Tag: Kuwait

کویت سٹی: کویت دنیا کا سستا ترین انٹرنیٹ مہیا کرنے والا ملک بن گیا ہے۔

تفصیلات کے مطابق دنیا میں سستا ترین موبائل انٹرنیٹ کویت میں فراہم کیا جاتا ہے، ایک نئے عالمی سروے میں کہا گیا ہے کہ کویت میں موبائل انٹرنیٹ کی قیمتیں دنیا میں سب سے سستی ہیں، ٹیلی کام کمپنیاں فی گیگا بائٹ کے ساتھ موبائل ڈیٹا کی فراہمی بہترین قیمت پر کر رہی ہیں۔

اس سلسلے میں مالی مطالعات کے ایک مرکز ٹاپ ڈالر نے رپورٹ شایع کی ہے، جو کہ دنیا بھر سے جمع کی گئی معلومات پر مبنی ہے، اس مطالعے کے تحت یہ دیکھا گیا تھا کہ کن ممالک میں سیلولر کمپنیاں گیگا بائٹس فی سیکنڈ (mbps) کے لیے کم ترین قیمتوں کے موبائل ڈیٹا آفرز کرتی ہیں۔

یہ بھی دیکھا گیا کہ دنیا بھر میں بہترین قیمت کے ساتھ ساتھ فی گیگا بائٹ کی قیمت مقامی آمدنی کے مقابلے میں کتنی ہے، تاکہ اسی کے تناظر میں سستے موبائل انٹرنیٹ کی قیمتوں کا تعین کیا جا سکے۔

جہاں تک موبائل ڈیٹا کی بدترین قیمت کا سوال ہے، اس میں نمیبیا 11.36 ڈالر کے ساتھ پہلے نمبر پر ہے، شام 3.2 ڈالر کے ساتھ دوسرے نمبر پر، کیوبا تیسرے ($ 2.82)، پاناما چوتھے ($ 2.34) اور تاجکستان پانچویں ($ 1.89) پر آیا۔

مطالعے سے پتا چلتا ہے کہ نمیبیا کو سست نیٹ ورک کی رفتار کی وجہ سے ڈیٹا کے اخراجات کے مقابلے میں سب سے پہلا نمبر ملا ہے، جو اس بات کی نشان دہی کرتا ہے کہ 10 میں سے 9 انتہائی سستے ممالک کی اوسط سالانہ آمدنی 30،000 ڈالر سے زیادہ ہے۔

کویت سٹی: خلیجی ممالک کی فہرست میں کویت کو دوسرے نمبر پر امیر ترین ملک قرار دیا گیا ہے۔

تفصیلات کے مطابق کویت خلیج میں دوسرا امیر ترین ملک قرار دے دیا گیا، قطر پہلے جب کہ سوئٹزرلینڈ دنیا کے پہلے نمبر پر امیر ترین ملک قرار دیا گیا ہے۔

سوئس کریڈٹ کی جانب سے جاری کردہ سال 2021 کی گلوبل ویلتھ رپورٹ کے مطابق کویت قطر کے بعد 2020 کے آخر تک اوسط فی کس دولت کے لحاظ سے دوسرا امیر ترین خلیجی ملک ہے۔

کویت کی اوسط دولت سال 2000 میں 62،064 ڈالر سے 2020 تک 129،890 ڈالر تک تجاوز کرگئی، جو دو دہائیوں میں 109.3 فی صد اضافہ ہے۔

کویت میں کل دولت 409 بلین ڈالر ہے جو 2020 میں دنیا کی کل دولت کا 0.1 فی صد ہے، اور فی کس GDP 34،339 ہے۔

کریڈٹ سوئس کی رپورٹ کے مطابق قطر خلیجی خطے میں پہلے نمبر پر ہے، جس کی اوسط فی کس دولت 146،730 ڈالر ہے اور کل دولت 352 ارب ڈالر ہے۔

تیسرے نمبر پر متحدہ عرب امارات ہے جس کی اوسط دولت 115،476 ڈالر ہے اور کل دولت 930 بلین ڈالر ہے۔

بحرین چوتھے نمبر پر ہے جس کی فی کس دولت 87،559 ڈالر ہے اور کل دولت 115 بلین ڈالر ہے۔ سعودی عرب 68،697 ڈالر کی فی کس دولت اور 1.662 ٹریلین ڈالر کی مجموعی دولت کے ساتھ پانچویں نمبر پر آیا ہے۔ چھٹے نمبر پر عمان ہے جس کی فی کس دولت 39،433 ڈالر اور مجموعی طور پر 148 بلین ڈالر ہے۔

تقریبا 674،000 ڈالر کی اوسط فی کس دولت کے ساتھ سوئٹزرلینڈ کو کریڈٹ سوئس نے دنیا کا امیر ترین ملک قرار دیا ہے، جب کہ امریکا 505،420 ڈالر کی اوسط فی کس دولت کے ساتھ دوسرے نمبر پر ہے۔

کویت سٹی: کویت ٹریفک ڈیپارٹمنٹ نے شہریوں اور غیر ملکیوں کو ہدایت کی ہے کہ وہ سفر سے قبل ٹریفک جرمانے ادا کریں۔

تفصیلات کے مطابق کویت ٹریفک حکام نے خبردار کیا ہے کہ شہری اور غیر ملکی سفر سے قبل ٹریفک جرمانے ادا کریں، ورنہ سفر کی اجازت نہیں دی جائے گی۔

وزارت داخلہ کی جانب سے تجویز دی گئی تھی کہ جب ٹریفک خلاف ورزی پر عائد جرمانے ادا نہ کیے جائیں، غیر ملکیوں کے بیرونِ ملک سفر پر پابندی لگائی جائے، وزارت داخلہ دیگر وزارتوں سے کویتیوں اور غیر ملکیوں کے لیے ہر قسم کی سروس بند کرنے کے لیے بھی رابطہ کرنا چاہتی ہے، جب تک کہ وہ ادائیگیاں نہ کر دیں۔

واضح رہے کہ اس قسم کی سروس کئی خلیجی ممالک پہلے ہی سے موجود ہے، ٹریفک ڈیپارٹمنٹ اس تجویز کو وزیر داخلہ شیخ ثامر العلی کو پیش کرنے پر غور کر رہی ہے، تاکہ کویتی شہریوں اور غیر ملکیوں کے ٹریفک جرمانوں کو اکھٹا کیا جا سکے جس کا تخمینہ لاکھوں دینار ہے۔

ذرائع کے مطابق کویت میں ٹریفک کی خلاف ورزی کرنے والے شہریوں کی ایک بڑی تعداد یا تو قید ہے یا وفات پا چکی ہے جب کہ غیر ملکیوں کی ایک بڑی تعداد مستقل طور پر ملک چھوڑ چکی ہے۔

تارکین وطن کو ٹریفک جرمانوں کی ادائیگی کے بغیر ملک چھوڑنے سے روکنے کے لیے زمینی، سمندری اور ہوائی بندرگاہوں پر جرمانوں کی وصولی کے لیے خصوصی دفاتر قائم کرنے کی تجویز بھی سامنے آئی ہے۔

ٹریفک خلاف ورزی پر فون پر ٹیکسٹ میسج بھیجنے کی تجویز پر بھی غور کیا جا رہا ہے، جس میں بتایا جائے گا کہ خلاف ورزی کون سی ہے اور کتنا جرمانہ عائد کیا گیا ہے۔

کویت سٹی: کرونا ویکسین سرٹیفکیٹ میں پاسپورٹ نمبر کا اندراج لازم قرار دے دیا گیا ہے۔

تفصیلات کے مطابق وزارت صحت کویت نے ہدایت کی ہے کہ سفر کے دوران کسی پریشانی سے بچنے کے لیے ویکسینیشن سرٹیفکیٹ میں پاسپورٹ نمبر کی ترمیم لازمی کروالیں۔

شہریوں اور تارکینِ وطن کو ہدایت کی گئی ہے کہ جنھوں نے کرونا وائرس سے حفاظتی ویکسین کی مطلوبہ ڈوزز وصول کرنے کے بعد اپنے پاسپورٹ کی تجدید کروائی ہے، وہ ویکسینیشن کے سرٹیفکیٹ میں اپنے پاسپورٹ نمبر میں ترمیم کے لیے مِشرف کے کویت ویکسینیشن سینٹر میں ’Ask Me‘ ڈیسک سے رجوع کریں۔

کویتی وزارت صحت کا کہنا ہے کہ پاسپورٹ نمبر میں ترمیم لازمی ہے، اس سے سفر کے دوران پریشانی سے بچے رہیں گے، وزارت صحت نے یہ تصدیق بھی کی کہ ’آسک می‘ ڈیسک ویکسین لینے والوں کے ڈیٹا میں ترمیم کرنے یا ڈیٹا شامل کرنے میں اہم کردار ادا کرتا ہے خواہ ناموں میں ترمیم کرنا ہو یا پاسپورٹ نمبر وغیرہ۔