Tag: lahore ATC

راولپنڈی: فوجی عدالتوں نے آرمی پبلک اسکول پرحملہ کرنےوالےچھے دہشت گردوں کو سزائےموت اور ایک کوعمر قید کی سزا سنادی،کراچی میں صفورا چورنگی رینجرزحملہ کیس میں بھی ایک دہشت گرد کوبھی پھانسی کی سزا سنائی گئی ہے۔

آرمی پبلک اسکول پر حملہ کرنے والے دہشت گرد اپنے انجام کے قریب پہنچ گئے،آئی ایس پی آر کی جانب سے جاری کردہ اعلامیئے کے مطابق آرمی پبلک اسکول پرحملہ کرنے والے چھے بڑے دہشت گردوں کو سزائےموت اور ایک کوعمر قید کی سزا سنادی ہے۔

فوجی عدالت کی جانب سے کراچی میں صفورا چورنگی پر رینجرز پر حملہ کرنےوالے ایک اور دہشت گرد کوبھی پھانسی کی سزا سنائی گئی ہے،آرمی چیف جنرل راحیل شریف نےسزاؤں کی توثیق کرتے ہوئے دہشت گردوں کے ڈیتھ وارنٹ پر دستخط کردیئے ہیں ۔

 آئی ایس پی آر کا کہنا ہے کہ سزاسےقبل مجرموں کوصفائی کا پورا موقع دیاگیا،سزاپانےوالوں کوسپریم کورٹ میں اپیل کاحق حاصل ہے۔علی،مجیب الرحمان،یحیی اور عبدالاسلام کوآرمی پبلک اسکول پر حملہ کیس میں سزاسنائی گئی ہے،تاج محمد،عتیق اورکفایت اللہ کوبھی اے پی ایس حملہ کیس میں سزاسنائی گئی ہے جبکہ محمدفرحان نامی دہشت گرد کو صفورا چورنگی پر رینجرز پرحملے کے مقدمےمیں پھانسی کی سزاسنائی گئی ہے۔

ترجمان پاک فوج کے مطابق صفوراچورنگی کےمجرم کاتعلق جیش محمدسےہے،جبکہ اےپی ایس حملےمیں ملوث 6مجرموں کاتعلق توحید الجہاد سے ہے،ایک دہشت گردکاتعلق کالعدم تحریک طالبان سےبتایا گیا ہے۔

لاہور : قصوراسکینڈل کا مقدمہ فوجی عدالت میں چلے گا یا نہیں، لاہور کی انسدادِ دہشتگردی عدالت نے درخواست پر حکومت سے جواب طلب کرلیا ہے۔

درخواست گزار آفتاب باجوہ کہا کہ قصور میں جنسی درندگی کا اسکینڈل ملکی تاریخ کا بھیانک واقعہ ہے، انھوں نے لاہور کی انسدادِ دہشت گردی عدالت سے استدعا کی کہ عدالت کیس کو ملٹری کورٹ بھجوائے۔

درخواست گزار نے یہ بھی درخواست کی کہ تمام پولیس افسران کو طلب کرکے پوچھا جائے کہ وہ کہاں سوئے ہوئے تھے، عدالت نے دلائل سننے کے بعد حکومت سمیت فریقین کو نوٹس جاری کرتے ہوئے اس حوالے سے جواب طلب کر لیا کہ قصوراسکینڈل کا مقدمہ فوجی عدالت میں چلے گا یا نہیں۔

جنسی زیادتی کے مقدمات میں دہشت گردی کی دفعات شامل کر لی گئیں ہیں، قصور واقعے میں ملوث پانچ ملزمان کو انسدادِ دہشت گردی کی عدالت میں پیش کردیا گیا۔
یحیی ،وسیم، عبیدالرحمان، عتیق الرحمان اور تنزیل الرحمان، سانحہ قصور میں ملوث پانچ ملزمان انسدادہشتگردی کی عدالت میں پیش کیا گیا،  پولیس نےملزمان کے خلاف جنسی زیادتی کےمقدمات میں دہشت گردی کی دفعات بھی لگائی گئیں ہیں۔

دوسری جانب ہوس کا نشانہ بننے والے مزید چار متاثرین سامنے آگئے، جن کی کل تعداد پینتیس ہوگئی ہے، واقعے کی اب تک سات ایف آئی آردرج کی گئی ہیں، ڈی آئی جی ابوبکر کی سربراہی میں قائم جےآئی ٹی کیس کی گھتی سلجھائےگی، ایس پی خالدبشیرچیمہ اور ڈی ایس پی لیاقت علی ٹیم میں شامل ہیں۔

تحقیقاتی کمیٹی کوحساس اداروں کی معاونت بھی حاصل ہے۔ٹیم دو ہفتوں میں تفتیش مکمل کر کے رپورٹ عدالت میں جمع کروائےگی۔