کرم ایجنسی : پاکستان کے قبائلی علاقے سے تعلق رکھنے والی علی بیگم پہلی خاتون ہیں جنہوں نے انتخابات میں حصہ لینے کا اعلان کرتے ہوئے انتخابی مہم کا آغاز کر دیا۔
تفصیلات کے مطابق 63 سالہ علی بیگم پاکستانی قبائلی علاقے فاٹا سے پہلی بار انتخابات میں حصہ لینے والی خاتون امیداوار بن گئیں، علی بیگم نے پاراچنارسے انتخابی مہم کا آغاز کیا۔
علی بیگم کا کہنا ہے کہ پوری زندگی عوامی خدمت میں گزار دی اور منتخب ہوکر کرم ایجنسی میں امن اور خوشحالی کے لیے ترقیاتی منصوبوں پر کام اور مظلوم طبقے کو ان کا جائز حق دلاؤں گی۔
انتخابی مہم کے آغاز پر جلسے سے خطاب کرتے ہوئے علی بیگم نے کہا کہ اس سے پہلے انتخابات میں ہر طبقے کے لوگوں نے الیکشن لڑنے کے لیے مجھ سے رابطہ کیا لیکن میں نے دوسروں کو موقع دیا لیکن اب میں خود محسوس کرتی ہوں کہ عوام کے مسائل کے حل کرنے کے لئے میدان میں اترنے کی ضرورت ہے۔
ان کا کہنا تھا کہ انتخابات میں منتخب ہوں یا نہیں لیکن اپنا مشن جاری رکھوں گی اور اپنے علاقے کے لوگوں کے تمام مسائل کیلئے اقداما ت اٹھاؤں گی۔
خیال رہے علی بیگم وفاق کے زیر انتظام قبائلی علاقے فاٹا سے بیوروکریسی سے ریٹائر ہیں اور خیبر پختونخوا اور فاٹا کے متعدد اہم عہدوں پر خدمات انجام دے چکی ہے۔
اس سے قبل فاٹا سے ہی تعلق رکھنے والی بادام زری پہلی قبائلی خاتون تھیں، جہنوں نے باجوڑ سے قومی اسمبلی کے حلقے 44 پر 2013 کے انتخابات میں حصہ لیا تھا۔
قبائلی علاقے کی بیشتر خواتین کم پڑھی لکھی ہیں، شاذ و نادر ہی گھر سے باہر جاکر ملازمت کرتی ہیں جبکہ عوامی مقامات پر برقعہ زیب تن کیے رکھتی ہیں۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
کرم ایجنسی : پاک افغان سرحد کے قریب کرم ایجنسی کے علاقے غوزگھڑی میں بارودی سرنگ کے دھماکے میں 6 افراد جاں بحق جبکہ 1 زخمی ہوگیا۔
تفصیلات کے مطابق کرم ایجنسی کے علاقے گوزگھڑی میں بارودی سرنگ کے دھماکے میں 4 افراد جان کی بازی ہار گئے جبکہ 1 شخص زخمی ہے۔
واقعے کی اطلاع ملتے ہی ریسکیو اہلکار اور سیکیورٹی فورسز جائے وقوعہ پرپہنچ گئیں اور زخمیوں کی طبی امداد کے لیے مقامی اسپتال منتقل کردیا گیا ہے جبکہ علاقے کو گھیرے میں لے کرتحقیقات شروع کردی گئیں۔
سرکاری ذرائع کے مطابق دھماکے میں جاں بحق افراد اور زخمیوں کا تعلق ایک ہی خاندان سے ہے۔
یاد رہے کہ 24 دسمبرکو پاک افغان سرحد کے قریب شمالی وزیرستان کےعلاقے غلام خان میں بارودی سرنگ کے دھماکے کے نتیجے میں 3 سیکیورٹی اہلکار شہید ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
اسلام آباد: کرم ایجنسی حملے میں چارسیکورٹی اہلکاروں کی شہادت پر امریکی سفیرڈیوڈ ہیل نے افسوس کا اظہار کیا ہے۔
تفصیلات کے مطابق امریکی سفارتخانے کی جانب سے جاری کئے گئے بیان میں امریکی سفیرڈیوڈہیل نے کہا کہ کرم ایجنسی حملے میں چارسیکورٹی اہلکاروں کی شہادت افسوسناک ہے۔
ڈیوڈہیل کا کہنا تھا کہ یہ اہلکارامریکی شہری اور ان کے خاندان کے اغواکاروں کوتلاش کررہے تھے۔امریکی شہری اوران کے خاندان کوپاک فوج نے گزشتہ ہفتے بازیاب کرایا تھا۔
امریکی سفیر نے مزید کہا کہ پاک فوج کی بروقت کارروائی اورکامیاب آپریشن پرانتہائی شکرگزارہیں، پاک فوج کے آپریشن کے باعث امریکی شہری اوران کے خاندان کی بحفاظت گھرواپسی ممکن ہوئی۔
یاد رہے گذشتہ روز کرم ایجنسی میں بارودی سرنگ کے دھماکے میں کیپٹن سمیت 4 سیکورٹی اہلکار شہید جبکہ 3 زخمی ہوگئے تھے، شہید اہلکار غیرملکیوں کے اغواکاروں کی تلاش میں مصروف تھے کہ دھماکا ہوگیا۔
دھماکے میں شہید ہونے والوں میں کیپٹن حسنین،سپاہی سعید باز،سپاہی قادراورسپاہی جمعہ خان شامل تھے جبکہ سپاہی ظاہر،نائیک انور اورلانس نائیک شیر افضل زخمی ہوئے ۔
خیال رہے کہ دوروز قبل پاک فوج نےانٹیلی جنس بنیاد پرکامیاب آپریشن کے دوران کرم ایجنسی سے کینیڈین امریکن خاندان کوبازیاب کرایا تھا۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔
کرم ایجنسی : پاک افغان سرحد پر واقع مکان پر امریکی ڈرون حملے سے 3 افراد جاں بحق ایک زخمی ہوگیا، حملہ میں مکان مکمل طور پر تباہ ہوگیا۔
تفصیلات کے مطابق پاک افغان سرحد پر واقع کرم ایجنسی میں دہشت گردوں کی موجودگی کی اطلاع پر امریکی ڈرون حملہ کیا گیا۔
سرکاری ذرائع کا کہنا ہے کہ کرم ایجنسی میں امریکی ڈرون طیارے نے ایک مکان پر دو میزائل فائر کیے، جس کے نتیجے میں مکان میں موجود تین افراد موقع پر ہی ہلاک ہوگئے، حملے میں مکان مکمل طور پر تباہ ہوگیا۔
ویڈیو دیکھیں:
تازہ ترین اطلاعات کے مطابق ڈرون حملہ پاکستانی حدود غوزگڑھی اپر کرم ایجنسی میں کیا گیا، یہ علاقہ افغان صوبے پکتیا اپرکرم ایجنسی کا سرحدی علاقہ ہے۔
طالبان دور میں افغان سفیر کا داماد مارے جانے کی اطلاع
ڈرون حملہ طالبان رہنما مولانا محب کے گھر پرہوا ہے، حملے میں طالبان دور حکومت میں افغان سفیر مولانا عبدالسلام کے داماد کے مارے جانے کی اطلاعات ہیں۔
یاد رہےکہ گزشتہ ہفتے خیبر ایجنسی کے علاقے وسطی کرم میں سڑک کنارے ہونے والے دھماکے کے نتیجے میں 13 افراد جاں بحق ہوگئے تھے،دھماکے کی ذمہ داری جماعت الاحرار نے قبول کی تھی۔
واضح رہےکہ گزشتہ ماہ کرم ایجنسی کے صدر مقام، پارہ چنار میں ہونے والے بم دھماکے میں 24افراد جاں بحق جبکہ درجنوں افراد زخمی ہوگئے تھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
کرم ایجنسی : خیبر ایجنسی کے علاقے وسطی کرم میں سڑک کنارے ہونے والے دھماکے کے نتیجے میں جاں بحق افراد کی تعداد 13 ہوگئی، دھماکے کی ذمہ داری جماعت الاحرار نے قبول کرلی۔
تفصیلات کے مطابق وسطی کرم کے علاقے گاؤدر میں صبح سویرے سڑک کنارے نصب بارودی سرنگ کے دھماکے میں مسافر پک اپ گاڑی نشانہ بنی۔ دھماکے میں 10 افراد جان کی بازی ہارگئے۔
اطلاعات ہیں کہ زخمیوں کی تعداد دس ہے جس میں ایک عورت اور بچہ بھی شامل ہیں جب کہ دھماکے کی نوعیت سے متعلق ابھی تک متضاد اطلاعات ہیں کہ دھماکا ریموٹ کنٹرول ڈیوائس سے کیا گیا یا پھر بارودی سرنگ کا تھا۔
خیبر ایجنسی کے علاقے وسطی کرم میں دھماکے میں زخمی ہونے والے افراد کو تحصیل ہیڈکوارٹر اسپتال منتقل کردیا گیا۔
وزیراعلیٰ پنجاب شہباز شریف اور وزیرداخلہ چوہدری نثارعلی خان نےوسطی کرم میں بارودی سرنگ کے دھماکے میں قیمتی جانوں کے ضیاع پر گہرے رنج و غم کا اظہارکیاہے۔
واضح رہےکہ رواں سال فروری میں جنوبی وزیرستان کےضلع وانا میں بارودی سرنگ کےدھماکے کےنتیجے میں سیکیورٹی فورسز کے 3اہلکار شہید ہوگئےتھے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
پارہ چنار : کرم ایجنسی کے صدر مقام، پارہ چنار میں ہونے والے بم دھماکے میں جاں بحق افراد کی تعداد 24 ہوگئی، درجنوں افراد زخمی ہیں جن میں بچے اور خواتین بھی شامل ہیں۔
تفصیلات کے مطابق جمعہ کو قبائلی علاقے کرم ایجنسی کے دارالحکومت پارہ چنار کے علاقے نور مارکیٹ میں دھماکا ہوا‘ پولیٹیکل انتثظامیہ ذرائع کے مطابق یہ کار بم دھماکہ تھا۔
پولیٹکل انتظامیہ نے شہید ہونے والے افراد کی تعداد کی تصدیق کی ہے اوران کے مطابق زخمیوں کو نزدیکی اسپتال منتقل کیا گیا ہے۔ سیکیورٹی فورسزنے جائےوقوعہ کو گھیرے میں لے کر سرچ آپریشن بھی کیا۔
سیاسی رہنماؤں کی مذمت
وزیراعظم نواز شریف
وزیراعظم نواز شریف نے پارہ چنار دھماکے کی شدید مذمت کرتے ہوئے کہاکہ دہشت گردوں کا نیٹ ورک توڑ دیا گیا ہے‘ اور بچے کچھے دہشت گردوں کو بھی کیفرِ کردار تک پہنچایا جائے گا۔
انہوں نے متعلقہ حکام کو ہدایت کی کہ انتظامیہ کے ساتھ مکمل تعاون کیا جائے۔ وزیراعظم نے دھماکے میں جاں بحق اور زخمی ہونے والے افراد کے اہل خانہ سے اظہارِ ہمدری بھی کیا۔
آصف زرداری
پاکستان پیپلز پارٹی کے شریک چیئرمین آصف علی زرداری نے دھماکے کی مذمت کرتے ہوئے پارٹی رہنماؤں اور کارکنان کو ہدایات دیں کہ خون کے زیادہ سے زیادہ عطیات دیں۔
انیوں نے واقعے کی مذمت کرتے ہوئے یہ بھی کہا کہ معصوم انسانوں کو نشانہ بنانے والے ناقابلِ معافی ہیں۔ دہشت گردوں کی نرسریوں کو ختم کرنا ہوگا۔
عمران خان
تحریک انصاف کے سربراہ عمران خان نے بھی پارہ چنار دھماکے کی شدید الفاظ میں مذمت کی اور کہا کہ یہ دہشت گردی کی بدترین کارروائی ہے۔
ان کا کہناتھا کہ دہشت گردوں اور امن دشمنوں کے خلاف فیصلہ کن حکمت عملی ناگزیر ہے۔ عمران خان نے ہدایات دیں کہ زخمیوں کو علاج معالجے کی بہترین اور ہر ممکن سہولیات فراہم کی جائیں۔
اس کے علاوہ علامہ ڈاکٹر طاہر القادری‘ سراج الحق ‘ بلاول بھٹو زرداری‘ چوہدری نثاراور اپوزیشن لیڈر خورشید شاہ سمیت متعدد شخصیات نے واقعے کی مذمت کی ہے۔
پاک فوج کا ریلیف ہیلی کاپٹر
پاک فوج کے شعبہ نشرواشاعت آئی ایس پی آر کا کہنا ہے کہ پاک فوج کا ریلیف ہیلی کاپٹرپارہ چنار روانہ کیا جاچکا ہے جو کہ زخمیوں کو طبی امداد فراہم کرے گا اور شدید زخمیوں کو پشاور منتقل کرے گا۔
اے آروائی نیوز کے بیورو چیف ضیا الحق کے مطابق اس سے قبل جب سبزی منڈی میں دھماکہ ہوا تھا اس وقت بھی پاک فوج کے ریلیف ہیلی کاپٹر نے شدی زخمیوں کو پشاور کے اسپتالوں میں منتقل کیا گیا تھا۔
سینٹرسجاد طوری کی مذمت
کرم ایجنسی سے تعلق رکھنے والے سینٹر سجاد طوری نے واقعے کی شدید الفاظ میں مذمت کرتےہوئے کہا کہ یہ کار بم دھماکہ ہے‘ ان کے مطابق زخمیوں کی تعداد چالیس کے قریب ہے۔
ان کا کہنا تھا کہ اس سےپہلے بھی یہاں دھماکے ہوتے رہے ہیں اور اگر پہلے ہی یہاں کی سیکیورٹی پر توجہ دی جاتی تو دوبارہ یہ افسوسناک واقعہ پیش نہیں آتا۔
ذرائع کا کہناہے کہ دھماکے میں زخمی ہونے والے افراد کو شہریوں نے اپنی مدد آپ کے تحت ڈسٹرکٹ ہیڈ کوارٹر پارہ چنار اسپتال منتقل کیا گیا ہے۔
بتایا جارہے کہ کچھ زخمیوں کی حالت قدرے تشویش ناک ہےجنہیں پشاور منتقل کرنے کی تیاریاں کی جارہی ہیں۔ سیکیورٹی فورسز نے علاقے کے داخلی اور خارجی راستوں کو بند کرکے علاقے میں سرچ آپریشن شروع کردیا ہے۔
یاد رہے کہ وفاق کے زیر انتظام قبائلی علاقے فاٹا کی کرم ایجنسی کے علاقے پارا چنار میں رواں سال جنوری میں ہونے والے دھماکے کے نتیجے میں 24 افراد جاں بحق جبکہ 40 سے زائد زخمی ہوئےتھے۔
پارہ چنارہ کا محلِ وقوع
پاکستان کے وفاق کے زیر انتظام فاٹا کرم ایجنسی کا صدر مقام پارہ چنار جو پشاور سے 80 میل کے فاصلے پر مغرب کی طرف کوہ سفید کے دامن میں واقع ہے۔ یہاں سے درہ پیوار سے ہو کر افغانستان کو راستہ جاتا ہے۔
پشاور / کرم ایجنسی : پاکستانی قبائلی علاقے کرم ایجنسی میں پاک افغان سرحد پر چوکی کے قریب خودکش حملے میں فرنٹیئر کور کے تین اہلکار زخمی ہو گئے ہیں جبکہ ادھر پشاور میں نامعلوم افراد نے فائرنگ کر کے ایک پولیس اہلکار کو ہلاک کر دیا ہے۔
سرکاری ذرائع کے مطابق اپر کرم ایجنسی کے علاقے خرلاچی میں آج صبح ایک نامعلوم نوجوان نے افغانستان سے پاکستان کی حدود میں داخل ہو کر ایک زوردار دھماکہ کیا۔
سرکاری ذرائع کا کہنا ہے کہ اس دھماکے میں ایف سی کے تین اہلکار زخمی ہو گئے۔ اس حملے کی ذمہ داری کالعدم تنظیم تحریک طالبان پاکستان جماعت الاحرار کے ترجمان نے قبول کی ہے جبکہ ذرائع ابلاغ کو خود کش حملہ آور کی تصویر بھی جاری کی گئی ہے۔
دوسری جانب خیبر پختونخوا کے صدر مقام پشاور میں آج صبح سویرے تھانہ فقیر آباد کی حدود میں نامعلوم افراد نے فائرنگ کر کے پولیس اہلکار کو ہلاک کر دیا ہے۔
فقیر آباد تھانے کے اہلکار نے بتایا کہ آج صبح سپاہی رحمان علی ڈیوٹی سرانجام دینے تھانے کی جانب آ رہا تھا کہ راستے میں نامعلوم افراد نے ان پر فائرنگ کی۔
رحمان علی کو زخمی حالت میں ہسپتال لایا گیا لیکن انہوں نے راستے ہی میں دم توڑ دیا۔ پشاور اور صوبے کے دیگر اضلاع میں ٹارگٹ کلنگ کے واقعات معمول سے پیش آ رہے ہیں۔
گزشتہ روز خیبر پختونخوا کے جنوبی ضلع بنوں میں نا معلوم افراد نے فائرنگ کرکے ایک وکیل کو ہلاک کر دیا تھا۔ خیبر پختونخوا میں آج وکلاء نے عدالتوں کا بائکاٹ کیا تھا۔
کرم ایجنسی : علی زئی ہائی اسکول گراؤنڈ میں ہونے والےدو دھماکوں میں دو افراد جاں بحق اور نو زخمی ہوگئے، سیکیورٹی فورسز نے دو مبینہ حملہ آوروں کو گولی مارکر ہلاک کردیا۔
تفصیلات کے مطابق کرم ایجنسی کے علاقے علی زئی کےاسکول گراؤنڈ میں فٹبال میچ جاری تھا کہ یکے بعد دیگرے دو دھماکے ہوئے،جس کے بعد گراؤنڈ میں بھگدڑ مچ گئی۔
دھماکے اور بھگدڑسے دو افراد جان سے گئے۔ زخمیوں کو پارہ چنار اسپتال منتقل کردیا گیا ہے۔ واقعے کی اطلاع ملتے ہی پولیٹیکل انتظامیہ اور سیکیورٹی اہلکار جائے وقوعہ پر پہنچ گئے۔
ابتدائی اطلاعات کے مطابق سیکیورٹی فورسز سے فائرنگ کے تبادلے میں دومبینہ حملہ آور مارے گئے۔ سیکیورٹی فورسز نے علاقے کو گھیرے میں لے کر سرچ آپریشن شروع کردیا ہے۔
کرم ایجنسی: لوئر کرم میں فورسز سے فائرنگ کے تبادلے میں آٹھ شدت پسند ہلاک ہوگئے ہیں جبکہ لنڈی کوتل میں پولیو ٹیم پر حملے کے نتیجے میں ڈرائیور جاں بحق اور ایک پولیو ورکرزخمی ہوگیا۔
افغانستان کے سرحدی علاقے سے لوئر کرم کے سرحدی علاقے پتالہ میں سیکورٹی فورسز کی چیک پوسٹ پر شدت پسندوں نے حملہ کیا، فورسز کی جوابی کارروائی میں آٹھ شدت پسند ہلاک اور متعدد زخمی ہوگئے جبکہ ایک سیکیورٹی اہلکار بھی شدید زخمی ہوا۔
دوسری جانب خیبرایجنسی میں لنڈی کوتل کے علاقے شن ٹوخ میں شدت پسندوں مے پولیس ٹیم پر فائرنگ کی، جس کی نتیجے میں ڈرائیور جاں بحق اور ایک ورکر زخمی ہوگیا۔