اسلام آباد : اسلام آباد ہائیکورٹ نے کلبھوشن یادیو کو وکیل فراہم کرنے درخواست پر بھارتی ہائی کمیشن کے وکیل کو ہائی کمیشن سے ہدایات لینے کیلئے وقت دیدیا۔
تفصیلات کے مطابق چیف جسٹس اطہرمن اللہ کی سربراہی میں لارجر بنچ نے کلبھوشن کےلیےقونصل تقرری سےمتعلق کیس پر سماعت کی، جسٹس میاں گل حسن اورنگزیب ویڈیو لنک کے ذریعے سماعت میں شریک ہوئے۔
اٹارنی جنرل خالد جاوید خان نے دلائل دیتے ہوئے کہا کہ عدالت نے اٹارنی جنرل سے عدالتی معاونت طلب کی تھی۔ پاکستان عالمی عدالت انصاف کے فیصلے پر عملدرآمد کیلئے مکمل کوشش کر رہا ہے۔ بھارت اگر تیسری بار قونصلر رسائی چاہتا ہے تو پاکستان وہ بھی دینے کیلئے تیار ہے۔
چیف جسٹس نے استفسار کیا کہ کیا بھارتی سفارت خانے کے تحفظات ختم کرنے کی کوشش کی گئی جس پر اٹارنی جنرل نے بتایا کہ بھارت جان بوجھ کر عدالتی کارروائی کا حصہ بننے سے انکار کر رہا ہے۔
چیف جسٹس نے ریمارکس دیے کہ اگر بھارت کو کوئی تحفظات ہیں تو اس عدالت سے رجوع کر سکتا ہے، جو ہم سمجھ سکے عالمی عدالت انصاف کے فیصلے کے مطابق پاکستان کے قوانین پر عملدرآمد ہونا ہے۔ یہ عدالت خود بھی چاہتی ہے کہ بھارت کلبھوشن یادیو کیلئے وکیل مقرر کرے۔
بھارتی ہائی کمیشن کے وکیل شاہنواز نون نے کہا کہ مجھے کلبھوشن یادیو کیلئے وکیل مقرر کیا گیا تھا۔ بھارتی سفارت خانہ نے مجھے دستاویزات حاصل کرنے کا بھی کہا۔
چیف جسٹس نے بھارتی ہائی کمیشن کے وکیل سے استفسار کیا کہ آپ کو ہدایات لینے کیلئے کتنا وقت چاہیے، جس پر وکیل نے کہا کہ مجھے ایک ہفتے کا وقت دیدیں۔
چیف جسٹس اطہرمن اللہ نے ریمارکس دیے کہ ہم آپکو دو ہفتوں کا وقت دے دیتے ہیں اس دوران آپ بھارت کو قونصلر رسائی کے حوالے سے بھی آگاہ کر دیں، بعد ازاں کیس کی سماعت یکم دسمبر تک ملتوی کر دی گئی۔
اسلام آباد : بھارت پاکستان کی آج بھارتی دہشت گرد کلبھوشن کو قونصلررسائی دینے کی پیشکش قبول کرلی، عالمی عدالت انصاف نے کلبھوشن کو قونصلر رسائی دینے کا فیصلہ دیا تھا۔
تفصیلات کے مطابق پاکستان کی جانب سے بھارت کے حاضر سروس دہشت گرد کلبھوشن یادیو کو آج قونصل رسائی دی جائے گی ، بھارتی سفارتخانے کے حکام اپنے جاسوس سے ملیں گے۔
بھارت نے پاکستان کی کلبھوشن تک قونصلررسائی کی پیشکش پر باضابطہ جواب دیتے ہوئے پیشکش کرلی ہے ، بھارتی سفارتکار، پاکستانی حکام کی موجودگی میں اپنے دہشت گرد سے مل سکیں گے۔
ذرائع کا کہنا ہے کہ بھارت نےاس بار شرائط عائد کرنے کی روش کوکسی حد تک ترک کردیا، بھارتی ڈپٹی ہائی کمشنر گووروآہلووالیہ کی دہشت گردکمانڈرکلبھوشن سے بھی ملاقات کاامکان ہے۔
پاکستان نے قونصلررسائی فراہمی کے لئے آج 2 ستمبر کا دن مقرر کیا گیاہے، قونصلر رسائی ویانا کنونشن 1963 عالمی عدالت انصاف کے فیصلے کے تحت اور پاکستانی قوانین کے مطابق دی جارہی ہے۔
دفتر خارجہ کے ترجمان کا کہنا تھا کہ کمانڈر کلبھوشن بھارتی نیوی کا حاضر سروس کمانڈر اورراکاجاسوس ہے، کلبھوشن یادیو بدستور پاکستان کی تحویل میں رہے گا کلبھوشن دہشت گردی، تخریب کاری اور جاسوسی کے جرائم میں زیرحراست ہیں اور سزائےموت کا منتظر ہے۔
بعد ازاں وزیر خارجہ شاہ محمود نے بھی اس بات کی تصدیق کرتے ہوئے کہا تھا کہ پاکستان عالمی عدالت انصاف کے فیصلوں پر عمل کرنے کا پابند ہے۔
دوسری جانب بھارت نےکلبھوشن تک قونصلررسائی کی پیشکش کرلی ہے ، بھارت کےچارج ڈی افئیرکلبھوشن سےملاقات کریں گے۔
اس سے قبل گذشتہ ماہ کے آغاز میں پاکستان نے بھارت بھارتی دہشت گرد کلبھوشن تک قونصلررسائی دینے کی پیشکش کی تھی تاہم بھارت نے شرطیں عائد کرکے قونصلر رسائی کا پہلا موقع گنوادیا تھا۔
یاد رہے عالمی عدالت میں ججز کے پینل نے پاکستان کے موقف کو درست قرار دیتے ہوئے کلبھوشن یادیو کی بریت کی درخواست مسترد کردی تھی۔
عالمی عدالت نے کلبھوشن یادیو کو بھارتی جاسوس ٹھہراتے ہوئے کہا تھا کہ کمانڈرکلبھوشن پاکستان کی تحویل میں ہی رہےگا، کیوں کہ کلبھوشن یادیو پرجاسوسی کا الزام ہے، البتہ ویاناکنونشن لاگو ہوگا، جس کے تحت سزائے موت کے فیصلے پر نظرثانی کی جائے گی اور یادیو تک قونصلر رسائی دی جائے۔
واضح رہے یاد رہے کہ بھارتی جاسوس کلبھوشن یادیو کو 3 مارچ 2016ء کو بلوچستان سے گرفتار کیا گیا، کلبھوشن نے دہشت گردی میں ملوث ہونے کا اعتراف کیا تھا، باضابطہ مقدمہ چلایا گیا، 2017ء میں فوجی عدالت نے سزائے موت سنائی تھی۔
بعد ازاں سزائے موت کے خلاف کلبھوشن یادیو نے رحم کی اپیل کی بھی تھی لیکن بھارت معاملے کو عالمی عدالت انصاف میں لے گیا تھا۔
اسلام آباد: پاکستانی وزیر خارجہ شاہ محمود قریشی کا کہنا ہے کہ کلبھوشن کیس میں عالمی عدالت کا فیصلہ پاکستان کی فتح ہے.
تفصیلات کے مطابق عالمی عدالت کے فیصلے پر ردعمل دیتے ہوئے شاہ محمود قریشی نے کہا کہ کمانڈر یادیو پاکستان کے پاس ہی رہے گا.
انھوں نے کہا کہ کلبھوشن کے ساتھ برتاؤ پاکستانی قوانین کے مطابق ہوگا، یہ فیصلہ پاکستانی موقف کی جیت ہے.
خیال رہے کہ عالمی عدالت انصاف نے بھارتی جاسوس کلبھوشن یادیو کی بریت کی بھارتی درخواست مسترد کردی، ججز کے پینل نے پاکستان کے موقف کو درست قرار دے دیا۔ سزا ختم کرنے کی استدعا بھی مسترد کر دی گئی۔
کلبھوشن یادیو کیس کا فیصلہ عالمی عدالت کے جج عبدالقوی احمد یوسف سنایا، انھوں نے کہا کہ بھارت نے پاکستانی مطالبے پرکلبھوشن کااصل پاسپورٹ اور کلبھوشن کی شہریت کے دستاویزات نہیں دکھائے۔
عالمی عدالت نے کلبھوشن کا حسین مبارک پٹیل کے نام سے بھارتی پاسپورٹ اصلی قرار دے دیا، عالمی عدالت نے کہا کہ کلبھوشن یادیو اسی پاسپورٹ پر17 بار بھارت سے باہرگیااور واپس آیا۔
یاد رہے کہ بھارتی جاسوس کلبھوشن یادیو کو 3 مارچ 2016ء کو بلوچستان سے گرفتار کیا گیا، کلبھوشن نے دہشت گردی میں ملوث ہونے کا اعتراف کیا تھا، باضابطہ مقدمہ چلایا گیا، 2017ء میں فوجی عدالت نے سزائے موت سنائی تھی، بعد ازاں سزائے موت کے خلاف کلبھوشن یادیو نے رحم کی اپیل کی بھی تھی لیکن بھارت معاملے کو عالمی عدالت انصاف میں لے گیا تھا۔
ہیگ : عالمی عدالت انصاف نے بھارتی جاسوس کلبھوشن یادیو کی بریت کی بھارتی درخواست مسترد کردی۔
تفصیلات کے مطابق عالمی عدالت میں بھارت کو شکست ہوئی، ججز کے پینل نے پاکستان کے موقف کو درست قرار دے دیا۔ سزا ختم کرنے کی استدعا بھی مسترد کر دی گئی۔
کلبھوشن یادیو کیس کا فیصلہ عالمی عدالت کے جج عبدالقوی احمد یوسف سنایا، انھوں نے کہا کہبھارت نے پاکستانی مطالبے پرکلبھوشن کااصل پاسپورٹ اور کلبھوشن کی شہریت کے دستاویزات نہیں دکھائے۔
عالمی عدالت نے کلبھوشن کا حسین مبارک پٹیل کے نام سے بھارتی پاسپورٹ اصلی قرار دے دیا اور کہا کہ کلبھوشن یادیو اسی پاسپورٹ پر17 بار بھارت سے باہرگیااور واپس آیا۔
عالمی عدالت نے کلبھوشن یادیو کو بھارتی جاسوس ٹھہراتے ہوئے کہا کہ کمانڈرکلبھوشن پاکستان کی تحویل میں ہی رہےگا، کیوں کہ کلبھوشن یادیو پرجاسو سی کا الزام ہے، البتہ ویاناکنونشن لاگو ہوگا، سزائے موت کے فیصلے پر نظرثانی کی جائے گی، یادیو تک قونصلر رسائی دی جائے۔
خیال رہے کہ پاکستان میں دہشت گردی کی آگ بھڑکا کر بڑی تعداد میں سکیورٹی اہلکاروں اور شہریوں کی جان لینے والے کلبھوشن کے کیس کا فیصلہ ہالینڈ کے دارالحکومت دی ہیگ میں سماعت کے بعد اکیس فروری کو محفوظ کیا گیا تھا۔
یاد رہے کہ بھارتی جاسوس کلبھوشن یادیو کو 3 مارچ 2016ء کو بلوچستان سے گرفتار کیا گیا، کلبھوشن نے دہشت گردی میں ملوث ہونے کا اعتراف کیا تھا، باضابطہ مقدمہ چلایا گیا، 2017ء میں فوجی عدالت نے سزائے موت سنائی تھی، بعد ازاں سزائے موت کے خلاف کلبھوشن یادیو نے رحم کی اپیل کی بھی تھی لیکن بھارت معاملے کو عالمی عدالت انصاف میں لے گیا تھا۔
پاکستان کی عدالت سے سزائے موت کے فیصلے کے بعد بھارت نے کلبھوشن یادیو کی بریت کے لئے عالمی عدالت درخواست دائر کر رکھی ہے۔
بھارت عالمی عدالتِ انصاف میں
بھارت نے دس مئی 2017 کو عالمی عدالتِ انصاف کا دروازہ کھٹکھٹایا اور سزائے موت پر عملدرآمد روکنے کی درخواست دائر کی تھی۔
جس کے بعد عالمی عدالتِ انصاف نے کلبھوشن کیس میں اپنی رولنگ دیتے ہوئے کہا تھا کہ پاکستان بھارت کو کلبھوشن تک قونصلر رسائی دے‘ اور امید ہے کہ پاکستان عالمی عدالت کا مکمل فیصلہ آنے تک کلبھوشن کو سزا نہیں دی جائے گی۔
ستمبر 2017 میں بھارت نےعالمی عدالت میں کلبھوشن کیس پر تحریری جواب داخل کیا جبکہ پاکستان نے دسمبر 2017 کوجوابی دعوی میں بھارتی الزامات کومسترد کردیا تھا۔
قبل ازیں5مارچ 2019 کو وزیرِ اعظم عمران خان کو عالمی عدالتِ انصاف میں بھارتی جاسوس کلبھوشن یادیو کیس کی کام یاب پیروی کے سلسلے میں اٹارنی جنرل پاکستان انور منصور نے وزیرِ اعظم کو بریفنگ دی تھی۔
کلبھوشن کی گرفتاری
آج سے تین سال قبل 3 مارچ2016 کو پاکستان کے حساس اداروں نے بلوچستان سے بھارتی خفیہ ایجنسی را کے جاسوس اور ریکارڈز کے مطابق بھارتی نیوی کے حاضرسروس افسر کلبھوشن یادیو کوگرفتار کیا تھا۔
یاد رہے کہ رواں برس 10 اپریل کو پاکستان کی جاسوسی اور کراچی اور بلوچستان میں تخریبی کارروائیوں میں ملوث بھارتی ایجنٹ کلبھوشن یادیو کو فوجی عدالت سے سزائے موت سنادی گئی تھی۔
آئی ایس پی آر کی جانب سے جاری ہونے والے بیان میں کہا گیا تھا کہ بھارتی خفیہ ایجنسی را کے حاضر سروس افسرکلبھوشن یادیو کو یہ سزا پاکستان میں جاسوسی اور تخریب کاری کی کارروائیوں پرسنائی گئی تھی۔
واضح رہے کہ بھارتی میڈیا بھی کلبھوشن یادوو کے جاسوس ہونے کی تصدیق کرچکا ہے،کچھ عرصہ قبل بھارتی ذرائع ابلاغ نے رپورٹ جاری کی تھی جس میں کہا گیا تھا کہ ’بھارتی جاسوس اپنی احمقانہ حرکتوں کی وجہ سے گرفتار ہوا‘۔
اس رپورٹ کے مطابق کلبھوشن نے1987میں بھارتی بحریہ میں شمولیت اختیارکی تھی، تیرہ سال کی سروس کے بعد ترقی پا کر کمانڈر بن گیا، بھارت پاکستان سے خفیہ جنگ میں مصروف ہے۔
اس سے قبل بھی بھارتی اخبار نے بھارتی دہشت گرد کلبھوشن سے متعلق اندرونی کہانی بیان کی تھی، جس کے مطابق کلبھوشن را کا ایجنٹ اور جاسوس کے طور پر کام کرتا رہا، کلبھوشن کو تعینات کرنے پر را کے 2افسران کو تحفظات تھے۔
اسلام آباد: دفتر خارجہ نے کہا ہے کہ اقوام متحدہ کی انسانی حقوق کمیشن رپورٹ نے بھارت کو بے نقاب کر دیا، بھارت کلبھوشن کے حوالے سے کوئی دستاویزات نہیں دے سکا۔
تفصیلات کے مطابق ترجمان دفتر خارجہ ڈاکٹر محمد فیصل نے ہفتہ وار بریفنگ میں کہا کہ بلوچستان اور خیبر پختونخواہ میں حملوں سے قوم اداس ہے۔ تعزیت اور اظہار ہمدردی کا اظہار کرنے والے ممالک کا شکریہ، پاکستان دہشت گرد حملوں سے خوفزدہ ہونے والا نہیں۔ پاکستان میں جمہوری انتخابی عمل جاری رہے گا۔
انہوں نے کہا کہ مقبوضہ کشمیر میں بھارتی مظالم کا سلسلہ جاری ہے۔ مقبوضہ کشمیر میں گزشتہ ہفتے 23 کشمیریوں کو شہید کیا گیا۔ کشمیری صحافی عاقب کی این آئی اے میں طلبی کی مذمت کرتے ہیں۔
ان کا کہنا تھا کہ اقوام متحدہ انسانی حقوق کمیشن رپورٹ نے بھارت کو بے نقاب کر دیا، بھارت گزشتہ برس کلبھوشن کا کیس عالمی عدالت انصاف لے کر گیا، پاکستان کی کلبھوشن کیس پر پوزیشن نہایت مضبوط ہے۔
انہوں نے کہا کہ بھارت جواب نہ دے سکا حسین مبارک کے نام سے پاسپورٹ اصل ہے یا جعلی، کلبھوشن پاسپورٹ پر 17 مرتبہ بھارت کا سفر کر چکا ہے۔ بھارت کلبھوشن کی ریٹائرمنٹ سے متعلق دستاویزات بھی نہ دے سکا۔ کلبھوشن پاکستان میں بھارتی تخریبی سرگرمیوں کا ثبوت ہے۔
ترجمان نے کہا کہ علما کانفرنس میں دہشت گردی کو حرام قرار دیا گیا، طالبان کے علما کے فتویٰ پر ردعمل کے حوالے سے تبصرہ نہیں کر سکتے۔ بارہا کہا کہ 17 برس سے افغان مسئلے کے فوجی حل کی کوشش ناکام ہوئی۔ افغان مسئلے کا حل مفاہمت اور بات چیت سے تلاش کرنا ہوگا۔
دفتر خارجہ نے کہا کہ افغانستان میں طالبان سے مذاکرات میں امریکی انخلا ایجنڈے پر ہے۔ جنوبی ایشیا میں ہتھیاروں کی دوڑ کے مخالف ہیں۔ بھارت کا میزائل تجربہ ایم سی ٹی کی خلاف ورزی ہے۔
دفتر خارجہ نے کہا کہ گلگت بلتستان جموں کشمیر کا حصہ ہے، جموں کشمیر میں استصواب رائے کے ساتھ گلگت میں بھی کروایا جائے گا۔
ترجمان نے مزید کہا کہ نیدر لینڈز میں گستاخانہ کارٹون پر پاکستان نے احتجاج ریکارڈ کروایا، نیدر لینڈ کے سفیر کی دفتر خارجہ میں طلبی کی ہے، جبکہ یورپی یونین کے سفیر کو بلا کر بھی تشویش کا اظہار کیا گیا۔
انہوں نے بتایا کہ وزیر خارجہ او آئی سی کے سیکریٹری جنرل کو خط لکھا ہے۔ خط میں او آئی سی ممالک کی جانب سے مشترکہ کاوشوں پر زور دیا گیا۔
اس موقع پر دفتر خارجہ نے ایون فیلڈ جائیداد ضبطی کے معاملے پر عدالتی فیصلے سے لاعلمی کا اظہار کرتے ہوئے کہا کہ معلوم نہیں شریف خاندان کی جائیداد ضبطی پر کس نے کارر وائی کرنی ہے۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اسلام آباد: سفارتی ذرائع کا کہنا ہے کہ عالمی عدالت میں بھارتی دہشت گرد کلبھوشن یادیو کے معاملے پر پاکستان اپنا جواب 17 جولائی کو دی ہیگ میں عالمی عدالت میں جمع کرائے گا۔
سفارتی ذرائع کے مطابق پاکستان کی جانب سے جواب وزارت خارجہ کی ڈائریکٹر ڈاکٹر فریحہ بگٹی جواب جمع کرائیں گی، جو نیدر لینڈ کے شہر دی ہیگ پہنچ چکی ہیں۔
سفارتی ذرائع کے مطابق 400 سے زائد صفحات پر مشتمل پاکستانی جواب اٹارنی جنرل کی سربراہی میں ماہرین کی ٹیم نے مرتب کیا ہے جس میں بھارت کے تمام اعتراضات کے جوابات دئیے گئے ہیں۔
پاکستان کی جانب سے جواب الجواب میں یہ پہلا جواب ہوگا، جواب میں بھارتی سوالات پر تفصیل سے جواب دیا گیا ہے، جواب میں بھارت کے اعتراضات کے جوابات دئیے گئے ہیں۔
واضح رہے کہ اس سے پہلے کلبھوشن کیس میں پاکستان نے جواب دسمبر 2017 میں جمع کرایا تھا۔
خیال رہے کہ چند ماہ قبل دفتر خارجہ کے ترجمان ڈاکٹر فیصل نے کہا تھا کہ پاکستان عالمی عدالتِ انصاف میں کلبھوشن کیس سے متعلق جواب جولائی میں جمع کرائے گا، کلبھوشن کو کسی صورت بھارت کے حوالے نہیں کیا جائے گا۔
خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔
اسلام آباد: دفتر خارجہ کا کہنا ہے کہ بھارتی دہشت گرد کلبھوشن پر جواب 17 جولائی کو جمع کروائیں گے۔ پاکستان کی جانب سے جواب الجواب جمع کروایا جائے گا۔
تفصیلات کے مطابق ترجمان دفتر خارجہ ڈاکٹر فیصل نے ہفتہ وار بریفنگ میں بتایا کہ پاکستان اور انڈونیشیا میں پالیسی منصوبہ بندی پر مذاکرات ہوئے۔ مذاکرات میں علاقائی اور عالمی معاملات پر تبادلہ خیال کیا گیا۔
ترجمان نے کہا کہ پاکستان افغانستان میں قیام امن کے لیے کردار ادا کرتا رہے گا، سعودی عرب کے افغان طالبان کو مذاکرات کے مشورے پر تبصرہ نہیں کر سکتے۔ پاکستان اور امریکا میں بات چیت جاری ہے، امید ہے اچھے نتائج نکلیں۔
ترجمان کا کہنا تھا کہ بھارتی دہشت گرد کلبھوشن پر جواب 17 جولائی کو جمع کروائیں گے۔ پاکستان کی جانب سے جواب الجواب جمع کروایا جائے گا۔ پاکستان نے پہلا جواب 13 دسمبر کو جمع کروایا تھا۔
ڈاکٹر فیصل کا کہنا تھا کہ کشمیر پاکستان کی خارجہ پالیسی کا اہم ستون ہے، کشمیر پالیسی میں کسی قسم کی کوئی تبدیلی نہیں آئی۔
انہوں نے کہا کہ دیامر بھاشا ڈیم سے متعلق متاثرین کو مکمل معاوضہ دیا جائے گا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
اسلام آباد : بھارتی دہشت گرد کلبھوشن سے متعلق بھارتی اخبار کے اعتراف کے بعد دفترخارجہ دفترخارجہ کے ترجمان ڈاکٹرفیصل نے کہا ہے کہ سچ افسانے سے کہیں زیادہ عجیب نکلا، بھارتی اخبار نے کلبھوشن کے جاسوس ہونے کا اعتراف کرلیا ہے۔
تفصیلات کے مطابق ترجمان دفترخارجہ ڈاکٹرفیصل نے سماجی رابطے کی ویب سائٹ ٹوئٹر پر بھارتی دہشت گرد کلبھوشن سے متعلق بھارتی اخبار کے اعتراف پر درعمل کا اظہار کرتے ہوئے کہا کہ سچ افسانے سے کہیں زیادہ عجیب نکلا۔
ڈاکٹر فیصل نے ٹوئٹ میں کہا بھارتی اخبار نے کلبھوشن کے جاسوس ہونے کا اعتراف کرلیا ہے ، بھارتی حکومت نے اخبار سے خبر غائب کرادی۔
ترجمان دفترخارجہ کا کہنا تھا صحافی چندن نندے خبر لگانے کے بعد سے لاپتہ ہے، چندن نندے کا اہلخانہ اوردوستوں سے کوئی رابطہ نہیں، چندن نندے کوآخری بارخان مارکیٹ دہلی میں دیکھا گیا۔
بھارتی اخبار نے بھارتی دہشت گرد کلبھوشن سے متعلق اندرونی کہانی بیان کی تھی، جس میں اعتراف کیا گیا تھا کہ کلبھوشن را کا ایجنٹ اور جاسوس کے طور پر کام کرتا رہا، کلبھوشن کو تعینات کرنے پر را کے 2افسران کو تحفظات تھے۔
اخبار کا کہنا تھا کہ راکے دوافسرکلبھوشن کے پاکستان میں کام کے مخالف تھے، راکے سابق سربراہان کا کہنا تھا کلبھوشن کی تعیناتی میں بنیادی اصول نظراندازکئےگئے۔
بھارتی اخبار نے انکشاف کیا کہ کلبھوشن پاکستان میں جاسوسی کی اہلیت نہیں رکھتا تھا، یہی وجہ ہے کہ اپنی اناڑی حرکتوں کی وجہ سے پکڑا گیا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔
