Tag: kulsoom-nawaz-death

  • اسلامیہ،ایف سی کالج اور پنجاب یونیورسٹی کے شعبے کلثوم نوازسے منسوب کیے جائیں، تعزیتی قرارداد میں مطالبہ

    اسلامیہ،ایف سی کالج اور پنجاب یونیورسٹی کے شعبے کلثوم نوازسے منسوب کیے جائیں، تعزیتی قرارداد میں مطالبہ

    لاہور: پنجاب اسمبلی میں سابق وزیراعظم نواز کی اہلیہ بیگم کلثوم نواز کے انتقال پر تعزیتی قرارداد جمع کرائی گئی، جس میں مطالبہ کیا گیا ہے کہ اسلامیہ،ایف سی کالج اور پنجاب یونیورسٹی کے شعبے کلثوم نواز سے منسوب کیے جائیں۔

    تفصیلات کے مطابق سابق وزیراعظم نواز کی اہلیہ بیگم کلثوم نواز کے انتقال پرپنجاب اسمبلی میں تعزیتی قرارداد جمع کرادی، قرارداد مسلم لیگ ن کی حنا پرویز بٹ کی جانب سے جمع کرائی گئی۔

    قرارداد میں کہا گیا کہ پاکستان جمہوریت پسند اوردلیر خاتون سیاستدان سےمحروم ہو گیا، کلثوم نواز نے جمہوریت کی سر بلندی کے لیے اپنی جدوجہد جاری رکھی ، ایوان خاتون اول رہنے والی کلثوم نواز کے انتقال پر افسوس کا اظہار کرتا ہے۔

    تعزیتی قرارداد میں مطالبہ کیا گیا کہ اسلامیہ،ایف سی کالج اور پنجاب یونیورسٹی کے شعبے کلثوم نواز سے منسوب کیے جائیں۔

    مزید پڑھیں : بیگم کلثوم نوازانتقال کرگئیں

    یاد رہے گذشتہ روز سابق وزیراعظم نواز شریف کی اہلیہ بیگم کلثوم نواز برطانیہ میں طویل عرصے تک زیرِ علاج رہنے کے بعد لندن میں انتقال کرگئیں تھیں ، وہ طویل عرصے سے گلے کے سرطان میں مبتلا تھیں۔

    بیگم کلثوم نواز کی میت کو غسل دے دیا گیا، نواز شریف کے دونوں صاحبزادے حسن اور حسین نواز والدہ کا آخری دیدار لندن میں ہی کریں گے جبکہ شہبازشریف بیگم کلثوم نوازکی میت پاکستان لانےکے لئے لندن روانہ ہوگئے ہیں، وہ شہبازشریف میت لے کر جمعہ کو وطن واپس آئیں گے۔

    جس کے بعد مرحومہ کلثوم نواز کو جاتی امرا میں میاں شریف کی قبر کے پہلو میں سپرد خاک کیا جائے گا۔

    خیال رہے سابق خاتون اول بیگم کلثوم نواز کے انتقال کے بعد نواز شریف، ان کی صاحبزادی مریم نواز اور داماد کیپٹن صفدر کو پیرول پر رہا کیا گیا تھا، جس کے بعد سے وہ جاتی امرا میں موجود ہے، جہاں وہ بیگم کلثوم نواز کی نماز جنازہ اور تدفین میں شرکت کریں گے ۔

  • وزیر اعظم اور آرمی چیف کا بیگم کلثوم نواز کی وفات پر افسوس کا اظہار

    وزیر اعظم اور آرمی چیف کا بیگم کلثوم نواز کی وفات پر افسوس کا اظہار

    اسلام آباد : وزیراعظم عمران خان اور آرمی چیف جنرل قمر جاوید باجوہ نے بیگم کلثوم نواز کی وفات پر دکھ اور افسوس کا اظہار کیا اور دعا کی اللہ بیگم کلثوم کو جنت الفردوس میں اعلیٰ مقام عطا فرمائے۔

    تفصیلات کے مطابق وزیراعظم عمران خان نے بیگم کلثوم نواز کی وفات پر دکھ اور افسوس کا اظہار کرتے ہوئے کہا حکومت بیگم کلثوم نوازکی فیملی کو قانون کے مطابق سہولت دے گی جبکہ برطانیہ میں پاکستانی ہائی کمیشن کو لواحقین کو معاونت فراہم کرنے کی ہدایت بھی کردی ہے۔

    وزیراعظم عمران خان کا کہنا ہے کہ بیگم کلثوم نواز بہادرخاتون تھیں۔

    ڈی جی آئی ایس پی آر میجر جنرل آصف غفور نے سماجی رابطے کی ویب سائٹ ٹویٹر پرکہا کہ آرمی چیف جنرل قمرجاوید باجوہ نے بیگم کلثوم نواز کے انتقال پر اظہار افسوس کرتے ہوئے دعا کی  ہے کہ اللہ بیگم کلثوم کو جنت الفردوس میں اعلیٰ مقام عطا فرمائے۔

    یاد سابق وزیراعظم نواز شریف کی اہلیہ بیگم کلثوم نواز طویل عرصہ برطانیہ میں زیرِ علاج رہنےکے بعد آج انتقال کرگئیں ، وہ طویل عرصے سے گلے کے سرطان میں مبتلا تھیں۔

    بیگم کلثوم نواز کی طبعیت کافی عرصے سے ناساز تھی ، اور انہیں وینٹی لیٹر پر منتقل کیا گیا تھا۔ 12 جولائی کو وہ کومے سے ہوش میں آئی تھیں جبکہ ان کی طبعیت بہتر بھی ہوئی تھی، جس کے بعد انہیں گھر پر منتقل کیا گیا تھا، لیکن پھر طبعیت بگڑنے پر انہیں واپس اسپتال منتقل کردیا گیا تھا۔