Tag: lahore gaddafi stadium

لاہور:  عدالتی حکم کے باوجود پراپرٹی ٹیکس ادا نہ کرنے پر محکمہ ایکسائیز اینڈ ٹیکسیشن نے قذافی اسٹیڈیم سیل کردیا ہے، چئیرمین پی سی بی  کا کہنا ہے کہ قانونی ماہرین کے ذریعے معاملات جلد ٹھیک کرلیں گے۔

پاکستان میں انٹرنیشنل کرکٹ کی بحالی میں ایک اور مشکل کھڑی ہوگئی، زمبابوے نے دورہ پاکستان کی حامی بھری اور ادھر قذافی اسٹیڈیم پر تالے لگ گئے، محکمہ ایکسائز اینڈ ٹیکسیشن نے پی سی بی کا ہیڈ کوارٹر سیل کردیا۔

محکمہ ایکسائزاینڈ ٹیکسیشن کے مطابق پی سی بی پر چار کروڑ اسی لاکھ روپے واجب الادا ہیں، اس لئے قذافی اسٹیڈیم، پی سی بی کے دفاتر، اردگرد کی دکانوں اور ریستورانوں کو سیل کردیا گیا، صرف ادائیگیوں کے لئے دفتر کھلوایا گیا ہے، بقیہ حصے سیل رہیں گے۔

پولیس آفیسر چئیرمین پی سی بی شہریار خان نے قذافی اسٹیڈیم پہنچ کر سارے معاملے پر عہدیداروں سے مشاورت کی، جس کے بعد ان کا کہنا تھا کہ پی سی بی قانون کی پاسداری کرنے والا ادارہ ہے۔ ٹیکس باقاعدگی سے ادا کرتے ہیں۔ قانونی ماہرین معاملے کو جلد حل کرلیں گے۔