لاہور: پاک بھارت کشیدگی کے باعث علامہ اقبال ایئرپورٹ پرمعطل ہونے والے فلائٹ آپریشن کو دوبارہ بحال کردیا گیا۔
تفصیلات کے مطابق سول ایوی ایشن اتھارٹی کے نوٹیفکیشن کے مطابق لاہور ایئرپورٹ کے فلائٹ آپریشن معمول کے مطابق بحال کردیے گئے ہیں۔
سول ایوی ایشن اتھارٹی کے مطابق تمام فضائی کمپنیوں کو آپریشن شروع کرنے سے متعلق آگاہ بھی کردیا گیا ہے۔
پی آئی اے کی کراچی جانے والی پرواز کی روانگی پونے10بجے تک متوقع ہے جبکہ جدہ جانے والی پرواز 11بجے اڑان بھرے گی۔
سول ایوی ایشن اتھارٹی کے جاری کردہ نوٹیفکیشن کے مطابق ڈومیسٹک اور انٹرنیشل فلائٹس کو ری شیڈول کیا گیا ہے اور مسافروں کی ہدایت کی گئی کہ وہ ایئرپورٹ آنے سے قبل 0215 ہیلپ لائن پر کال کرکے معلومات حاصل کرلیں۔
یاد رہے کہ پاک بھارت کشیدگی کے باعث سی اے اے نے پاکستان کی فضائی حدود اور ہوائی اڈے کمرشل پروازوں کے لیے بند کردیے تھے۔
سول ایوی ایشن اتھارٹی نے گزشتہ روز اسلام آباد، کراچی، پشاور اور کوئٹہ کے ہوائی فضائی اڈوں پر فلائٹ آپریشن معمول کے مطابق بحال کیے جبکہ ملتان ایئرپورٹ پرفلائٹ آپریشن اب بھی معطل ہے جو 4 مارچ کو دوپہر ایک بجے بحال ہوگا۔
لاہور: علامہ اقبال ایئرپورٹ کے رن وے کو دو گھنٹے مرمت کے بعد ایک بار پھر پروازوں کے لیے کھول دیا گیا ہے، اس دوران متعدد پروازیں تاخیر کا شکار ہوئیں۔
تفصیلات کے مطابق آج صبح ایک پائلٹ کی جانب سے رن وے میں خرابی کی نشاندہی کی گئی تھی جس کے بعد ہنگامی طور پر رن وے کو مرمت کے لیے بند کیا گیا، اس دوران متعدد پروازیں تاخیر کا شکار ہوئیں۔
سول ایوی ایشن کے انجینئرز نے رن وے کو صبح ساڑھے گیارہ بجے پروازوں کے لیے بند کیا تھا اور دو گھنٹے کی ریکارڈ مدت میں مرمتی کام مکمل کرکے رن وے کو دوپہر ڈیڑھ بجے پروازوں کے لیے کھول دیا۔
یاد رہے کہ رن وے بند ہونے سے علامہ اقبال انٹرنیشنل ایئرپورٹ پر اندرون اور بیرون ملک فضائی آپریشن معطل ہوگیا تھا۔ پیرس سے لاہورایئرپوٹ پرلینڈ کرنے والی پی آئی اے کی پرواز پی کے734کے کپتان نے ٹاور کو رپورٹ کی کہ رن وے پر کریک ہے، جس کے سبب طیارے کی لینڈنگ میں انتہائی مشکل پیش آئی۔
کپتان کی نشاندہی پر سی اے اے نے لاہور ایئرپوٹ کا رن وے مکمل طور پر بند کردیا اورہنگامی بنیادوں پر رن وے کی مرمت کا کام شروع کردیا گیا تھا۔
اس دوران لاہور سے کراچی آنے والی پرواز پی کے303، لاہور سے اوسلو جانیوالی پی کے751، لاہور سے دبئی جانیوالی پرواز پی کے 203، اورلاہور سے مانچسٹر جانیوالی پرواز پی کے709 تاخیر کا شکار ہوئیں۔
پی آئی اے کے ترجمان کا کہنا ہے کہ اس موقع پر تمام مسافروں کو لاؤنج منتقل کیا گیا تھا اور تمام ضروری سہولتیں فراہم کی گئیں تھیں۔
لاہور : صدر مملکت ڈاکٹر عارف علوی نے لاہور پہنچنے پر بھاری بھرکم پروٹو کول لینے سے انکار کردیا، ایئر پورٹ پر چوہدری سرور اور عثمان بزدار نے ان کا استقبال کیا۔
تفصیلات کے مطابق صدر مملکت ڈاکٹر عارف علوی ایک روزہ دورے پر لاہورایئرپورٹ پہچے تو گورنر پنجاب چوہدری سرور اور وزیراعلی پنجاب عثمان بزدار نے ان کا استقبال کیا تاہم صدر مملکت پروٹوکول کے لیے لگنے والی اضافی سیکیورٹی پر برہم ہو گئے۔
انہوں نے پروٹوکول کی گاڑیاں واپس بھیجنے کی ہدایت کردی، صدر عارف علوی نے ٹوئٹ کرتے ہوئے کہا کہ میں لاہور ایئر پورٹ پر موجود ہوں جہاں 32 گاڑیاں مجھے لینے آئی ہیں تاہم ائیرپورٹ سے باہر نکلنے سے پہلے ان تمام کے واپس جانے کا منتظر ہوں، میری مسلسل کوشش ہے کہ صرف سیکورٹی لوں۔
بعد ازاں صدرمملکت ڈاکٹرعارف علوی سے پنجاب کے گورنر چوہدری محمد سرور اوروزیراعلیٰ سردارعثمان بزدار نے گورنر ہاؤس لاہو ر میں ملاقات کی جس میں اہم سیاسی اموراورانتظامی معاملات پر تبادلہ خیال ہوا۔ وزیراعلیٰ نےصدر مملکت کو صوبائی حکومت کی کارکردگی کے بارے میں آگاہ کیا۔
اسلام آباد/ راولپنڈی / لاہور/ : پنجاب کے کئی شہروں میں آندھی نے تباہی مچا دی۔ چھت گرنے سے فیروز والا میں ایک شخص جاں بحق اور چھتیں اوردیواریں گرنے سے متعدد افراد زخمی ہوگئے، کئی درخت اکھڑ گئے۔ بجلی کانظام بھی معطل ہوگیا۔
تفصیلات کے مطابق شدید گرمی کے بعد اسلام آباد راولپنڈی میں بارش سے موسم خوشگوار ہوگیا جبکہ لاہوراور اس کے گرد و نواح میں میں تیز ہواؤں کے ساتھ طوفانی بارش نے نظام زندگی بھی جل تھل ہوگیا۔
اسلام آباد راولپنڈی میں بارش سے جل تھل ہوگیا، مری میں تیز بارش کےساتھ ژالہ باری بھی ہوئی، سوات، مانسہرہ، کوہاٹ اور مظفرآباد میں بھی بارش نے گرمی کا زور توڑ دیا۔
دوسری جانب لاہور شہر میں 3ملی میٹر بارش ریکارڈ کی گئی ہے، محکمہ موسمیات کا کہنا ہے کہ لاہورمیں38 کلومیٹرفی گھنٹہ کی رفتار سےہوائیں چل رہی ہیں، صبح 7بجے تک مزید بارش کا امکان ہے۔
اطلاعات کے مطابق لاہور میں آندھی اور بارش سے ایئرپورٹ پر فضائی آپریشن مکمل طور پر بند کردیا گیا ہے، ایئرپورٹ آنے والی پروازوں کارخ دیگرشہروں کی طرف موڑ دیا گیا ہے، بارش کے باعث مسافر اور عملہ ایئرپورٹ کی عمارت میں محصور ہوگیا۔
آندھی اوربارش سے بجلی کا نظام درہم برہم ہوگیا، لاہور ایئرپورٹ سمیت شہر بھر میں بجلی کی آنکھ مچولی کاسلسلہ بھی جاری ہے مختلف علاقوں میں300سے زائد فیڈرز ٹرپ کر گئے اور بعض مقامات پر بجلی کی تاروں پر درخت گرگئے، لیسکو ترجمان کا کہنا ہے کہ بارش تھم جانے کے بعد ہی بجلی کی بحالی کا کام شروع کیا جائیگا۔
پنجاب میں مٹی کے طوفان اور بارش نے تباہی مچا دی۔ فیروزوالا میں گھر کی چھت گر گئی۔ ریسکیو کا کہنا ہے ایک شخص کی جان چلی گئی اور کئی افراد دزخمی ہوئے، گوجرانوالہ میں جھکڑ چلے، درخت بجلی کے تاروں پر گرے، جہلم میں آندھی اور بارش سے کئی علاقے تاریکی میں ڈوب گئے۔
نارووال میں مٹی کے طوفان اور بارش سے بجلی کانظام بیٹھ گیا۔ شہراور دو سو سے زیادہ دیہات میں بجلی بند ہو گئی۔ حافظ آباد، گجرات ،ڈسکہ ، ساہیوال، چیچہ وطنی تیز ہواؤں کے بعد بارش سے بجلی کا نظام درہم برہم ہو گیا۔
ایئرپورٹ انتظامیہ نے نجی ایئرلائن کی دبئی سے آنے والی پرواز این ایل 767 منسوخ کردی، اس کے علاوہ جدہ سے لاہورآنے والی نجی ایئرلائن کی پروازاین ایل 730 اور ریاض سے آنے والی پرواز پی اے 475 بھی منسوخ کردی گئی ہے جبکہ جدہ سے آنے والی پرواز این ایل 718تاخیر کا شکار ہے۔
پی آئی اے ترجمان نے اس حوالے سے کہا ہے کہ طوفان کے باعث لاہور ایئرپورٹ پرپی آئی اے کے دو طیاروں کو نقصان پہنچاہے،
ایک سو پندرہ کلومیٹرفی گھنٹہ رفتار سے چلنے والی ہوا سے دو ٹرالیاں طیاروں سے ٹکرائیں، حفاظتی اقدامات کے پیش نظر دونوں طیارے عارضی طور پرگراؤنڈ کردیئے گئے ہیں۔
ترجمان کا مزید کہنا ہے کہ اسلام آباد سے سیالکوٹ جانے والی پروازپی کے 654 لاہور پر اتارلی گئی اور دمام سے سیالکوٹ آنے والی پروازپی کے 244 بھی لاہوراتار لی گئی تھی۔
علاوہ ازیں بارشیں پہاڑی علاقے والوں کے لیے باران رحمت ثابت ہوئیں، سخت گرمی کا زور ٹوٹ گیا ملکہ کوہسار مری میں تیز بارش کے ساتھ ژالہ باری بھی ہوئی، مری کی گلیوں میں پانی ایسے بہنے لگا جیسے کوئی برساتی نالہ بہہ رہا ہو۔
اسلام آباد میں گرج چمک کے ساتھ تیز بارش نے گرمی کا زور توڑ دیا، تیزہوائیں چلنے لگیں، کالی گھٹائیں چھا گئیں،روزے داروں کی دعائیں قبول ہوگئیں ۔
سوات میں بھی بارش نے موسم خوشگوار کردیا، کوہاٹ میں بھی باراں رحمت برس پڑی، مانسہرہ میں بارش سے پھول پودے نکھر گئے، آزاد کشمیر کےدارالحکومت مظفرآباد میں بھی بارش سے موسم خوشگوار ہوگیا۔
لاہور: پی آئی اے کے طیارے کے کارگو والےحصے میں دھواں اٹھنے پرطیارے کی لاہور ایئرپورٹ پر ٹیکنیکل لینڈنگ کی گئی، طیارہ سیالکوٹ سے ریاض جارہا تھا۔
تفصیلات کے مطابق پی آئی اے کی پرواز پی کے 755 صبح چھ بجکر پانچ منٹ پر سیالکوٹ سے روانہ ہوئی تو کپتان نے کنٹرول ٹاور کو اطلاع دی کہ جہاز کے کارگو والے حصے میں دھواں بھرنے کی نشاندہی ہوئی ہے۔
جہاز کو فوری طور پرلاہور ائیرپورٹ پر اتار لیا گیا جب جہاز کی چیکنگ کی گئی تو کنٹرول پینل میں خرابی سامنے آئی، جہازمیں تین سو سے زائد مسافر سوار تھے۔
پی آئی اے ترجمان نے لاہور ایئر پورٹ پر طیارے میں آگ لگنےکی خبرکی تردید کرتے ہوئے کہا کہ سیالکوٹ سے ریاض جانے والے طیارے میں دھوئیں کی وارننگ موصول ہوئی۔
ترجمان پی آئی اے کا کہنا ہے کہ حفاظتی امور کو مدنظر رکھتے ہوئے پائلٹ نے طیارہ لاہورایئر پورٹ پر اتار لیا۔
واضح رہے کہ گزشتہ روز وزیراعظم کے مشیرہوا بازی سردارمہتاب نے اسلام آباد ایئرپورٹ پرمیڈیا سے گفتگو کرتے ہوئے کہا تھا کہ پی آئی اے 400 ارب کے مالی خسارے سےٹائٹینک بن چکا ہے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
لاہور: علامہ اقبال ایئر پورٹ سیکیورٹی فورسز نے کروڑوں روپے مالیت کی ہیروئن سعودی عرب اسمگل کرنے کی کوشش ناکام بنادی ہے‘ ملزم کے قبضے سے ساڑھے تین کلو سے زائد ہیروئن برآمد ہوئی ہے
تفصیلات کے مطابق لاہور کے علامہ اقبال انٹرنیشنل ایئرپورٹ پرسیکیورٹی فورس نے سعودی عرب جانے والی پرواز کے مسافر سے کروڑوں روپے مالیت کی ہیروئن برآمد کرکے مسافر کو حراست میں لے لیا ہے ۔
اے ایس ایف حکام کا کہنا ہے کہ لاہور ایئرپورٹ پر محمد ظہور نامی مسافر کے سامان کی جب تلاشی لی گئی تو بیگ کے خفیہ خانوں میں ساڑھے تین کلو سے زائد ہیروئن برآمد کرلی گئی۔
سیکیورٹی ذرائع کے مطابق مذکورہ ملزم غیر ملکی ایئر لائن ’ عمان ایئر کی پرواز نمبر ڈبلیو وائی 342 کے ذریعے لاہور سے ریاض سفر کررہا تھا اور ایئرپورٹ سیکیورٹی فورس نے بروقت کارروائی کرتے ہوئے اسے بورڈنگ سے قبل ہی حراست میں لے لیا۔
ترجمان اے ایس ایف کے مطابق ہیروئن کی اسمگلنگ میں ملوث مسافر سے ابتدائی تفتیش کے بعد اسے اینٹی نارکوٹکس فورس کے حوالے کردیا گیا ہے۔
دو ماہ قبل جون میں علامہ اقبال انٹرنیشنل ایئرپورٹ پر اے ایس نے کارروائی کرتے ہوئےخوشاب کے رہائشی میاں بیوی کے سامان سے تلاشی کے دوران 6کلو ہیروئن برآمد کی تھی ۔ ہیروئن کی عالمی منڈی میں مالیت پونے6کروڑ سےزائدتھی ۔
اے ایس ایف ذرائع کا کہناتھا کہ خوشاب کا رہائشی انور نامی شخص اپنی بیوی کے ہمراہ غیرملکی پرواز سے عمرہ ادا کرنے کےلیےجدہ جارہاتھا۔
یاد رہے کہ رواں سال فروری میں ایئرپورٹ سیکورٹی فورس نے لاہور میں علامہ اقبال انٹرنیشنل ایئرپورٹ پرقطر ایئرویز کی پرواز کیوآر 621 سے برآستہ دوحہ سعودی عرب جانے والے مسافر سے ڈھائی کروڑ سے زائد مالیت کی ہیروئن قبضے میں لی تھی۔ سرگودھا کا رہائشی نعیم مالٹے کے چھلکوں میں ہیروئن بھر کے لے جا رہا تھا۔
اگر آپ بلاگر کے مضمون سے متفق نہیں ہیں تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی وال پرشیئرکریں
لاہور: دبئی سے ڈی پورٹ ہوکر لاہور آنے والا مسافر لاہور ایئرپورٹ پر اچانک غائب ہوگیا، پی آئی اے کے عملے نے مبینہ طور پر اسے رشوت لے کر چھوڑ دیا۔
تفصیلات کے مطابق دبئی سے ڈی پورٹ ہوکر لاہور آنے والا سلہریا علی اظہر نامی مسافر ایئر پورٹ پہنچ کر غائب ہوگیا، علی اظہر دبئی سے لاہور پہنچنے والی پی آئی اے کی پرواز پی کے 204 یکم جولائی کو لاہور پہنچا تھا۔
پی آئی اے کے عملے نے مبینہ طور پر اس سے جرمانہ وصول کرنے کے بجائے رشوت لے کر چھوڑدیا، قوانین کے مطابق ڈی پورٹ ہوکر واپس آنے والے مسافر کا پاسپورٹ پی آئی اے اپنی تحویل میں لیتی ہے مسافر سے ٹاؤن آفس میں جرمانہ وصول کرکے پاسپورٹ واپس کیا جاتا ہے۔
ڈی پورٹ مسافر پر دبئی میں 5 ہزار 700 درہم جرمانہ بھی عائد ہوا تھا ، پی آئی اے کے ٹریفک کے عملے نے مسافر کے لاہور پہنچنے پر مسافر سے مبینہ طور پر ڈھائی ہزار درہم رشوت لے کر چھوڑدیا تھا۔
ضابطے کی کارروائی کے لیے ایف آئی اے نے جب پی آئی اے سے مسافر علی اظہر اور اس کا پاسپورٹ طلب کیا تو عملے نے لاعلمی کا اظہارکیا جس پر ایف آئی اے نے پی آئی اے کے خلاف تحقیقات شروع کردیں۔
اس ضمن میں پی آئی اے کے اسٹیشن منیجر نے ٹریفک کے عملے کے خلاف تحقیقات شروع کرتے ہوئے اظہار وجوہ کا نوٹس بھی جاری کردیا ہے۔
لاہور: چیمپیئینز ٹرافی میں بھارت کو شکست دینے والی قومی ٹیم کاوطن واپس پہنچنے پرشاندار استقبال کیا گیا۔
تفصیلات کےمطابق چیمپیئیز ٹرافی میں بھارت کوعبرت ناک شکست دینے والی قومی ٹیم کے کھلاڑی بابراعظم، حسن علی، احمد شہزاد اور فہیم اشرف دبئی سے لاہور ائیرپورٹ پہنچے۔
پنجاب کے وزیر کھیل رانا مشہود ، مجتبیٰ شجاع اوربلال یٰسین سمیت اعلیٰ حکومتی عہدیداروں کے ہمراہ کھلاڑیوں کا استقبال کیا۔کھلاڑیوں نے وزراء اور فینر کے ساتھ سلفیاں بھی بنوائیں۔
دوسری جانب سیکورٹی کلیئرنس نہ ملنے پر وزیراعلیٰ پنجاب شہباز شریف کی لاہور ایئرپورٹ آمد ملتوی کردی گئی۔
پولیس بینڈ نےقومی ٹیم کے ہیروز کو گارڈ آف آنر پیش کیاجبکہ شائقین کرکٹ کی جانب سے کھلاڑیوں پر پھولوں کی پتیاں نچھاور کی گئیں۔
اس موقع پر سیکیورٹی کے بھی سخت انتظامات کیے گئے تھے تاہم ائیرپورٹ کے باہر موجود شائقین کرکٹ جذبات پر قابو نہ رکھ سکے اور ایئرپورٹ کے لاؤنچ میں جا پہنچےجہاں انہوں نے پاکستان ٹیم کے حق میں نعرے بھی لگائے۔
اسلام آباد اورپشاور میں بھی کھلاڑیوں کا پرتباک استقبال
دوسری جانب نوجوان کھلاڑی شاداب خان، عماد وسیم اسلام آباد پہنچے جہاں ایئرپورٹ پر پولیس اہلکاروں کے دستے نے انہیں گارڈ آف آنر پیش کیا۔
سابق وفاقی وزیر اور پاکستان پیپلز پارٹی کے سینیٹر رحمٰن ملک بھی قومی کرکٹ ٹیم کے کھلاڑیوں کو خوش آمدید کہنے اسلام ایئرپورٹ پہنچے۔
رحمٰن ملک کا کہنا تھا کہ چیمپیئنز ٹرافی کا فاتح بن کر آنے پر کھلاڑیوں اور قوم کو مبارک باد پیش کرتا ہوں۔اس موقع پر انہوں نے کھلاڑیوں کے اعزاز میں سینٹ کی قائمہ کمیٹی برائے داخلہ کی جانب سے عشائیے کا اعلان بھی کیا۔
ادھرچیمپیئنز ٹرافی کے فائنل میں بھارت کے خلاف شاندار کھیل پیش کرتے ہوئے ون ڈے کرکٹ میں اپنی پہلی سنچری مکمل کرنے والے فخر زمان پشاورایئر پورٹ پہنچے تو مداحوں کی بڑی تعداد ان کے استقبال کے لیے موجود تھی۔
کرکٹ فینز نے ان پر پھولوں کی پتیاں نچھاور کیں، اس دوران فضا پاکستان زندہ باد کے نعروں سے گونجتی رہی۔
یاد رہےکہ گزشتہ روزچیمپیئنز ٹرافی کی فاتح پاکستانی ٹیم نے لندن کے گیٹ وک ایئرپورٹ سے براستہ دبئی وطن واپسی کے لیے اڑان بھری تھی۔
وطن واپس آنے والے کھلاڑیوں میں قومی ٹیم کے کپتان سرفراز احمد، فخر زمان، شاداب خان، عماد وسیم، رومان رئیس، حارث سہیل، بابر اعظم، حسن علی، فہیم اشرف، احمد شہزاد، کوچ مکی آرتھر اور دیگر بورڈ اسٹاف شامل ہے۔
واضح رہےکہ قومی ٹیم کے فاسٹ بولر محمد عامر، جنید خان، محمد حفیظ، شعیب ملک اور اظہر علی انگلینڈ میں ہی کچھ روز قیام کرنے کے بعد وطن لوٹیں گے۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں
خیال رہےکہ رواں سال جنوری میں بینظیرانٹرنیشنل ایئرپورٹ پراےایس ایف نے کارروائی کرتے ہوئے بحرین جانے والی پرواز سے مسافر کو گرفتار کرکےایک کلو 700گرام ہیروئن برآمد کرلی تھی۔
اسلام آباد ایئرپورٹ سےگرفتار ہونے والے مسافرمدثر کا تعلق چنیوٹ سےتھا،ملزم کو این ایف کے حوالے کردیاگیاتھا۔
یاد رہےکہ گزشتہ ماہ ایئرپورٹ سیکورٹی فورس نے لاہور میں علامہ اقبال انٹرنیشنل ایئرپورٹ پرقطر ایئرویز کی پرواز کیوآر 621 سے برآستہ دوحہ سعودی عرب جانے والے مسافر سے ڈھائی کروڑ سے زائد مالیت کی ہیروئن قبضے میں لےلی تھی۔
واضح رہےکہ تین روز قبل علامہ اقبال انٹرنیشنل ایئرپورٹ پرایتھوپین ائیرلائن کی پرواز میں دو غیرملکی مسافروں کےدرمیان جھگڑے کے باعث پرواز کو لاہورایئرپورٹ پر لینڈنگ کروائی گئی تھی۔
