Tag: Laapataa Ladies

بالی ووڈ اسٹار عامر خان کی سابقہ اہلیہ کرن راؤ کی ہدایتکاری میں بننے والی فلم ’لاپتہ لیڈیز ‘ نے بڑا اعزاز اپنے نام کرلیا۔

بھارتی میڈیا کے مطابق فلم فیڈریشن آف انڈیا کی جانب سے اعلان کیا گیا ہے کہ فلم ’لاپتہ لیڈیز ‘ کو آسکر ایوارڈز 2025 میں انٹرنینشل فلم کیٹیگری کے لیے نامزد کیا گیا ہے۔

رپورٹ میں بتایا گیا کہ عامر خان کی پروڈکشن میں بننے والی فلم ‘لاپتہ لیڈیز’ کو رنبیر کپور کی اینیمل اور دیگر 12 ہندی فلم، 6 تامل اور 4 ملیالم فلموں میں سے منتخب کیا گیا ہے۔

رپورٹ کے مطابق بھارت کو اس فلم سے بہت امیدیں ہیں کیونکہ فلم کو ناقدین کی جانب سے خوب پزیرائی ملی ہے۔ فلم کا موضوع بھی انتہائی دلچسپ ہے اور اس میں موجود سبھی اداکاروں نے بہترین کام کیا ہے۔

’لاپتہ لیڈیز‘ نے رنبیر کپور کی ’اینیمل‘ کو پیچھے چھوڑ دیا (arynews.tv)

اس سے قبل کرن راؤ نے بھارتی میڈیا سے گفتگو کرتے ہوئے کہا تھا کہ اگر اُن کی فلم آسکر ایوارڈز کے لیے نامزد ہوجائے گی تو اُن کا خواب پورا ہوجائے گا۔

واضح رہے کہ فلم ’لاپتہ لیڈیز ‘ بپلاب گوسوامی کی ایک ایوارڈ یافتہ کہانی پر بنائی گئی ہے جس میں پرتیبھا رانتا، سپارش شریواستو، اور نیتانشی گوئل نے اداکاری کے جوہر دکھائے۔

فلم میں ایک ایسے شخص کی کہانی بیان کی گئی ہے جس کی دلہن ٹرین سفر کے دوران گم ہوجاتی ہے، اور اس کا دلہا گھونگھٹ کی وجہ سے پہچان نہ پانے پر دوسری دلہن کو ساتھ گھر لے آتا ہے۔

ممبئی: جیو اسٹوڈیو اور اداکار عامر خان پروڈکشنز کے اشتراک سے کرن راؤ کی ہدایت کاری میں بننے والی ’لاپتا لیڈیز ‘ کا ٹریلر ریلیز کردیا گیا۔

مداحوں کے کافی انتظار کے بعد ’لاپتا لیڈیز‘ کے ٹریلر کی آخر کار نقاب کشائی کر دی گئی ہے، کامیڈی سے بھرپور انٹرٹینر پر مبنی فلم کے ٹریلر کو صارفین کی جانب سے خوب پسند کیا جارہا ہے۔

دیہی بھارت میں بنائی گئی اس کہانی کی کہانی دو نوجوان دلہنوں کے گرد گھومتی ہے جو ٹرین میں گم ہو جاتی ہیں اور اس کے نتیجے میں حیران کن واقعات کا سلسلہ شروع ہوتا ہے۔

‘لاپتا لیڈیز’ ایک فلم ہے جو جیو اسٹوڈیو کی طرف سے پیش کی گئی ہے، جس کی ہدایت کاری کرن راؤ نے کی ہے، اور اسے عامر خان اور جیوتی دیشپانڈے نے پروڈیوس کیا ہے۔

اس فلم کا اسکرین پلے بپلاب گوسوامی کی ایوارڈ یافتہ کہانی پر مبنی ہے، اسکرین پلے اور مکالمے اسنیہا ڈیسائی نے لکھے ہیں جبکہ اضافی مکالمے دیویاندھی شرما کے ہیں۔ یہ فلم یکم مارچ 2024 کو ریلیز کی جائے گی۔