Tag: lahore and islamabad

  • پاکستان کے بڑے شہروں میں  اومیکرون تیزی سے پھیلنے لگا

    پاکستان کے بڑے شہروں میں اومیکرون تیزی سے پھیلنے لگا

    لاہور/ اسلام آباد : پنجاب کے دارلحکومت لاہور اور وفاقی دارالحکومت میں اومیکرون کے پھیلاؤ میں تیزی سے اضافہ ہورہا ہے ، لاہور میں 43 اور اسلام آباد میں 284 کیسز سامنے آئے۔

    تفصیلات کے مطابق پاکستان کے بڑے شہروں میں اومیکرون تیزی سے پھیلنے لگا ہے ، پنجاب میں اومیکرون کے نئے کیسز سامنے آگئے ، 24گھنٹے کے دوران لاہورمیں اومی کرون کے43 نئے کیسز رپورٹ ہوئے، جس کے بعد شہر میں اومیکرون کے کیسزکی تعداد 351 ہوگئی۔

    محکمہ صحت پنجاب نے بتایا شیخوپورہ میں اومیکرون کے 6 نئے کیسز، فیصل آبادمیں ایک کیس سامنےآگیا، جس کے بعد پنجاب میں اومیکرون کےکیسزکی تعداد372ہوگئی۔

    محکمہ صحت پنجاب کا کہنا ہے کہ دوسرےشہروں میں بھی اومی کرون کےکیسز میں اضافہ ہونا شروع ہوگیا ہے ، کوروناکےنئےویرینٹ کوروکناایک چیلنج بن چکاہے، لاہورمیں کورونا مثبت کیسزکی شرح بھی6.9 فیصد تک پہنچ گئی۔

    دوسری جانب وفاقی دارالحکومت میں کورونا کیسز کی شرح میں اضافہ جاری ہے ، ڈی ایچ اواسلام آباد نے بتایا کہ 24گھنٹےمیں کوروناکے284کیسزرپورٹ ہوئے ، اس دوران کوروناشرح 6.30 فیصد ریکارڈ کی گئی ، شہری کوروناایس اوپیزپرسختی سےعملدرآمدکریں۔

  • پاکستان میں اومیکرون پھیلنے لگا، لاہور میں 42 اور  اسلام آباد میں 36 کیسز ریکارڈ

    پاکستان میں اومیکرون پھیلنے لگا، لاہور میں 42 اور اسلام آباد میں 36 کیسز ریکارڈ

    لاہور/ اسلام آباد : ملک میں اومیکرون کے پھیلاؤ سے کرونا وبا شدت اختیار کر گئی، لاہور میں42  اور اسلام آباد میں 36 کیس سامنے آئے۔

    تفصیلات کے مطابق ملک میں اومی کرون کیسز کی تعداد خطر ناک حد تک بڑھ رہی ہے، پنجاب کے دارلحکومت لاہور میں اومیکرون کے 42 نئے کیسز سامنے آگئے ، جس کے بعد شہر میں اومیکرون کے کیسز کی تعداد 212 ہو گئی۔

    محکمہ صحت پنجاب نے بتایا ہے کہ صوبے بھر میں اومیکرون کے کیسز کی کل تعداد 219 ہو گئی ہے۔

    محکمہ صحت نے کہا ہے کہ 24گھنٹےکےدوران پنجاب میں کوروناکےباعث کوئی موت نہیں ہوئی تاہم گزشتہ 24 گھنٹےکے دوران کورونا کے 360 کیس سامنے آئے۔

    وزیرصحت پنجاب ڈاکٹر یاسمین راشد کا کہنا تھا کہ اومیکرون وائرس بہت تیزی سے پھیل رہا ہے، اومیکرون وائرس پھیلنے کی شرح ڈیلٹا ویڑینٹ سے زیادہ ہے۔

    دوسری جانب وفاقی دارلحکومت اسلام آباد میں 24 گھنٹے میں اومیکرون کے 36 نئے کیسز رپورٹ ہوئے ،ڈی ایچ او اسلام آباد ڈاکٹر زعیم کا کہنا ہے کہ شہر میں 177 اومی کرون کیسز سامنے آ چکے ہیں، 24 گھنٹے میں کورونا کیسز کی شرح 2.36 فیصد ریکارڈ کی گئی۔