیشن نےفیصلہ دے دیا ہے، انکوائری کمیشن کی رپورٹ حکومت کو موصول ہوگئی ہے۔
وزیر اعظم کا کہنا تھا کہ انکوائری کمیشن کودھاندلی الزامات سےمتعلق3سوالات کی تحقیق کا ٹاسک ملا تھا مکمل چھان بین کے بعد انکوائری کمیشن نے تین سوالوں کے جوابات دیئے،کمیشن کی رپورٹ سے ن لیگ کے موقف کی توثیق ہوئی ہے،انکوائری کمیشن کی رپورٹ ہماری نہیں عوام کی جیت ہے۔
ان کا کہنا تھا کہ انکوائری کمیشن کو تین سوالوں پر تحقیق کرنا تھی جس میں پہلاسوال کیاانتخابات غیرجانبدارنہ منصفانہ،قانون کے تقاضوں کے مطابق ہوئے؟ دوسراسوال،الیکشن کےنتائج تبدیل کرنےکےلیےدھناندلی کرکےاثراندازہونےکی کوشش کی گئی؟ تیسراسوال،کیا2013کےانتخابات عوامی مینڈیٹ کاحقیقت کی عکاسی کرتےہیں۔
نواز شریف نے کہا کہ دھاندلی کےالزامات لگانےوالوں کوشواہداورگواہ پیش کرنےکاپورا موقع دیا گیا، انہوں نے کہا کہ مسائل سڑکوں اور دھرنوں میں نہیں ایوانوں میں حل ہوتے ہیں، ہم نےدھاندلی ثابت ہونےپرحکومت سےالگ ہونےکی تحریری ضمانت دی تھی، تاریخ مین پہلی بار کسی حکومت نے خود کو کٹہرے میں کھڑا کیا، ایسی مثالیں کم ملتی ہیں کہ منتخب حکومت نےاپنےآپ کوکٹہرےمیں پیش کیاہو۔
وزیر اعظم نے کہا کہ کمیشن کی تمام تر تفصیلات قوم کے سامنے آچکی ہیں، انکوائری کمیشن نے الیکشن کو قانون کے مطابق قرار دیا ہے، اگر ہم عدم استحکام کا شکار نہ ہوتے تو آج دنیا میں کہیں آگے ہوتے،ہمیں بے یقینی،عدم استحکام پیداکرنےوالےعناصر کی حوصلہ شکنی کرنا ہوگی، 2013 کے انتخابات کو متنازع بنانا تاریخ کا ایک سیاہ باب ہے۔
ان کا مزید کہنا تھا کہ انکوائری کمیشن کے فیصلے کےبعد نئے دور کا آغاز ہو گیا ہے،پاکستان کی عالمی ساکھ بہتر ہورہی ہے، آج کا پاکستان2سال پہلے والے پاکستان سے کہیں بہتر ہے۔
اسلام آباد : وزیراعظم نواز شریف کی صدارت میں کل جماعتی کانفرنس جمعرات کو وزیراعظم ہاؤس میں ہو گی۔
کل جماعتی کانفرنس میں سابق صدر اصف علی زرداری قومی اسمبلی میں قائد حزب اختلاف خورشید احمد شاہ ،اسفند یار ولی خان سمیت سیاسی جماعتوں کے قائدین شریک ہوں گے۔
کل جماعتی کانفرنس میں پاک چین اقتصادی راہداری منصوبے پر تفصیلی بریفنگ دی جائے گی، مختلف سیاسی جماعتوں کی جانب سے اس منصوبے کے روٹ پر پیدا ہو نے والے تحفظات کو دور کر نے کی کوششیں کی جائیں گی۔
اے این پی اور پی ٹی آئی پاک چین اقتصادی راہداری منصوبے کے روٹ پر پہلے ہی تحفظات کا اظہار کر چکی ہیں۔