ARYNews.tv | Urdu – Har Lamha Bakhabar

Tag: Labour Day

  • مزدوروں کی کم سے کم اجرت 20 ہزار روپے مقرر

    مزدوروں کی کم سے کم اجرت 20 ہزار روپے مقرر

    لاہور : پنجاب میں مزدوروں کی کم سے کم اجرت20ہزارروپے مقرر کردی گئی ، وزیراعلیٰ پنجاب عثمان بزدار کا کہنا ہے کہ حکومت آئندہ بھی مزدوروں کیلئے تاریخ ساز اقدامات کرے گی۔

    تفصیلات کے مطابق وزیراعلیٰ پنجاب عثمان بزدار نے یوم مزدور کے موقع پر ویڈیو پیغام میں کہا ہے کہ یکم مئی محنت کش طبقےکی خدمات کا دن ہے، حکومت پسماندہ اور محنت کش طبقےکی فلاح و بہبودکیلئےکوشاں ہے، اسپتالوں میں مزدوروں، انکےاہلخانہ کو سہولتیں فراہم کی جارہی ہیں۔

    ،عثمان بزدار کا کہنا تھا کہ حکومت آئندہ بھی مزدوروں کیلئےتاریخ سازاقدامات کرےگی، 7.25ارب سےٹیلنٹ اسکالرشپ،شادی،اموات پرگرانٹ دی جا رہی ہے جبکہ لاہور،ملتان،ننکانہ صاحب میں مزدوروں میں 1296 فلیٹس الاٹ کئے گئے ہیں۔

    انھوں نے کہا کہ کوروناکےپیش نظرمحنت کشوں کادن سادگی سےمنارہےہیں، وطن عزیزہم سےگھروں میں رہنےکاتقاضاکرتاہے، محنت کش ہمارےہیروہیں جورزق حلال کماکرمعیشت مضبوط کرتےہیں۔

    وزیراعلیٰ پنجاب کا کہنا تھا کہ 1886کو شکاگومیں محنت کشوں نے حقوق کیلئےلازوال قربانیاں دیں، یہ دن جبرواستبدادکےخلاف شکاگوکےشہداکی جدوجہدیاددلاتا ہے، دین اسلام محنت کش کی عظمت اورفلاح وبہبودکادرس دیتاہے۔

    انھوں نے مزید کہا کہ نیا پاکستان محنت کشوں اورمزدوروں کاپاکستان ہے، ماضی میں محنت کشوں کووعدوں پرٹرخایاگیا، سابق ادوارمیں مزدوروں کی فلاح کیلئےعملی اقدامات نہیں کئے گئے۔

  • حکومت محنت کشوں کے حالات بہتر بنانے کیلئے پُرعزم ہے، وزیراعظم کا یومِ مزدور پر پیغام

    حکومت محنت کشوں کے حالات بہتر بنانے کیلئے پُرعزم ہے، وزیراعظم کا یومِ مزدور پر پیغام

    اسلام آباد : وزیراعظم عمران خان کا کہنا ہے کہ حکومت محنت کشوں کے حالات بہتر بنانے کیلئے پرعزم ہے، کوشش ہےمحنت کشوں کواندرون و بیرون ملک ملازمتوں کے بہتر مواقع میسر آ سکیں۔

    تفصیلات کے مطابق وزیراعظم عمران خان نے یوم مزدورپرپیغام میں کہا ہے کہ اسلام نےمحنت کشوں کےحقوق کااحترام کرنے پر خصوصی زور دیا ہے، نبی کریم ﷺ کی کئی احادیث میں محنت کشوں سے منصفانہ سلوک کی تعلیم دی گئی ہے۔

    عمران خان نے کہا کہ حکومت محنت کشوں کے حالات بہتر بنانے کیلئے پرعزم ہے، حکومت کامقصد کارکنوں کےفلاحی اداروں کے لیے خودکارنظام وضع کرنا ہے ، کوشش ہے، شفافیت کویقینی کارکنوں کو ریلیف کی فراہمی میں تاخیر کم کیا جاسکے۔

    وزیراعظم کا کہنا تھا کہ کورونا کے باعث محنت کشوں روزاجرت پر کام کرنے والوں کوچیلنج درپیش ہے، حکومت محنت کشوں اوریومیہ اجرت پرکام کرنے والوں کے چیلنج سےآگاہ ہے ، کم آمدن والے محنت کشوں کیلئےحکومت نے مزدور کا احساس پروگرام شروع کیا۔

    عمران خان نے کہا کہ یکم مئی ہمیں محنت کشوں کی قربانیوں ، بہادری اور عزم کی یاد دلاتا ہے ، مزدوروں بنیادی حقوق برقرار رکھنے اورمنصفانہ ماحول کے لئے جانیں نچھاور کیں، ہمیں چاہیے اندرون اور بیرون ملک محنت کشوں کے قومی تعمیر کی خدمات کا اعتراف کریں۔

    انھوں نے مزید کہا کہ لیبر مارکیٹ کے مدنظر پیشہ وارانہ تربیت اورہنر کی ترقی کے پروگرام شروع کیے ہیں، کوشش ہےمحنت کشوں کواندرون و بیرون ملک ملازمتوں کے بہتر مواقع میسر آ سکیں۔

    وزیراعظم کا کہنا تھا کہ حکومت کوویڈ19 سے محنت کشوں کیلئےپیدا صورتحال اور چیلنجز سے آگاہ ہے، ہماری پالیسی ہے کہ محنت کشوں کی جان اور معاش کے تحفظ کے مابین توازن ہو ، کوشش ہےدوران وبا محنت کش مناسب ذریعہ معاش کمانے کے بھی قابل ہوں۔

    عمران خان نے مزید کہا کہ احساس پروگرام کم آمدن محنت کشوں کی ضروریات کے مدنظر تیار کیا گیا ہے، ہم محنت کشوں کواپناسمجھتے ہیں اوراس سے حوالے سے اپنی ذمےداریوں سے آگاہ ہیں، پرعزم ہیں کہ اقتصادی ترقی کےثمرات سےمحنت کش سمیت تمام طبقات خوشحال ہوں، اللہ ہمیں اپنے کارکنوں اور خوشحالی کیلئے بہترین کوششیں کرنے کی توفیق عطا فرمائے۔

    دوسری جانب صدرمملکت عارف علوی کا یوم مزدورپرپیغام میں کہنا تھا کہ مزدوروں کی تحریک حقوق کی پامالی کےخلاف جدوجہدمیں مشعل راہ ہے، حکومت مزدور کی فلاح و بہبود اور تحفظ کے ہر ممکن اقدامات کر رہی ہے۔

    عارف علوی کا کہنا تھا کہ مزدور اور آجرپیداوار کے عمل میں شراکت دار ہیں تاہم ملک کی سماجی و اقتصادی ترقی کے مزدوراورآجرکاتعاون ناگزیر ہے، مزدوروں اور محنت کشوں کی جدو جہد کو سلام پیش کرتے ہیں۔

    صدر مملکت نے کہا کہ زندگیوں میں بہتری اور پائیدار ترقی کے لیےمحنت کشوں کی خدمات لائق تحسین ہیں، لیبر قوانین کی تشکیل سے بہت پہلے اسلام نے مزدوروں کے حقوق دیے ، حضرت محمدﷺکی زندگی میں مزدورکےوقارکےاحترام کی متعددمثالیں ملتی ہیں۔

    ان کا کہنا تھا کہ حکومت پاکستان مزدوروں کو درپیش مسائل سے پوری طرح واقف ہے، وباسے پیداصورتحال میں حکومت مزدورکی فلاح کی کوشش کررہی ہے ، کورونا وائرس کی وبانےمحنت کش اور مزدور طبقہ کو شدیدمتاثر کیا تاہم حکومت نےاحساس پروگرام کے تحت مزدور طبقے کی فوری مدد کی۔

    عارف علوی نے مزید کہا کہ وفاقی اورصوبائی حکومتیں مزدوروں کےحقوق کےتحفظ کی کوششیں جاری رکھیں گی، ملک بھر کے محنت کشوں کے اچھے مستقبل اور خوشحالی کے لئے دعا گو ہیں۔

  • یوم مئی مزدور عزت اور بنیادی حقوق کے فراہمی کے وعہد کی تجدید کا دن ہے، صدرعارف علوی

    یوم مئی مزدور عزت اور بنیادی حقوق کے فراہمی کے وعہد کی تجدید کا دن ہے، صدرعارف علوی

    اسلام آباد : صدرعارف علوی کا کہنا ہے کہ یوم مئی مزدورعزت اوربنیادی حقوق کےفراہمی کےوعہدکی تجدیدکادن ہےجبکہ دیگر رہنما بھی محنت کشوں کو خراج تحسین پیش کر رہے ہیں۔

    تفصیلات کے مطابق پاکستان سمیت دنیا بھر میں آج مزدوروں کا عالمی دن منایا جارہا ہے ، صدرعارف علوی نے یوم مزدورپرپیغام میں کہا یوم مئی مزدورعزت اوربنیادی حقوق کےفراہمی کےوعہدکی تجدیدکادن ہے، ملازم اورآجرترقی میں حصےدارہیں ، ملازم اورآجرکاتعلق صنعتی اور اقتصادی ترقی میں بہت اہم ہے، آئیے آج کےدن پاکستان کی ترقی اورخوشحالی کے لیے عہد کریں۔

    "مزدور کااحساس پروگرام” سماجی تحفظ میں اہم سنگ میل ہوگا، فردوس عاشق اعوان

    معاون خصوصی فردوس عاشق اعوان کامزدوروں کے عالمی دن پر اپنے پیغام میں کہا خون پسینے سے دنیا آبادکرنے والوں خراج تحسین پیش کرتےہیں، تعمیر اور ملکی ترقی میں مزدوروں کو اہم شراکت دار سمجھتے ہیں۔

    فردوس عاشق اعوان کا کہنا تھا محنت کی عظمت کوپروان چڑھانے والی اصلاحات لائیں گے، مزدوروں کی فلاح و بہبود کے بغیر ملکی ترقی ناممکن ہے، وزیراعظم مزدوروں کو ان کے حقوق دلانا چاہتے ہیں، "مزدور کااحساس پروگرام” سماجی تحفظ میں اہم سنگ میل ہوگا۔

    نئے پاکستان میں محنت کش کواس کےحقوق ملیں گے، وزیر اعلیٰ پنجاب عثمان بزدار

    وزیر اعلیٰ پنجاب عثمان بزدار نے محنت کشوں کے حقوق کے دن پر پیغام میں کہا 1886کوشکاگومیں محنت کشوں نےحقوق کیلئےقربانیاں دیں، دین اسلام محنت کش کی عظمت،فلاح وبہبودکادرس دیتاہے، نئے پاکستان میں محنت کش کواس کےحقوق ملیں گے۔

    مزدور کے وسائل میں اضافہ اوران کو مراعات دوں گا، شیخ رشید

    یوم مئی پر ریلوے وزیر شیخ رشید نے خصوصی پیغام میں کہا ریلوے کے تمام مزدوروں اور ورکروں کوسلام پیش کرتا ہوں، مزدور کی محنت اورلگن سے ہی ریل کا پہیہ چل رہا ہے، مزدوروں کوخراج تحسین جنہوں نے30نئی ٹرینیں چلانےمیں مددکی۔

    شیخ رشید کا کہنا تھا ریلوے کے مزدور کے وسائل میں اضافہ اوران کو مراعات دوں گا، گینگ مین اور کی مین کو سلام جو سخت موسم میں کھلے آسمان تلے کام کرتے ہیں۔

    ہر سطح پر محنت کش کے حقوق کی ادائیگی یقینی بنائی جائے گی،چیئرمین سینیٹ

    چیئرمین سینیٹ محمد صادق سنجرانی  نے  محنت کشوں کے عالمی دن پر پیغام میں کہا ہر سطح پر محنت کش کے حقوق کی ادائیگی یقینی بنائی جائے گی، مزدور وں کامعیار بہترہونےکےلیےلائحہ عمل کی ضرورت ہے۔

    موجودہ حکمرانوں نےمہنگائی آسمان پرپہنچاکرغریب سےروٹی چھین لی، بلاول

    پی پی پی چیئرمین بلاول بھٹو نے یوم مزدور پر اپنے بیان میں کہا حقوق کی جدوجہد میں قربانیاں دینےوالےمحنت کشوں کوسلام، محنت کش طبقات آج بھی اپنے جائز حقوق سےمحروم ہیں، آج کل مزدوروں کےحقوق پرنقب زنی عروج پرہے، نیازی حکومت مزدوروں کےمفادات کامتضادبن چکی ہے۔

    بلاول بھٹو کا کہنا تھا موجودہ حکمرانوں نےمہنگائی آسمان پرپہنچاکرغریب سےروٹی چھین لی، موجودہ حکومت کی ناکام پالیسیاں معیشت کودفن کرنے کے در پے ہیں ، ایسےمشکل حالات میں فقط پیپلزپارٹی ملک کوسنبھال سکتی ہے، بہتری کی گنجائش ہے،محنت کشوں کےمسائل حل کرنےکی ضرورت ہے۔

  • محنت کشوں کےعالمی دن پرصدرمملکت اوروزیراعظم کے پیغامات

    محنت کشوں کےعالمی دن پرصدرمملکت اوروزیراعظم کے پیغامات

    اسلام آباد : صدر پاکستان ممنون حسین اوروزیراعظم شاہد خاقان عباسی نے مزدوروں کےعالمی دن پر اپنے پیغام میں کہا کہ ملکی تعمیروترقی میں محنت کشوں کا کردارکلیدی ہے۔

    صدرمملکت نے محنت کشوں کے عالمی دن پراپنے پیغام میں مزدوروں کو شاندار خراج تحسین پیش کرتے ہوئے کہا کہ یکم مئی قومی ترقی کے لیے نیک نیتی سے کام کرنے کے عہد کا دن ہے اورآجر کو یہ عہد کرنا ہوگا کہ وہ مزدوروں کے حقوق کی ادائیگی یقینی بنائے گا۔

    ممنون حسین نے کہا کہ محنت کش نیک نیتی اوردیانت کی شاندارروایات کے امین ہیں، ملکی تعمیروترقی میں محنت کشوں کا کردارکلیدی ہے۔

    صدرمملکت نے کہا کہ رسول اللہ ﷺ کے فرمان کے مطابق محنت کش اللہ کا دوست ہے، حدیث کے مطابق مزدور کا حق پسینہ خشک ہونے سے قبل ادا کرنا چاہیے، اسلام نے محنت کشوں کو جو حقوق دیے ہیں اس کی مثال نہیں ملتی۔

    صدرممنون حسین کا مزید کہنا تھا کہ مزدوروں کے لیے تمام حکومتی پالیسیاں اسلام کے سنہری اصول پراستوار ہیں اور حالیہ بجٹ میں محنت کشوں کے معاوضوں میں معقول اضافہ بھی کیا گیا ہے۔

    محنت کشوں کے عالمی دن پر وزیراعظم کا پیغام

    دوسری جانب وزیراعظم شاہد خاقان عباسی نے مزدوروں کے عالمی دن پر اپنے پیغام میں کہا کہ شکاگوکے محنت کشوں کی قربانی تاریخ کا اہم باب ہے۔

    وزیراعظم پاکستان کا کہنا تھا کہ وفاقی حکومت صوبائی حکومتوں کے تعاون سے محنت کشوں کی بہبود اور ان کے اہل خانہ کا معیار زندگی بہتر بنانے کی غرض سے تمام اقدامات کرنے کے لیے پُرعزم ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • دنیا بھرمیں آج مزدوروں کا عالمی دن منایا جا رہا ہے

    دنیا بھرمیں آج مزدوروں کا عالمی دن منایا جا رہا ہے

    پاکستان سمیت دنیا بھر میں آج مزدوروں کے حقوق کا عالمی دن منایا جارہا ہے، یہ دن شکاگو میں مزدوروں کی جانب سے کے جانے والے احتجاج پر امریکی حکومت کی جانب سے تشدد کے نتیجے میں جاں بحق اور زخمی ہونے والے مزدوروں کی یاد میں منایا جاتا ہے۔

    یکم مئی 1886 میں چند مزدور رہنماؤں کی اپیل پرشکاگو کی فیکٹریوں میں کام کرنے والے 4 لاکھ مزدوروں کی جانب سے ہڑتال کی گئی، ہڑتال اس قدر کامیاب تھی کہ ایک امریکی اخبار نے لکھا کہ کسی ایک بھی فیکٹری کی چمنی سے دھواں اٹھتا دکھائی نہیں دیا۔

    مزدوروں نے نا صرف یہ کہ ہڑتال کی بلکہ شکاگو کے’ہے مارکیٹ اسکوائر‘پراحتجاج کے لیے جمع ہونے لگے، ایک محتاط اندازے کے مطابق 25،000 مزدور احتجاج کے لیے جمع ہوئے تھے۔

    مزدوروں کا مطالبہ تھا کہ ان کے کام کرنے کے اوقات 14 گھنٹے سے گھٹا کر 08 گھنٹے کیے جائیں اور اس مطالبے میں مقامی، غیر مقامی، ہنرمنداور مزدور سب ہی شامل تھے۔

    مئی کی چار تاریخ تک یہ احتجاج پرامن طریقے سے جاری رہا لیکن 4 مئی کی رات کواچانک کہیں سے 180 پولیس افسران کا دستہ نمودارہوا جس نے مظاہرین سے منتشرہونے کو کہا۔

    مظاہرین کا کہنا تھا کہ ہم پر امن احتجاج کررہے ہیں کہ اچانک کہیں سے ایک بم پولیس اہلکاروں پرآگرا جس کے بعد پولیس نے اندھا دھند فائرنگ شروع کردی۔

    ایک محتاط اندازے کے مطابق اس میں 4 افراد جاں بحق اور 70 سے زائد زخمی ہوئے تھے۔ جاں بحق اورزخمی ہونے والے افراد کی درست تعداد آج تک طے نہیں کی جاسکی۔

    اس واقعے کے فوراً بعد چھاپے اور گرفتاریوں کا ایک سلسلہ شروع ہوا جس میں کئی مزدور رہنماؤں کو گرفتار کیا گیااور سزائیں بھی دیں گئیں۔

    اس سانحے سے مزدوروں کے آٹھ گھنٹے کام کرنے کے مطالبے کو شدید نقصان پہنچا اور تحریک عارض طور پر دباؤ کا شکارہوگئی۔

    یکم مئی اپنے خونِ ناحق کی سرخ پیغمبری کا دن ہے
    یکم مئی زندگی کا اعلان رنگ ہے زندگی کا دن ہے

    اس واقعے کے چارسال بعد 4 مئی کو ہونے والے سانحے میں جاں بحق ہونے والے مزدوروں کوخراج تحسین پیش کرنے کے لیے عالمگیرمظاہروں کا اعلان کیا گیا جو انتہائی کامیاب رہا۔

    اس واقعے کے تقریباً 51 سال بعد 1937 میں امریکہ کے زیادہ ترمزدور آٹھ گھنٹے کام کرنے کا حق حاصل کرچکے تھے۔

    افسوس کی بات یہ ہے کہ آج 2018 میں جب دنیا بھر میں آٹھ گھنٹے کام کا حصول رائج ہوچکا ہے لیکن پاکستان میں یہ اصول صرف کاغذوں کی حد تک رائج ہے لیکن مزدوروں کے حالات آج بھی بہت خراب ہیں۔

    اس شہرمیں مزدورجیسا دربدرکوئی نہیں
    جس نے سب کے گھر بنائے اس کا گھر کوئی نہیں

  • صدر اور وزیراعظم مزدوروں کی فلاح وبہود کےلیے پرعزم

    صدر اور وزیراعظم مزدوروں کی فلاح وبہود کےلیے پرعزم

    اسلام آباد : صدر پاکستان اور وزیراعظم نے مزدوروں کے عالمی دن پر مزدوروں کے مسائل حل کرنے کےعزم کا اظہار کیا ہے۔

    تفصیلات کےمطابق صدر پاکستان اور وزیراعظم کا مزدوروں کے عالمی دن پر دیے جانے والے پیغام میں کہنا تھا کہ حکومت مزدوروں کی فلاح و بہبود کے لیے اقدامات کر رہی ہے۔

    صدرپاکستان نےکہاکہ محنت کش معاشرے کانہایت اہم ستون ہیں جو اس کی سماجی واقتصادی ترقی میں مرکزی کرداراداکررہے ہیں۔

    ممنون حسین کاکہناتھاکہ آج کا دن پاکستانی محنت کشوں کی قوت اور کردار اورملک کو ترقی اورخوشحالی کی راہ پرگامزن کرنے کےلیے اُن کے خلوص اور عزم کی علامت ہے۔

    وزیراعظم نواز شریف کا مزدوروں کے عالمی دن پر دیے جانے والے اپنے پیغام میں کہنا تھا کہ تیز رفتار اور جدید صنعتی معیشت کی ترقی کے اہداف ہنرمند،محنت کش اور پر عزم مزدوروں کی مدد سے ہی حاصل ہو سکتے ہیں۔

    وزیراعظم پاکستان کا یہ بھی کہنا تھا کہ خوشحال افرادی قوت ہی پاکستان کی مکمل صلاحیت کا احساس دلاتی ہے اور موجودہ دور کی انتہائی مسابقتی معاشی دنیا کا مقابلہ کر رہی ہے۔

    مزدورہماری قوم کےگمنام ہیروہیں‘عمران خان

    واضح رہےکہ تحریک انصاف کےسربراہ عمران خان نے مزدوروں کےعالمی دن پراپنے پیغام میں کہاکہ مزدورہماری قوم کےگمنام ہیروہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • دنیا بھر میں آج مزدوروں کا عالمی دن منایا جارہا ہے

    دنیا بھر میں آج مزدوروں کا عالمی دن منایا جارہا ہے

    کراچی: یکم مئی مزدوروں کے عالمی دن یا یوم مزدور کے عنوان سے منایا جاتا ہے، اس دن کو منانے کا مقصد امریکہ کے شہر شکاگو کے محنت کشوں کی جدوجہد کویاد کرنا ہے ۔

    یوم مئی کا آغاز 1886ء میں محنت کشوں کی طرف سے آٹھ گھنٹے کے اوقات کار کے مطالبے سے ہوا جس میں ٹریڈ یونینز اور مزدور تنظیمیں، اور دیگر سوشلسٹک اداروں نے کارخانوں میں ہر دن آٹھ گھنٹے کام کا مطالبہ کیا۔

    اس مطالبہ کو تمام قانونی راستوں سے منوانے کی کوشش ناکام ہونے کی صورت میں یکم مئی کو ہی ہڑتال کا اعلان کیا گیا اور کہا گیا کہ جب تک مطالبات نا مانے جائیں یہ تحریک جاری رہے گی۔ 16-16 گھنٹے کام کرنے والے مزدوروں میں 8 گھنٹے کام کا نعرہ بہت مقبول ہوا۔

    اس دن امریکہ کے محنت کشوں نے مکمل ہڑتال کی، تین مئی کو اس سلسلے میں شکاگو میں منعقد مزدوروں کے احتجاجی جلسے پر حملہ ہوا جس میں چار مزدور شہید ہوئے، اس بر بریت کے خلاف محنت کش احتجاجی مظاہرے کے لئے میں جمع ہوئے، جس میں 25000سے زائد مزدورں نے احتجاج کیا، اس احتجاج کو روکنے کیلئے حکمران طبقات کے پاس محنت کشوں پر ریاستی تشدد کا راستہ اپنانے کے علاوہ کوئی راستہ نہیں بچ چکا تھا۔

    پولیس نے مظاہرہ روکنے کے لئے محنت کشوں پر تشدد کیا اسی دوران بم دھماکے میں ایک پولیس افسر ہلاک ہوا تو پولیس نے مظاہرین پر گولیوں کی بوچھاڑ کر دی جس کے نتیجے میں بے شمار مزدور شہید ہوئے اور درجنوں کی تعداد میں زخمی ہوگئے۔

    اس واقعے کے فوراً بعد چھاپے اور گرفتاریوں کا ایک سلسلہ شروع ہوا جس میں کئی مزدور رہنماؤں کو گرفتار کیا گیااور سزائیں بھی دیں گئیں۔

    حالانکہ ان کے خلاف کوئی ثبوت نہیں تھا کہ وہ اس واقعے میں ملوث ہیں، انہوں نے مزدور تحریک کے لئے شہادت دے کر سرمایہ دارانہ نظام کا انصاف اور بر بریت واضح کر دی، ان شہید ہونے والے رہنماؤں نے کہا ۔ ’’تم ہمیں جسمانی طور پر ختم کر سکتے ہو لیکن ہماری آواز نہیں دباسکتے ‘‘۔

    اس جدوجہد کے نتیجے میں دنیا بھر میں محنت کشوں نے آٹھ گھنٹے کے اوقات کار حاصل کئے ۔

    سن 1989ء میں ریمنڈ لیوین کی تجویز پر یکم مئی 1890ء کو یوم مئی کے طور پر منانے کا اعلان کیا گیا۔ اس دن کی تقریبات بہت کامیاب رہیں۔ اسکے بعد یہ دن ’’ عالمی یوم مزدور‘‘ کے طور پر منایا جانے لگا۔

  • آج دنیا بھرمیں مزدوروں کا عالمی دن منایا جارہا ہے

    آج دنیا بھرمیں مزدوروں کا عالمی دن منایا جارہا ہے

    تحریر : سید فواد رضا

    آج پاکستان سمیت دنیا بھر میں مزدوروں کے حقوق کا عالمی دن منایا جارہاہے، یہ دن شکاگو میں مزدوروں کی جانب سے کئے جانے والے احتجاج پر امریکی حکومت کی جانب سے تشدد کے نتیجے میں جاں بحق اور زخمی ہونے والے مزدوروں کی یاد میں منایا جاتا ہے۔

    یکم مئی 1886 میں چند مزدور رہنماؤں کی اپیل پرشکاگو کی فیکٹریوں میں کام کرنے والے 4 لاکھ مزدوروں کی جانب سے ہڑتال کی گئی، ہڑتال اس قدر کامیاب تھی کہ ایک امریکی اخبار نے لکھا کہ کسی ایک بھی فیکٹری کی چمنی سے دھواں اٹھتا دکھائی نہیں دیا۔

    مزدوروں نے نا صرف یہ کہ ہڑتال کی بلکہ شکاگو کے’ہے مارکیٹ اسکوائر‘پراحتجاج کے لئے جمع ہونے لگے، ایک محتاط اندازے کے مطابق 25،000 مزدور احتجاج کے لئے جمع ہوئے تھے۔

    مزدوروں کا مطالبہ تھا کہ ان کے کام کرنے کے اوقات 14 گھنٹے سے گھٹا کر 08 گھنٹے کئے جائیں اور اس مطالبے میں مقامی، غیر مقامی، ہنرمنداور مزدور سب ہی شامل تھے۔

    مئی کی چار تاریخ تک یہ احتجاج پرامن طریقے سے جاری رہا لیکن 4 مئی کی رات کواچانک کہیں سے 180 پولیس افسران کا دستہ نمودارہوا جس نے مظاہرین سے منتشرہونے کو کہا۔

    مظاہرین کا کہنا تھا کہ ہم پر امن احتجاج کررہے ہیں کہ اچانک کہیں سے ایک بم پولیس اہلکاروں پرآگرا جس کے بعد پولیس نے اندھا دھند فائرنگ شروع کردی۔

    ایک محتاط اندازے کے مطابق اس میں 4 افراد جاں بحق اور 70 سے زائد زخمی ہوئے تھے۔ جاں بحق اورزخمی ہونے والے افراد کی درست تعداد آج تک طے نہیں کی جاسکی۔

    یکم مئی اپنے خونِ ناحق کی سرخ پیغمبری کا دن ہے
    یکم مئی زندگی کا اعلان رنگ ہے زندگی کا دن ہے

    اس واقعے کے فوراً بعد چھاپے اور گرفتاریوں کا ایک سلسلہ شروع ہوا جس میں کئی مزدور رہنماؤں کو گرفتار کیا گیااور سزائیں بھی دیں گئیں۔

    اس سانحے سے مزدوروں کے آٹھ گھنٹے کام کرنے کے مطالبے کو شدید نقصان پہنچا اور تحریک عارض طور پر دباؤ کا شکارہوگئی۔

    اس واقعے کے چارسال بعد 4 مئی کو ہونے والے سانحے میں جاں بحق ہونے والے مزدوروں کوخراج تحسین پیش کرنے کے لئے عالمگیرمظاہروں کا اعلان کیا گیا جو انتہائی کامیاب رہا۔

    اس واقعے کے تقریباً 51 سال بعد 1937 میں امریکہ کے زیادہ ترمزدور آٹھ گھنٹے کام کرنے کا حق حاصل کرچکے تھے۔

    افسوس کی بات یہ ہے کہ آج 2015 میں جب دنیا بھر میں آٹھ گھنٹے کام کا حصول دنیا بھرمیں رائج ہوچکا ہے لیکن پاکستان میں یہ اصول صرف کاغذوں کی حد تک رائج ہے لیکن مزدوروں کے حالات آج بھی بہت خراب ہیں۔

    اس شہرمیں مزدورجیسا دربدرکوئی نہیں
    جس نے سب کے گھر بنائے اس کا گھر کوئی نہیں

  • پاکستان سمیت دنیا بھر میں آج یوم مزدور منایا جا رہا ہے

    پاکستان سمیت دنیا بھر میں آج یوم مزدور منایا جا رہا ہے

    labour-d