Tag: Lahore Police

لاہور میں پولیس اہلکار نے وکیل ثنااللہ ہاشمی پر مبینہ طور پر خنجر سے حملہ کردیا جس کا مقدمہ درج کر لیا گیا۔

تفصیلات کے مطابق سیشن کورٹ کے گیٹ پر پولیس اہلکاروں نے وکیل احمد ثنااللہ پرتشدد کیا، تلخ کلامی کے بعد پولیس اہلکاروں نے وکیل کو تشدد کا نشانہ بنایا، جس کی فوٹیج بھی سامنے آئی ہے۔

پولیس کا اس حوالے سے کہنا ہے کہ وکیل پر حلہ کرنے والے ہیڈ کانسٹیبل شہباز اور کانسٹیبل وقاص کیخلاف مقدمہ درج کرلیا گیا، اسلامپورہ پولیس نے مقدمے میں اقدام قتل کی دفعات شامل کیں۔

پولیس کا مزید کہنا ہت کہ رات 9 بجے عدالتی احاطے میں داخل ہونے پر جھگڑا ہوا تھا، اس واقعے کے بعد دونوں اہلکار کو گرفتار کرلیا گیا ہے۔

لاہور : ملزم کو تھانے لے جانے والی موبائل پر ڈاکوؤں نے حملہ کردیا جس کے نتیجے میں انتہائی خطرناک ملزم اپنے ہی ساتھیوں کی فائرنگ سے ہلاک ہوگیا۔

اس حوالے سے پولیس حکام کا کہنا ہے کہ ملزم کے دیگر ساتھیوں کی گرفتاری اور تفتیش کیلئے ملزم کو تھانہ گجرپورہ لے جارہے تھے کہ حملہ ہوگیا۔

پولیس کے مطابق ڈاکو کے ساتھیوں نے راستے میں فائرنگ کی جس سے گرفتار ملزم رضی شاہ شدید زخمی ہوگیا بعد ازاں اسپتال منتقلی کے دوران زخموں کی تاب نہ لاتے ہوئے دم توڑ گیا۔

ملزمان کی فائرنگ سے پولیس اہلکار محفوظ رہے، ہلاک ملزم ڈکیتی سمیت 50سے زائد وارداتوں میں ملوث تھا، ملزمان کیخلاف مقدمہ درج کرکے مزید گرفتاریوں کیلیے چھاپے مارے جارہے ہیں۔

لاہور: نشتر کالونی تھانہ میں پولیس کے مبینہ تشدد سے زیر حراست ملزم  ہلاک ہوگیا۔

تفصیلات کے مطابق لاہور کے نشتر کالونی کے تھانے میں اےایس آئی ریاض کے مبینہ تشدد سے زیر حراست ملزم  ہلاک ہوگیا، ملزم کو چوری کے الزام میں گرفتار کیا گیا تھا۔

پولیس حکام کا اس حوالے سے کہنا ہے کہ چوری کے الزام پر اے ایس آئی ریاض نے جاوید اقبال پر تشدد کیا، تشدد کرنے والے اے ایس آئی ریاض کو گرفتار کر لیا گیا ہے۔

حکام کے مطابق پولیس افسر کیخلاف تھانہ کوٹ لکھپت میں مقدمہ درج کیا جارہا ہے۔

لاہور: ساتھیوں کی گرفتاری کے لیے لے جائے جانے والے ملزمان پولیس مقابلوں کے دوران ساتھیوں کی فائرنگ سے ہلاک ہو گئے۔

تفصیلات کے مطابق پنجاب کے شہر لاہور میں دو مختلف واقعات میں گرفتار ملزمان کو ساتھیوں کی گرفتاری کے لیے لے جاتے ہوئے ہلاک ہو گئے، پولیس کا کہنا ہے کہ ملزمان اپنے ہی ساتھیوں کی فائرنگ سے ہلاک ہوئے۔

لاہور کے علاقے مانگا منڈی میں صدر انویسٹیگیشن پولیس اور ڈاکوؤں کے درمیان مقابلے میں زیر حراست ملزمان شاہد علی اور ابرار کو دیگر ساتھیوں کی گولیاں لگیں، جس سے شاہد علی ہلاک اور ابرار شدید زخمی ہو گیا۔

پولیس حکام کے مطابق ایس پی انویسٹی گیشن کی سربراہی میں پولیس نے چھاپا مارا تھا، تاہم ملزمان نے گرفتاری سے بچنے کے لیے پولیس پر فائرنگ کی اور فرار ہو گئے۔ ہلاک ملزم قتل، اقدام قتل اور ڈکیتی کے متعدد مقدمات میں ریکارڈ یافتہ تھا۔

پولیس حکام کا کہنا تھا کہ ملزمان نے گزشتہ روز انویسٹی گیشن چوہنگ میں تعینات کانسٹیبل ندیم کو زخمی کیا تھا، ملزمان کے مفرور ساتھیوں کی تلاش کے لیے علاقے میں سرچ آپریشن کیا جا رہا ہے، اور مزید نفری بھی طلب کی گئی ہے۔

دوسرے واقعے میں لاہور کے علاقے آشیانہ روڈ پر نشتر کالونی پولیس اور ڈاکوؤں کے درمیان مقابلہ ہوام جس سے زیر حراست ملزم حماد عرف شمشاد ساتھیوں کی فائرنگ سے مارا گیا، پولیس کا کہنا ہے کہ حماد عرف شمشاد کے 5 ساتھیوں نے پولیس پر فائرنگ کی تھی، ملزم کو مقدمہ قتل میں دیگر ساتھیوں کی گرفتاری کے لیے لے جایا جا رہا تھا۔

ہلاک ہونے والا ملزم قتل اور ڈکیتی کے متعدد مقدمات میں ریکارڈ یافتہ تھا، ملزم کے مفرور ساتھیوں کی تلاش کے لیے پولیس نے ناکہ بندی بھی کی۔

مانگا منڈی مقابلے میں ہلاک ملزم کی واردات کی فوٹیج بھی منظر عام پر آئی ہے، 3 ڈاکوؤں نے کوٹ رادھا کشن میں واقع گودام میں واردات کی تھی، ڈاکو واردات کے بعد مانگا منڈی سے گزر رہے تھے کہ پولیس نے 2 ڈاکو شاہد علی اور ابرار کو پکڑ لیا، تیسرا ساتھی بھاگ نکلا۔