Tag: Kuwait

کویت کی وزارت داخلہ نے کہا ہے کہ اعلیٰ تحقیقاتی کمیٹی کی سفارشات پر 12 سو سے زائد افراد کی کویتی شہریت کو منسوخ کردیا گیا ہے۔

غیر ملکی ذرائع ابلاغ کے مطابق کویتی وزارت داخلہ کی جانب سے جاری بیان کے حوالے سے مزید کہا ہے کہ جن افراد کی شہریت منسوخ کی گئی ہے ان میں سے بعض نے جعل سازی جبکہ کچھ نے غیرقانونی طریقے سے شہریت حاصل کی تھی۔

رپورٹس کے مطابق مجموعی طورپر جن 1292 افراد کی کویتی شہریت کو منسوخ کردیا گیا ہے ان میں 8 ایسے تھے جو شہریت قانون کی خلاف ورزی کے مرتکب قرار پائے تھے۔ مذکورہ افراد کے پاس دوسری شہریت بھی تھی جس کی کویتی قانون میں اجازت نہیں ہے۔

189 افراد سے کویتی شہریت جھوٹ اور جعل سازی کے باعث واپس لی گئی جبکہ 1021 افراد سے وسیع تر ملکی مفادات کی خاطر کویتی شہریت واپس لی گئی۔

فیملی وزٹ ویزا حاصل کرنے کا طریقہ:

کویت میں فیملی وزٹ ویزا حاصل کرنے کے خواہشمند افراد اس طریقہ کار پر عمل کرسکتے ہیں۔

خلیجی ملک کویت میں فیملی وزٹ ویزا کے لیے بیوی، بچے اور والدین کے لیے 400 دینار جبکہ بھائی، بہن کے لیے 800 دینار اور دیگر رشتے داروں کے لیے متعلقہ جوازات سے تصدیق ضروری ہے۔

درست پاسپورٹ جو کم از کم 6 ماہ کے لیے موثر ہونا چاہیے۔

نادرا پاکستان کی جانب سے رشتے داری کا ثبوت درکار ہوتا ہے جس میں بیوی کے لیے نکاح نامہ، بچوں یا والدین کے لیے فیملی رجسٹریشن سرٹیفکیٹ لازمی ہونا چاہیے۔

رشتے داروں کے لیے رشتے داری کا سرٹیفکیٹ، شہادت نکاح (عربی زبان میں) جو پاکستان ایمبیسی کویت اور کویت کی وزارت خارجہ سے تصدیق شدہ ہو۔علاوہ ازیں اسپانسر کے سول آئی ڈی کی کاپی، ورک پرمٹ بھی ہونا چاہیے۔

جزیرا یا کویت ایئرویز سے ریٹرن فلائٹ کا ٹکٹ بک کروانا لازمی ہے، مکمل طور پر پرشدہ ویزا درخواست فارم بھی درکار ہوتا ہے۔

فلسطین کو ریاست تسلیم کرنے سے ہی امن حاصل ہوگا، سعودی عرب

متعلقہ جوازات کی ہدایت کے مطابق ’میٹا‘ یا ’ساحل‘ ایپ کے ذریعے اپوائنمنٹ حاصل کرنا ہوگی، درکار دستاویزات کو متعلقہ جوازات میں جمع کروائیں۔ویزا فیس تین دینار کی ادائیگی کے بعد ویزا حاصل کیا جاسکتا ہے جو عام طور پر ایک ماہ کے لیے موثر ہوتا ہے۔

اسپانسرز ایک حلف نامے پر دستخط کرے گا کہ وزٹ ویزا کو اقامہ میں منتقل نہیں کریں گے۔

کویت کے شہریت کے ادارے نے اہم اقدام اُٹھاتے ہوئے ملک سے غداری اور دہشت گردی کی فنڈنگ کا الزام ثابت ہونے پر 38 غیر ملکیوں کی کویتی شہریت کو منسوخ کردیا۔

عرب خبر رساں ادارے کی رپورٹ کے مطابق کویتی میڈیا کا اس حوالے سے کہنا ہے کہ شہریت اور امیگریشن ادارے سے جاری بیان میں کہا گیا ہے کہ 38 کویتیوں کے خلاف الزام تھا کہ وہ دہشت گردی کی فنڈنگ اور حزب اللہ و العبدلی نیٹ ورک کی مالی معاونت میں ملوث تھے۔

رپورٹس کے مطابق ملزمان کے خلاف جرائم ثابت ہونے پر شہریت کے ادارے نے ان کی کویتی شہریت کو منسوخ کردیا۔

38 افراد میں سے 11 پر حزب اللہ کی مالی معاونت کرنے، 5 کویتی الجزیرہ بلیک آرگنائزیشن سے جبکہ 22 افراد پر العبدلی نیٹ ورک سے تعلق رکھنے کے الزامات ثابت ہو گئے تھے جس پر ان کی کویتی شہریت منسوخ کی گئی۔

اس سے قبل کویت کے سابق وزیر داخلہ اور دفاع شیخ طلال الخالد کو عدالت نے کرپشن کا جرم ثابت ہونے پر 14 سال قید اور ایک کروڑ دینار جرمانے کی سزا سنائی۔

سبق ویب سائٹ کے مطابق عدالت نے سابق وزیر داخلہ اور دفاع شیخ طلال الخالد کو کرپشن کے دو مختلف مقدمات میں مجموعی طور پر یہ سزائیں سنائی ہیں۔

کویتی عدالت نے عوامی فنڈز میں کرپشن کے مقدمے میں 7 سال قید اور 95 لاکھ دینار حکومت کے خزانے میں جمع کرانے کی سزا سنائی۔

عدالت نے ایک اور مقدمے میں سابق وزیر کو 7 سال قید کی سزا اور پانچ لاکھ دینا حکومتی خزانے میں جمع کرانے کا حکم دیا۔

عدالت نے سابق وزیر سے ساڑھے 9 لاکھ ہزار دینار کی وصولی کا حکم بھی دیا اور ساتھ ہی ایک دوسرے مقدمے میں انہیں 7 سال قید کی سزا سنائی ہے۔

کویت کی برآمدات میں نمایاں اضافہ

واضح رہے کہ شیخ طلال الخالد الاحمد الصباح وزارت داخلہ اور اس سے قبل وزارت دفاع کا قلمدان سنبھالے ہوئے تھے۔ دونوں وزارتوں میں کرپشن پر ان کے خلاف وزرا کی خاص عدالت میں مقدمہ دائر کیا گیا تھا۔