Tag: Kuwait

کویت سٹی: کویت کی پبلک اتھارٹی برائے افرادی قوت نے اقامہ منتقلی کی اجازت دے دی۔

تفصیلات کے مطابق پبلک اتھارٹی برائے افرادی قوت کا اقامہ منتقلی پر بڑا فیصلہ سامنے آگیا، اتھارٹی نے بغیر کسی شرط کے سرکاری اور تمام شعبوں میں کارکنوں کی منتقلی کے لیے اجازت دے دی۔

مقامی میڈیا کا کہنا ہے کہ پبلک اتھارٹی برائے افرادی قوت کے ڈائریکٹر جنرل احمد الموسی نے ایک فیصلہ جاری کیا ہے جس میں کہا گیا ہے کہ تمام سرکاری اور نجی شعبوں کے کارکنوں کو ملازمت کے لیے مزید کسی نوٹس کے جاری ہونے تک اجازت دی جائے گی۔

فیصلے میں کہا گیا ہے کہ آجر کی رضا مندی اور بغیر مدت شق کے تمام شعبوں میں مقامی طور پر ملازمین کی منتقلی جائز ہے۔

کویت: اقامہ منسوخ ہونے والے غیر ملکیوں کے لیے خوشخبری

نوٹیفکیشن کے مطابق جن سیکٹرز کی تمام سرگرمیوں کے لیے اگلا نوٹس جاری ہونے تک اور آجر کے اجازت نامے کے بعد ملازمین کی منتقلی کی اجازت ہوگی، ان میں صنعت، زراعت اور کوآپریٹو یونینز فری ٹریڈ زون شامل ہیں۔

یاد رہے کہ جنوری میں اتھارٹی کے ترجمان نے خوش خبری سنائی تھی کہ کویت سے باہر پھنسے افراد جن کے ورک پرمٹ (اقامہ) منسوخ کر دیے گئے ہیں، وہ اپنے مالی واجبات ایک خصوصی پاور آف اٹارنی کے ذریعے حاصل کرنے کا دعویٰ کر سکتے ہیں۔

کویت سٹی: کویت کے بین الاقوامی ایئر پورٹ پر 870 جدید ترین سیکیورٹی کیمروں کی تنصیب جاری ہے۔

تفصیلات کے مطابق کویت بین الاقوامی ہوائی اڈے پر سیکیورٹی کیمروں کے جدید ترین سسٹم کی تنصیب کا عمل شروع ہو چکا ہے۔

ڈائریکٹوریٹ جنرل آف سول ایوی ایشن کا کہنا ہے کہ ایئر پورٹ پر پرانے سسٹم کی جگہ نیا سیکیورٹی سسٹم لایا جا رہا ہے، جس میں پہلی بار چہرے کی شناخت کے لیے مختلف قسم کے جدید کیمرے شامل کیے گئے ہیں۔

ایک مقامی روزنامے کے مطابق یہ کیمرے کویت بین الاقوامی ہوائی اڈے کی تمام عمارتوں بشمول T4 اور T5 میں نصب کیے جا رہے ہیں۔

ڈی جی سی اے ایک اعلیٰ درجے کا کنٹرول روم بھی تعمیر کر رہا ہے، جس میں دیوہیکل اسکرینیں، 20 نگرانی والی ٹی وی اسکرینز اور 4×2 میٹر کی ایک بڑی ویڈیو دیوار بنائی جائے گی۔

جدید ترین سیکیورٹی روم میں تقریباً 9 آپریٹرز اور ایک سپروائزر موجود ہوں گے۔

بتایا گیا ہے کہ جدید ترین کیمروں میں لوگوں اور کاروں کے لیے مصنوعی ذہانت پر مبنی ٹریکنگ کی خصوصیات موجود ہیں، کار پلیٹ نمبروں کی نشان دہی کرنے کے لیے لگ بھگ 5 کیمرے لگائے جائیں گے۔

ان کیمروں میں آگ اور دھواں اور نقل و حرکت کی نشان دہی کرنے کی بھی خصوصیات موجود ہیں۔

کویت سٹی: کویت میں ایک 12 سالہ لڑکے کی خود کشی کے واقعے نے پورے ملک کو ہلا کر رکھ دیا ہے۔

تفصیلات کے مطابق کویت میں غربت کے باعث چھٹی جماعت کے ایک بارہ سالہ طالب علم علی خالد یاسر الشمری نے کمرے کے ایئر کنڈیشنر میں تار ڈال کر خود کشی کی، اس واقعے نے پورے ملک کو جھنجھوڑ کر رکھ دیا۔

کویتی جریدے الرائی کی رپورٹ کے مطابق لڑکے کے والد کا کہنا تھا کہ محتاجی اور غربت ان کے جگر گوشے کی موت کا باعث بنی۔

انھوں نے نہایت دکھ سے بتایا کہ علی خالد اور اس کا بھائی کھلونوں، ملبوسات یا موبائل وغیرہ کے لیے فرمائش کرتے رہتے تھے، لیکن میں ان سے دکھی لہجے میں کہتا کہ میرے پاس اس کے لیے پیسے نہیں، میرا بیٹا اس دکھ کو محسوس کرتا تھا۔

والد کا کہنا تھا کہ وہ 150 دینار تنخواہ پر کام کرتے ہیں لیکن وہ بھی 3 ماہ سے نہیں ملی، اور 6 بچوں اور بیوی کے نان نفقہ کی ذمہ داری سر پر ہے۔

والد نے بیٹے کے خراب پلے اسٹیشن کے بارے میں بتایا کہ دو روز قبل بیٹے نے ان سے 12 دینار مانگے تھے، وہ اپنا پلے اسٹیشن ٹھیک کرانے لے گیا تھا لیکن کئی ہفتوں سے پیسے نہ ہونے کی وجہ سے نہیں لا سکا تھا، بار بار پیسے طلب کرتا اور میں اسے ایک ہی جواب دیتا کہ میرے پاس ہوں گے تو دوں گا۔

والد نے بتایا کہ واقعے سے قبل اس نے میرا اور اپنی والدہ کا ماتھا چوما اور کہا میں نہیں چاہتا کہ میری والدہ مجھ سے خفا ہوں، اور بیڈ روم چلا گیا، رات ڈھائی بجے دوسرا بیٹا میار چیختا ہوا آیا کہ بھائی مر گیا، اس کے کمرے میں گیا تو وہ ایئر کنڈیشنر کی وائر سے لٹکا ہوا تھا۔

کویتی جریدے کے مطابق علی الشمری کی خود کشی کے واقعے کے بعد کویتی ارکان پارلیمنٹ کے حلقوں میں ہنگامہ ہے، ایک رکن پارلیمنٹ صالح الشلاحی نے کہا ہم پارلیمانی تحقیقاتی کمیشن قائم کرنے کا مطالبہ کریں گے، یہ لوگ جو ہمارے درمیان رہ رہے ہیں، ہمیں انھیں کم از کم پروقار زندگی گزارنے کا موقع دینا ہوگا۔

کویت سٹی: کویت میں ادارہ جاتی قرنطینہ کے لیے ہوٹلوں کی نئی قیمتیں جاری کر دی گئیں۔

تفصیلات کے مطابق کویت میں کرونا وائرس کے حوالے سے ہائی رسک ممالک کو براہ راست اجازت دیے جانے کے بعد ادارہ جاتی قرنطینہ کے لیے ہوٹلوں کی بکنگ کے لئے نئی قیمتیں مقرر کردی گئیں۔

مقامی روزنامے نے ہوٹل قرنطینہ کے لیے ہوٹلوں کی نئی مقرر کردہ قیمتیں شائع کی ہیں، سول ایوی ایشن کی جنرل انتظامیہ کی جانب سے مقرر کردہ ان قیمتوں کا اطلاق کل اتوار سے ہوگا۔

کویت نے ممنوعہ ممالک کی براہ راست پروازیں بحال کر دیں

کویت ایئرپورٹ کے امور کے ڈپٹی ڈائریکٹر جنرل صالح الفداغی کا کہنا ہے ’کویت مسافر‘ پلیٹ فارم پر درج ہوٹلز کی تعداد 45 ہے، جن میں سے 11 فائیو اسٹار ہیں اور 18 فور اسٹار، جب کہ 16 تھری اسٹار ہیں، نیز قرنطینہ کے لیے مندرجہ ذیل ہوٹلوں کی قیمتیں 7 دن (6 راتوں) کے لیے مقرر کی گئی ہیں:

5 اسٹار ہوٹل:

سنگل روم: 245 دینار

ڈبل روم: 335 دینار

4 اسٹار ہوٹل:

سنگل روم: 185 دینار

ڈبل روم: 245 دینار

3 اسٹار ہوٹل:

سنگل روم: 125 دینار

ڈبل روم: 185 دینار

ہائی رسک ممالک سے آنے والے مسافر ہوٹلوں میں 14 دن کا قرنطینہ کریں گے، اس لیے قیمتیں بھی دگنی ہوں گی:

5 اسٹار ہوٹل:

سنگل روم: 595 دینار

ڈبل روم: 725 دینار

4 اسٹار ہوٹل:

سنگل روم: 400 دینار

ڈبل روم: 530 دینار

3 اسٹار ہوٹل:

سنگل روم: 270 دینار

ڈبل روم: 400 دینار

کویت سٹی: کویتی حکام کا کہنا ہے کہ 35 ممنوعہ ممالک کے شہری 21 فروری کے بعد کویت میں داخل ہو سکتے ہیں۔

تفصیلات کے مطابق اگلے اتوار 21 فروری سے غیر ملکی شہریوں کو کویت میں ایک بار پھر داخل ہونے کی اجازت ہوگی، تاہم وہ اپنے اخراجات پر ایک ہفتے کے لیے مقامی ہوٹل میں ادارہ جاتی قرنطین میں قیام کریں گے۔

واضح رہے کہ 35 ملکوں کی پابندی کی فہرست میں شامل ممالک سے آنے والے شہریوں پر یہ پابندی عائد ہے کہ وہ کویت میں داخل ہونے سے قبل کسی تیسرے غیر پابندی والے ملک میں 14 دن کا قیام کریں گے۔

کویتی حکام کے مطابق ممنوعہ ممالک کے شہریوں کو کویت جانے سے پہلے کسی تیسرے ملک میں 14 دن کا وقت گزارنا ہوگا جو پابندی والے ممالک کی فہرست میں شامل نہیں ہیں، کویت آمد کے بعد انھیں اپنے اخراجات پر ہوٹل میں ایک ہفتے کا ادارہ جاتی قرنطینہ کرنا ہوگا، اور اس کے بعد اپنے گھر میں بھی ایک ہفتے کا قرنطینہ کرنا ہوگا۔

کویت: پی سی آر ٹیسٹ کے سلسلے میں مسافروں کے لیے خوش خبری

حکام کا کہنا ہے کہ بیرون ملک سے آنے والوں کے لیے پی سی آر ٹیسٹ کا سرٹیفکیٹ ضروری ہے، طیارے میں سوار ہونے کی تاریخ سے نمونے لینے کی تاریخ تک 72 گھنٹے کی میعاد کی مدت ہے، اس کے علاوہ ’کویت مسافر‘ ایپلی کیشن پر مقامی ہوٹل کی بکنگ کے علاوہ کویت ایئر پورٹ پر پی سی آر ٹیسٹ بھی کروانے ہوں گے۔

خیال رہے کہ کویت آنے والوں کی تعداد روزانہ 1000 تک محدود ہے۔