Tag: lahore highcourt

  • لاہور ہائی کورٹ کا رانا ثناء اللہ کی کام یابی کا نوٹیفکیشن روکنے کا حکم

    لاہور ہائی کورٹ کا رانا ثناء اللہ کی کام یابی کا نوٹیفکیشن روکنے کا حکم

    لاہور: ہائی کورٹ نے فیصل آباد کے حلقے این اے 106 پر رانا ثناء اللہ کی کام یابی کے خلاف درخواست پر سماعت کرتے ہوئے ان کی کام یابی کا نوٹیفکیشن روکنے کا حکم دے دیا۔

    تفصیلات کے مطابق لاہور ہائی کورٹ میں این اے 106 پر رانا ثناء اللہ کے خلاف دائر درخواست پر سماعت کرتے ہوئے جج نے ن لیگی رہنما کی کام یابی کا نوٹیفکیشن رکوا دیا ہے۔

    لاہور ہائی کورٹ نے اس سلسلے میں الیکشن کمیشن کو بھی نوٹس جاری کر دیا، رانا ثناء اللہ کے خلاف درخواست این اے 106 سے ناکام ہونے والے امیدوار نثار احمد نے دائر کی۔

    درخواست گزار نے عدالت میں کہا کہ رانا ثناء اللہ نے نواز شریف کے استقبال کو حج سے بڑا کام قرار دیا، اس لیے وہ آئین کے آرٹیکل 63،62 پر پورا نہیں اترتے۔

    درخواست گزار نے عدالت سے استدعا کی کہ ن لیگی رہنما اسلامی شعائر کے خلاف بیانات دیتے ہیں، رانا ثناء اللہ کو نا اہل قرار دے کر کام یابی کا نوٹیفکیشن روکا جائے۔

    نوازشریف کے استقبال کو رانا ثنا اللہ نے حج سے بڑا قرار دے دیا

    عدالت نے کیس کا فیصلہ سناتے ہوئے الیکشن کمیشن کو نوٹس جاری کیا کہ وہ ن لیگی رہنما کی بہ طورِ ایم این اے فیصل آباد کے حلقے میں کام یابی کا نوٹیفکیشن جاری نہ کرے۔

    واضح رہے کہ انتخابات سے قبل 13 جولائی کو مسلم لیگ ن کے رہنما اور سابق صوبائی وزیرِ قانون رانا ثناء اللہ نے نواز شریف سے وفاداری دکھاتے ہوئے کہا تھا کہ لندن سے وطن واپس آنے والے سابق وزیرِ اعظم نواز شریف کے استقبال کے لیے ایئر پورٹ جانا حج سے بڑا کام ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو  زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لاہور ہائیکورٹ نے اسموگ کمیشن کو ماحولیاتی آلودگی پر رپورٹ جمع کرانے کا حکم دے دیا

    لاہور ہائیکورٹ نے اسموگ کمیشن کو ماحولیاتی آلودگی پر رپورٹ جمع کرانے کا حکم دے دیا

    لاہور: ہائیکورٹ میں ماحولیاتی آلودگی کے خلاف درخواست پرسماعت کے دوران جج نے اسموگ کمیشن کو ماحولیاتی آلودگی پر رپورٹ آئندہ سماعت میں جمع کرانے کا حکم دے دیا۔

    تفصیلات کے مطابق لاہور کے ایک شہری نے عدالت میں درخواست دے کر کہا ہے کہ ماحولیاتی آلودگی کے باعث شہر میں بیماریاں پھیل رہی ہیں۔

    درخواست گزار نے کہا کہ لاہور دنیا کے آلودہ ترین شہروں میں شامل ہوچکا ہے، سابق چیف جسٹس نے حکومت کوآلودگی کا ذمہ دار ٹھہراتے ہوئے نومبر2017 میں ماحولیاتی کمیشن بنانے کا حکم دیا تھا لیکن ماحولیاتی کمیشن نے کسی قسم کےانتطامات نہیں کیے۔

    دریں اثنا ایڈیشنل ایڈووکیٹ جنرل نے عدالت کو بتایا کہ سابق چیف جسٹس کے حکم پر مانیٹرنگ اسٹیشن بنا دیا گیا ہے اور آلودگی سے متعلق سینٹرل لیبارٹری کو بھی فعال کردیا گیا ہے۔ عدالت نے درخواست پرمزید کارروائی 9 جون تک ملتوی کردی۔

    دنیا کے اسموگ سے متاثرہ 10 شہر


    واضح رہے کہ باغوں کے شہر لاہور میں ماحولیاتی آلودگی میں دن بدن اضافہ ہورہا ہے جس کی وجہ سے بچے اور بڑے مختلف بیماریوں کا شکار ہو رہے ہیں، انسانوں کا سانس لینا بھی محال ہوگیا، جب کہ محکمہ تحفظ ماحولیات آلودگی ختم کرنے کے لیے اقدامات کرنے میں ناکام ہوگیا ہے۔

    آلودگی دنیا بھر کا مسئلہ ہے، وہ چاہے فضائی ہو، آبی ہو، موسمیاتی ہو یا پھر زمینی لیکن شہر لاہور میں دیگر آلودگیوں کے ساتھ ساتھ ماحولیاتی آلودگی خطرناک حد تک بڑھ رہی ہے، انسانی سرگرمیوں کو اس آلودگی کی بڑی وجہ کہا جاسکتا ہے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • لاہور: ضمانت خارج ہونے پرملزم اورمدعی کے وکیل گتھم گتھا

    لاہور: ضمانت خارج ہونے پرملزم اورمدعی کے وکیل گتھم گتھا

    لاہور: عدالت سے ضمانت خارج ہونے پر ملزم اور مدعی کے وکیل نے ایک دوسرے پر تھپڑوں اور گھونسوں سے حملہ کردیا، وکلاء کا کہنا ہے کہ ملزم فرار ہونے کی کوشش کررہا تھا۔

    تفصیلات کے مطابق لاہورہائی کورٹ میں ملزم اورمدعی کے وکیل آپس میں گتھم گتھا ہوگئے، لاہور ہائیکورٹ کے احاطے میں مارپیٹ کے مناظر دیکھنے میں آئے، فراڈ کے مقدمہ میں ملزم یاسر کی درخواست ضمانت مسترد ہوئی تو ملزم نےمبینہ طورپر فرار ہونے کی کوشش کی جس پراحاطہ عدالت میں وکلاء اورملزم آپس میں لڑ پڑے۔

    دونوں جانب سے گھونسوں، لاتوں اور تھپڑوں کا آزادانہ استعمال کیا گیا۔ دیگر وکلاء نے بیچ بچاؤ  کروايا، ملزم ياسر کو شاد باغ پولیس نے گرفتارکرلیا، گوجرانوالہ میں کارپارکنگ کے تنازعہ پردونوجوان آپس میں الجھ پڑے۔ پولیس اہلکار بیچ بچاوکراتا رہا مگر دونوں اطراف سے تھپڑوں اور مکوں کا بھرپوراستعمال ہوا۔

  • لاہورہائیکورٹ: ایان علی کی درخواستِ ضمانت پر کسٹم حکام کو نوٹس جاری

    لاہورہائیکورٹ: ایان علی کی درخواستِ ضمانت پر کسٹم حکام کو نوٹس جاری

    لاہور:لاہور ہائیکورٹ نے منی لانڈرنگ میں ملوث ماڈل ایان علی کی درخواست ضمانت پر کسٹم حکام کو نوٹس جاری کرتے ہوئے چھبیس جون کو جواب طلب کر لیا۔

    لاہور ہائیکورٹ میں ایان علی کی درخواست ضمانت سے متعلق کیس کی سماعت ہوئی، جسٹس عبدالسمیع خان نے کیس کی سماعت کی، وکیل ایان علی سردار لطیف کھوسہ نے مؤقف اختیار کیا کہ ایان علی بیرون ملک نہیں جارہی تھی، ایان علی کے خلاف بے بنیاد الزامات کے تحت منی لانڈرنگ کا مقدمہ درج کیا گیا۔

    انہوں نے کہا کہ ایان علی نے نہ تو بورڈنگ کارڈ حاصل کیا اور نہ ہی اس کے پاسپورٹ پر بیرون ملک ایگزٹ کی مہر لگی، کسٹم حکام نے قانونی تقاضے پورے کئے بغیر غیر قانونی طور پر ایان علی کے خلاف منی لانڈرنگ کا بے بنیاد مقدمہ درج کر رکھا ہے۔

    سردار لطیف کھوسہ نے مزید کہا کہ ہائیکورٹ کے راولپنڈی بنچ میں کسٹم بنچ نہ ہونے کی بناء پر ضمانت کیس کو پرنسپل سیٹ پر منتقل کیا گیا ہے،ایان علی پر لگائے گئے الزامات جھوٹے ہیں، ماڈل ایان علی کے خلاف ناکافی گواہوں اور ثبوتوں کی بناء پر عدالت درخواست ضمانت منظور کرے۔

    جس پر عدالت نے کسٹم حکام کو چھبیس جون کے لئے نوٹس جاری کرتے ہوئے جواب طلب کر لیا۔

     

  • پٹرولیم مصنوعات پرجی ایس ٹی ٹیکس کیخلاف سماعت، جواب طلب

    پٹرولیم مصنوعات پرجی ایس ٹی ٹیکس کیخلاف سماعت، جواب طلب

    لاہور: لاہور ہائیکورٹ نے پٹرولیم مصنوعات پر جی ایس ٹی میں پانچ فیصد اضافے کے خلاف درخواست پر نوٹس جاری کرتے ہوئے وفاقی حکومت اور ایف بی آر سے سات جنوری کو جواب طلب کر لیا ہے۔

    لاہور ہائیکورٹ میں سماعت کے دوران درخواست گزار نعیم میر کی جانب سے مؤقف اختیار کیا گیا کہ صارفین پٹرولیم مصنوعات پر پہلے ہی مختلف ٹیکس ادا کر رہے ہیں، اب پارلیمنٹ کی منظوری کے بغیر جی ایس ٹی میں پانچ فیصد اضافہ کر دیا گیا ہے جو غیرقانونی ہے۔

    عدالت نے ایڈیشنل اٹارنی جنرل کو فوری طور پر معاونت کیلئے طلب کیا، جنہوں نے مؤقف اپنایا کہ درخواست گزار نے خبروں کی بنیاد پر درخواست دائر کی اسے مسترد کیا جائے۔

    دلائل سننے کے بعد عدالت نے نوٹس جاری کرتے ہوئے وفاقی حکومت اور ایف بی آر سے سات جنوری کو جواب طلب کرلیا ہے۔

  • لاہورہائیکورٹ: پسند کی شادی کرنے والےجوڑے کی پٹائی

    لاہورہائیکورٹ: پسند کی شادی کرنے والےجوڑے کی پٹائی

    لاہور:نفیسہ لو میرج کیس میں لاہور ہائی کورٹ نےلڑکی کو شوہر کے ساتھ جانے کی اجازت دے دی، پسند کی شادی کرنے والا جوڑا عدالت سے باہر آیا تو لڑکی کی ماں نے لڑکے اور اس کے اہلخانہ پر تھپڑوں کی بارش کر دی۔لاہور میں پسند کی شادی کرنے والی نفیسہ کو عدالت نے شوہر کے ساتھ جانے کی اجازت کیا دی، لڑکی کی ماں اور اس کےگھروالوں پر قیامت ٹوٹ پڑی۔

    لڑکی کی ماں نےعدالت کے فیصلے کو ماننے سےانکارکرتےہوئے کوشش کی اپنی بیٹی کو اس کے شوہر کے ساتھ نہ جانے دےاور اسی کوشش کے دوران انھوں نے لاہور ہائیکورٹ کے باہر اپنے داماد اور بیٹی پر تھپڑوں،لاتوں اور گھونسوں کی بارش کردی۔ نفیسہ نےچند روز پہلے علی شان نامی لڑکے کے ساتھ پسند کی شادی کی تھی۔ نفیسہ نے عدالت میں بیان ریکارڈ کرایا کہ وہ شوہر کے ساتھ جانا چاہتی ہے، جس پر عدالت نے اسے شوہر کے ساتھ جانے کی اجازت دے دی تھی